<p>"ჩემი ფეხბურთი აგრესიულია, ოღონდ არა ცუდი მიზნით, ვთამაშობ მხოლოდ ბურთზე" <br> france Bleu-მ პირველი "ფრანგული" ინტერვიუ შემოგვთავაზა საქართველოს ნაკრების კაპიტანსა და "რეიმსის" ახალწვეულ <strong>ჯაბა კანკავასთან</strong>.</p><p>საინტერესოა ის შესავალიც, რაც უშუალოდ ინტერვიუმდე შემოგვთავაზა ფრანგულმა გამოცემამ:</p><p><p><div style="text-align: center;"><span style="color: #ff0000;"><strong>* * *</strong></span></div></p> "ჯაბა კანკავა ის კაცია, რომელსაც მედიაში გამოჩენა არ სიამოვნებს. მას საერთოდ არ უყვარს საკუთარ თავზე ლაპარაკი, მისი პერსონის ირგვლივ აჟიოტაჟი. ის ძალიან სადა და თავმდაბალი ადამიანია. როდესაც კანკავასთან ინტერვიუ გადაწყდა, კლუბში გაგვაფრთხილეს, რომ შეკითხვა არ დაგვესვა მის გმირულ საქციელზე უკრაინაში, როდესაც მან კიევის "დინამოს" ფეხბურთელის სიცოცხლე იხსნა. ჯაბა არ მიიჩნევს თავს გმირად, ის, უბრალოდ, პროფესიონალი ფეხბურთელია, რომელიც ბევრს შრომობს.</p><p>ინტერვიუს დასაწყისში, მთარგმნელის პირით გვითხრა, რომ მწვრთნელის ვიდეოანალიზს ვერაფრით გააცდენდა. კითხვებზე მოკლედ და მკვეთრად ჩამოყალიბებული სტრუქტურით პასუხობდა, ენის უცოდინრობის მიუხედავად, მთარგმნელისგან ზედმიწევნით ზუსტ თარგმანს ითხოვდა, არაფერი გამორჩენია.</p><p>ის ძალიან იშვიათად იღიმის, მაგრამ არა უპატივცემულობის გამო. ეს ინტერვიუც მისი პროფესიული ცხოვრების ნაწილია, რომელშიც ის საკუთარ თავს იმავე მოთხოვნებს უყენებს.</p><p>კანკავასთან ყველა კითხვა ახალ ცხოვრებას შეეხებოდა რეიმსში, ინტეგრაციის თემას, ყვითელ ბარათებს, უკრაინულ და ქართულ ამბებს.</p><p>მაშ ასე, თქვენ წინაშეა კაცი, რომელმაც შესაძლოა, "სტად დე რეიმსის" ისტორიაში დაიდოს ბინა".</p><p><strong>- უკვე დაახლოებით ორი თვეა, რაც რეიმსში ხართ, როგორია თქვენი ახალი ცხოვრება?</strong></p><p>- ისეთი, როგორიც უნდა ჰქონდეს პროფესიონალ სპორტსმენს. ვარჯიშები, აღდგენა, კვების კონტროლი და უქმეებისთვის, მატჩებისთვის მზადება. მე სულ ამ განრიგით ვცხოვრობ, ახალ ქალაქს და სიტუაციას ჩემთვის ეს არ შეუცვლია.</p><p><strong>- არ იყო ძნელი ახალ ქალაქთან მიჩვევა?</strong></p><p>- მე ვამჯობინებ, რომ ეს ინტეგრაცია ფეხბურთის მეშვეობით მოხდეს. ვიცოდი, რომ ჩემს ცხოვრებაში რაღაც შეიცვლებოდა, მაგრამ მთავარი რჩება - მნიშვნელოვანია, რომ კლუბისთვის ბოლომდე დავიხარჯო და გამოვადგე მას. ამ ცვლილებას მომზადებული შევხვდი. ასე რომ, არ გამჭირვებია. მე ძალიან ბედნიერი ვარ რეიმსში.</p><p><strong>- სიძნელე, ალბათ, ენობრივი ბარიერიცაა. დაიწყეთ ფრანგულის სწავლა?</strong></p><p>- მსურს მალე შევისწავლო ფრანგული ენა. უკვე დავდივარ მასწავლებელთან. ვცდილობ, გავიგო, რას მეუბნებიან. რაც შეიძლება, მალე მინდა ენა შევისწავლო.</p><p><strong>- თქვენ შეგიძლიათ თანაგუნდელები დაიმეგობროთ და ისინი გაგიადვილებენ ენის სწავლას და ქალაქთან ინტეგრაციას...</strong></p><p>- ახალი თანაგუნდელები ძალიან კარგად შემხვდნენ და ისინი ყველაფერს აკეთებენ, რომ მალე შევეგუო ჩემთვის ახალ ქვეყანას. კლუბის სხვა თანამშრომლებიც მეხმარებიან; ასევე, ჩემი ფრანგულის მასწავლებელი.</p><p>მოკლედ, ყველაფერი კარგად მიმდინარეობს.</p><p><strong>- სოციალური მედიიდან და ისეც, უკვე იგრძნობა, რომ თქვენ უკვე მოიპოვეთ "რეიმსის" ფანების სიყვარული. გრძნობთ ამას?</strong></p><p>- მართლა? არ ვიცოდი და თქვენგან შევიტყვე. ძალიან მიხარია. ეს განსაკუთრებით კარგია ჩემთვის, რადგან ახალწვეული ვარ. ძალიან მიხარია და მადლობა მათ.</p><p><strong>- თქვენ "დნიპრო" დატოვეთ, სადაც კარიერის დიდი ნაწილი გაატარეთ. რას იტყოდით უკრაინულ გამოცდილებაზე?</strong></p><p>- ძალიან მნიშვნელოვანი დრო იყო ჩემს კარიერაში. ამ წლებში, განსაკუთრებით, "დნიპროში" თამაშისას, გავიზარდე, როგორც ფეხბურთელი. მადლიერი ვარ ამ შესაძლებლობისთვის.</p><p><strong>- როგორია თქვენი შთაბეჭდილება საფრანგეთის ჩემპიონატზე?</strong></p><p>- თუკი უკრაინის ჩემპიონატს შევადარებთ, ვიტყვი, რომ საფრანგეთში მეტი კარგი გუნდია. ასევე, აქ უფრო სწრაფი ტემპია. საერთო ჯამში, ჩემი პირველი შთაბეჭდილება ასეთია - საფრანგეთში ფეხბურთის დონე გაცილებით მაღალია.</p><p><strong>- "რეიმსში" ყოველ მატჩში იღებთ ყვითელ ბარათებს...</strong></p><p>- მე დაცვითი ტიპის ნახევარმცველი ვარ. ჩემი ფეხბურთი აგრესიულია, ოღონდ არა ცუდი მიზნით, ვთამაშობ მხოლოდ ბურთზე. ამავე დროს, ყვითელი ბარათების ნაწილი არ დავიმსახურე, ნაწილი - კი. ახლა "კაენთან" თამაშის გამოტოვება მიწევს.</p><p><strong>- მსაჯები უფრო ლმობიერები არიან უკრაინაში?</strong></p><p>- არა, არც მასეა საქმე. დიდი სხვაობა ამ მხრივ არ არის.</p><p><strong>- როგორ ტაქტიკურ სქემას ანიჭებთ უპირატესობას, ერთადერთ საყრდენ ნახევარმცველად თუ წყვილში?</strong></p><p>- ჩემთვის ამას მნიშვნელობა არა აქვს, ვითამაშებ ისე, როგორც მწვრთნელი მეტყვის. საყრდენი ნახევარმცველი ფლექსიბილური უნდა იყოს, უნდა შეეძლოს თამაში, როგორც მარტოს მცველების წინ, ისევე თანაგუნდელთან წყვილში მოედნის ცენტრში. ჩემთვის სულერთია.</p><p><strong>- რას ნიშნავს თქვენთვის საქართველოს ეროვნულ ნაკრებში თამაში?</strong></p><p>- საკუთარი ქვეყნის სახელით თამაში ნებისმიერი ფეხბურთელისთვის მნიშვნელოვანია. მე ძალიან დიდ ყურადღებას ვუთმობ ამას და ყოველთვის დიდი პატივია ეროვნულ ნაკრებში თამაში. ყოველთვის ვამაყობ, როცა ეროვნული ნაკრების თავკაცისგან გამოძახებას ვიღებ.</p><p><strong>- ევროპალიგაში "დნიპროსთან" ერთად ფინალში ითამაშეთ. არის თუ არა ამ ტურნირზე თამაში "რეიმსისთვის მიზანი?</strong></p><p>- ახლა ძალიან ადრეა ამის შესახებ ლაპარაკი. სეზონის ბოლომდე მოვიცადოთ. როგორც მითხრეს, გუნდს ასეთი მიზანი არ დაუსახეს, მაგრამ, როგორც ამბიციური გუნდი, ამ შანსს აუცილებლად ჩავეჭიდებით.</p><p><strong>- დაბოლოს, ჯაბა, ჩვენ იმედი გვაქვს, რომ 6 თვეში ინტერვიუს ფრანგულად ჩამოგართმევთ...</strong></p><p>- რატომაც არა. თავს არ დავიშურებ, ენა აუცილებლად უნდა ვისწავლო. ექვს თვეში? გპირდებით...</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
13
ფრანგულიდანაა გადმოთარგმნილი, ჯაბას არ უთქვამს 'ფლექსიბილური' )))))
goga
ძაან მაინტერესებს ეს "ფლექსიბილური" ჯაბამ თქვა? =))))))
Unknown
ჯაბას ვუსურვებ ცარმატებას,ნამდვილი პროფესიონალია და როგორ აკლია ეს ჩვენ ბევრ ფეხბურტელს,ახალგაზრდებს ვურჩევდიმიბაძონ ჯაბას
gio
გენაცვალე ჯაბაა ჩვენი ნამდვილი კაპიტანი ხარ გაიხარე შენ შემოგევლე
გიორგიპირველი
რა საინტერესო სიტყვაა "ფლექსიბილური".
გადრანი "კაირატიდან" "ბეითარში" გადავიდა
საზონოვი "ხეტაფეში" ტრანსფერის 120-წამიანი დაგვიანების გამო ვერ გადავიდა
ქართველი მეკარე ესპანურ გუნდში გადავიდა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
მიქაუტაძემ მეცხრე გაიტანა - "ლიონმა" შვიდმატჩიანი მოუგებელი სერია შეწყვიტა [VIDEO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
უკრაინაში კანკავას გმირობა საქართველოს ნაკრების ფეხბურთელმა გაიმეორა - "ენა მეჭირა, ბოლო ხმაზე ვღრიალებდი..."
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
"კვარას" ვეტყვი, ეს საქმე გააკეთოს" - მიქაუტაძეს ხვიჩასთან სათხოვარი აქვს... "ლიონში" მატჩის შემდეგ ეს ხდებოდა [VIDEO]
"რეიმსის" მწვრთნელი: პსჟ-სთან ტრავმაის ჩაყენება მოგვიწევს
ქეცბაია ტრიბუნაზე, ჩვეული კანკავა, ნაკლებად დასამახსოვრებელი ოქრიაშვილი - 19 წლის ბრაზილიელის ლამაზი გოლი... [VIDEO]
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
france bleu: კვარაცხელიას ასეთი დებიუტი შემდეგი მატჩის მალე ნახვის სურვილს გიჩენს
ოფიციალურად: ჯაბა კანკავა თბილისის "დინამოში" დაბრუნდა
"სლოვანმა" გაიმარჯვა - კაშიამ შეუცვლელად ითამაშა
პსჟ-მ პერსპექტიული ნახევარმცველი იჯარით პორტუგალიაში გაუშვა
"ერთი თვეა არ მითამაშია და ცოტა გამიჭირდა" - განუცხადა კვარაცხელიამ Le Parisien-ს
"გულშემატკივართა გარკვეული ნაწილი მიზანმიმართულად პროვოცირებდა და შეურაცხყოფას აყენებდა ჩვენი გუნდისა და ზოგადად ქართული ფეხბურთის ლეგენდას, ჯაბა კანკავას" - თბილისის "დინამოს" განცხადება
"გადავწყვიტეთ მივმართოთ ფედერაციას თხოვნით, რომ კანკავას წითელი ბარათი გაუქმდეს" - გორის "დილას" განცხადება