<p>ასე მოსაწყენი და შედეგიანი... <br> მადრიდული პრესის საყვარელი თემა "რეალია". მით უმეტეს, "რეალში" ახალი მწვრთნელია - რაფა ბენიტესი. ჩვენ ხშირად ვხვდებით ასეთ ფრაზებს: "ამას თავიდანვე ვამბობდით. ეს ბენიტესის გუნდია და სხვანაირად ვერ იქნება. არადა, ეს "რეალია". ამ ფრაზებში იმედგაცრუება შეიგრძნობა.</p><p>ეს პირველად მადრიდული დერბის შემდეგ გაისმა და "პარი სენ-ჟერმენთან" ჩემპიონთა ლიგის ორი მატჩის შემდეგაც არ დაუკარგავს აქტუალურობა ამ პოსტულატს. არადა, მთავარი არის - "რეალს" შედეგი აქვს.</p><p>მადრიდული კლუბი ერთადერთი გუნდია დიდ ევროპულ პირველობებზე, რომელსაც მარცხის სიმწარე ჯერაც არ უწვნევია. აქამდე სამი იყო, ახლა ერთი დარჩა. "ბაიერნმა "არსენალთან" წააგო, "სენ-ჟერმენმა" კი მადრიდელებთან დაყარა ფარ-ხმალი.</p><p>ციფრებს ვერაფრით შეეკამათები. ესპანელ სპეციალისტს ძალიან საინტერესო არგუმენტი მოჰყავს. "თქვენ მე მიცნობთ და მიმიჩნევთ დაცვის მოყვარულ მწვრთნელად. მე ციფრებს დაგისახელებთ. "ნაპოლიმ" გასულ სეზონში 104 გოლი შეაგდო, რითაც საკლუბო რეკორდი დაამყარა. ხომ არ გახსოვთ, ვინ იყო იმ "ნაპოლის" მწვრთნელი?" - სარკაზმი გაურია რაფა ბენიტესმა ესპანელი ჟურნალისტებისათვის დასმულ კითხვაში.</p><p>ბენიტესმა ისიც დასძინა, რომ ჯერ "რეალი" მხოლოდ სანახევროდ აჩვენებს თავის ძალას. "რეალი" დიდი გუნდია. ჩვენ თავიდანვე უნდა გადავწყვიტოთ თამაშის ბედი ჩვენ სასარგებლოდ. კარგად უნდა შევუტიოთ და ასევე დავიცვათ თავი.</p><p>ჯერჯერობით მხოლოდ 50 პროცენტით გამოგვდის ის, რაც ჩაფიქრებული გვაქვს და როგორიც უნდა იყოს გუნდი", - ამბობს რაფა.</p><p>ბენიტესი დაცვის მოყვარულ მწვრთნელად მხოლოდ ჟურნალისტებს როდი მიაჩნიათ. ასე ფიქრობს მისი ზოგიერთი კოლეგა. მაგალითად, "პარი სენ-ჟერმენის" დამრიგებელმა ლორან ბლანმა ჩემპიონთა ლიგის პარიზული ჯახის შემდეგ კმაყოფილება გამოთქვა იმის გამო, რომ რაფამ კარში "ავტობუსი" არ ჩააყენა.</p><p>"რეალის" ზოგიერთი თანამშრომელი და ხელმძღვანელი უკმაყოფილოა გუნდის სამედიცინო შტაბის მუშაობით. საქმე ისაა, რომ სეზონი ახლახან გახურდა, "სამეფო კლუბს" კი არაერთი ტრავმირებული ფეხბურთელი დაუგროვდა.</p><p>რაფამ ექიმები დაიცვა. მან თქვა, რომ მთელი თავისი სამწვრთნელო კარიერის განმავლობაში არ უნახავს ასეთი პროფესიონალებით დაკომპლექტებული სამედიცინო სტაფი. ზოგიერთნი მადრიდში კი ფიქრობენ, რომ ამდენი ტრავმა გასული, გადატვირთული სეზონის გამოძახილია, როცა კარლო ანჩელოტი, პრაქტიკულად, ერთსა და იმავე შემადგენლობას ათამაშებდა და არ მიმართავდა როტაციას.</p><p>ტრავმების მიუხედავად, "რეალის" სასტარტო შემადგენლობა მსოფლიოში ერთ-ერთი ყველაზე მძლავრია. ერთ-ერთი იმიტომ, რომ "ბარსელონა" და "ბაიერნი" არსებობენ. "ბარსელონა", რომელსაც თავისი გასჭირვებია - ტრავმირებული ლიონელ მესი არ ჰყავს.</p><p>რაფას "რეალის" ერთ-ერთ მთავარ სახედ ბრაზილიელი საყრდენი კაზემირო ყალიბდება. წინა სეზონში სამხრეთამერიკელი "პორტოში" იყო განათხოვრებული. ახლა ის "ბერნაბეუზეა" და ბენიტესის ფეხბურთს იდეალურად ერგება. კაზემირო ერთ-ერთი საუკეთესოა ლა ლიგაში ართმევებისა და მოგებული ორთაბრძოლების მიხედვით.</p><p>"მარკა" კაზემიროს კლუბის პრეზიდენტის, ფლორენტინო პერესის პროტეჟეს უწოდებს. ჩაშლასთან ერთად ბრაზილიელს შეტევაც ეხერხება. დიდი ხნის განმავლობაში პერესი ნატრობდა, "რეალის" საყრდენად ეხილა ისეთი ფეხბურთელი, რომელიც მას კლოდ მაკელელეს მოაგონებდა.</p><p>ეს აქამდე ვერავინ შეძლო, არადა, მადრიდელებს მართლაც დიდებული საყრდენები ჰყავდათ - ორი დიარა, ხედირა, ალონსო... ჩამოთვლა კიდევ შეიძლება.</p><p>"რეალს" შედეგი აქვს, მაგრამ ქომაგი ბოლომდე კმაყოფილი მაინც არ არის. მას შედეგთან ერთად ის ფეხბურთი უნდა, რომელიც წლების განმავლობაში იქცა "სამეფო კლუბის" საფირმო ნიშნად.</p><p>ესპანეთში შეიძლება მოიგო, მაგრამ ხალხი მაინც უკმაყოფილო იყოს. რამდენიმე დღის წინ "ვალენსიამ" შინ, "მესტალიაზე", ვალენსიური დერბი 3:0 მოუგო "ლევანტეს". შედეგი დიდებული იყო, მაგრამ ტრიბუნები კინაღამ დაინგრა - ქომაგები კლუბის პორტუგალიელი სპეციალისტის, ნუნუს გადადგომას ითხოვდნენ.</p><p>რაღა შეხსენება გჭირდებათ და, ასეთი ამბავი "რეალშიც" მოხდა, ოღონდ წლების წინ. მაშინ დონ ფაბიო კაპელომ გუნდს ესპანეთის ჩემპიონატის ოქროს მედლები მოაგებინა, მაგრამ ეს საკმარისი არ აღმოჩნდა თანამდებობის შესანარჩუნებლად.</p><p>ქომაგები ბენიტესს ნდობის დიდ კრედიტს არ დაამადლიან. ამის მიზეზი წარსულში უნდა ვეძებოთ. როგორც ერთ-ერთმა მწვრთნელმა და ფეხბურთელმა, რაფამ "სანტიაგო ბერნაბეუზე" 20 წელი გაატარა ამის შემდეგ კიდევ 20 წელი ოცნებობდა გუნდის გაწვრთნაზე.</p><p>ეს ასეა, მაგრამ ნდობა ყოველთვის მთავრდება ფეხბურთში. მოვა დრო და პერესს მოსწყინდება რაფას სტილი. მწვრთნელისა, რომელიც ცოლს პირველ შეხვედრაზე დაცვითი ფეხბურთის სიკეთეებზე ესაუბრებოდა და არა ტკბილად საჭუკჭუკო სასიყვარულო ამბებზე.</p><p>ერთიც - რაფა მიეჩვია, რომ ის გუნდის მწვრთნელიცაა და მენეჯერიც. ამას მას მადრიდში არავინ გააკეთებინებს. ფლორენტინო პერესის მთელი საფეხბურთო მუღამი "რეალის" სატრანსფერო პოლიტიკის წარმართვაა.</p><p>ბენიტესი კი ოპტიმალურ რაღაცებს ეძებს. ერთი თვის წინ მან კლუბის ხელმძღვანელობას სთხოვა, გაეფართოებინათ მწვრთნელის ზონა სათადარიგოთა სკამთან. ბერნდ შუსტერის შემდეგ მადრიდში არ ყოფილა ასეთი აქტიური მწვრთნელი და ვინ იცის, რაფა გარდაიქმნას.</p><p>ვინ იცის, რაფამ შეუტიოს.</p><p>"რეალი" შეტევა, გოლები და ფოიერვერკია. ესპანელმა ეს დღესასწაული უნდა შექმნას!</p><p><strong>ყოველდღიური სპორტული გაზეთი "ლელო"</strong></p>
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"სპალეტის ამის გაგონებაც კი არ სურდა" - რას იხსენებს რაფა ბენიტესი ლუჩანოს შესახებ
"ბრაზილიის ნაკრების შემდეგ მხოლოდ ამ კლუბში დავბრუნდები" - კარლო ანჩელოტი
"ამისთვის ფიზიკური მონაცემებია აუცილებელი" - ანჩელოტიმ ნეიმარის ფლანგზე თამაში გამორიცხა
ანჩელოტის შვილმა თქვა, რატომ არ დაიწყო დამოუკიდებელი სამწვრთნელო საქმიანობა
კვარაცხელიას ბენიტესი გაწვრთნის? - იტალიური პრესა ესპანელის "ნაპოლიში" შესაძლო დაბრუნებაზე წერს
ბენიტესი: "რეალმა" ჩემპიონთა ლიგა ჩემი წყალობით მოიგო
"კარლოს დროს მეტი თავისუფლება გვქონდა" - კარვახალმა ერთმანეთს ანჩელოტი და ალონსო შეადარა
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
მოულოდნელი ვარიანტი - იტალიის ნაკრებს რაფაელ ბენიტესიც დაუკავშირეს
"მთხოვა, ეს მეორედ აღარ მეთქვა" - ბენიტესმა სპალეტისა და "ნაპოლიზე" ისაუბრა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
"რეალი" შოკშია - სალიბა "არსენალთან" 5-წლიან კონტრაქტს გააფორმებს
მოიესს კიდევ ერთი შანსი მისცეს - ბენიტესი მოლოდინის რეჟიმშია
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია