<p>რაგბის საერთაშორისო საბჭომ მაისში დაგეგმილი ტურნირის ქვეჯგუფების შემადგენლობა, თამაშების განრიგი და მსაჯთა ვინაობა დაასახელა <br> რაგბის საერთაშორისო საბჭოს (<span style="font-family: arial; font-size: 14px; line-height: 21px;">IRB</span>) 20 წლამდელთა მსოფლიოს თასის 2011 წლის მორიგი გათამაშება თბილისში, მაისის ბოლოს გაიმართება.</p><p>დღეს, სასტუმრო "რედისონში" აღნიშნულ საკითხთან დაკავშირებით პრესკონფერენცია გაიმართა. რაგბის საერთაშორისო საბჭომ გამოაცხადა ქვეჯგუფების შემადგენლობა, თამაშების განრიგი და დაასახელა ტურნირის მსაჯთა ვინაობა.</p><p>20 წლამდელთა მსოფლიოს თასის მორიგი გათამაშება <span style="font-family: arial; font-size: 14px; line-height: 21px;">IRB</span>-ის პირველი ტურნირია, რომელსაც საქართველო უმასპინძლებს. თამაშები "შევარდენის" და ავჭალის სტადიონებზე გაიმართება.</p><p>გათამაშების პირველ დღეს, 24 მაისს, მასპინძელი ნაკრები დაუპირისპირდება კანადას, რუსეთი - ურუგვაის, სამუა - ამერიკის შეერთებულ შტატებს და იაპონია - ზიმბაბვეს. 5 ივნისს კი ფინალში გაირკვევა <span style="font-family: arial; font-size: 14px; line-height: 21px;">IRB</span>-ის 20 წლამდელთა მსოფლიოს თამაშის გამარჯვებული, რომელიც შარშანდელი თასის მფლობელის, იტალიის მსგავსად მოიპოვებს 2012 წლის 20 წლამდელთა მსოფლიოს ჩემპიონატის საგზურს.</p><p>როგორც პრესკონფერენციაზე გახდა ცნობილი, საქართველო ამ ტურნირს უდიდეს მნიშვნელობას ანიჭებს ახალგაზრდა მოთამაშეთა აღზრდის საქმეში. დღეისათვის <span style="font-family: arial; font-size: 14px; line-height: 21px;">IRB</span>-ის 20 წლამდელთა მსოფლიოს თასის გათამაშებების 50 ყოფილი მონაწილე ასპარეზობს მსოფლიოს სხვადასხვა ქვეყნის ეროვნულ ნაკრებში. ასეთი მორაგბეები ქართველებიც არიან: მათ შორის დავით ჩიჩუა, ლაშა ხმალაძე, ვიქტორ კოლელიშვილი, გიორგი როხვაძე, ბექა წიკლაური და ვასილ კაკოვინი.</p><p>საქართველოში ტურნირის მოსამზადებელ სამუშაოებს <span style="font-family: arial; font-size: 14px; line-height: 21px;">IRB</span>-ის ტურნირების მენეჯერი ფილიპ ბურდარიასი აკვირდება, რომელიც უკვე რამდენიმე დღეა თბილისში იმყოფება.</p><p>"მოხარული ვარ, რომ თბილისში ვიმყოფები. მეტად კმაყოფილი ვართ იმით, რომ ტურნირისათვის მზადება დაგეგმილ ვადებზე უფრო სწრაფად მიდის და ტურნირის ჩასატარებლად ორი მაღალი კლასის სტადიონია შერჩეული. საქართველოს რაგბის კავშირს ეძლევა შესაძლებლობა, აჩვენოს მსოფლიოს თავისი ბოლოდროინდელი მიღწევები, მათ შორის ორი სანაკრებო დონის კომპლექსი თბილისში და ახალი თაობის ხელოვნური მოედანი. დარწმუნებული ვარ, რომ ტურნირში მონაწილე გუნდები სიამოვნებას მიიღებენ ამ შესანიშნავი სპორტული ღონისძიებებისაგან და მომთხოვნი და ემოციური ქართველი მაყურებლის იმედებს გაამართლებენ", - განაცხადა პრესკონფერენციაზე <span style="font-family: arial; font-size: 14px; line-height: 21px;">IRB</span>-ის ტურნირის მენეჯერმა ფილიპ ბურდარიასმა.</p><p>პრესკონფერენციას საქართველოს სპორტისა და ახალგაზრდულ საქმეთა მინისტრის მოადგილე გია გალდავაც ესწრებოდა.</p><p>მისი განცხადებით, აღნიშნული ტურნირის ჩატარება საქართველოსთვის მნიშვნელოვანი და პრესტიჟულია და 20 წლამდე ქართველი მორაგბეები შესანიშნავ და შესაფერის თამაშებს ჩაატარებენ.</p><p><strong>"ინტერპრესნიუსი" </strong></p><p>.</p>
18 წ. | დრამატული ფრე ირლანდიასთან
18 წ. | ირლანდიასთან ინგლისის მსგავსად
18 წ. | სამხრეთ აფრიკამ გვაჯობა
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში