<p>"რეჟიმი ბოლომდე რომ დამეცვა, უფრო მაღალ დონეზე ვითამაშებდი"</p><p><br> საქართველოს თასის მეოთხედფინალურ დუელს ბოლნისის "სიონსა" და "სამტრედიას" შორის ერთი გამოკვეთილი გმირი ჰყავდა - ბოლნისელთა 35 წლის კარის დარაჯი <strong>მირზა მერლანი</strong>. პენალტების სერიაში მან ორი 11-მეტრიანი მოიგერია.</p><p>ბოლნისური დრამის გმირს გუშინ დავუკავშირდით და ინტერვიუ ვთხოვეთ...</p><p><strong>- პირველ ყოვლისა, გილოცავთ ნახევარფინალში გასვლას! მირზა, რამ განაპირობა "სიონის" გამარჯვება ორრაუნდიან სათასო დუელში?</strong></p><p>- მადლობა მოლოცვისთვის! ყველამ თავი დავდეთ და შესაბამისი შედეგიც მივიღეთ. სულ ცოტა ხნის წინათ "სამტრედიას" ჩემპიონატის მატჩში ვეთამაშეთ და წავაგეთ. ის მარცხი ჩვენმა შეცდომებმა განაპირობა. ორი გოლი არაფრიდან გავუშვით და მერე ძალიან გაჭირდა თამაშის შემოტრიალება.</p><p><strong>- თამაშის წინ სპეციალურად ვარჯიშობდით პენალტების მოგერიებაზე?</strong></p><p>- როცა თასზე თამაშობ და პირველი მატჩი ასეთი ანგარიშითაა დასრულებული, მაშინ უნდა ელოდო პენალტების სერიას. მაგრამ, სიმართლე გითხრათ, წინასწარ ამისთვის არასოდეს მივარჯიშია. საამისოდ, ახლა ძალიან ბებერი ვარ, ჯობია, ახალგაზრდებმა ივარჯიშონ (იცინის).</p><p>საერთოდ, პენალტების სერია ნაღდი ლატარიაა. მოხდა ისე, რომ გაგვიმართლა.</p><p><strong>- მაშინ, ის მაინც უთხარით ახალგაზრდებს, როგორია პენალტის მოგერიების მერლანისეული რეცეპტი?</strong></p><p>- კუთხე არასოდეს ამირჩევია, სულ ბურთს ვუყურებ. მიმაჩნია, რომ მეკარემ პენალტის დროს ბურთს უნდა უყუროს.</p><p><strong>- საქართველოს ჩემპიონატზე რას იტყვით? საით მივდივართ? ან თუ მივდივართ, საერთოდ?</strong></p><p>- მივდივართ, მაგრამ... სამწუხაროდ - უკან. ახალგაზრდა რომ ვიყავი, მაშინ უკეთესი ჩემპიონატი გვქონდა. მახსოვს, "ვიტ ჯორჯიაში" რომ ვთამაშობდი, მაშინ 20 წლის ვიყავი, კარგი პირველობა იყო.</p><p><strong>- თქვენ ყველაზე გამოცდილი ხართ "სიონში" დავით სვანიძესთან ერთად. ამ გამოცდილებას ახალგაზრდა პარტნიორებს თუ უზიარებთ?</strong></p><p>- მხოლოდ თამაშამდე ან თამაშის დასრულების შემდეგ. შანსი არაა, მატჩის მიმდინარეობის დროს რამე ზედმეტი ვთქვა. მხოლოდ სათამაშო ნიუანსები - იმას გაყევი, ამას გამოყევი!..</p><p><strong>- გუნდში რამდენიმე ახალგაზრდა, ძალიან ნიჭიერი ფეხბურთელია. რას იტყვით მათზე?</strong></p><p>- ამ ბიჭებთან ერთად ყოფნა ერთი სიამოვნებაა. მიმაჩნია, რომ არა მხოლოდ ბოლნისის "სიონს", არამედ ზოგადად ქართულ ფეხბურთს, საქართველოს ნაკრებსაც კი გამოადგებიან. რაც მთავარია, მათ ვარლამ კილასონიასთან უწევთ მუშაობა. არ არსებობს, კილასონიამ ფეხბურთელი შეზღუდოს. ის შემტევ ფეხბურთს ანიჭებს უპირატესობას და ახალგაზრდებიც თავიდანვე ასეთ ფეხბურთს ეჩვევიან.</p><p>საერთოდ, კილასონიას დიდი დამსახურებაა, "სიონს" ასეთი შედეგები რომ აქვს. მწვრთნელსა და გუნდს ბოლომდე ესმით ერთმანეთის.</p><p><strong>- "სიონისთვის" სეზონის პირველ ნაწილს როგორ შეაფასებდით?</strong></p><p>- ხუთიანს დავუწერდი გუნდს! ჩვენ ძალიან კარგი შედეგი ვაჩვენეთ. თან, ისიც გაითვალისწინეთ, რომ შეკრებაც არ გაგვივლია.</p><p><strong>- ფეხბურთელი და რეჟიმი თანამედროვე საქართველოში - როგორ უყურებთ ამ თემას?</strong></p><p>- რა თქმა უნდა, მნიშვნელოვანი თემაა. თუნდაც ჩემს მაგალითზე გეტყვით - რეჟიმი რომ ბოლომდე დამეცვა, უფრო მაღალ დონეზე ვითამაშებდი. თუმცა ახლა ისიც ვთქვათ, რა ვითარებასა და პირობებში უწევთ თამაში ჩვენს ახალგაზრდა ფეხბურთელებს. გუნდების უმრავლესობას ელემენტარული პირობები რომ ჰქონდეს, თუნდაც - ფინანსები და ბაზები, ასეთი მდგომარეობა არ გვექნებოდა.</p><p>დამიჯერეთ, ფეხბურთელს საქართველოში აღებული 2 000 ლარი ურჩევნია სხვაგან აღებულ 3 000 ლარს. მთავარია, ელემენტარული პირობები იყოს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
kaxa
ბოლო თამაში 6 მცველით ითამაშეთ და ეგ არის შეტევითი ფეხბურთი?
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
კორსანტიას 15-ქულიანი დებიუტი ესპანეთში
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"გაგრამ " "ტორპედო" მინიმალური ანგარიშით დაამარცხა [VIDEO]
ბოლნისის "სიონმა" "საბურთალო" დაამარცხა [VIDEO]
საქართველოს ორი ჩემპიონი ერთმანეთის პირისპირ - შესამჩნევი იაპონელი და განელებზე კარგი შთაბეჭდილებით
პრო ლიგა 2. "რუსთავი": გამოცდილი ახალწვეულები
"რუსთავში" რევაზ ძოძუაშვილი იმუშავებს
გიორგი ჩიტაური: "საპოვნელა" უმაღლეს ლიგაში დაბრუნებისთვის იბრძოლებს!
"რუსთავს" ისევ ახალი მწვრთნელი ჰყავს - ამჯერად უჩა სოსიაშვილი
ბოლნისის "სიონი" ლიტვის ნაკრების ნახევარმცველით გაძლიერდა
არმაზ ჯელაძე: "სიონი" გაძლიერდა და კიდევ გაძლიერდება
ეროვნული ლიგა. XIV ტური. "სიონი" - "დილა" [LIVE]
ეროვნული ლიგა. XVII ტური. "ტორპედო" - "სიონი" [LIVE]
ეროვნული ლიგა. XIII ტურის წინ: ვარლამ კილასონიას პირველი
ეროვნული ლიგის მე-3 წრის საუკეთესოები დასახელდა
"რუსთავს" ვარლამ კილასონია გაწვრთნის
ბოლნისის "სიონი" ვარლამ კილასონიამ ჩაიბარა
ბოლნისის "სიონი": ახალი ილუშჩენკოვი და ძველი რაზმაძე
ჩიხურა-სიონი 1:1 - უკეთ რომ გაეთვალა მომენტი...
ეროვნული ლიგა. XXX ტური. "სიონი" - "დინამო" თბ [LIVE]