<p><p>"მანჩესტერ იუნაიტედი" თავკაც სერ ალქს ფერგიუსონს ამ სეზონში უეინ რუნისგან 10 გოლი სჭირდება, დიმიტარ ბერბატოვისგან კი - 30</p> <br> <p>სერ ალქს ფერგიუსონმა „მანჩესტერ იუნაიტედისა“ და „ასტონ ვილას“ შეხვედრის წინ ასეთი რამ თქვა: „ამ სეზონში უეინ რუნისგან 10 გოლი მჭირდება, დიმიტარ ბერბატოვისგან კი 30“.</p> <p>და რუნი დავალების შესრულებას დაუყოვნებლივ შეუდგა: ბირმინგემელებს ორი გოლი შეუგდო - პირველი თამაშის დაწყებისთანავე, 50-ე წამზე, მეორე კი ზედ შესვენების წინ, როდესაც ნანის შესანიშნავი ჩაწოდებით ისარგებლა. ამრიგად რუნიმ გააკეთა ის, რაც ბოლოს 11 თვის წინ მოახერხა - ერთ შეხვედრაში ორჯერ გაიტანა.</p><p>ფერგიუსონი: „ჩვენი ორი თავდამსხმელის, რუნისა და ბერბატოვის პარტნიორობა ძალიან მნიშვნელოვანია და საბედნიეროდ ის თვალსა და ხელს შუა აშკარად იხვეწება. თუ სეზონს ისე ჩავამთავრებთ, რომ ბერბატოვი 30 გოლს გაიტანს, რუნი კი ათს, მე ძალიან კმაყოფილი ვიქნები. ასეთ შედეგს წარმატებულ პარტნიორობას ვუწოდებ“.</p> <p></p><p>დღეისათვის ბერბატოვს 19 გოლი აქვს გატანილი, რუნის კი ხუთი. „ასტონ ვილას“ კარში მესამე გოლი ნემანია ვიდიჩმა შეაგდო. მატჩის შემდეგ რუნიმ თქვა:</p><p>„ვინ გახდება პრემიერლიგის ჩემპიონი, ახლა ჩვენზეა დამოკიდებული. ძალიან გამიხარდა გოლების გატანა რომ მოვახერხე. იმედი მაქვს ამიერიდან კარგი პერიოდი დამეწყება. ბოლო დროს ცუდად არ ვთამაშობდი, მაგრამ გოლები ვერ გამქონდა, არადა თავდამსხმელისთვის სწორედ ეს არის მთავარი. პირველი გოლი ვან დერ სარის პასით გავიტანე. ამ კომბინაციას მე და ედვინი უკვე რამდენი წელიწადია ვამუშავებთ, მაგრამ აქამდე არ გამოგვდიოდა. ამჯერად ყველაფერი კარგად აეწყო: ედვინმა ჩვენი საჯარიმოს წინიდან დაარყა და პირდაპირ საგოლე პოზიციაზე გამიყვანა. კარგი იყო, მეორე გოლიც, რომელიც ნანის შესანიშნავი პასით შევაგდე“.</p> <p> </p> <p>რუნის ჟურნალისტებმა „ჩელსის“ გაძლიერების შესახებაც ჰკითხეს. მან უპასუხა:</p><p>„რასაკვირველია, „ჩელსი“ ტიტულის პრეტენდენტობიდან ერთი წამითაც არ ჩამოგვიწერია. ის ძლიერი გუნდია, რომელსაც შეუძლია ძალები მოიკრიბოს და გამარჯვებას გამარჯვება მოაყოლოს, მაგრამ როგორც უკვე მოგახსენეთ, ახლა ყველაფერი ჩვენზეა დამოკიდებული“.</p> <p> </p> <p>სტატისტიკოსებმა ყურადღება მიაქციეს, რომ „მანჩესტერ იუნაიტედი“ 12 წლის წინანდელ საკუთარს შედეგს გაუტოლდა - 1999 წლის „ტრებლის“ მომგები გუნდი 29 შეხვედრაში დაუმარცხებელი გახლდათ. ყველა შეჯიბრებაში ერთად დღევანდელი „იუნაიტედიც“ ასეა. ფერგიუსონმა თქვა:</p><p>„დღეს თამაში დიდებულად დავიწყეთ, რაც უეინის პირველი გოლის დამსახურებაა. მან მთელი შეხვედრა დიდებულად ჩაატარა. რასაკვირველია, აქამდე გოლები რომ ვერ გაჰქონდა, ნაკლი იყო, მაგრამ ეს ის ფეხბურთელია, რომელსაც წარუმატებლობასთან შეგუება არ სჩვევია და როგორც ხედავთ ეს ნაკლიც გამოასწორა“.</p></p>
არისაბალაგა შეიძლება ფაბრეგასის გუნდში გადაბარგდეს
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ