<p><p>ტურ დე ფრანსზე ყველაზე საინტერესო ნაწილი დაიწყო</p> <br> <p>ტურ დე ფრანსზე ყველაზე საინტერესო ნაწილი დაიწყო - ველომრბოლებმა პირენეის მთებს მიაღწიეს და გუშინ აქ მორიგი სამთო ეტაპი გაიმართა, თუმცა ჯერჯერობით საერთო ჩათვლის ლიდერებს - ანდი შლეკსა და ალბერტო კონტადორს შორის სერიოზული დუელი ვერ ვიხილეთ.</p><p>გუშინდელ ეტაპს ერთ-ერთი გადამწყვეტი უწოდა გენერალური კლასიფიკაციის მესამე ნომერმა სამუელ სანჩესმა. თავიდან მონაწილეებს 100 კილომეტრზე მეტი სწორ ტრასაზე უნდა ევლოთ, რის შემდეგაც პორტ დე პალერეს უმაღლესი კატეგორიის მთა ელოდათ, ამას კი პირველი კატეგორიის სირთულის მთაზე ფინიში მოჰყვებოდა.</p><p>გაქცევის მცდელობა აუთსაიდერებს პირველივე კილომეტრებიდან ჰქონდათ. ერთ-ერთი პირველი პელოტონს განცალკევებით რბოლის სპეციალისტი, ამერიკელი დევიდ ზაბრისკი გაექცა, მას თან ორი ველომრბოლი ახლდა. მოგვიანებით ამ ჯგუფს ოთხი ფრანგი შეუერთდა კრისტოფ რიბლონის მეთაურობით, აქვე იყო ბელგიელი იურგენ ვანდევალე. გაქცეულებმა ძალიან მალე დროში სხვაობა ცხრა წუთამდე აიყვანეს, მაგრამ, როცა რბოლამ ეკვატორი გადალახა, "ასტანა" გააქტიურდა და შედეგმაც არ დააყოვნა: პალერეზე ასვლის წინ ჰანდიკაპი ოთხ წუთამდე შემცირდა.</p><p>პირველი მთა მეორეზე რთული იყო, მაგრამ მასზე გადამწყვეტი ბრძოლა ვერ ვიხილეთ. ლიდერთა ჯგუფი დაიშალა და ბოლომდე ბრძოლა მხოლოდ ფრანგებმა - რიბლონმა და ამაელ მუანარმა გადაწყვიტეს. მალე რიბლონი მარტო დარჩა და ისეთი უპირატესობა მოიპოვა, რომ ეტაპის მოგების მთავარი კანდიდატი გახდა. პელოტონში კი პირველ როლებზე, ტრადიციულად, "ასტანა" იმყოფებოდა. ძირითადი ჯგუფის ტემპს ყაზახთა გუნდის ესპანელი წევრი დავიდ ნავარო აკონტროლებდა, ამასობაში კი პელოტონიდან გაქცევა გადაწყვიტა ტურის ყოფილმა გამარჯვებულმა კარლოს სასტრემ, რომელიც საერთო ჩათვლის ლიდერებს წუთზე მეტით დაშორდა.</p><p>პელოტონიდან შეტევათა მეორე ტალღა მწვერვალთან ახლოს დაიწყო და მისი ინიციატორი "მთის მეფე" ანტონი შარტო და დამიანო კუნეგო გახდნენ. ეს უკანასკნელი მთაში ძალიან აქტიურობს, მაგრამ ჯერ ვერ აასრულა მიზანი და ამ ტურზე ეტაპი ვერ მოიგო.</p><p>პალერეს მწვერვალის გადალახვის შემდეგ, პელოტონში მაქსიმუმ 20 მრბოლელი დარჩა. ისევ ჯგუფის სათავეში "ასტანას" მრბოლელები იყვნენ, გენერალური კლასიფიკაციის ლიდერები ანდი შლეკი და ალბერტო კონტადორი კი ერთმანეთს არ შორდებოდნენ. მას შემდეგ, რაც პელოტონი ვინოკუროვმა ატარა, ჯგუფთან საბოლოოდ დაკარგეს კონტაქტი ივან ბასომ, რობერტ გესინკმა და ლევი ლაიპჰაიმერმა, თავად რბოლა კი ორ მიკროდუელად იქცა. საერთო ჩათვლაში მესამე ადგილისთვის გააჩაღეს ბრძოლა დენის მენშოვმა და სამუელ სანჩესმა.</p><p>რაღაც მომენტში შლეკი და კონდატორი ისე გაერთნენ ერთმანეთთან ბრძოლით, რომ არანაირი ყურადღება არ მიაქციეს მენშოვის შეტევას. სანჩესმაც დააგვიანა რეაგირება და კონკურენტს 10 წამით დაწინაურების საშუალება მისცა. მხოლოდ ბოლო კილომეტრზე შეძლო მან რუსთან მიახლოება და მათ ერთად გადაკვეთეს ფინიშის ხაზი, რითაც ესპანელმა მესამე ადგილი შეინარჩუნა.</p><p><strong>XII ეტაპი</strong></p><p>ბურ ლე პეაჟი-მანდი (210.5 კმ)</p><p>1. ხოაკინ როდრიგესი (ესპ, Team Katusha) - 4.58,26; 2. ალბერტო კონტადორი (ესპ, Astana) - იგივე დრო; 3. ალექსანდრ ვინოკუროვი (ყაზ, Astana) - +0,04; 4. იურგენ ვან დენ ბრეკი (ბელ, Omega Pharma-Lotto) - +0,10; 5. ანდი შლეკი (ლუქ, Team SaxoBank) - იგივე დრო; 6. სამუელ სანჩესი (ესპ, Euskaltel) - იგივე დრო...</p><p><strong>XIII ეტაპი</strong></p><p>როდეზი-რეველი (196 კმ)</p><p>1. ალექსანდრ ვინოკუროვი (ყაზ, Astana) - 4.26,26; 2. მარკ კევენდიში (ბრიტ, HTC-Columbia) - +0,13; 3. ალესანდრო პეტაკი (იტა, Lampre) - იგივე დრო; 4. ედვალდ ბოასონ ჰაგენი (ნორ, Team Sky) - იგივე დრო; 5. ხოსე ხოაკინ როხას ჰილი (ესპ, Caisse d'Epargne) - იგივე დრო; 6. ჯულიან დინი (ახ. ზელ, Garmin) - იგივე დრო...</p><p><strong>XIV ეტაპი</strong></p><p>რეველი-დომენი (184.5 კმ)</p><p>1. კრისტოფ რიბლონი (საფ, Ag2r La Mondiale) - 4.52,42; 2. დენის მენშოვი (რუს, Rabobank) - +0,54; 3. სამუელ სანჩესი (ესპ, Euskaltel) - იგივე დრო; 4. ანდი შლეკი (ლუქ, Team SaxoBank) - +1,08; 5. ხოაკინ როდრიგესი (ესპ, Team Katusha) - იგივე დრო; 6. რობერტ გესინკი (ლუქს, Rabobank) - იგივე დრო; 7. ალბერტო კონტადორი (ესპ, Astana) - იგივე დრო; 8. იურგენ ვან დენ ბრეკი (ბელ, Omega Pharma-Lotto) - იგივე დრო... 10. კარლოს სასტრე (ესპ, Cervelo TestTeam) - 1,49; 11. ლევი ლაიპჰაიმერი (აშშ, Radioshack) - +1,53; 13. ალექსანდრ ვინოკუროვი (ყაზ, Astana) - იგივე დრო... 21. ივან ბასო (იტა, Liquigas) - +2,30; 37. კეიდელ ევანსი (ავსტრა, BMC) - +5,39... 70. ლენს არმსტრონგი (აშშ, RadioShack) - +15,14...</p><p><strong>საერთო ჩათვლა</strong></p><p>1. ანდი შლეკი (ლუქ, Team SaxoBank) - 68.02,30; 2. ალბერტო კონტადორი (ესპ, Astana) - +0,31; 3. სამუელ სანჩესი (ესპ, Euskaltel) - +2,31; 4. დენის მენშოვი (რუს, Rabobank) - +2,44; 5. იურგენ ვან დენ ბრეკი (ბელ, Omega Pharma-Lotto) - +3,31; 6. რობერტ გესინკი (ლუქს, Rabobank) - +4:27; 7. ლევი ლაიპჰაიმერი (აშშ, RadioShack) - +4,51... 10. ივან ბასო (იტა, Liquigas) - +6:52; 11. ალექსანდრ ვინოკუროვი (ყაზ, Astana) - +7,04; 12. რომან კროიციგერი (ჩეხ, Liquigas-Doimo) - +7,11... 15. კარლოს სასტრე (ესპ, Cervelo TestTeam) - +8,15... 19. კეიდელ ევანსი (ავსტრა, BMC) - +12,39... 38. ლენს არმსტრონგი (აშშ, RadioShack) - +39,44...</p> <p> </p></p>
საერთაშორისო აღიარება - საქართველოს ხმა მსოფლიო ველოსპორტის არჩევნებში
ინგლისში ტრანსგენდერები ქალთა ტურნირებიდან მოკვეთეს
ველოფესტივალი BIKE FEST-ი 15 ოქტომბერს დაარსებიდან უკვე მესამედ გაიმართება
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში