- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კობი ბრაიანტი: ფულის გამო არასოდეს მითამაშია
<p>"ლოს ანჯელეს ლეიკერსის" ლიდერმა კობი ბრაიანტმა კიდევ ერთხელ გადაკვრით მიანიშნა, რომ შემდეგი სეზონი, შესაძლოა, ბოლო გახდეს მისთვის <br> "ლოს ანჯელეს ლეიკერსის" ლიდერმა კობი ბრაიანტმა კიდევ ერთხელ გადაკვრით მიანიშნა, რომ შემდეგი სეზონი, შესაძლოა, ბოლო გახდეს მისთვის პროფესიულ კარიერაში. თუმცა, მაინც ნუ ვიჩქარებთ 36 წლის ლეგენდის პენსიაში გაშვებას: ეროვნული საკალათბურთო ასოციაციის ხუთგზის ჩემპიონი და "ყველა ვარსკვლავის მატჩის" 17-გზის მონაწილე ბოლომდე მზად არ არის ხმაურიანი განცხადებების გასაკეთებლად და უკან დასახევ გზას იტოვებს.</p><p>როგორც ბრაიანტი ამბობს, ის ფულისთვის არ რჩება სპორტში - მას მართლაც უყვარს კალათბურთი.</p><p><strong>- "ლეიკერსის" გენერალური მენეჯერი მიტჩ კუპჩაკი ამბობდა, რომ შემდეგი სეზონი, შესაძლოა, ბოლო იყოს თქვენს კარიერაში. ასეა სინამდვილეში?</strong></p><p>- ჯერ არაფერი არ არის გადაწყვეტილი. შეიძლება მართლაც დავასრულო კარიერა მოახლოებული სეზონის შემდეგ. ასეთი გადაწყვეტილების მიღება ყოველთვის რთულია. მოთამაშეები, რომლებთანაც ამ თემაზე მილაპარაკია, მეუბნებოდნენ, რომ გარკვეულ მომენტში მე თავად მივხვდები ყველაფერს.</p><p>სინამდვილეში, ჩემთვის სულერთია - ან შემიძლია ვითამაშო კალათბურთი და გავუძლო NBA-ის კალათბურთელის დატვირთვებს, ან არა. არ ვართულებ ამოცანას. მაგრამ, ყოველთვის უკეთესია, გადაწყვეტილება სეზონის შემდეგ მიიღო. ჩემპიონატის დაწყების წინ, რთულია განსაზღვრო - რა იქნება მომავალში.</p><p><strong>- ჩაფიქრებული ხომ არ გაქვთ გამოსათხოვარი ტურნეს ორგანიზება?</strong></p><p>- ამის განხორციელება საკმაოდ რთული იქნება, რადგან ზუსტად არ ვიცი - დავასრულებ თუ არა კარიერას. დამდეგი სეზონი არ იქნება ჩემთვის გედის სიმღერა, რადგან მთელი ეს ისტორია ჯერ არ დაწერილა.</p><p><strong>- რა მდგომარეობაშია დღეს თქვენი ორგანიზმი და გრძნობთ თუ არა განსხვავებას იმ სიტუაციასთან, რომლითაც მუშაობას იწყებდით შარშანდელ საწვრთნელ ბანაკში?</strong></p><p>- ჩემი ორგანიზმი სრულ წესრიგშია. შესანიშნავად ვგრძნობ თავს. არანაირი შეკითხვები არ არსებობს იმასთან დაკავშირებით, რისი გაკეთება შემიძლია მოედანზე და რისი - არა. აბსოლუტურად ჯანმრთელი და ძლიერი ფეხები მაქვს. სწორედ ამაშია სხვაობა.</p><p>რაც შეეხება სხეულის ზედა ნაწილს, მუდმივად ვმუშაობდი სატრენაჟორო დარბაზში და სიმძიმეებს ვეწეოდი. ფეხებთან დაკავშირებით უფრო რთულად იყო საქმე, მაგრამ ახლა, დარწმუნებული ვარ მათში.</p><p><strong>- NBA-ში მრავალი წელი თამაშისა და ამდენი ტრავმის შემდეგ, რა გაიძულებთ ისევ ამ გზის გავლას?</strong></p><p>- მიყვარს კალათბურთის თამაში, რეალურად სიამოვნებას ვიღებ პროცესისგან. ეს დაუჯერებელია: გავიარე გზა კალათბურთზე შეყვარებული პატარა ბიჭიდან, რომელსაც ეგონა, რომ მუდმივად ითამაშებდა, იმ ადამიანამდე, რომელიც ხვდება, რომ ყველაფერს აქვს დასასრული.</p><p>თუმცა, ხანდახან საინტერესოა ერთი ნაბიჯით უკან დახევა და შექმნილი შედევრით დატკბობა. ეს მდგომარეობა - საპირისპიროა იმ გრძნობისა, რომელსაც ბავშვობაში განვიცდიდი. შესანიშნავია, აი ასე იჯდე 37-ე დაბადების დღის წინ და ამაზე იმსჯელო.</p><p><strong>- როგორ ებრძვით ტკივილებს და როგორ გადიხართ რეაბილიტაციის პროცესს?</strong></p><p>- უბრალოდ, გავდივარ და მორჩა. თუ მე რაღაც გადავწყვიტე და გამოწვევა მივიღე, შუა გზაზე არ ვჩერდები და არ ვეკითხები ჩემს თავს - ღირს კი ეს მონდომება იმ მიზნისთვის, რომლისკენაც მივდივარ. მაგალითად, დღეს უკვე ჩამოვყალიბდი. მტკივნეული მომენტები იქნება, მაგრამ წინ უნდა ვიარო.</p><p><strong>- როდესაც აცნობიერებთ, რამდენად შეიძლება გაიზარდოს თქვენი შემოსავალი მომდევნო სეზონში, არ ფიქრობთ იმაზე, რომ გააგრძელოთ გამოსვლა NBA-ში?</strong></p><p>- არა, ამის გამო კარიერის გაგრძელება სულაც არ ხდება მომხიბვლელი. სულაც არა. ფულის გამო არასოდეს მითამაშია. ის არასოდეს ყოფილა მამოძრავებელი ძალა. ფული მოდის და მიდის, საკუთარი მომავალი კი მე უკვე უზრუნელყავი. რად მინდა ფული - რომ ის უფრო მეტი გახდეს? მე მყავს ოჯახი, შეძლებული ადამიანი ვარ. და ეს, დიდწილად, ღმერთის წყალობაა.</p><p>არავითარ შემთხვევაში არ ვაკნინებ პირადი შემოსავლის მნიშვნელობას. არ მინდა ჩემი სიტყვები ისე გაიგონ, თითქოს მადლობას არ ვუხდიდე იმ ადამიანებს, რომლებმაც ჩემში სოლიდური თანხა ჩადეს. მაგრამ, ამავდროულად, დავსვათ კითხვა - რა არის კალათბურთელისთვის ყველაზე მნიშვნელოვანი? გავიმეორებ - არასოდეს მითამაშია ფულის გამო.</p><p>როცა ცხოვრებაში პირველად ვიცვამდი სპორტულ ფეხსაცმელებს, არანაირი წარმოდგენა არ მქონდა, რა თანხას უხდიდნენ NBA-ის კლუბები მეჯიქ ჯონსონს ან ლარი ბერდს. ვთამაშობდი იმიტომ, რომ მიყვარს კალათბურთი.</p><p><strong>- რა შეგიძლიათ თქვათ დღევანდელ "ლეიკერსზე"?</strong></p><p>- კლუბმა ყველაფერი გააკეთა იმისთვის, რომ მომავალს იმედით ვუყუროთ. მენეჯმენტმა დრაფტზე შესანიშნავად იმუშავა. თავისუფალი აგენტები, რომლებთანაც კონტრაქტი გაფორმდა - როი ჰიბერტი, ბრენდონ ბასი, ლუ უილიამსი - სოლიდური მოთამაშეები არიან.</p><p>ახლა, გუნდში ვხედავთ პერსპექტიულ ახალგაზრდებს და გამოცდილ ვეტერანებს. გამოწვევა, რომელსაც იღებს "ლეიკერსი", იმაში მდგომარეობს, რომ გაერთიანდეს მოთამაშეთა ეს ორი ჯგუფი და შეამციროს დროის ის მონაკვეთი, რომელიც ახალბედებს ადაპტაციისთვის სჭირდებათ.</p><p>რა დრო დაგვჭირდება იმისთვის, რომ გუნდმა თავისი საუკეთესო კალათბურთის თამაში დაიწყოს? იმდენი, რამდენიც დ’ანჯელო რასელსა და ჯულიუს რენდლს დასჭირდებათ მწყობრში ჩასადგომად.</p><p>მაგალითად, იმავე ჯორდან კლარკსონმა გასულ რეგულარულში ფასდაუდებელი გამოცდილება მიიღო და ეს "ლეიკერსს" ძალიან გამოადგება. მოუთმენლად ველოდები მომენტს, როცა ამ ბიჭებთან ერთად გავალ მოედანზე.</p><p><strong>- შეუძლია თუ არა "ლეიკერსს" პლეი ოფში გასვლა?</strong></p><p>- რა თქმა უნდა. თითოეულ პოზიციაზე ძლიერი შემსრულებელები გვყავს. არის ნიჭიერი ახალგაზრდობა. როგორ შეერწყმებიან სურათის ეს ელემენტები ერთმანეთს? ეს ჯერ არ ვიცი.</p><p>საწვრთნელ ბანაკში ერთი მიზნით შევიკრიბებით: ჩამოვაყალიბოთ ერთიანი გუნდი. მოგვიწევს იმის გარკვევა - რაშია დღევანდელი "ლეიკერსის" ძლიერი და სუსტი მხარეები. ყოველ ჯერზე, როცა ჩვენ მოედანზე გავალთ, საკუთარი თამაში უნდა ვაჩვენოთ და დავფაროთ ნაკლოვანებები.</p><p><strong>- როგორ უყურებთ მსუბუქი ფორვარდის პოზიციაზე გადასვლის პერსპექტივას?</strong></p><p>- სიმართლე გითხრათ, დიდ განსხვავებას ვერ ვხედავ. პირადად თქვენთვის რას ნიშნავს შემტევი მცველიდან მსუბუქ ფორვარდად გადასვლა? ყველაფრის მიუხედავად, გუნდები მაინც "სმოლ-ბოლს" თამაშობენ.</p><p>NBA-ში არიან ფორვარდები მცველის მახასიათებლებით, ან ცენტრები, რომლებსაც შეუძლიათ ითამაშონ ფორვარდის პოზიციაზე. რაშია განსხვავება? დამისახელეთ თუნდაც ერთი მსუბუქი ან მძიმე ფორვარდი ამ სიტყვების თანამედროვე გაგებით, რომლებსაც შეუძლიათ ფართან ზურგით თამაში, და შეადარეთ იმას, რაც ადრე ხდებოდა მოედანზე.</p><p>ჩემთვის შემტევი მცველისა და მსუბუქი ფორვარდის პოზიციებს შორის არანაირი სხვაობა არ არსებობს. ყველა გუნდი, "მემფისის" გარდა, მეტოქის დაცვას წელავს და პერიმეტრიდან უტევს.</p><p><strong>- გეგმავს თუ არა ბაირონ სკოტი რეგულარულ ჩემპიონატში თქვენი სათამაშო დროის შეზღუდვას?</strong></p><p>- შესაძლოა. ჯერჯერობით არაფრის თქვა არ შემიძლია ამასთან დაკავშირებით. გადაწყვეტილებას მატჩიდან მატჩამდე მივიღებთ. ყველა ვარიანტი დამაკმაყოფილებს, რადგან საკმაოდ დამყოლი ადამიანი ვარ. მოვუსმენ სამწვრთნელო შტაბსა და საკუთარ ორგანიზმს.</p><p><strong>- თქვენი ქალიშვილები როგორ აღიქვამენ NBA-ში კარიერის გაგრძელების გადაწყვეტილებას?</strong></p><p>- მათ უფრო ხშირად სურთ ჩემი სახლში ხილვა. მეც მომწონს მათ გვერდით ყოფნა. მაგრამ ისინი გრძნობენ ჩემს ტკივილს. მათ ესმით, რომ იმ ადამიანისთვის, რომელიც მხოლოდ იმას აკეთებდა, რომ კალათბურთს თამაშობდა ბავშვობიდან, მალე ყველაფერი დამთავრდება.</p><p>დიახ, ისინი ხედავენ, როგორ ვმუშაობ საკუთარ თავზე, ვვარჯიშობ, ვინარჩუნებ ფორმას, მაგრამ მათთვის, პირველ რიგში, მამად დავრჩები.</p><p>როცა ვცდილობ, ვუჩვენო მათ რაიმე მოძრაობა ბურთით, ისინი გაკვირვებულნი მიყურებენ და მეკითხებიან: "ამას სერიოზულად აკეთებ?" ისეთი გრძნობაა, თითქოს არ ვიცი, რაზე ვლაპარაკობ. დაუჯერებელი შეგრძნებაა.</p><p><strong>- მალე ჩინური კომპანია "ალიბაბა გრუპი" გამოუშვებს დოკუმენტურ ფილმს - "კობი ბრაიანტის მუზა", რომელიც თქვენს ცხოვრებას მიეძღვნება. გარდა ამისა, შეიქმნება თქვენი ბრენდის რანგში უამრავი სერვისი და დამატება და ის ხელმისაწვდომი იქნება ჩინეთის 350 მილიონი მოქალაქისთვის. რა შედეგს ელით ამ კამპანიისგან?</strong></p><p>- არანაირი საიდუმლო არ არსებობს - მინდა მოვყვე რამდენიმე ისტორია, რომელიც ადამიანებს აღმაფრენას მისცემს. თავდაპირველად, ჩნდება აღმაფრენა, და მხოლოდ შემდეგ - სერვისები, რომელიც დაეხმარება ადამიანებს მიიღონ წვდომა იმაზე, რის მიმართაც სწრაფვა გააჩნიათ.</p><p>ყველაფერი სწრაფვაშია. და კიდევ მოგზაურობასა და თავგადასავლებში. სწორედ აქედან გამოვდივართ, როცა Kobe, Inc-ის ბრენდს ვანვითარებთ.</p><p><strong>- რამ გადაგაწყვეტინათ ასეთი მასშტაბური სამუშაო - ჩინეთის ბაზარზე გასვლა სუპერთანამედროვე ტექნოლოგიებით?</strong></p><p>- როცა 2013 წლის აპრილში აქილევსის მყესის სერიოზული ტრავმა მივიღე, გავიფიქრე, რომ ჩემი კარიერა დასრულებული იყო. ჩემს ასაკში უკვე აღარ მქონდა ახალბედას მენტალიტეტი და მესმოდა - არ შემიძლია მუდმივად კალათბურთის თამაში.</p><p>ამიტომაც, სულ ვფიქრობდი და ვსწავლობდი, ბიზნესიდეებს ვახარისხებდი, მაგრამ სერიოზულად არ ვმუშაობდი მათ რეალიზაციაზე. იმ ტრავმის შემდეგ ჩავთვალე, რომ მოქმედების დრო მოვიდა.</p><p>დავიწყე საკუთარი თავისთვის კითხვების დასმა - კონკრეტულად რისი გაკეთება მინდოდა. არ ვაძლევდი ჩემს თავს იმაზე ფიქრის უფლებას - რომელი ინდუსტრიაა ყველაზე მომგებიანი და სად შემიძლია გამოვიმუშაო თანხის მაქსიმალური რაოდენობა.</p><p>ჩემი აზრით, ეს კატეგორიულად არასწორი მიდგომაა. ამიტომაც, მცირე პაუზა ავიღე და სხვა მხრიდან მოვუარე. "რისი გაკეთება მომწონს ყველაზე მეტად?" მომწონს ჭკუის სასწავლებელი ისტორიების მოყოლა. მიყვარს ადამიანებისთვის აღმაფრენის მიცემა. თავდაპირველად არ ვიცოდი, როგორ ამეწყო ამაზე ბიზნესი, მაგრამ თანდათანობით გავარკვიეთ ეს. დღეს უკვე ზუსტი გეგმა გვაქვს და მას მივყვებით.</p><p><strong>- თქვენი აზრით, კიდევ სად შეიძლება გიხილოთ კარიერის დასრულების შემდეგ?</strong></p><p>- ამაზე დღეს არ ვფიქრობ. მთლიანად კონცენტრირებული ვარ მიმდინარე პროექტის რეალიზაციაზე. ეს მართლაც რთულია. არის ბევრი რამ, რისი გაკეთებაც შემიძლია. არსებობს უამრავი იდეა. მე და ჩემს პარტნიორებს ნებისმიერი მიმართულებით წასვლა შეგვიძლია. მაგრამ მე მჯერა უკიდურესი კონცენტრაციის და დასახული მიზნისკენ მოძრაობის.</p><p>მოვიდა ჩემი ჩანაფიქრების განხორციელების დრო.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
-
llcl
ამ სტატიის წაკითხვა ჩვენ ფეხბურთელებსაც არ აწყენდათ, თუ კითხვაც ისე იციან როგორც თამაში, ცოტა გაუჭირდებათ, მაგრამ მაინც
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"NBA-ის ისტორიაში საუკეთესო მექულე ვარ" - პოლ პირსი
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
"ვისურვებდი, კობის და ჯიჯის ეს მომენტი ენახათ" - "ლეიკერსმა" დონჩიჩი წარადგინა
რა მოხდა სინამდვილეში? პილოტმა ორიენტაცია დაკარგა...
დონჩიჩმა დაბადების დღე გამარჯვებით აღნიშნა - "ლეიკერსმა" კალიფორნიულ დერბიში "კლიპერსი" დაამარცხა [VIDEO]
გამარჯვების მომტანი სამქულიანი საკუთარი ნახევრიდან - საოცარი მატჩი NBA-ში [VIDEO]
კობი 2 წლის წინ დაიღუპა, გავიხსენოთ ლეგენდარული ინტერვიუ
კარის წარმოუდგენელი რეკორდი - "ოქროს ბიჭუნას" ვერავინ აჩერებს [VIDEO]
სარეკორდო გარიგება სპორტის ისტორიაში - "ლეიკერსი" 10 მილიარდ დოლარად გაიყიდა
"მისნაირი კალათბურთელი აქამდე არ გვინახავს" - იოკიჩმა დონჩიჩზე ისაუბრა
40 წლის ლებრონ ჯეიმსმა "ლოს ანჯელეს ლეიკერსს" ბოლო წამზე მოაგებინა [VIDEO]
ლებრონ ჯეიმსის მორიგი რეკორდი და გამარჯვება [VIDEO]
დონჩიჩი ყოფილ გუნდს პირველად დაუპირისპირდა - სლოვენიელმა სამმაგი დუბლი შეასრულა [VIDEO]
Marca-მ სერენას წასვლის შემდეგ ლეგენდების დამშვიდობება გაგვახსენა