რუნის ბედი მანჩესტერში

უეინის მანჩესტერული კარიერა საფრთხეშია? ინგლისში მიმომხილველთა საკმაოდ დიდ ნაწილს, თურმე, ჯერ კიდევ ღრღნის ეჭვი, რომ უეინ რუნი „მანჩესტერ იუნაიტედიდან“ წავა და ეს ზაფხულზე მოხდება. ასეთი სიტყვები ამოვიკითხეთ „სანის“ ჟურნალისტის სტივენ ჰოვარდის წერილში და, ვინაიდან, მისტერ ჰოვარდმა პირველივე წინადადებაში ინტრიგა შემოგვთავაზა, წერილს ბოლომდე ჩავყევით. რუნიმ, მოგეხსენებათ, „იუნაიტედთან“ სულ ახლახან გააფორმა ხუთწლიანი კონტრაქტი და თან ისეთ ხელფასს გამოჰკრა ხელი, რომ თუ ვინმე მის ყიდვას გადაწყვეტს, ძალიან დიდი თანხის გადახდა მოუხდება.ეს ეჭვი მანჩესტერელი ფანების უმეტესობას, შესაძლოა, ბოდვადაც მიაჩნია, მაგრამ სამშაბათს, „ბლუმფილდ როუდზე“, „ბლექპულისა“ და „იუნაიტედის“ შეხვედრაში (მანჩესტერელელებმა 3:2 მოიგეს) დაკვირვებული თვალი შეამჩნევდა რუნისშემდგომი ეპოქის კონტურებს. გახსოვთ, რა მოხდა იმ შეხვედრაში? პირველ ტაიმის შემდეგ „ბლექპული“ 2:0-ს იგებდა, მეორე ტაიმის 66-ე წუთზე კი სერ ალექს ფერგიუსონმა რუნი ხავიერ ერნანდესით შეცვალა და... თამაშის ნირი და ბედიც იქ შემოტრიალდა - „იუნაიტედმა“ სამი გოლი გაიტანა. ერნანდესს მართალია მაისურზე ფრიად კნინობითი მეტსახელი, ჩიჩარიტო ანუ პატარა ბარდა აწერია, მაგრამ ისე თამაშობს, რომ აშკარაა, „მანჩესტერ იუნაიტედში“ დიდი მომავალი ელის. იმ დღეს, „ბლუმფილდ როუდზე“, მან დიმიტარ ბერბატოვის ორ გოლს შორის ერთი თავისიც შეაგდო. ერთი სიტყვით, გამოთქმა, - „მანჩესტერ იუნაიტედში“ რუნი შეუცვლელია - როგორც ჩანს, თანდათან, ისტორიას ბარდება. ასევე გაქარწყლებულია სტერეოტიპი, რომ ბერბატოვს გოლი მხოლოდ მაშინ გააქვს, როდესაც რუნია მოედანზე.იმავდროულად, სტივენ ჰოვარდი ცდილობს ობიექტური იყოს და ამბობს, რომ ჩიჩარიტოს მოედანზე შესვლა იმ დროს დაემთხვა, როდესაცსირბილით ქანცგამძვრალ „ბლექპულს“ ბუნებრივი დაღმასვლა უნდა დაწყებოდა. კიდევ, ჟურნალისტი არ ივიწყებს მავანთა მოსაზრებას, რომ ერნანდესი შეცვლაზე გაცილებით ეფექტურია, ვიდრე მაშინ, როდესაც სასტარტო შემადგენლობაშია, მაგრამ არც ფერგიუსონის თითქოსდა ზოგადი ნათქვამის უგულებელყოფა შეიძლება:„ჩვენი გუნდისთვის ჩიჩარიტო საოცრად სასარგებლოა და მან ეს ძალიან მოკლე დროში მოასწრო. საოცარია მისი სისწრაფე და მომენტის შეგრძნება“.ჰოვარდი რუნის გამართლებას კიდევ იმით ცდილობს, რომ იმ დღეს იან ჰოლოუეის გუნდი პერიოდულად ძალ-ღონის მოზღვავებას განიცდიდა, სტუმრებს ჯიქურ უტევდა და ამის გამო „იუნაიტედის“ ვარსკვლავს ფრთაზე უხდებოდა გადასვლა, მაგრამ იმ მონაკვეთებში, როდესაც ის შუაში ბრუნდებოდა, მანჩესტერელების შეტევა მაინც უსახური რჩებოდა. ბევრი რომ არ გავაგრძელოთ, ჩიჩარიტოს სახით უეინ რუნის „მანჩესტერ იუნაიტედში“ სერიოზული კონკურენტი გამოუჩნდა და, შესაბამისად, ინგლისელის „მანჩესტერში“ ყოფნა-არყოფნის საკითხიც ღიად რჩება.„სანის“ ჟურნალისტი იგონებს რამდენიმე თვის წინანდელს, როდესაც რუნიმ „იუნაიტედიდან“ წასვლაზე დაიწყო ლაპარაკი და ხალხი მყისვე შეუდგა მარჩიელობას - რას იღონებს ამაყი ფერგიუსონი, რათა ფეხბურთელმა კი არ მიატოვოს ის, არამედ მან გააგდოს ფეხბურთელი? დღეს, როდესაც გუნდი რუნის დახმარების გარეშეც პრემიერლიგას ლიდერობს და ერთი წაგებაც კი არ უწვნევია, მწვრთნელის პოზიციები, რასაკვირველია, ძლიერდება. თუ „მანჩესტერ იუნაიტედი“ მთელ ჩემპიონატს დაუმარცხებლად გაივლიან, სეზონის ბოლოს ფერგიუსონი ფეხბურთელებს თავის ნებაზე დაატრიალებს.რუნის შემთხვევაში ორი ვარიანტი იკვეთება: დიდძალი ფულის ეშხით მისი „რეალისთვის“ მიყიდვა (ოღონდ, ისიც უნდა ვიკითხოთ სჭირდება თუ არა ჟოზე მოურინიოს რუნი) ან გუნდში დატოვება და მისთვის ახლი ფუნქციის შეთავაზება - ჩიჩარიტოსა და ბერბატოვს უკან.

[PHOTO] ნახეთ, როგორ მკერდსავსე გოგონას ჰყვარობს "ჩელსის" ვარსკვლავი

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე

"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა

გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს

[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა

ზირკზე კვლავ სერია A-ში? - მოლაპარაკებები უკვე დაწყებულია

[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა

მორიგი გუნდი 58 წლის ასაკში - კაზუიოში მიურა პროფესიონალური ფეხბურთის თამაშს აგრძელებს

ხვიჩა მწვრთნელს უსმენს - იმიჯის გამყარება და ის, რაზეც სამუშაოა...