- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დაუნდობელი სიმართლე - მაიკ ტაისონის ავტობიოგრაფია [გაგრძელება]
![დაუნდობელი სიმართლე - მაიკ ტაისონის ავტობიოგრაფია [გაგრძელება]](images/new_photo/01/2016/UCXOURI/1-15JAN/tyson_45a5d.jpg)
<p>რინგის დროც მოსულა <br> თუ კიდევ გამაჩნდა გარკვეული ეჭვები მაკნილისთან დაკავშირებით, ის მაშინვე გაიფანტა, როგორც კი რინგზე მოწინააღმდეგეს შევხედე. როცა რეფერისთან ინსტრუქტაჟზე მივედით, მაკნილი მე არ მიყურებდა. ბრძოლიდან ერთი წლის თავზე მან ჟურნალისტთან აღიარა, რას ფიქრობდა იმ მომენტში:</p><p>- როცა ტაისონი ამ ბანდიტური მელოდიის ფონზე რინგზე გავიდა, მზად არ აღმოვჩნდი ამისთვის. არ მეგონა, თუ ასე შემაშინებდნენ. მას პრესკონფერენციაზე ვაკვირდებოდი და მაშინ, ჩვეულებრივ ტანსაცმელში არ მომეჩვენა ასეთი მსხვილი.</p><p>როცა რინგის ცენტრში დავდექით, მხოლოდ მის ჭიპს მივაშტერდი, თუმცა ერთხელ მზერა მაინც ვესროლე და ეს პანდორას ყუთი აღმოჩნდა. ძალიან დაკუნთული იყო! ისეთი ძლიერი! უზარმაზარი კუნთები, კისერი, თავის ქალა ჰქონდა! ძალიან მრისხანედ გამოიყურებოდა. თვალი ჩავუკარი და ჰაეროვანი კოცნა გავუგზავნე, მაგრამ, სინამდვილეში, შეშინებული ვიყავი.</p><p>მეგონა, რომ ამ ბიჭმა, უბრალოდ, გააფრინა! მინდოდა მისთვის დამეყვირა: "შენი დედაც! აქედან დაიკარგე!" მაგრამ კარგი ბიჭის იმიჯს ვერ გავაფუჭებდი. გონგი გაისმა და მან ჩემ გარშემო სირბილი დაიწყო, ცდილობდა კუთხეში ჩემ მიმწყვდევას.</p><p>მოკლე მარჯვენა დარტყმით ვუპასუხე და დაეცა, თუმცა მერვე თვლაზე წამოდგა. რინგზე ცოტა გაირბინა და ისევ თავს დამესხა. ვერ ვიჯერებდი ამას. რვა დათვლის შემდეგ ისევ შემომიტია. მარცხენა ჰუკი შევასრულე, შემდეგ მარჯვენა მოვახვედრე და კვლავ დაეცა. წამოდგა და ბრძოლის გაგრძელებაც შეეძლო, მაგრამ მწვრთნელი გამოვიდა რინგზე და ბრძოლა შეაჩერა.</p><p>არასახარბიელო სიტუაცია შეიქმნა. პუბლიკამ სტვენა დაიწყო. კომენტატორები იმეორებდნენ: "რა დასანანია! როგორი იმედგაცრუებაა!" დიახ, ჩვენ ვჩხუბობდით 90 ქვეყნის მაყურებლისთვის, ეს იყო ყველაზე დიდი აუდიტორია ისტორიაში, ამ ბიჭის მწვრთნელებმა კი ბრძოლის გაგრძელების უფლება არ მისცეს.</p><p>შეხვედრის შემდეგ, პრესკონფერენციაზე ვცდილობდი, მორჩილი ვყოფილიყავი და ვლოცულობდი.</p><p>- ბევრი რამ ვისწავლე. შემდეგშიც განვავითარებ ჩემს თვისებებს, - ვუთხარი ჟურნალისტებს.</p><p>ბრძოლის შეჩერების გადაწყვეტილებაზე მკითხეს და ასე ვუპასუხე:</p><p>- თქვენ ხომ მიცნობთ. სისხლისმსმელი ვარ და მიხარია, რომ ბრძოლა გააჩერეს. ჩემთვის ჩხუბი - ეს არის, როგორც აინშტაინისთვის სამეცნიერო კონცეფცია, როგორც ტექსტი ჰემინგუეისთვის. ბრძოლა - ეს არის აგრესიულობის გამოვლენა. აგრესია ჩემს ხასიათში ძევს. აღარ მაქვს კრივზე ლაპარაკის სურვილი.</p><p>ეჭვი მაქვს, დონ კინგმა უხერხულად იგრძნო თავი ამ ბრძოლის სწრაფად დასრულების გამო. ამიტომაც გადაწყვიტა, ჩემი თაყვანისმცემლებისთვის 50 დოლარის ეკონომიის საშუალება მიეცა. კერძოდ, ჩემი შემდეგი ბრძოლის უფასო ტელეარხზე გაშვება დაგეგმა. 4 ნოემბერს ბასტერ მატისთან უნდა მეჩხუბა.</p><p>ბრძოლა ტელეარხ Fox-ის ეთერით გადაიცემოდა. დარწმუნებული ვარ, დონმა ეს თარიღი იმის გამო აირჩია, რომ სწორედ იმ საღამოს იყო რიდიკ ბოუსა და ევანდერ ჰოლიფილდის მესამე ბრძოლის ფასიანი ტრანსლაცია. მაგრამ გათვლა არასწორი აღმოჩნდა, რადგან ჩემი ბრძოლა გადაიდო - მარჯვენა ხელის დიდი თითი მოვიტეხე. პრესა მაშინვე თავს დამესხა. New York Post-მა გამოაქვეყნა სტატია სათაურით: "დაამტკიცე ეს, მაიკ!"</p><p>ისინი მართლები იყვნენ. წინა წლებში რამდენჯერმე გადავდე ჩემი ბრძოლები ტაქტიკური მოსაზრებით - მეტოქეებზე ფსიქოლოგიური იერიშის მისატანად. ჩემი მოწინააღმდეგე მზად არის ბრძოლისთვის, მე კი შეხვედრას გარკვეული ვადით წინ ვწევ და ის ვეღარასოდეს დაიბრუნებს შესაბამის განწყობას.</p><p>ისინი ფიქრობდნენ, რომ მთელი დღე მონდომებით ვვარჯიშობდი სპორტულ დარბაზში, მაგრამ, სინამდვილეში, არაფერს ვაკეთებდი. შემდეგ, ახალი ვადის წინ, ბოლომდე ვიხარჯებოდი ვარჯიშებზე, მეტოქის ფორმის პიკი კი უკვე ჩავლილი იყო. ეს ხერხი კასმა მასწავლა.</p><p>ბრძოლა 16 დეკემბრისთვის გადავიტანეთ. შეხვედრა ფილადელფიაში (ამ ბრძოლამ მიიღო სახელწოდება - "უდანაშაულობის პრეზუმფცია") გაიმართა. ეჭვი მაქვს, ბუკმეკერებმა რაღაც დაინახეს მაკნილისთან ჩემს ბრძოლაში:</p><p>თუ მასთან ბრძოლაში ფსონი იყო 15:1, მატისის წინააღმდეგ კოეფიციენტი გაიზარდა და 25:1 შეადგინა. როგორც მოკრივე, მატისი მაკნილიზე უკეთესი იყო, მაგრამ ის რინგზე ზედმეტი წონით გავიდა. აწონვისას გავიხადე მაისურა, რომელზეც ეწერა - "ეკუთვნის ალაჰს" და ჩემი რელიეფური პრესი ვაჩვენე ყველას.</p><p>- ნამდვილი ადონისია! - აღფრთოვანება ვერ დამალა დონ კინგმა.</p><p>როცა სასწორზე ბასტერის ასვლის ჯერი დადგა, მან მაისურა არ გაიხადა. ის 224 ფუნტს (101.6 კილოგრამი) იწონიდა.</p><p>ბრძოლა დაიწყო და ბასტერმა მაკნილის ტაქტიკის გამეორება სცადა - ჩემზე ზეწოლა მოიტანა. ორმა რაუნდმა ახლო ბრძოლაში ჩაიარა, მესამეში კი ჩემი ბაგირებთან მიმწყვდევა სცადა, მაგრამ მარცხნივ გავედი და ამ მოძრაობის წყალობით, ორი აპერკოტი შევასრულე.</p><p>მეტოქე დაეცა. როცა პრესკონფერენციაზე მკითხეს - რატომ გავუშვი ამდენი დარტყმა, ვუპასუხე, რომ მოწინააღმდეგეს "ვაძინებდი" და გატარებული დარტყმები "ხაფანგი იყო, შეთქმულება, როგორც ეს ჩვენს საზოგადოებაში ხდება". სინამდვილეში, მატისისთვის რთული იყო ხელის მორტყმა. თუ მის ყველა ბრძოლას ნახავთ, დარწმუნდებით, რომ არავის ისე არ დაუმუშავებია ის, როგორც ეს მე გავაკეთე.</p><p>მატისი ოდნავ ფერმკრთალი იყო:</p><p>- მაიკ ტაისონმა წამაქცია და როცა ზემოთ ავიხედე, რეფერის უკვე ხუთი ჰქონდა დათვლილი. და ჩემს თავს ვუთხარი: "ჯანდაბა, რა ხდებოდა ერთიდან ოთხამდე?"</p><p>დარბაზის პირველ რიგში იჯდა ფრენკ ბრუნო - მძიმე წონაში მსოფლიოს ერთ-ერთი ჩემპიონი. და მე და "ნიანგმა" მასზე ფსიქოლოგიური შეტევა მივიტანეთ. როცა რინგიდან გავდიოდით, "ნიანგმა" დაუყვირა:</p><p>- მაიკ, აი ისიც! ჩვენი მორიგი ხორცის მასალა!</p><p>მე კი ჩემს თავზე მივუთითე:</p><p>- ნომერ პირველი ვარ!</p><p>ჩემმა ბრძოლამ ბასტერთან ტელეაუდიტორიის 29 პროცენტის ყურადღება დაიმსახურა. ეს იყო ტელეკომპანია Fox-სთვის ყველაზე მაღალი რეიტინგი. თუმცა მე არ ვიყავი კმაყოფილი ციხიდან გამოსვლის შემდეგ ჩემი ბრძოლებით.</p><p><strong><em>(გაგრძელება იქნება)</em></strong></p><p><strong>ყოველდღიური სპორტული გაზეთი "ლელო"</strong></p>
[VIDEO] ჯოშუამ კრივის ღირსება დაიცვა - ენტონიმ ჯეიკ პოლს ყბა მოტეხა
17-წლამდელ მოკრივეთა ნაკრებმა ევროპის ჩემპიონატზე ხუთი მედალი მოიპოვა
საქართველოს 23-წლამდე მოკრივეთა ნაკრებმა ევროპის ჩემპიონატზე სამი მედალი მოიპოვა
პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა
ოფიციალურად: კონორ გალაჰერი ინგლისის პრემიერ ლიგას დაუბრუნდა
ფუტსალის ნაკრები ევროპის ჩემპიონატისთვის 18 ფეხბურთელით ემზადება
18 წ. | მესამედ ექვსი ერის ფესტივალზე
კვერნაძემ შეიძლება მნიშვნელოვანი მატჩი გამოტოვოს
ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს
საზონოვი ტრანსფერზეა - "ტორინო" ზამთარში ქართველის გაყიდვას შეეცდება
[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა
უარი ბერძნულ გრანდს - დავითაშვილისთვის ბრძოლა გადამწყვეტ ფაზაში შედის
ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს
[VIDEO] ზედიზედ 3 წაგების შემდეგ "ოკლაჰომამ" "სპურსი" მარტივად დაამარცხა
[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა
კანტე თურქეთში შემცირებული ხელფასით მიდის - შესათანხმებელი ბოლო დეტალები დარჩა
შეთავაზებებს განიხილავს - ალონსო შესაძლოა, სამწვრთნელო საქმიანობას მალევე დაუბრუნდეს
"ზიზუ, გემი იძირება, დაგვიბრუნდი" - "რეალის" ფანებმა ბანერი გამოკიდეს
ზივზივაზემ ისევ ვერ ითამაშა - გოჩოლეიშვილის "ჰამბურგის" მატჩი გადაიდო
"მანჩესტერ იუნაიტედს" ახალი მწვრთნელი ჰყავს
ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება
მიხეილ ნარიაშვილი - "ბორჯღალოსნების" შერკინების მწვრთნელი
"გალათასარაი"? - ფაბიან რუისს პსჟ არ ეთმობა
ბუცები, ბურთები და ბუკინისტები – აპრილი, სპორტი და წიგნები
ყოფილმა "იუთუბერმა" ჯეიკ პოლმა ლეგენდარული მაიკ ტაისონი დაამარცხა [VIDEO]
"ილიას მინდა ვუთხრა, რომ..." - ლეგენდარულმა მაიკ ტაისონმა ქართველ "მატადორს" მიმართა
"ლომის გული და რკინის კვერცხები აქვს" - მერსონმა ტაისონზე ისაუბრა
ფერდინანდმა ყველა დროის საუკეთესო ოთხ სპორტსმენში არცერთი ფეხბურთელი არ შეიყვანა
"ამას ძალიან ვნანობ" - მაიკ ტაისონი