- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მანუჩარ მარკოიშვილი: მაღალ შედეგებზე ფიქრს ჯობია, ნაბიჯ-ნაბიჯ ვიაროთ
<p>საქართველოს ნაკრების კალათბურთელი ეროვნულ გუნდზე, რუსეთსა და ახალ კლუბზე საუბრობს <br> მანუჩარ მარკოიშვილი ეროვნულ ნაკრებთან ერთად სლოვენიაშია და ევროპის ჩემპიონატისთვის ემზადება. მან ნაკრების ყველა ამხანაგურ მატჩში მიიღო მონაწილეობა და როგორც სტაბილური დაცვით, ისე შეტევაში შედეგიანი თამაშით გამოირჩა.</p><p>ნაკრების შეკრებაზე ყოფნას მისთვის ხელი არ შეუშლია, ახალ კლუბთან კონტრაქტი გაეფორმებინა. მარკოიშვილი თურქეთის ერთ-ერთ წამყვან გუნდში, ევროლიგის მონაწილე "დარუშაფაკაში" გადავიდა.</p><p>მართალია, მას მოსკოვის ცსკა-სთან კიდევ ერთწლიანი კონტრაქტი აკავშირებდა, მაგრამ არმიელებმა გადაიფიქრეს ქართველ უკანახაზელთან თანამშრომლობა და მარკოიშვილმაც საკმაოდ კარგი გუნდი მონახა.</p><p>- გადაწყვეტილი ამბავია, უკვე "დარუშაფაკას" წევრი ვარ. რამდენიმე დღეა, ჩემი ამ კლუბთან გაფორმებული კონტრაქტი ძალაში შევიდა - გვითხრა მარკოიშვილმა.</p><p><strong>- როგორ მოხდა "დარუშაფაკასთან" კონტრაქტის გაფორმება, ინტერესი კლუბისგან წამოვიდა?</strong></p><p>- როგორც ვიცი, ინტერესი "დარუშაფაკას" მწვრთნელისგან იყო. ჩემი აგენტი დამიკავშირდა და მითხრა, რომ დაინტერესება იყო და მეც გარკვეული დეტალების განხილვისა და შეთანხმების შემდეგ ამ კლუბში გადასვლას დავთანხმდი. ყველაფრის თავი და თავი კი ის იყო, რომ მოსკოვის ცსკა-მ უარი განაცხადა ჩემთან კონტრაქტის გაგრძელებაზე და იმ მომენტისთვის თავისუფალი აგენტი ვიყავი.</p><p><strong>- რატომ არ გაგრძელდა შენი კონტრაქტი ცსკა-სთან?</strong></p><p>- ზუსტად არ ვიცი, მაგრამ იყო უცხოელების ლიმიტის თემა და ალბათ, ისინი გარკვეულწილად უკმაყოფილონიც იყვნენ ჩემი თამაშით ან რაღაც მაგდაგვარი.</p><p><strong>- თავად რას იტყვი განვლილ სეზონზე, რამდენად კმაყოფილი ხარ საკუთარი თამაშით?</strong></p><p>- ძალიან კარგი დასაწყისი იყო, უბრალოდ, მერე ტრავმა მივიღე და დაახლოებით 2 თვე მომიწია თამაშების გაცდენა. ამ ხნის განმავლობაში გუნდის ბირთვის ჩამოყალიბება მოხდა, მწვრთნელმა სხვა მოთამაშეზე გააკეთა აქცენტი. ამას დაემატა ანდრეი კირილენკოს ჩამოსვლა და როტაციის პრინციპი ამოქმედდა. შემეხო უცხოელებზე დაწესებული ლიმიტი, რამაც დიდი პრობლემა შემიქმნა. ვცდილობდი, ჩემი მაქსიმუმი გამეკეთებინა, მაგრამ რიტმში ვეღარ ჩავჯექი, სათამაშო დროც შემიმცირდა და ასეთ პირობებში საკუთარი თავით კმაყოფილი ვერც მე ვიქნებოდი და ალბათ, ვერც სხვა.</p><p><strong>- რომ არა ტრავმა?!</strong></p><p>- მაგას ვერავინ იტყვის, რა იქნებოდა. მოხდა ის, რაც უნდა მომხდარიყო. რაც არის, ეგ არის.</p><p><strong>- ვიცით, რომ თურქულ "ეფესს" სურდა შენი შემატება და ამაზე რას იტყვი?</strong></p><p>- იყო დაინტერესება, მაგრამ ჩემამდე იყვნენ სხვა მოთამაშეები, რომლებთანაც მოლაპარაკებას აწარმოებდნენ და ისინი თუ უარს იტყოდნენ, მერე ჩემთან მოვიდოდნენ. მოხდა ისე, რომ სტამბოლურმა გუნდმა სასურველი მოთამაშე შეიმატა და ჩვენი ურთიერთობაც აღარ შედგა.</p><p><strong>- პირადად შენ "ეფესი" ხომ არ გერჩივნა?</strong></p><p>- არანაირად უკმაყოფილო არა ვარ "დარუშაფაკათი". მთავარია, რომ ვითამაშო და შედეგი გვქონდეს. მაღალი მოთხოვნილებების გუნდია, ევროლიგაში ასპარეზობს და ეს არაა მხოლოდ მონაწილეობის დონეზე. სადაც გამოდის, "დარუშაფაკას" ყველგან მოგების ამბიცია აქვს - თურქეთში ჩემპიონობა სურს, ევროლიგაში რაც შეიძლება მეტი მატჩის მოგება და ეტაპების დაძლევა. ეს ძალიან მნიშვნელოვანია ჩემთვის.</p><p><strong>- თუ არიან ცნობილნი ის მოთამაშეები, რომლებიც "დარუშაფაკას" სასტარტო ხუთეულში ითამაშებენ და შენ თუ ხარ მათ შორის?</strong></p><p>- არა მგონია, რომ სეზონის წინ მოთამაშეებს ეუბნებოდნენ, შენ ხუთეულში ითამაშებ, შენ კი შეცვლაზე შეხვალ ხოლმე მოედანზეო. იმედი მაქვს, თამაში მომიწევს და ამისთვის ყველაფერს გავაკეთებ. არა მგონია, რომ გარანტირებული ვინმეს რამე ჰქონდეს.</p><p><strong>- ეროვნულ ნაკრებში მზადების პროცესი როგორ მიდის და რა დონეზეა გუნდი?</strong></p><p>- ამხანაგური მატჩები ბევრი ჩავატარეთ და გუნდი ნელ-ნელა შედის ფორმაში, თუმცა პატარ-პატარა დეტალები დასახვეწი გვაქვს. ამისთვის ძალიან გამოგვადგება იტალიის ტურნირი. ბევრი დრო აღარაა და მაქსიმალურად უნდა მოვინდომოთ. თორნიკე შენგელიაც შემოგვემატა, გუნდი იღებს საბოლოო სახეს. მალე გვეცოდინება ზუსტი შემადგენლობა, ვინ ვიქნებით 12-კაციან განაცხადში და რაზე უნდა გავაკეთოთ ძირითადი აქცენტი.</p><p><strong>- შენი აზრით, რა არის ის კომპონენტი, რისი დახვეწაც აუცილებლად მართებს ჩვენს ნაკრებს?</strong></p><p>- ალბათ, დაცვა არის ის, რაზეც სამუშაო გვაქვს. არის მომენტები, როცა შეუთანხმებლად ვმოქმედებთ. ერთმანეთის თვალდახუჭულებს უნდა გვესმოდეს დაცვაში და გუნდურად უნდა ვიმოქმედოთ, თუკი გვინდა, რეალურ შედეგზე ვიფიქროთ. ამის საუკეთესო საშუალება ამხანაგური თამაშებია და ჩვენც კიდევ 3 მატჩი გვაქვს წინ.</p><p><strong>- ჩვენი მეტოქეებიც თამაშობენ ამხანაგურ მატჩებს და ალბათ, მათ შედეგებსაც ადევნებ თვალს...</strong></p><p>- რა თქმა უნდა, მაგრამ ეს ის მომენტია, როცა შედეგი მეორეხარისხოვანია. ამხანაგურ მატჩებს ყველა თამაშის დასახვეწად იყენებს, თუმცა შედეგსაც აქცევენ ხოლმე ყურადღებას. გამოვარჩევ სლოვენიის შედეგიან თამაშს, რომელმაც ამხანაგური ტურნირი მოიგო იტალიასთან, უკრაინასთან და ფინეთთან დაპირისპირებაში.</p><p><strong>- ევროპის ჩემპიონატზე რა იქნება მთავარი სამიზნე?</strong></p><p>- ჯგუფიდან გასვლა, თუმცა მე ვიტყოდი, მთავარი ამოცანა ამ ეტაპზე პირველი მატჩის მოგებაა, რომელიც ჰოლანდიასთან გვაქვს. უფრო სწორად, პირველ თამაშზე კონცენტრაცია გვმართებს, ვიდრე უფრო წინ ყურება...</p><p><strong>- ოლიმპიადის საკვალიფიკაციო ტურნირზე გასვლა?</strong></p><p>- სურვილი ერთია და საქმისადმი მიდგომა - მეორე. ჩვენ არ უნდა ვიფიქროთ ამ ეტაპზე ოლიმპიადის საკვალიფიკაციო ეტაპზე, ჩვენი საზრუნავი პირველი და მისი შემდგომი თამაშებია. თუკი ორიენტირებულები ვიქნებით უახლოეს მიზანზე და მაქსიმუმს გავაკეთებთ შემდეგი ნაბიჯის გადასადგმელად, უფრო შორს წავალთ. მოვიგებთ პირველ მატჩს, მოვიგებთ მეორეს, დავიკავებთ ჯგუფში მაღალ ადგილს - მერე ოლიმპიადის საკვალიფიკაციო ტურნირზე გასვლაც იოლი იქნება. ამიტომ, ჩემი აზრით, მაღალ შედეგებზე ფიქრს ჯობია, ნაბიჯ-ნაბიჯ ვიაროთ.</p><p><strong>- იტალიის ტურნირზე ვეთამაშებით რუსეთს და რას იტყვი ამ პრინციპულ დაპირისპირებაზე?</strong></p><p>- ზუსტად ეგ არის სამწუხარო, რომ აქცენტი კეთდება იმაზე, რომ რუსეთს ვეთამაშებით და ამით ამ საკითხის პოლიტიზირება ხდება. რუსეთი იგივე ნაკრებია, რაც იტალია და სხვები და წავიდა ის დრო, როცა სპორტულის ნაცვლად, პოლიტიკურ ჭრილში უყურებდნენ ამ ქვეყნის ნაკრებთან მატჩს. ჩვენ ეს მატჩი მაქსიმალურად უნდა გამოვიყენოთ მოსამზადებლად და მჯერა, ასეც იქნება.</p><p><strong>- 25 აგვისტოს რუსეთის კალათბურთის ფედერაციის პრეზიდენტი გახდა ცსკა-ში შენი თანაგუნდელი ანდრეი კირილენკო..</strong>.</p><p>- კირილენკოს სოციალური ქსელის საშუალებით მივწერე და პირადად, როცა შევხვდები, მაშინ მივულოცავ. ჩემი აზრით, ამაზე კარგი არჩევანი არც ჰქონდათ და ეს იყო ყველაზე სწორი გადაწყვეტილება. იმდენად დიდი პროფესიონალი და კარგი პიროვნებაა, რომ დარწმუნებული ვარ, ის რუსული კალათბურთისთვის ბევრ სასარგებლო საქმეს გააკეთებს. მას აქამდეც ბევრი რამ აქვს გაკეთებული და სამაგალითო პიროვნებაა.</p><p><strong>- კირილენკოსთან არაერთი ქართველი კალათბურთელი მეგობრობს და რას ფიქრობ, ეს მომენტი ხელს ხომ არ შეუწყობს რუსული და ქართული კალათბურთის დაახლოებას?</strong></p><p>- ისევ და ისევ პოლიტიკის ბრალია, რომ აქამდე ეს სიახლოვე ნაკლებად იყო და მიუხედავად იმისა, რომ მეზობლები ვართ, ამხანაგური მატჩები ამ ქვეყნებში არ იმართებოდა. მიუხედავად ამისა, არა მგონია, რომ ფედერაციებს რამე პრობლემა ჰქონოდათ ურთიერთობის. სულ ახალი ამბავია, რომ ვი-თი-ბი ლიგაზე მონაწილეობას მიიღებს ქართული კლუბი "ვითა" და მე მგონია, ეს ძალიან მნიშვნელოვანია ჩვენი ქვეყნისთვის. თუ გვინდა განვითარება, აუცილებლად მჭიდრო ურთიერთობა უნდა გვქონდეს ისეთი მაღალი დონის საკალათბურთო ქვეყანასთან, როგორიც რუსეთია.</p><p>ჩვენს სამეზობლოში მხოლოდ რუსეთი და თურქეთია, საიდანაც შეიძლება მაგალითი ავიღოთ და ეს შანსი ხელიდან არ უნდა გავუშვათ. თუკი რამე პრობლემები იქნება ურთიერთობაში, რაც არა მგონია, ჩემი აზრით, ძალიან გამოგვადგება იგივე ზაზა ფაჩულიას ურთიერთობები კირილენკოსთან და ასევე, სხვა ქართველების ახლობლობა ამ მართლაც გამორჩეულ აწ უკვე რუსეთის კალათბურთის ფედერაციის პრეზიდენტთან.</p><p>წყარო: <a href="http://gbf.ge/news.php?m=news&d=&id=6068" target="_blank">gbf.ge</a></p>
შენგელია: გასაკვირია ჯიკიჩი ევროლიგის გუნდს რომ არ წვრთნის
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
[VIDEO] ევროლიგის გამარჯვებული ფენერბაჰჩე გახდა
“თუ გინდა რაიმე დიდს მიაღწიო, წინ პატარა ნაბიჯებით უნდა იარო”- მანუჩარ მარკოიშვილის ინტერვიუ
შენგელია "ვირტუსში" საუკეთესო იყო | ბოლონიელებმა მონაკოში წააგეს
მანუჩარ მარკოიშვილი "მონაკოსთან" ერთად ევროლიგის მე-3 ადგილის მფლობელი გახდა
მანუჩარ მარკოიშვილი "მონაკოს" მთავარ მწვრთნელად დაინიშნა
[VIDEO] მარკოიშვილის "მონაკომ" "ოლიმპიაკოსი" დაამარცხა და ევროლიგის ფინალში ითამაშებს