<p>წერილის ქართული ვარიანტი, რომელიც უეფას იურიდიული სამსახურის უფროსმა ჟაკ ბონდალაზმა საქართველოში გამოგზავნა <br> მკითხველისთვის ცნობილია გუშინ, 30 სექტემბერს, "ლელოსთვის" ექსკლუზიურად მიწოდებული ინფორმაცია - 29 სექტემბერს უეფამ საქართველოს ფეხბურთის ფედერაციის პრეზიდენტის 3 ოქტომბრის არჩევნების თაობაზე მორიგი წერილი გამოაგზავნა.</p><p><p><div style="text-align: center;"><a href="/fexburti/qarthuli-fekhburthi/skhvadaskhva/83421-uefa-saqarthvelos-fekhburthis-federacias-afrthkhilebs-daicavith-tsesdeba.html" target="_blank">უეფა საქართველოს ფეხბურთის ფედერაციას აფრთხილებს: დაიცავით წესდება!</a></div></p></p><p>ევროპული ფეხბურთის მმართველ ორგანოს წერილი 26 კლუბის სახელით თბილისის "დინამომ", ხოლო ცალკე სფფ-ის პრეზიდენტობის კანდიდატმა <strong>ლევან კობიაშვილმა</strong> მისწერეს. ისინი უეფას აცნობებდნენ საარჩევნო პროცესში ფედერაციის მხრიდან წესდებისა და ეთიკის კოდექსის დარღვევაზე, 24 კლუბს სფფ-ის აღმასკომმა გაწევრიანებაზე უარი რომ უთხრა; აგრეთვე, არჩევნებში დელეგატის სტატუსით სფფ-ის თანამშრომლების მონაწილეობაზე.</p><p>"ლელოს" ინფორმაცია დოკუმენტურად დადასტურდა: უეფას წერილი არის საკმაოდ მკაცრი და ამჯერად, ნამდვილად გამაფრთხილებელი შინაარსით.</p><p>საქართველოს ფეხბურთის ფედერაცია უეფადან და ფიფადან გამოგზავნილ წერილებს ხშირად გვთავაზობდა, როგორც დასტურს, რომ მის საქმიანობაში ჩარევაზე სახელმწიფოს გაფრთხილებას აძლევენო...</p><p>მაგრამ უეფას ახალ წერილზე, "ლელოს" მიერ მოპოვებული ინფორმაციით, სხვა სურათი გადაიშალა და უეფას კულისებში სფფ-ის პრეზიდენტობის კანდიდატებს შორის წამოწყებულ დავასთან დაკავშირებით ამ ორგანიზაციის დამოკიდებულებაზე სხვაგვარ წარმოდგენას ქმნის.</p><p>წერილის სრული ვერსიის გაცნობის შემდეგ დასკვნა თავად გამოიტანეთ, ვის აფრთხილებს ევროპული ფეხბურთის მმართველი ორგანო - სახელმწიფოს თუ თავად ფედერაციას.</p><p>ჯერ იმას გეტყვით, რომ არჩევნებამდე 2 დღით ადრე, თბილისში უეფას ემისრები გვესტუმრებიან და საარჩევნო პროცესსა და წინასაარჩევნო პერიოდში არსებულ ვითარებას დააკვირდებიან.</p><p>უეფას წერილში აღნიშნულია, რომ ორგანიზაციისთვის მნიშვნელოვანია, წინასაარჩევნო პროცესი ორგანიზაციის წესდების დაცვით რომ წარიმართოს; კანდიდატებს რომ თანაბარი უფლებები ჰქონდეთ და ისიც, რომ არ დაუშვან უეფას სახელით მანიპულირება.</p><p>ახლა იხილეთ უეფას წერილის ქართული ვარიანტი, რომელიც სფფ-ის გენერალური მდივნის მოვალეობის შემსრულებელ <strong>დიმიტრი ბოკერიას</strong>, აგრეთვე, ლევან კობიაშვილსა და თბილისის "დინამოს" უეფას იურიდიული სამსახურის უფროსმა <strong>ჟაკ ბონდალაზმა</strong> გამოუგზავნა.</p><p><p><div style="text-align: center;"><span style="color: #ff0000;"><strong>წერილი</strong></span></div></p> სამშაბათი, 29 სექტემბერი, 2015. ძვირფასო ბატონო ბოკერია,</p><p>საქართველოს მრავალი საფეხბურთო კლუბის და ფეხბურთის ფედერაციის პრეზიდენტობის ერთ-ერთი კანდიდატის (ბატონი ლევან კობიაშვილის) მიერ უეფაში გამოგზავნილ ორ თანდართულ წერილთან დაკავშირებით, გვსურს თქვენ და ყველა დაინტერესებულ მხარეს გაცნობოთ შემდეგი:</p><p>1. უეფასთვის ძალზე მნიშვნელოვანია, რომ სფფ-ის საპრეზიდენტო არჩევნების (რომელიც 2015 წლის 3 ოქტომბერსაა დაგეგმილი) წინასაარჩევნო პროცესი სფფ-ის არსებული წესდების დაცვით წარიმართოს.</p><p>2. უეფა არის შეზღუდული, ჩაერიოს ეროვნული მნიშვნელობის საკითხებში. როგორც წესი, უეფა ვარაუდობს, რომ ორგანიზაციის წევრი ასოციაციები მსგავსი საარჩევნო პროცესის მიმდინარეობისას პატივს სცემენ რელევანტურ საკანონმდებლო ჩარჩოს (მათ შორის, შესაბამის ეროვნულ კანონმდებლობას).</p><p>3. წინასაარჩევნო პროცესში გამჭვირვალობისა და სამართლიანობის არარსებობის თაობაზე გამოთქმული პრობლემატიკის გათვალისწინებით (რომელიც აღწერილია ორ თანდართულ წერილში), უეფას ადმინისტრაციიდან ორი წარმომადგენელი (დავით პეტრიაშვილი, უეფას-ეროვნული ასოციაციების სამმართველოს უფროსი მენეჯერი და მე) საქართველოს სფფ-ის საარჩევნო ყრილობამდე ორი დღით ადრე ვეწვევით, რათა:</p><p>I - თანდართულ ორ წერილში მოყვანილი სხვადასხვა საკითხი განვიხილოთ ყველა დაინტერესებულ მხარესთან (მათ შორის, კანდიდატებთან);</p><p>II - შეძლებისდაგვარად უზრუნველვყოთ საარჩევნო პროცესის სამართლიანად და დამოუკიდებლად წარმართვა და ყველა კანდიდატს პრეზიდენტად არჩევისთვის თანაბარი შესაძლებლობები რომ მიეცეს;</p><p>III - თავიდან იქნას აცილებული საარჩევნო პროცესში უეფას გამოყენება ვინმეს მიერ პირადი მიზნებისთვის.</p><p>ჩვენ ველით თქვენთან შეხვედრას თბილისში, ხუთშაბათს.</p><p><em>კეთილი სურვილებით, უეფას იურიდიული სამსახურის უფროსი ჟაკ ბონდალაზი</em></p><p><p><div style="text-align: center;"><span style="color: #ff0000;"><strong>* * *</strong></span></div></p> ეს წერილი წარმოაჩენს, რომ კლუბების სამართლებრივ ბრძოლას აზრი ჰქონია. ამაზე მიუთითებს ჟაკ ბონდალაზის წერილის მე-3 პუნქტი, სადაც ხაზგასმულია, რომ უეფასგან მოვლენილი სტუმრები წინასაარჩევნო პროცესში გამჭვირვალობასა და სამართლიანობაზე გამოთქმულ პრეტენზიებს ყველა მხარესთან ერთად განიხილავს.</p><p>მაგრამ უფრო მნიშვნელოვანია ის პუნქტი, რომელშიც წერია, რომ საარჩევნო პროცესში უეფა მისი სახელის პირადი მიზნებისთვის გამოყენებას არ დაუშვებს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
murtalo
არიქა ბოშო!...ეგების გვეშველოს და მოვიცილოთ წურბელები:)
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ძმები არველაძეების ფონდი: სტუმრად ამერიკის საელჩოში...
დავორ შუკერი თბილისში - ხორვატიული ფეხბურთის ლეგენდა ქართულ პროექტს დაეხმარება
ამერიკის საელჩო არველაძეების ფონდის პარტნიორია
საქართველოს ახალგაზრდულ ნაკრებს გია გეგუჩაძეს ჩააბარებენ?
ფეხბურთი ყველასათვის: ...იმიტომ, რომ იქ ცხოვრება გაჩერებულია
არჩილ არველაძე: საქმე მხოლოდ ფეხბურთს არ ეხება...