- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კახაბერ ცხადაძე: მივხვდი, რომ მწვრთნელობა ჩემი საქმეა
<p>ბაქოს "ინტერის" თავკაცმა სამწვრთნელო კარიერასა და საქართველო-რუსეთის ურთიერთობაზე ისაუბრა <br> რუსულმა სპორტულმა საიტმა "ჩემპიონატ.რუ"-მ რუსეთში, "თანამეგობრობის თასზე" წარმატებულად მოასპარეზე ბაქოს "ინტერის" მთავარ მწვრთნელთან, კახაბერ ცხადაძესთან ინტერვიუს ჩაწერის შანსი ხელიდან არ გაუშვა. ჩვენმა თანამემამულემ ინტერვიუში, ძირითადად, თავის სამწვრთნელო კარიერაზე ისაუბრა და საქართველო-რუსეთის ურთიერთობასაც შეეხო. ამ ინტერვიუს მცირე შემოკლებით გთავაზობთ.</p><p>კახაბერ ცხადაძემ ფეხბურთელის კარიერა 2004 წელს დაასრულა და ამრიგად, მისი სამწვრთნელო სტაჟი ჯერ სულ 6 წელიწადს ითვლის (თუ არ ჩავთვლით იმ დროს, როცა ის თბილისის "ლოკომოტივში" თამაშისას მწვრთნელის ფუნქციასაც ითავსებდა).</p><p>მიუხედავად ხანმოკლე პერიოდისა, მწვრთნელმა ცხადაძემ უკვე სამი საჩემპიონო ტიტულის მოგება მოასწრო: ორი სამშობლოში - თბილისის "დინამოსთან" და ბოლნისის "სიონთან", ერთი კი აზერბაიჯანში - "ინტერთან" ერთად. 42 წლის სპეციალისტი თავის წარმატების საიდუმლოსა და გუნდზე გვესაუბრება.</p><p><strong>"კოლეგებისგან ვსწავლობ"</strong></p><p><em><strong>- ასე სწრაფად როგორ აუღეთ ალღო სამწვრთნელო საქმეს? როგორია თქვენი მუშაობის პრინციპი?</strong></em></p><p>- ფეხბურთელის კარიერის დასრულების შემდეგ მსურდა გამეგო, რამდენად შევძლებდი მწვრთნელობას. მოგეხსენებათ, ყველა ფეხბურთელისგან კარგი სპეციალისტი არ დგება. გამიმართლა, რომ ჩემი პირველი გუნდი ქართული ფეხბურთის ლეგენდა - თბილისის "დინამო" იყო. მანამდე გარკვეული გამოცდილება კი თბილისის "ლოკომოტივში" მივიღე, სადაც მოთამაშე-მწვრთნელი ვიყავი.</p><p>"ლოკომოტივში" ერთწლიანი მუშაობის შემდეგ გუნდი მეორე ადგილზე გავიყვანე. მაშინ მივხვდი, რომ მწვრთნელობა მსურდა და თან მქონდა საამისო პოტენციალი, მაგრამ ამავდროულად ისიც ვიცოდი, რომ სასწავლი ძალიან ბევრი მქონდა. მანამ, სანამ "დინამოს" სათავეში ჩავუდგებოდი, რუსეთში დავბრუნდი და "ანჟიში" ვითამაშე, სადაც ბრწყინვალე სპეციალისტ გაჯი გაჯიევისგან ბევრი რამ ვისწავლე.</p><p>საერთოდაც, მწვრთნელებში ყოველთვის მიმართლებდა. მახსოვს, როცა "ლოკომოტივი" ჩავიბარე, პირველი, რაც გავაკეთე, ვალერი გაზაევს დავურეკე. შემდეგ შევხვდით და ვისაუბრეთ...</p><p>რაც შეეხება მუშაობის ჩემეულ მეთოდს, ვცდილობ, გუნდს ის ფეხბურთი ვათამაშო, რომლის მოტრფიალეც ვარ. ჩემამდე "ინტერი" სულ სხვა სტილში ირჯებოდა - უპირატესობას გაცილებით ათლეტურ და მარტივ თამაშს ანიჭებდა. ახლა ვცდილობთ, დავიჭიროთ ბურთი, გამოვიყენოთ მოკლე პასი და მეტი კომბინაცია გავაკეთოთ. ამასთან, სათამაშო დისციპლინა ყველა ფეხბურთელს ავალდებულებს, აქტიურად დაეხმაროს დაცვას.</p><p><em><strong>- "ინტერს" მრავლად ჰყავს რუსეთში ნათამაშები ფეხბურთელი. ეს უბრალო დამთხვევის ბრალია თუ თქვენი სელექციის პრინციპის?</strong></em></p><p>- კომპლიმენტს არ გეუბნებით და მართლა ვფიქრობ, რომ რუსული ფეხბურთისა და მისი ეროვნული გუნდის დონე, ბოლო წლების განმავლობაში, საგრძნობლად ამაღლდა. თქვენი პრემიერლიგა ევროპაში ერთ-ერთი უძლიერესი ხდება. შესაბამისად, რა თქმა უნდა, ჩვენ რუსეთის ჩემპიონატში, მათ შორის პირველ ლიგაში მოთამაშეებითაც ვინტერესდებით.</p><p><em><strong>- აქ ყოფნისას ძველ თანაგუნდელებთან ან მწვრთნელებთან კონტაქტს თუ ახერხებთ?</strong></em></p><p>- სამწუხაროდ, ურთიერთობას იმ სიხშირით ვერ ვახერხებთ, როგორის სურვილიც გვაქვს, მაგრამ როცა ვხვდებით, რა თქმა უნდა, გულთბილად ვსაუბრობთ და წარსულს ვიხსენებთ. ახლა "თანამეგობრობის თასზე" ანატოლი ბიშოვეცს შევხვდი და ძალიან გამეხარდა მისი ნახვა - ჩემს კარიერაზე მასაც უდიდესი ღვაწლი მიუძღვის და მადლიერი ვარ.</p><p>ცოტა ხნის წინ ბაქოში სტუმრად მყოფ სტანისლავ ჩერჩესოვს შევხდი. მნიშვნელოვანია, რომ ჩვენ მწვრთნელების რაგნშიც ვურთიერთობთ, ერთმანეთს გამოცდილებას ვუზიარებთ. კოლეგებისგან თავად ბევრს ვსწავლობ.</p><p><strong>"შინ სინთეტიკაზე ვთამაშობთ"</strong></p><p><em><strong>- ზოგიერთმა გუნდმა "თანამეგობრობის თასზე" თამაში არ ისურვა. შეიძლებოდა მათ რიცხვში "ინტერიც" ყოფილიყო? </strong></em></p><p>- ნამდვილად. ამ საკითხზე აზერბაიჯანში დისკუსია გაიმართა. გამოითქვა მოსაზრება, რომ "თანამეგობრობის თასზე" თამაში ჩემპიონატისთვის გუნდის სამზადისზე უარყოფითად იმოქმედებდა. ერთი მხრივ, ეს მართალია - თუკი ფეხბურთელი არათანაბრად დაიტვირთება, ოთხ დღეში სამ სრულ შეხვედრას ჩაატარებს, კარგს არაფერს უნდა მოელოდეს. ამიტომ როტაციას მივმართავთ, რათა დატვირთვა გადავანაწილოთ. ამ ტურნირის შემდეგ ჩემპიონატის დაწყებამდე სამი კვირა გვრჩება და ვფიქრობ, საჭირო ფიზიკური ფორმის მიღწევას მოვახერხებთ.</p><p><em><strong>- ცნობილია, რომ "თანამეგობრობის თასის" სამზადისის დროს თურქულ შეკრებაზე ხელოვნურსაფარიან მოედანზე თამაშს აპირებდით...</strong></em></p><p>- ჩვენ კარგი სპარინგ-პარტნიორები კი შევარჩიეთ, მაგრამ ამ დონის გუნდები მხოლოდ ბუნებრივ გაზონზე თამაშს თანხმდებიან. ჩვენ აზერბაიჯანის ჩემპიონატში საშინაო მატჩებს "სინთეტიკაზე" ვმართავთ და ამრიგად, ერთი ტიპის მოედნიდან მეორეზე გადასვლა არ გვეხამუშება.</p><p><em><strong>- გასაგებ მიზეზთა გამო ტურნირზე არ იმყოფება საქართველოს გუნდი. რა ხდება ქართულ ფეხბურთში დღეს? გჯერათ, რომ მოვა დრო და "თანამეგობრობის თასზე" ისევ ვიხილავთ თბილისის "დინამოს" თამაშს?</strong></em></p><p>- ფეხბურთის განვითარებისთვის ბევრი რამ ქვეყნის ეკონომიკაზეა დამოკიდებული. ახლა ამ მხრივ საქართველოში უკეთესობა შეიმჩნევა - ქვეყანა სწრაფი ტემპით ვითარდება. გამოჩნდნენ ადამიანები, რომლებიც ფეხბურთში ფულს დებენ, რაც მანამდე თითქმის არ ხდებოდა.</p><p>საქართველოში ნიჭიერი მოზარდები ყოველთვის იყვნენ, არიან და მომავალშიც იქნებიან. უბრალოდ, მათთან სწორად მუშაობა და შესაბამისი სავარჯიშო პირობების, ინფრასტრუქტურის შექმნაა საჭირო. გამოჩნდნენ ახალგაზრდა, ამბიციური მწვრთნელებიც და წესით, ამ ყველაფერმა თავისი ნაყოფი უნდა გამოიღოს.</p><p>რაც შეეხება საქართველო-რუსეთის ურთიერთობას, დარწმუნებული ვარ, მოვა დრო და ყველა კონფლიქტი მოგვარდება. თვით ჩვენი პრეზიდენტიც აღნიშნავს, რომ რუსეთთან კავშირები ძალიან მნიშვნელოვანია. თავად შორს ვარ პოლიტიკისგან, მაგრამ ძალიან მინდა, რომ ჩვენმა ქვეყნებმა თავიანთი ძველი, მეგობრული ურთიერთობები აღადგინონ - თუნდაც სხვა სტატუსით. ჩვენ შორის მშვიდობა აუცილებელია.</p><p><strong>ანატოლი რომანოვი</strong></p><p><strong>championat.ru</strong></p><p>.</p>
ტაბატაძის ერთი ტაიმი - "კადისი" სახლში "ბურგოსთან" დამარცხდა
20 წლის ქართველის დებიუტი სერია A-ში და შეუცვლელი გოგლიჩიძე
[VIDEO] "რა დაემართა ჩვენს გუნდს?! ეს სასაცილო აღარაა!" - "მანჩესტერ იუნაიტედთან" მარცხის შემდეგ გაბრაზებულმა ალექსანდერ-არნოლდის ძმამ მიმართვა გაავრცელა
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
აბუაშვილის და წიტაიშვილის "მეცმა" მორიგი მარცხი განიცადა
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
გვარდიოლამ გაამხილა, როდის იფიქრებს მწვრთნელის კარიერის დასრულებაზე