- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
პრემიერლიგა. XXIV ტურის წინ: დღეს ბენტი გაიტანსო
<p><p>„ვილა პარკზე“ პირისპირ წარსდგებიან გუნდები, რომელთაც ბოლო ხანს, თავდასხმის გაძლიერებისთვის 50 მლნ-მდე ფუნტი გაიღეს</p> <br> დღეს პრემიერლიგის მოყვარულებს ერთი დიდი სეირი ელით: ბირმინგემის „ვილა პარკზე“ ერთმანეთის პირისპირ წარსდგებიან გუნდები, რომელთაც ბოლო ხანს, ჯამში თუ ვუანგარიშებთ, დაახლოებით 50 მილიონი ფუნტი გაიღეს, რათა თავდასხმა გაეძლიერებინათ. ამ გუნდებს მიმდინარე სეზონში სულ სხვადასხვა მიზნები ამოძრავებთ, მაგრამ დღევანდელ შეხვედრაში ამოცანა ერთნაირი აქვთ: გამარჯვება. სხვა საქმეა, რომ ორივე ვერ მოიგებს და ამიტომ ერთ-ერთს გული აუცილებლად დაწყდება:</p><p>ან „მანჩესტერ სიტი“ შეფერხდება ჩემპიონობისთვის ბრძოლაში ან „ასტონ ვილა“ ჩარჩება ისეთ ადგილას, სადაც ერთი უშნო გადასახედია და იქიდან ქვედა ლიგა - „ჩემპიონშიპი“ მოსჩანს.</p><p><p>დიახ, „ვილა“ გასავარდნ სამეულზე მაღლა მხოლოდ გატანილ-გაშვებულთა უკეთესი ბალანსის გამოა, თორემ ქულებით იქვეა - „უიგანის“ ტოლად და „ვულვზზე“ ერთით მაღლა. და აი, დღეს, ეს გუნდი კიდევ უფრო უარეს დღეში ჩავარდნისგან უნდა იხსნას თავდამსხმელმა, რომელმაც წინა ტური „სანდერლენდის“ შემადგენლობაში ჩაატარა, მერე კი 24 მილიონ ფუნტად „ასტონ ვილაში“ „გაიქცა“ და ამ ნაბიჯით დიდი აჟიოტაჟი გამოიწვია - დარენ ბენტზე მოგახსენებთ, რომლის შესახებაც ამ დღეებში იმდენს გიამბობთ, რომ ამ წერილში მასზე დიდხანს აღარ შევჩერდებით. მხოლოდ იმას გავიმეორებთ რაც პრეზენტაციაზე მის შესახებ „ვილას“ ფრანგმა თავკაცმა ჟერარ ულიემ თქვა:</p> <p></p><p>„ერთადერთი, რაც მისი დებიუტის შესახებ შემიძლია მოგახსენოთ ის არის, რომ როდესაც ბენტი ამა თუ იმ გუნდში პირველად თამაშობს, მას გოლი გააქვს. ისე ნუ გამიგებთ, თითქოს, ამ სიტყვებით მეტოქეზე და მის მწვრთნელ რობერტო მანჩინიზე ზემოქმედებას ვცდილობდე, მაგრამ იმედი, რომ ამჯერადაც ასე მოხდება და ბენტი „მანჩესტერ სიტის“ გოლს გაუტანს, ნამდვილად მაქვს.“</p><p>ჩავხედოთ სტატისტიკას: როდესაც „ტოტენჰემში“ გატარებული არცთუ წარმატებული პერიოდის შემდეგ დარენ ბენტი „სანდერლენდში“ გადავიდა, მართლაც პირველივე შეხვედრაში შეაგდო, შემდეგ კი ჩრდილო-აღმოსავლეთის გუნდის მაისურით 52 შეხვედრაში 32 გოლი შეაგდო.</p><p>„მინდა „ასტონ ვილას“ ქულების მიმატებაში დავეხმარო - თქვა ბენტმა მატჩისწინა პრესკონფერენციაზე - ეს გუნდი არასახარბიელო პოზიციაზეა. ბირმინგემელები აქ ყოფნას არ იმსახურებენ. მე ძალიან ვამაყობ, რომ კლუბის ხელმძღვანელობამ დიდი ნდობა გამომიცხადა და მინდა მადლობა საქმით გადავუხადო.“</p><p>ხოლო „მანჩესტერ სიტიმ“, მოგეხსენებათ, „ვოლფსბურგიდან“ ედინ ჯეკო გადაიყვანა და მართალია, წინა ტურში უკვე ათამაშა, ბოსნიელისგან თანდათან მეტს და მეტს ელის. საერთოდაც, ბოლო რამდენიმე ტურია, რაც ისტლენდელებმა თავი ტიტულის ნამდვილ კანდიდატებად წარმოაჩინეს. ამ გუნდს ოთხეულისთვის მებრძოლად ადრეც აღიქვამდნენ, მაგრამ როგორც კი ლაპარაკი ინგლისის ჩემპიონობაზე ჩამოვარდებოდა, მეტწილად ირონიული შენიშვნებით შემოიფარგლებოდნენ, ხოლმე. დღეს უკვე სხვა სურათია: „სიტი“ გულშემატკივარს კარგი თამაშით, მოგებებით და ბევრი გოლით ახარებს. განსაკუთრებით კარგ ფორმაშია არგენტინელი კარლოს ტევესი, რომელმაც ბოლო სამ შეხვედრაში ოთხი გოლი გაიტანა. ახლა მას ჯეკო შეუწყვილდება და თუ შეთამაშდნენ...</p><p>„სიტის“ ვეტერანი, ფრანგი პატრიკ ვიეირა: „მე თუ მკითხავთ, ბევრი განსხვავების მიუხედავად კარლოსი ისეთივე დონის თავდამსხმელია, ტიერი ანრი რომ იყო. როდესაც ჩემპიონობისთვის იბრძვი, გუნდში აუცილებლად უნდა გყავდეს ფორვარდი, რომელიც სეზონის განმავლობაში 20-25 ან კიდევ უფრო მეტ გოლს გაიტანს.“</p><p>პრემიერლიგის დაუმარცხებელი ლიდერი „მანჩესტერ იუნაიტედი“ დღესვე მასპინძლობს „ბირმინგემ სიტის“. მეტიც, „იუნაიტედის“ თამაში უფრო ადრეა, ასე რომ, „სიტის“ მოედანზე გასვლის წინ უკვე ეცოდინება, რა ქნა თანაქალაქელმა კონკურენტმა. „მანჩესტერ იუნაიტედთან“ ერთად იწყება „არსენალისა“ და „უიგან ატლეტიკის“ თამაშიც. მასპინძელი „არსენალია“ და შესაბამისად, მოგების დიდი შანსი აქვს. სხვა სიტყვებით, ისტლენდელებზე ფსიქოლოგიური ზემოქმედება „მეთოფეებსაც“ შეუძლიათ.</p><p>„იუნაიტედმა“ წინა ტურში „უაით ჰართ ლეინზე“ „ტოტენჰემთან“ 0:0 ითამაშა - ეს გახლდათ სტუმრად, ლიდერის მერვე ფრე მიმდინარე სეზონში. მანჩესტერელთა ვებსაიტზე ნახევარმცველმა მაიკლ ქერიკმა დაწერა:</p><p>„თუკი ჩემპიონატის ბოლოს პირველ ადგილზე აღმოჩნდები, უკან გამოიხედავ, განვლილ გზას თვალს გადაავლებ და იტყვი, რომ რომელიღაცა პერიოდში საუკეთესო ფორმაში არ იყავი, მაგრამ საბოლოოდ მთავარი მაინც ერთი რამ არის - გახდი თუ არა ჩემპიონი. იგებ თუ ფრეებს თამაშობ არ აქვს მნიშვნელობა, მთავარია ჩემპიონობისკენ სავალი გზა იპოვნო.“</p><p>„ტოტენჰემი, რომლის მიზანი, ალბათ, ოთხეულში მოხვედრაზე მეტი არ უნდა იყოს, ნიუკასლში მიდის. გამარჯვების შემთხვევაში ჰარი რედნაპის ბიჭები „ჩელსის“ გადაასწრებენ და ოთხეულში შევლენ - „ლურჯები“ ხომ ორშაბათამდე არ თამაშობენ. ორშაბათს „ჩელსი“ „ბოლტონს“ ესტუმრება. ამბობდნენ, რომ შეხვედრაში შეიძლება ვარჯიშზე დაშავებულ ფრენკ ლემპარდს ვერ ეთამაშა, მაგრამ ბოლო ტესტები იმედისმომცემი გამოდგა.</p> <p> </p> <p><em>დღეს</em></p><p><em><strong>ვულვერჰემპტონი-ლივერპული 16:45</strong></em></p><p>დისკვალიფიკაცია: ელოკობი - ჯერარდი</p><p>ტრავმა: მენსიენი, ედუარდსი, კიგთლი გუედიოურა, დევისი - კარაგერი</p> <p> </p> <p><em><strong>არსენალი-უიგანი 19:00</strong></em></p><p>დისკვალიფიკაცია: სანია (არსენალი)</p><p>ტრავმა: დიაბი, ალმუნია, ვერმაელენი, ფრიმპონგი, გიბსი, ფაბიანსკი, სკილაჩი - კლივერი, კირკლენდი, მაკკარტი, დი სანტო, მოზესი</p> <p> </p> <p><em><strong>ბლექპული-სანდერლენდი 19:00</strong></em></p><p>ტრავმა: გრენდინი, ჰერევუდი, ბეშემი, გილკსი, ელმონდი, კლარკი - მეილერი, კეტერმოლი, ტერნერი, კემპბელი, მენსა</p> <p> </p> <p><em><strong>ევერტონი-ვესტ ჰემი 19:00</strong></em></p><p>დისკვალიფიკაცია: ობინა (ვესტ ჰემი)</p><p>ტრავმა: ჯეგიელკა, ჰეიტინგა, ბარკლი - დაიერი, მაკკარტი, ილუნგა, ედგარი, და კოსტა, ჰიცშპერგერი, კოლისონი, კურუჟი</p> <p> </p> <p><em><strong>ფულჰემი-სტოკი 19:00</strong></em></p><p>ტრავმა: ბრიგსი, ჰელიჩი, სტორი, ზამორა, სენდეროსი - სიდიბე</p> <p> </p> <p><em><strong>მანჩესტერ იუნაიტედი-ბირმინგემი 19:00</strong></em></p><p>ტრავმა: ო’ში, ჰარგრივზი, ვალენსია – მაკფადენი, დანი</p> <p> </p> <p><em><strong>ნიუკასლი-ტოტენჰემი 19:00</strong></em></p><p>დისკვალიფიკაცია: ქაბული, დეფი (ორივე ტოტენჰემი)</p><p>ტრავმა: ქეროლი, კემპბელი, ტიოტე, ბენ არფა, რ. ტეილორი - კრანჩარი, კინგი, ჰადლსტოუნი, ო’ჰარა, ვუდგეიტი</p> <p> </p> <p><em><strong>ასტონ ვილა-მანჩესტერ სიტი 21:30</strong></em></p><p>დისკვალიფიკაცია: ე. იანგი, ჰესკი (ორივე ასტონ ვილა)</p><p>ტრავმა: ლ. იანგი, დელფი - რიჩარდსი, ბალოტელი</p> <p> </p> <p><em>ხვალ</em></p><p><em><strong>ბლექბერნი-ვესტ ბრომვიჩი 20:00</strong></em></p><p>დისკვალიფიკაცია: ოლსონი (ვესტ ბრომვიჩი)</p><p>ტრავმა: ჯონსი, გრელა, ენდრიუსი, რობერტსი – რიდი, მეტოკი</p> <p> </p> <p><em>ზეგ</em></p><p><em><strong>ბოლტონი-ჩელსი 24:00</strong></em></p> <p></p><p>1. მანჩესტერი 21 12 9 0 43:19 45</p><p>2. სიტი 23 13 6 4 37:19 45</p><p>3. არსენალი 22 13 4 5 45:22 43</p><p>4. ჩელსი 22 11 5 6 38:19 38</p><p>5. ტოტენჰემი 22 10 7 5 31:25 37</p><p>6. სანდერლენდი 23 8 10 5 26:23 34</p><p>7. ბოლტონი 23 7 9 7 34:31 30</p><p>8. სტოკი 22 9 3 10 28:26 30</p><p>9. ნიუკასლი 22 8 5 9 35:32 29</p><p>10. ბლაქპული 21 8 4 9 31:36 28</p><p>11. ბლექბერნი 23 8 4 11 29:37 28</p><p>12. ევერტონი 22 5 11 6 25:27 26</p><p>13. ლივერპული 22 7 5 10 27:31 26</p><p>14. ვესტ ბრომვიჩი 22 7 4 11 29:41 25</p><p>15. ფულჰემი 22 4 11 7 23:25 23</p><p>16. ბირმინგემი 21 4 11 6 21:26 23</p><p>17. ასტონ ვილა 22 5 7 10 24:39 22</p><p>18. უიგანი 22 4 10 8 19:34 22</p><p>19. ვულვზი 22 6 3 13 24:38 21</p><p>20. ვესტ ჰემი 23 4 8 11 22:41 20</p><p>ბომბარდირები: 14 - ბერბატოვი (მანჩესტერ იუნაიტედი), ტევესი (მანჩესტერ სიტი); 11 - ქეროლი (ნიუკასლი); 10 - ნოლანი (ნიუკასლი); 9 - ტ. კეჰილი (ევერტონი), ელმანდერი (ბოლტონი), ნასრი (არსენალი), ვან დერ ვაარტი (ტოტენჰემი); 8 - ბენტი (სანდერლენდი), დროგბა - (ჩელსი), მალუდა (ჩელსი), ოდემვინგე (ვესტ ბრომვიჩი); 7 - ბეილი (ტოტენჰემი), კემპბელი (ბლექპული), შამახი (არსენალი), კ. დევისი (ბოლტონი).</p> <p> </p> <p> </p> <p> </p> . <p> </p> <p> </p></p>
გადაწყვეტილება შეცვალეს - "სიტისთან" განადგურების შემდეგ, "ლივერპულის" ხელმძღვანელობამ სლოტის მომავალზე იმჯელა
ვან დეიკმა "სიტისთან" განადგურების პასუხისმგებელ პირებზე ისაუბრა და პსჟ-ისთან მატჩამდე "ლივერპულის" ფეხბურთელებს მიმართა
დადასტურდა - სილვა სეზონის დასრულების შემდეგ "სიტის" დატოვებს
19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა