<p>დღეს, 15 მარტს, საქართველოს 17-წლამდელთა ნაკრები ევროპის ჩემპიონატის ელიტრაუნდს იწყებს <br> დღეს, 15 მარტს, საქართველოს 17-წლამდელთა ნაკრები ევროპის ჩემპიონატის ელიტრაუნდს იწყებს. <strong>ვასილ მაისურაძის</strong> გუნდის მეტოქეები ბოსნიელი, რუსი და იტალიელი თანატოლები არიან.</p><p>გუშინ მიხეილ მესხის სახელობის სტადიონის საპრესკონფერენციო დარბაზში მასმედიის წინაშე საქართველოს ნაკრების მთავარი მწვრთნელი ვასილ მაისურაძე და გუნდის კაპიტანი <strong>ლუკა ასათიანი</strong> წარდგნენ. მანამდე, ნაკრებმა ივარჯიშა "მიხეილ მესხზე", სადაც დღეს ტურნირის სასტარტო მატჩში ბოსნიას ეთამაშება. შეხვედრა 14:00 სთ-ზე დაიწყება და მის ტელერეპორტაჟს საზოგადოებრივი მაუწყებლის "პირველი არხი" წარმოადგენს. ელიტრაუნდის თამაშებზე დასწრება თავისუფალია.</p><p>ჩვენი გუნდის ამოცანაა ჯგუფის ორ საუკეთესო გუნდს შორის მოხვედრა, რათა აზერბაიჯანში გასამართავ 17-წლამდელთა ევროფორუმს არ დავაკლდეთ...</p><p><span style="text-decoration: underline;">ვასილ მაისურაძე:</span></p><p>- ელიტრაუნდს უკვე დიდი ხანია, ველით. კვირაზე მეტია, შეკრებაზე ვართ და მიმაჩნია, რომ გუნდი კარგად მოემზადა ტურნირისთვის. პირველი მეტოქე ბოსნიაა, რომელიც შესწავლილი გვყავს. აქედანვე შეიძლება იმის თქმა, რომ არავითარ შემთხვევაში არ იქნება მარტივი თამაში. ბოსნიელები იოლად არაფერს დათმობენ. განწყობა კარგია და გუნდი მზად არის, შესაძლებლობების მაქსიმუმი აჩვენოს.</p><p><strong>- ხომ არ გაქვთ დანაკლისი?</strong></p><p>- პრინციპში, თითქმის ყველა ის ფეხბურთელი გამოვიძახეთ, ვინც გვსურდა. თქვენც იცით, ნაკრებში არიან ახალი ფეხბურთელები. ერთადერთი სილაგაძეა, რომელიც ამ ეტაპზე ტრავმის გამო ვერ შემოგვიერთდა.</p><p><strong>- ბოსნიასთან მატჩში "პირველ ნომრად" ითამაშებთ?</strong></p><p>- ჩვენ შინ ვთამაშობთ და ვალდებულნი ვართ, "პირველ ნომრად" ვითამაშოთ. შეიძლება თამაშის მიმდინარეობისას ტაქტიკა შეიცვალოს და გადავეწყოთ, მაგრამ ეს მოხდება ისევ და ისევ მატჩის სურათიდან გამომდინარე. ყველა შეხვედრაში "პირველ ნომრად" ვითამაშებთ. რომელ ნაკრებშიც ვყოფილვარ, ყველგან ეს იყო ჩემი დევიზი და ამჯერადაც ასე იქნება.</p><p><strong>- უფრო დაწვრილებით გვითხარით ბოსნიის ნაკრებზე. ამ გუნდს შემადგენლობა არ დაეწუნება - არიან ფეხბურთელები "ბაიერნიდან", "პარტიზანიდან", ზაგრების "დინამოდან"...</strong></p><p>- გეტყვით. ბოსნიას ტანმაღალი ფეხბურთელები ჰყავს. 4-3-3 სისტემით თამაშობს, ორი საყრდენი ნახევარმცველით. ვიტყოდი, რომ ჩვენი პირველი მეტოქე საშუალოევროპულ დონესთან ახლოსაა და იოლად ვერავინ მოუგებს. თქვენც აღნიშნეთ, რომ მათი ფეხბურთელები კარგ ევროპულ კლუბებში თამაშობენ და ფაქტია, თბილისში კონკრეტული შედეგისთვის მოდიან. ყველამ ვიცით, რომ რთული თამაში გველის.</p><p><strong>- მიკროტრავმები ხომ არ არის გუნდში?</strong></p><p>- არის, მაგრამ ისეთი არა, რომ რომელიმე ფეხბურთელს არ მიეცეს თამაშის საშუალება.</p><p><span style="text-decoration: underline;">ლუკა ასათიანი:</span></p><p>- ჩემი აზრით, ძალიან კარგი, ნაყოფიერი შეკრება გავიარეთ. სომხეთთან ამხანაგურ მატჩებში გვქონდა გარკვეული შეცდომები, რომლებიც აღმოფხვრილია. ძლიერი ჯგუფია, მაგრამ ეს ისეთი ასაკია, რომ ფავორიტი არ არსებობს. მიმაჩნია, რომ მეტოქეებზე უკეთესი შანსი გვაქვს, რადგან საკუთარ კედლებში ვითამაშებთ და ესაა სწორედ ჩვენი უპირატესობა.</p><p><strong>- რუსეთის ნაკრებთან მატჩზე გკითხავთ. ფეხბურთი და პოლიტიკა უნდა გავმიჯნოთ, მაგრამ, ალბათ, მაინც განსაკუთრებული მატჩი იქნება...</strong></p><p><span style="text-decoration: underline;">ლუკა ასათიანი:</span></p><p>- მართალი ბრძანდებით, ფეხბურთი და პოლიტიკა სხვადასხვა რამაა. ჩვენ ისევე ვითამაშებთ რუსეთთან, როგორც სხვა მოწინააღმდეგესთან. ვინც უნდა იყოს მეტოქე, ყველასთან მხოლოდ გამარჯვებისთვის გავალთ მინდორზე.</p><p><span style="text-decoration: underline;">ვასილ მაისურაძე:</span></p><p>- ჩვენთვის რუსეთთანაც და სხვა მატჩებშიც მიზანი მხოლოდ გამარჯვებაა და ყველაფერს გავაკეთებთ იმისთვის, რომ მივაღწიოთ ამ გამარჯვებას.</p><p><span style="color: #ff0000;"><strong>საქართველო</strong></span></p><p><span style="text-decoration: underline;">მეკარეები:</span> ლუკა გუგეშაშვილი (იაგელონია, პოლონეთი), დავით კერესელიძე (ცხინვალი);</p><p><span style="text-decoration: underline;">მცველები:</span> დავით კიკალიშვილი (დინამო თბ), ჯაბა კასრელიშვილი (35-ე სკოლა), ლუკა ასათიანი (იაგელონია, პოლონეთი), ლუკა ქაფიანიძე, ლევან ხარაბაძე (ორივე - დინამო თბ);</p><p><span style="text-decoration: underline;">ნახევარმცველები:</span> ზურაბ გულბანი (ზვოლე, ჰოლანდია), გიორგი კუცია, ზურა დავითაშვილი, ნიკა ნინუა, გიორგი ჩაკვეტაძე (ყველა - დინამო თბ), ალექსანდრე ანდრონიკაშვილი (35-ე სკოლა), სანდრო შეწირული (ლოკომოტივი);</p><p><span style="text-decoration: underline;">თავდამსხმელები:</span> ნუგზარ სპანდერაშვილი, ბექა ქავთარაძე (ორივე - 35-ე სკოლა), გიორგი ივანიაძე (საბურთალო), ლაშა ოზბეთელაშვილი (ლოკომოტივი).</p><p><span style="text-decoration: underline;">მწვრთნელი:</span> ვასილ მაისურაძე</p><p><span style="color: #ff0000;"><strong>იტალია</strong></span></p><p><span style="text-decoration: underline;">მეკარეები:</span> დომენიკო კოპოლა (ტორინო), ალესანდრო პლიცარი (მილანი);</p><p><span style="text-decoration: underline;">მცველები:</span> ედოარდო ბიანკი, ჯანმარია ძანანდრეა (ორივე - იუვენტუსი), კარმინე სეტოლა (ჩეზენა), ალესანდრო ბასტონი (ატალანტა), რაულ ბელანოვა (მილანი), ლუკა პელეგრინი (რომა);</p><p><span style="text-decoration: underline;">ნახევარმცველები:</span> ფილიპო მელეგონი (ატალანტა), მარკო ოლივიერი (ემპოლი), დავიდე ფრატეზი, ანდრეა მარკუჩი (ორივე - რომა), მატეო გაბია (მილანი), ალესიო მილიტარი (ფიორენტინა);</p><p><span style="text-decoration: underline;">თავდამსხმელები:</span> გაბრიელე გორი (ფიორენტინა), ბიოტი მოისე კინი (იუვენტუსი), ანდრეა პინამონტი (ინტერი), ჯანლუკა სკამაკა (პსვ ეინდჰოვენი, ჰოლანდია).</p><p><span style="text-decoration: underline;">მწვრთნელი:</span> ალესანდრო დალ კანტო</p><p><span style="color: #ff0000;"><strong>ბოსნია</strong></span></p><p><span style="text-decoration: underline;">მეკარეები:</span> ფილიპ ვასი (ლოკომოტივა, ხორვატია), ფილიპ დუიმოვიჩი (ზრინსკი);</p><p><span style="text-decoration: underline;">მცველები:</span> მილან მკირიჩი (პარტიზანი, სერბეთი), ამკარ ბეშირევიჩი (ჟელეზნიჩარი), ამირ ველიჩი (ჟელეზნიჩარი), საშა პერიჩი (ცრვენა ზვეზდა, სერბეთი), ნიკოლა ვულეტიჩი (ჰაიდუკი, ხორვატია), რიად სადიკუ (სარაევო);</p><p><span style="text-decoration: underline;">ნახევარმცველები:</span> იასმინ ცელიკოვიჩი (რიეკა, ხორვატია), სტეფან კოვაჩი (ცრვენა ზვეზდა, სერბეთი), ედის სმაიჩი (სლობოდა), ერგინ მეჰულიჩი (სარაევო), დემირელ ველაჯიჩი (სარაევო), ანელ შაბანაჯოვიჩი (ჟელეზნიჩარი);</p><p><span style="text-decoration: underline;">თავდამსხმელები:</span> სევკია რეშიჩი (სარაევო), ტომაშ დადიჩი (დინამო, ხორვატია), პრედრაგ ვლადიჩი (პარტიზანი, სერბეთი), ბენიამინ ჰაჯიჩი (ბაიერნი, გერმანია).</p><p><span style="text-decoration: underline;">მწვრთნელი:</span> საკიბ მალკოჩევიჩი</p><p><span style="color: #ff0000;"><strong>რუსეთი</strong></span></p><p><span style="text-decoration: underline;">მეკარეები:</span> პიოტრ კოსარევსკი (დინამო), მატვეი საფონოვი (კრასნოდარი);</p><p><span style="text-decoration: underline;">მცველები:</span> სერგეი ბოროდინი, არტიომ გოლუბევი (ორივე - კრასნოდარი), ალექსანდრ ვოლკოვი (ცსკა), არტიომ გორბულინი, ალექსანდრ ზახაროვი (ორივე - დინამო), კირილ ლუკიანჩიკოვი (რუბინი);</p><p><span style="text-decoration: underline;">ნახევარმცველები:</span> პიოტრ ვოლოდკინი, დენის პაცევი, ალექსანდრ რუდენკო (ყველა - სპარტაკი), ვიაჩესლავ გრულევი, ოსმან ისაევი (ორივე - დინამო), მაგომედ სულეიმანოვი, დანილ უტკინი (ორივე - კრასნოდარი), მიხაილ იაკოვლევი (რუბინი);</p><p><span style="text-decoration: underline;">თავდამსხმელები:</span> ივან იგნატიევი (კრასნოდარი), სტანისლავ ლაცევიჩი (დინამო).</p><p><span style="text-decoration: underline;">მწვრთნელი:</span> სერგეი მატვეევი</p><p><span style="color: #3366ff;"><strong>ელიტრაუნდის კალენდარი</strong></span></p><p><span style="text-decoration: underline;">15 მარტი</span></p><p>14:00 ბოსნია-საქართველო (მიხეილ მესხი)</p><p>16:00 რუსეთი-იტალია (მიხეილ მესხი, სათ)</p><p><span style="text-decoration: underline;">17 მარტი</span></p><p>14:00 რუსეთი-საქართველო (მიხეილ მესხი)</p><p>16:00 იტალია-ბოსნია (მიხეილ მესხი, სათ)</p><p><span style="text-decoration: underline;">20 მარტი</span></p><p>14:00 ბოსნია-რუსეთი (მიხეილ მესხი, სათ)</p><p>14:00 საქართველო-იტალია (მიხეილ მესხი)</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
[VIDEO] ერთმანეთზე ლამაზი გოლებით - საქართველოს 21-წლამდელთა ნაკრებმა მალტა გაანადგურა
U21 | მალტა V საქართველო - მატჩისწინა ვარჯიში "სენტენარიზე"
"შეტევაში გვიჭირს, ძალიან - რესურსებში შეზღუდული ვართ" - სვანაძემ მძიმე პრობლემების შესახებ ისაუბრა
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
სასიხარულო ამბავი - შეიქმნა სპორტული ფონდი, რომლის მთავარი მიზანიც სპორტული ინფრასტრუქტურის განვითარებაა
"კვარა" - ზღაპრის გმირობა, რწმენა და ლიგის ზედიზედ მოგება
"მაშინ დავკარგე ფეხბურთელი, რომელთან მუშაობაც კიდევ 10 წლით მსურდა" - კლოპმა კოუტინიოს "ბარსელონაში" ტრანსფერი გაიხსენა
"მისით არ ვინტერესდებით" - "სპორტინგმა" საფონოვთან დაკავშირებული ჭორები უარყო
"გადაცემის შემდეგ ჩემს ნომერს გამოგიგზავნი" - ტიერი ანრიმ ვიქტორ იოკერეშს მიმართა
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ვილიარეალთან" თამაში ძალიან რთულია, რადგან ტოპ გუნდია" - გვარდიოლას კომენტარი გამარჯვების შემდეგ
[VIDEOS] სუპერმატჩი ოკლაჰომაში და დონჩიჩის 43 ქულა - NBA ხმაურიანად დაიწყო!
რას ნიშნავს კვარაცხელიას გოლის აღნიშვნა? - Le Parisien-ი განმარტავს
კვარაცხელია: მეგონა, ბურთი კარს ავაცილე და ცოტა შემეშინდა
ლიდერი ისევ "დილაა"; "ტორპედომ" კი იბერიელებს აჯობა
"არსენალის" და "ინტერის" დამაჯერებელი გამარჯვებები და "ნაპოლის" განადგურება პსვ-სთან
როგორი შეფასებები მიიღეს კვარაცხელიამ და მიქაუტაძემ ჩემპიონთა ლიგის მესამე ტურში?
მიქაუტაძის 66 წუთი - "მანჩესტერ სიტიმ" "ვილიარეალი" უშანსოდ დაამარცხა
მაისურაძემ 21-წლამდელთა ნაკრების შემადგენლობა დაასახელა
"იაგელონიამ" ლუკა გუგეშაშვილი და ლუკა ასათიანი მთავარ გუნდში დააწინაურა
ვასილ მაისურაძე: ვთვლი, რომ ღირსეულად ვითამაშეთ
ვაჟთა ასაკობრივი გუნდების წილისყრა ნიონში
ოთხთა ტურნირისთვის საქართველოს 19-წლამდელთა ნაკრების შემადგენლობა ცნობილია
U17. საქართველოს ნაკრები დანიასთან უშანსოდ დამარცხდა
ჰეთ-თრიკი და ქამბექი - მაისურაძის 19-წლამდელების გამარჯვება [VIDEO]
U17 | საქართველო 3:0 ლიეტუვა
საქართველოს 19-წლამდელთა ნაკრებმა მოდლოვური ტურნირი სომხეთის განადგურებით დაასრულა
ჩვენი ნაცნობი "იაგა" - რა გუნდია ბათუმის "დინამოს" მეტოქე "იაგელონია"
19-წლამდელები პორტუგალიისა და დანიის წინააღმდეგ - მაისურაძე "პორტუსა" და "ბრაგას" ლეგიონერებით
სანდრო კობახიძემ ლუკა ასათიანის "იაგელონიას" გოლი გაუტანა
U.21 ნაკრებს ახალი მთავარი მწვრთნელი ჰყავს
ქართული დელეგაცია პოლონეთში - ბრძოლა მედლებისთვის და ექსტრაკლასაში დასარჩენად [PHOTO]
17-წლამდე ვაჟთა ნაკრები საწვრთნელ შეკრებას იწყებს
19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]
ელიტრაუნდი 17-წლამდელებმაც მარცხით დაიწყეს [VIDEO]
ლუკა გუგეშაშვილმა და ლუკა ასათიანმა "იაგელონიას" პირველ გუნდში ითამაშეს