<p>ყაზანში მსოფლიოს ჩემპიონატი დასრულდა <br> ყაზანში დასრულდა ცურვაში მსოფლიოს მე-16 ჩემპიონატი. ბოლო დღეს მედლების რვა კომპლექტი თამაშდებოდა. ყველაზე დიდი მოულოდნელობა იყო 50 მეტრზე ბრასში შვედი იენი იოჰანსონის გამარჯვება.</p><p>სანამ ამ ფინალის ფავორიტები - რუსი იულია ეფიმოვა და რუტა მელიუტიტე ერთმანეთს აკონტროლებდნენ, სკანდინავიელი შესანიშნავი საფინიშო სპურტით პირველი მივიდა ფინიშთან და მსოფლიოს ჩემპიონატებზე პირველი მედალი მოიპოვა. რუსმა და ლიტველმა ვერც ვერცხლი აიღეს, რადგან იამაიკელი ალია ატკინსონიც გამოეპარათ.</p><p>* * *</p><p>1500 მეტრზე კაცებს შორის ფავორიტი ჩინელი სუნ იანი იყო, მაგრამ ის ფინალში არ გამოვიდა. მიზეზად ტრავმა დასახელდა, თუმცა საფინალო გაცურვას წინ უძღოდა სკანდალი:</p><p>იანს კონფლიქტი მოუვიდა ერთ-ერთ ბრაზილიელ ქალ მოცურავესთან და თურმე, ჩინელმა მისი ცემაც კი განიზრახა. ასეა თუ ისე, ფავორიტი ფინალში ვერ ვიხილეთ და ოქროსთვის ბრძოლა იტალიელ გრეგორიო პალტრინიერისა და ამერიკელ კონორ ჯაგერს შორის გაიმართა. მიუხედავად იმისა, რომ ფინიშამდე 300 მეტრით ადრე, ჯაგერი ლიდერობდა, ფინიში უკეთ იტალიელს გამოუვიდა. 20 წლის პალტრინიერიმ ევროპის ახალი რეკორდით გაიმარჯვა - 14.39,67. სხვათა შორის, აპენინელმა ასევე ევროპის რეკორდი დაამყარა 800 მეტრზე თავისუფალი სტილით ცურვაში, მაგრამ ჩამორჩა სუნ იანს.</p><p>* * *</p><p>ქალებს შორის 400 მეტრზე კომპლექსურ ცურვაში, 26 წლის კატინკა ჰოშუმ მეორე ოქრო მოიგო ამ ჩემპიონატზე, სულ კი მსოფლიოს ხუთგზის ჩემპიონი გახდა. ჰოშუმ ყაზანში 200 მეტრზე კომპლექსურში მსოფლიოს რეკორდით გაიმარჯვა, აგრეთვე 200 მეტრზე გულაღმა ცურვაში დაისაკუთრა ბრინჯაო. და კიდევ, უნგრელი პირველი ქალი მოცურავეა ისტორიაში, ვინც ზედიზედ ორ ჩემპიონატზე მოიგო ორ-ორი ოქრო 200 და 400 მეტრზე კომპლექსურში.</p><p>* * *</p><p>სამი ოქროთი ტოვებს რუსეთს ავსტრალიელი ბრონტე კემპბელი. ადრე მან მოიგო 4x100 მეტრზე თავისუფალი სტილით ესტაფეტა და 100 მეტრი თავისუფალი სტილი. ბოლო დღეს კი 50 მეტრზე თავისუფალში აჯობა ყველას. კემპბელი მეხუთე ქალია ისტორიაში, ვინც ერთ ჩემპიონატზე 50 და 100 მეტრი დისტანციები მოიგო. მანამდე ეს შეძლეს: ლე იინმა (ჩინეთი, 1994), ინგე დე ბრუინმა (ჰოლანდია, (2001), ლისბი ტრიკეტმა (ავსტრალია, 2007) და ბრიტა შტეფენმა (გერმანია, 2009).</p><p>* * *</p><p>ჩემპიონატის საუკეთესო მოცურავეებად აღიარეს ჩინელი სუნ იანი და ამერიკელი კეტი ლედეცკი. აზიელმა ყაზანში ორი ოქრო და ერთი ვერცხლი მოიპოვა, ლედეცკის ანგარიშზე კი ხუთი ოქრო და მსოფლიოს ორი რეკორდი მოდის.</p><p>მედლების საერთო ჩათვლაში ამერიკის ნაკრებმა გაიმარჯვა - 8 ოქრო, 10 ვერცხლი და 5 ბრინჯაო. სხვათა შორის, ჯამში 23 მედალი მეორე ყველაზე უარესი შედეგია ამ გუნდისთვის 1998 წლის შემდეგ. აშშ-ის ნაკრებს უფრო ნაკლები მედალი (22) 2009 წელს რომში ჰქონდა.</p><p><strong>კაცები</p><p></strong>50 მ. გულაღმა. 1. კამილ ლაკური (საფ) - 24,23; 2. მეტ გრევერსი (აშშ) - 24,61; 3. ბენ ტრეფერსი (ავსტრა) - 24,69...</p><p>400 მ. კომპლექსური. 1. დაია სეტო (იაპ) - 4:08,50; 2. დავიდ ვერაჟტო (უნგ) - 4:09,90; 3. ჩეიზ კალიჩი (აშშ) - 4:10,05...</p><p>1500 მ. თავისუფალი. 1. გრეგორიო პალტრინიერი (იტა) - 14:39,67; 2. კონორ ჯაგერი (აშშ) - 14:41,20; 3. რაიან კოჰრეინი (კან) - 14:51,08...</p><p>4x100 მ. კომბინირებული. 1. აშშ - 3:29,93; 2. ავსტრალია - 3:30,08; 3. საფრანგეთი - 3:30,50...</p><p><strong>ქალები</p><p></strong>50 მ. თავისუფალი. 1. ბრონტე კემპბელი (ავსტრა) - 24,12; 2. რანომი კრომოვიჯოჯო (ჰოლ) - 24,22; 3. სარა სიოსტრიომი (შვედ) - 24,31...</p><p>50 მ. ბრასი. 1. იენი იოჰანსონი (შვედ) - 30,05; 2. ალია ატკინსონი (იამ) - 30,11; 3. იულია ეფიმოვა (რუს) - 30,13...</p><p>400 მ. კომპლექსური. 1. კატინკა ჰოსუ (უნგ) - 4:30,39; 2. მაია დი რადო (აშშ) - 4:31,71; 3. ემილი ოვერჰოლტი (კან) - 4:31,52...</p><p>4x100 მ. კომბინირებული. 1. ჩინეთი - 3:54,41; 2. შვედეთი - 3:55,24; 3. ავსტრალია - 3:55,56...</p><p><strong>მედლების ჩათვლა</p><p></strong> ო ვ ბ ს</p><p>1. აშშ 8 10 5 23</p><p>2. ავსტრალია 7 3 6 16</p><p>3. ჩინეთი 5 1 7 13</p><p>4. ბრიტანეთი 5 1 3 9</p><p>5. საფრანგეთი 4 1 1 6</p><p>6. უნგრეთი 3 2 4 9</p><p>7. შვედეთი 3 2 1 6</p><p>8. იაპონია 3 1 0 4</p><p>9. იტალია 1 3 1 5</p><p>10. ს. აფრიკა 1 3 0 4</p><p><strong>მსოფლიოს რეკორდები</p><p></strong>სარა სოსტრიომი (შვედ) - ქალები. 100 მ. ბატერფლაი - 55.64</p><p>კეტი ლედეცკი (აშშ) - ქალები. 1500 მ. თავისუფალი - 15:25.48</p><p>კეტი ლედეცკი (აშშ) - ქალები. 800 მ. თავისუფალი - 8:07.39</p><p>კატინკა ჰოშუ (უნგ) - ქალები. 200 მ. კომპლექსური - 2:06.12</p><p>ადამ პიტი (ბრიტ) - კაცები. 50 მ. ბრასი - 26.42</p><p>აშშ - შერეული 4x100 მ. თავისუფალი - 3:23.05</p><p>ბრიტანეთი - შერეული 4x100 მ. კომპლექსური - 3:41.71</p><p><strong>ყოველდღიური სპორტული გაზეთი "ლელო"</strong></p>
მამაკაცმა მოცურავეების წინ გაისეირნა და აუზში პირდაპირ თავით გადახტა - კადრები სოციალურ ქსელში ვირუსულად გავრცელდა [VIDEO]
ნოე ფანცხავამ პარიზის ოლიმპიურ თამაშებზე 41-ე ადგილი დაიკავა
15 წლის ანა ნიჟარაძემ ოლიმპიადაზე გამოსვლა დაასრულა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ