"ზესტაფონის" ფრე შევჩენკოსა და კომპანიასთან

პრაღის "სპარტასთან" განადგურების შემდეგ გია გეგუჩაძის გუნდი კიევის "დინამოს" გაეჯიბრა და პენალტების სერიაში დამარცხდა "ზესტაფონმა" პრაღის "სპარტასთან" 0:5-ის შემდეგ დაამტკიცა, რომ ძლიერ და სახელიან მეტოქესთან ღირსეულად თამაში შეუძლია. ძნელად თუ წარმოიდგენდა ვინმე, რომ გია გეგუჩაძის გუნდს კიევის "დინამოსთან" წარმატების სერიოზული შანსი ექნებოდა, მაგრამ იმერული კლუბის წევრთა სასახელოდ უნდა ითქვას, რომ მათზე გაცილებით ცნობილ ფეხბურთელებს ტოლი არაფერში დაუდეს და დამსახურებულ ფრესაც მიაღწიეს.ვფიქრობთ, თერთმეტმეტრიანების სერიის შედეგს გადამწყვეტი მნიშვნელობა არ უნდა მივანიჭოთ. მთავარია, რომ "ზესტაფონმა" მებრძოლი ხასიათი გამოავლინა, რაც თუნდაც რამდენიმე დღის წინ მომხდარი ორი უსიამოვნო ამბის ("სპარტასთან" გამანადგურებელ მარცხსა და ორი წამყვანი ფეხბურთელის შეკრებიდან დათხოვნას ვგულისხმობთ) შემდეგ იოლი სულაც არ იყო.სასიამოვნოა, რომ "ზესტაფონი" ავტორიტეტებს ტოლს არ უდებს და ესპანეთში მიღებული გამოცდილება ევროტურნირებზე უთუოდ წაადგება. მართალია, იმერლებს ამ შეკრებაზე ჯერ არ გაუმარჯვიათ, მაგრამ ისეთ ძლიერ მეტოქეებთან მიღწეული ფრე, როგორებიც "ლეხი" და "დინამო" არიან, მათ აქტივში უნდა შევიტანოთ. სპარინგებში კი, დაგვეთანხმებით, შედეგზე გაცილებით მნიშვნელოვანი გამოცდილების შეძენაა, რასაც მაღალი დონის მეტოქისგან გაცილებით მეტს მიიღებ. "ზესტაფონის" სამივე სპარინგ-პარტნიორი კი ევროპის ლიგის მეთექვსმეტედფინალისთვის ემზადება.იარმოლენკოს, შევჩენკოსა და მილევსკის აქტიურობის წყალობით პირველი ტაიმი კიეველთა უპირატესობით წარიმართა და სწორედ ამ სამეულის ძალისხმევით "დინამო" ორბურთიანი სხვაობით დაწინაურდა. იარმოლენკომ ჯერ სოლორეიდი დაასრულა ეფექტური გოლით, ტაიმის ბოლოს კი მილევსკის მისცა ჩინებული პასი. შესვენებამდე უკრაინელებს გატანა სხვა ეპიზოდებშიც შეეძლოთ. განსაკუთრებით შთამბეჭდავი ის მომენტი იყო, როინ კვასხვაძემ შევჩენკოს დარტყმა რომ მოიგერია. უქმად არც ქართველები ყოფილან - კახა ალადაშვილმა საჯარიმო კარგად შეასრულა, მაგრამ მიზანს ოდნავ ააცილა.მატჩის მეორე ნახევარი კი "ზესტაფონის" კარნახით წარიმართა, თუმცა ყრუ დაცვაში, ცხადია, არც უკრაინელები ჩამდგარან. მრავალსვლიანი კომბინაცია თორნიკე გორგიაშვილის გოლით დასრულდა. გორგიაშვილი, რომელმაც "ზესტაფონთან" ახალი, ხუთწლიანი კონტრაქტი გააფორმა, თავისიანებში ერთ-ერთი გამორჩეული იყო. მის გოლს იური სიომინის გუნდის გამოცოცხლება მოჰყვა. გილიერმეს, კრავეცსა და შევჩენკოს ზესტაფონელთათვის იმედების გადაწურვა შეეძლოთ, მაგრამ მეკარე კვასხვაძე და ფეროელთა დაცვა რიგიანად მოქმედებდნენ."ზესტაფონი" გასათანაბრებლად ბრძოლას განაგრძობდა და შეხვედრის ძირითადი დროის დასრულებამდე 11 წუთითადრე რატი წინამძღვრიშვილმა ახლო მანძილიდან წონასწორობა აღადგინა. ტურნირის დებულებით, დამატებითი დრო არ დანიშნულა და გუნდებმა პენალტები დაარტყეს. მატჩისშემდგომი თერთმეტმეტრიანების თანმიმდევრობას თამაშის ოქმში წაიკითხავთ.ამგვარად, "ზესტაფონი" "მარბელიას თასზე" ოდენ ბოლოსწინა ადგილისთვის იბრძოლებს. ხვალ თბილისის დროით დღის სამის ნახევარზე გეგუჩაძის გუნდი პლოვდივის "ლოკომოტივს" დაუპირისპირდება. ტურნირის ფინალში ერთმანეთს დნეპროპეტროვსკის "დნიპრო" და ვარშავის "პოლონია" შეხვდებიან, მესამე ადგილს სანკტ-პეტერბურგის "ზენიტი" და პრაღის "სპარტა" გაითამაშებენ, მეხუთე საფეხურისთვის კი კიევის "დინამო" და კრასნოდარის "ყუბანი" იბრძოლებენ.მარბელიას თასიზესტაფონი-დინამო კ. 2:2 პ. 4:5ზესტაფონი: რ. კვასხვაძე - ალადაშვილი (80. ბენაშვილი), გრუიცა (53. მ. კობახიძე), გ. ონიანი, ელიავა - ძარია (39. გრიგალაშვილი), დაუშვილი, ბაბუნაშვილი (53. გორგიაშვილი), აფციაური (80. ფიფია) - დვალი (80. ს. ლომია), წინამძღვრიშვილი.დინამო: შოვკოვსკი (46. კოვალი) - სილვა, მიხალიკი, იუსუფი, ალმეიდა (60. ბეტაო) - გუსევი (61. გილერმე), ვუკოიევიჩი, ერიომენკო - იარმოლენკო (80. გარმაში), მილევსკი (61. კრავეცი), შევჩენკო.გოლები: 0:1 იარმოლენკო (15), 0:2 მილევსკი (39), 1:2 გორგიაშვილი (68), 2:2 წინამძღვრიშვილი (79)არბიტრი: მუნიოს კარავაკა (ესპანეთი)პენალტების სერია: 1:0 გრიგალაშვილი, 1:1 გილერმე, 2:1 ელიავა, 2:2 კრავეცი, ონიანი (მეკარე), 2:3 გარმაში, 3:3 გორგიაშვილი, 3:4 ერიომენკო, 4:4 დაუშვილი, სილვა (ააცილა), ფიფია (მეკარე), 4:5 ბეტაო.

ფრე წყალტუბოში: "გარეჯის" თავურები

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"დინამო თბილისი": სამი გოლი, სამი ქულა

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

ტონი კროოსმა ფეხბურთის ისტორიაში საუკეთესო მეკარე დაასახელა

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

"სპორტინგმა" ისევ მოიგო, ქოჩორაშვილი ისევ შეცვლაზე შევიდა

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია