<p>"ქეცბაიამ რწმენა დაგვიბრუნა და აწი უნდა დავამტკიცოთ, რომ შარშანდელი წარმატება შემთხვევითი არ იყო" <br> დავით კვირკველია კარიერას ბერძნულ "პანიონიოსში" გააგრძელებს. საკითხი შეთანხმებულია და დათო საბერძნეთში მალე გაემგზავრება, თუ საქართველოს ნაკრებისა და ყაზანის "რუბინის" ფეხბურთელს საბერძნეთის ვიზას დროულად მისცემენ.</p><p>შეგახსენებთ, კვირკველია 2010 წელს "რუბინიდან" მახაჩყალის "ანჟიში" გაანათხოვრეს, ზაფხულში კი დააბრუნეს და ერთხელაც არ ათამაშეს. ახალი კლუბის ძიება კი 30 წლის ფეხბურთელს დიდხანს არ დასჭირვებია.</p><p><strong>- </strong>"<strong>პანიონიოსში" გადასვლა ფაქტობრივად გადაწყვეტილია?</p><p></strong>- გადაწყვეტილი კი არის, მაგრამ როდის წავალ, წარმოდგენა არ მაქვს.</p><p><strong>- რა გაფერხებს?</p><p></strong>- ვიზას ველოდები და ჯერ ვერ მივდივარ. იმედია, პრობლემა მალე მოგვარდება.</p><p><strong>- ევროკავშირში გამგზავრებისას სავიზო პრობლემა ფეხბურთელებსაც გექმნებათ?</p><p></strong>- არა მგონია, შემაფერხონ, მაგრამ ევროკავშირში შესასვლელად გარკვეული პროცედურებია გასავლელი და ამ შემთხვევაში მნიშვენლობა არ აქვს, ფეხბურთელი ხარ თუ სხვა პროფესიის ადამიანი. წესი ყველასთვის წესია და ყველას საკითხს დეტალურად განიხილავენ. ერთ დღეში კი ვიზა არ კეთდება, მაგრამ იმდენი საბუთის შეგროვება მომთხოვეს, რამდენიმე დღე მჭირდება. ალბათ, ორშაბათამდე ყველაფერი მოგვარდება და ვიზას ავიღებ.</p><p><strong>- </strong>"<strong>პანიონიოსი" შენით როდის დაინტერესდა?</p><p></strong>- ეს არც ვიცი და არც მიკითხავს, მთავარია, რომ დაინტერესდნენ. დამიკავშირდნენ და მითხრეს, რომ ჩემი მიწვევა სურდათ.</p><p><strong>- კონტრაქტის გასაფორმებლად მიდიხარ თუ გასინჯვას გთავაზობენ?</p><p></strong>- კონტრაქტზეა ლაპარაკი, აბა, 30 წლის კაცი გასასინჯად წავალ?</p><p><strong>- რამდენწლიან ხელშეკრულებას გთავაზობენ?</p><p></strong>- ამაზე საბერძნეთში უნდა დავილაპარაკოთ. ჯერ ესეც არ ვიცი.</p><p><strong>- </strong>"<strong>რუბინში" </strong>"<strong>ანჟიდან" რატომ დაგაბრუნეს, თუ არ გათამაშებდნენ?</p><p></strong>- მაგათ რას გაუგებ. "ანჟიმ" ზაფხულამდე მინათხოვრა და წლის ბოლომდე სურდათ ჩემი დატოვება. ეს მეც მინდოდა, რადგან "ანჟიში" მათამაშებდნენ და ჩემთვის ეს ყველაზე მნიშვნელოვანი იყო, მაგრამ ყაზანელები ხან რა თანხას ასახელებდნენ, ხან რას და, საბოლოოდ, კლუბები იჯარის საფასურზე ვერ შეთანხმდნენ. მეც ყაზანში დაბრუნება მომიხდა. მხოლოდ ის ვიცი, რომ "რუბინთან" კონტრაქტი წლის ბოლომდე მქონდა და ეს ნახევარი წელი სკამზე ჯდომა არ მსურდა.</p><p><strong>- ანუ ახლა თავისუფალი აგენტი გახდი?</p><p></strong>- დიახ, თავისუფალი აგენტი ვარ და ეს დიდი შეღავათია.</p><p><strong>- საერთოდ, </strong>"<strong>რუბინს" რა ინტერესი ჰქონდა, თუ არ სჭირდებოდი და არ გათამაშებდა?</p><p></strong>- რა გითხრათ. ეტყობა, რაც მეწერა, ისეც მოხდა და წარსულს ვეღარ შევცვლი.</p><p><strong>- ფაქტია, რომ მომხდარმა ნაკრებშიც ხელი შეგიშალა.</p><p></strong>- ეს ყველაზე საწყენია, კლუბში უთამაშებლად ფორმის შენარჩუნება ძნელი იყო და ხელი მართლაც მეშლებოდა.</p><p><strong>- თუმცა თემურ ქეცბაია მაინც გიწვევდა. მან ნაკრები აშკარად შეცვალა, მაგრამ რამ შეცვალა თავად ფეხბურთელების დამოკიდებულება?</p><p></strong>- რამ და, მან საკუთარი ძალებისა და მთლიანად ჩვენი შესაძლებლობების ვირწმუნეთ. 2010 წელს ჩატარებულ თამაშებში ცხადად გამოჩნდა, რომ საქართველოს ნაკრებს წარმატების მიღწევა შეუძლია.</p><p>მაგრამ გასული წელი და თამაშები უკვე წარსულია, ჩვენ წლეულსაც უნდა დავამტკიცოთ, რომ შარშან კარგად შემთხვევით არ გვითამაშია და ხალხიც უნდა დავარწმუნოთ, რომ უკეთესი ფეხბურთის ჩვენება შეგვიძლია. მოკლედ, ფეხბურთელებისთვის თუ რამ შეიცვალა, უპირველესად ის, რომ ქეცბაიამ რწმენა დაგვიბრუნა.</p><p><strong></p><p>ყოველდღიური სპორტული გაზეთი "ლელო"</strong></p><p>.</p>
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
საქართველო 3:2 ყირგიზეთი
39 დღე გაძლო - "ნოტინგემმა" პოსტეკოღლუ გაათავისუფლა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?
ხვიჩა შეცვლაზე და პსჟ-ს საბრძოლო ფრე "სტრასბურგთან"
"შავი ლომი" | არის რევანში - "ჩიტასი" დამარცხებულია
მიქაუტაძემ შეიძლება "ბეტისთან" ვერ ითამაშოს - ცნობილი გახდა მიზეზი
"სტრასბურგთან" მატჩში პსჟ-ს შემადგენლობა ცნობილია
ფუტსალი | საქართველოს ნაკრები ორ ამხანაგურ მატჩს გამართავს
კვიპროსში კლუბის პრეზიდენტი მოკლეს, რომელიც მატჩების "ჩაწყობაში" ფიგურირებდა
საქართველო - ესპანეთი | ინფორმაცია ბილეთების შესახებ
კანტე ევროპაში ბრუნდება? - ფრანგს სერიოზული მსურველი ჰყავს