როგორ გავაბრაზოთ კოლეგები

სატრანსფერო ამბები იან ჰოლუეიმ „ასტონ ვილას“ მკვახედ შეუძახა: ბირმინგემელებმა „სანდერლენდისთვის“ 24 მილიონ ფუნტად დარენ ბენტის „წართმევის“ შემდეგ, ორიოდ დღეში, „ბლექპულისგან“ ჩარლი ადამის მოპარვაც სცადეს. 25 წლის შოტლანდიელი ნახევარმცველი „ბლექპულის“ გამოკვეთილი ლიდერია და კლუბში თავს კარგად გრძნობს, „ვილას“ შეფების საქციელმა კი შეიძლება მოსვენება დააგარგინოს - სწორედ ამან განარისხა ჰოლოუეი. შეგახსენებთ, რომ „ბლექპულის“ თავკაცი ბოლო ორ კვირაში უკვე მეორედ ესხმის ბირმინგემელთა თავკაცს, ჟერარ ულიეს თავს. ერთი კვირის წინ მან თქვა, რომ ადამის სანაცვლოდ 3,5 მილიონი ფუნტის შეთავაზება ცინიზმია და მეტი არაფერი. აღსანიშნავია, რომ ჰოლოუეი შეგუებულია იმას, რომ ადრე თუ გვიან ადამს წაართმევენ - ისეთ ნიჭიერ მოთამაშეს, როგორიც 185 სანტიმეტრი სიმაღლის შოტლანდიელი გახლავთ, „ბლექპულში“ არავინ დატოვებს. აქ, უბრალოდ, საქმე ფასშია: 47 წლის სპეციალისტის აზრით ადამის ფასი 46 მილიონი ფუნტია, ეს თანხა კი 3,5 მილიონისგან საგრძნობლად განსხვავდება. ჰოლოუეიმ თქვა: „ბირმინგემელებს დიდი კლუბი ჰყავთ და სწორედ ამიტომ არის ჩემთვის გაუგებარი რატომ შეეშალათ ასეთი უბრალო რამ: რა პრინციპით შეაფასეს დარენ ბენტი 24 მილიონ ფუნტად, ჩარლიში კი 3,5-ს იძლევიან. ეს სასაცილოა. ყველაფერზე ნათლად მეტყველებს ის თანხა, რომელიც თავად გადაიხადეს „ასტონ ვილამ“ კამერუნელ ჟან მაკუნში - 6 მილიონი ფუნტი. რა გამოდის, რომ მაკუნი ადამზე 2,5 მილიონი ფუნტით ძვირი უნდა ღირდეს?აქ ყველაფერი მარტივია, ისინი ჩარლის მოტაცებას ცდილობენ. მე, რასაკვირველია, შეგუებული ვარ იმას, რომ ჩარლის „ბლექპულში“ არავინ დატოვებს, მაგრამ გარწმუნებთ, მას ისე გავუშვებ, რომ ღირსებას არ დავკარგავ. გარშემო ისეთ ხალხს ადევს საკმაოდ ძვირი ფასი, რომელთა თამაში თვალით არ მინახავს ან მინახავს და ვიცი, რომ ჩარლიზე გაცილებით უარესი ფეხბურთელები არიან. დღეს ფაქტი ასეთია: ადამი კონტრაქტის თანახმად „ბლექპულის“ საკუთრებაა და კიდევ 18 თვის განმავლობაში ჩვენთან უნდა ითამაშოს. მესმის, რომ ამდენ ხანს ის აქ ვერ დარჩება, მაგრამ დღეისათვის ჩარლი ჩვენი ლიდერია და ეს თავადაც კარგად მოეხსენება. მან ისიც კარგად იცის, რომ თუ ესა თუ ის კლუბი შესაფერის ფასს შემოგვთავაზებს, შეუძლია წავიდეს. ასე რომ, ჩვენს გუნდში სიტუაციის არევის მიზნით პროვოკაციული წინადადებებით გამოსვლას არავის ვურჩევ. დაანებეთ თავი „ბლექპულისა“ და ჩარლი ადამის შეურაცხყოფას.“იმაში, რომ „ბლექპული“ დღეისათვის პრემიერლიგის ცხრილში მეათე ადგილზეა და გასავარდნთა ზონას 6 ქულით აღემატება, ადამის დიდი დამსახურებაა.ახლა კი „ასტონ ვილაზე“ გაბრაზებულ მეორე კაცზე, „სანდერლენდის“ მწვრთნელ სტივ ბრუსზე გადავერთოთ. მას რომ დარენ ბენტი „მოსტაცეს“ ბოლო დღეებში უკვე ბევრჯერ დავწერეთ და ისიც აღვნიშნეთ, რომ ამან ბევრი გააღიზიანა. გაღიზიანებულთა შორის უმთავრესი, რასაკვირველია, ბრუსი გახლდათ, მაგრამ აქამდე არ გვითქვამს, რომ 50 წლის მწვრთნელმა თავის კოლეგას, „ვილას“ თავკაც ჟერარ ულიეს პირადად შეუტია.მთავარი რასაც ბრუსი ულიეს ედავებოდა უპატივცემულობა გახლდათ. ასე განსაჯეთ, ბენტთან დაკავშირებასა და მისთვის „ასტონ ვილაში“ გადასვლის შეთავაზებამდე ბირმინგემელთა ფრანგ თავკაცს სანდერლენდელი კოლეგისთვის არც დაურეკავს, ის საქმის კურსში საერთოდ არ ჩაუყენებია - ყველაფერი ბრუსის ზურგსუკან ჩატარდა. ბრუსმა თქვა:„ბატონ ულიეს დიდ პატივს ვცემდი და რას წარმოვიდგენდი, რომ ეს ადამიანი ერთხელაც არ დამირეკავდა. რომ შემხმიანებოდა და ეთქვა, მე თქვენი ამა და ამ ფეხბურთელით ვარ დაინტერესებული, ელემენტარული პატივისცემის გამოხატულება იქნებოდა. გარდა ამისა, რამეს ვიღონებდი. შანსი გამიჩნდებოდა ასე უსუსურად არ გამოვჩენილიყავი. ვინმე შემცვლელს მოვძებნიდი. ახლა ვიღაც მეტყვის, რომ ჩვენ ბენტს კვირას საღამოს 8 საათზე მოლაპარაკებების მაგიდაზე დაჯდომის შანსი თავად მივეცით... ასე მსჯელობა შეურაცხმყოფელია. ასე ხდება ხოლმე, აბა რა უნდა გვექნა? აქ, ცუდი ის არის, რომ ის, ვისაც ძალა აქვს, მას თავხედურად იყენებს.“ .

თუ გვარდიოლა წავა - "სიტის" მწვრთნელი ენცო მარესკა გახდება

[VIDEO] "ნოტინგემის" მწვრთნელი გაგიჟდა - მაკ ალისტერმა 97-ე წუთზე "ლივერპულს" 3 ქულა მოუტანა

ანსუ ფატი შესაძლოა, ინგლისის პრემიერ ლიგას დაუბრუნდეს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა