<p>გელა სანაია: "ნანახმა ყოველგვარ მოლოდინს გადააჭარბა" <br> ერთი თვეა, რაც ეროვნული ჩემპიონატი განახლდა. მეორე წრის დაწყების შემდეგ 5 ტური გაიმართა, ფოთის "კოლხეთი 1913" კი ვერა და ვერ იგებდა.<strong> გელა სანაიას</strong> გუნდმა მხოლოდ ბოლო შეხვედრაში გატეხა ნავსი. ეს ამბავი მაშინ მოხდა, კოლხები საკუთარ ქალაქს სამწლიანი პაუზის შემდეგ რომ დაუბრუნდნენ. ამდენად, ფოთელთა წარმატება შემთხვევითი არ ყოფილა.</p><p>ამ ამბის წინაისტორია ყველამ იცით - "ფაზისის" სტადიონის დაუმთავრებელი რეკონსტრუქციის გამო კოლხები ხან ლანჩხუთში თამაშობდნენ, ხან სამტრედიაში... ბოლოს "კოლხეთი" თანაქალაქელმა მორაგბეებმა "პარკი არენაზე" შეიფარეს და გუნდი სეზონს სწორედ იქ ჩაამთავრებს.</p><p>ისე, ბედის ირონიაა - ადრე ფეხბურთელები იფარავდნენ მორაგბეებს...</p><p>ერთი სიტყვით, "კოლხეთმა" 13 მარტს ქუთაისის "ტორპედოს" სწორედ "პარკი არენაზე" უმასპინძლა და 2:0 დაამარცხა.</p><p><p><div style="text-align: center;"><a href="/fexburti/qarthuli-fekhburthi/chempionati/89537-kolkhethi-torpedo-20-video.html" target="_blank">კოლხეთი-ტორპედო 2:0 [VIDEO]</a></div></p></p><p>მატჩის შემდეგ კლუბის გენერალურმა დირექტორმა <strong>თემურ ბარქაიამ</strong> გულშემატკივრებს მიმართა:</p><p>"უპირველესად, დიდი მადლობა ფოთის რაგბის საძმოს. რომ არა ეს თანადგომა, წარმატება გაცილებით ძნელად მისაღწევი იქნებოდა. ასევე, დიდი მადლობა თითოეულ ფოთელ ქომაგს! "ტორპედოსთან" გამარჯვება მნიშვნელოვანწილად თქვენი დამსახურებაა! კვირას ჩვენ ყველამ ერთად გავიმარჯვეთ და მშობლიურ ქალაქს ღირსეულად დავუბრუნდით.</p><p>თითოეული ჩვენგანი მოუთმენლად ელის მორიგ საშინაო თამაშს, რათა კიდევ ერთხელ გავახაროთ ჩვენი ერთგული გულშემატკივარი. ქედს ვიხრი თქვენ წინაშე და დარწმუნებული ვარ, ერთად კიდევ ბევრ გამარჯვებას ვიზეიმებთ - ჩვენ პირველი ქართული გუნდი ვართ"!</p><p><img src="pictures/artimages/image17/13d5fb0d17e4187e2e9f19618b70aecb.jpg" border="0" alt="Sportall.Ge" title="საკუთარი კედლების ძალა, ანუ როგორ მოუგო "კოლხეთმა" ფოთში "ტორპედოს"" /></p><p>კოლხების მთავარი მწვრთნელი გელა სანაია "ლელოსთან" კომენტარში ამბობს, რომ გუნდის მშობლიურ ქალაქში დაბრუნებამ შედეგების გაუმჯობესების იმედი გააღვიძა:</p><p>"ჩვენ უმაღლეს ლიგაში ისედაც ყველაზე მწირი ბიუჯეტის მქონე კლუბი ვართ. ამას ისიც ემატებოდა, რომ ფოთში ვერ ვთამაშობდით. ნეიტრალურ მოედანზე მასპინძლობა კი ძალიან ძნელია, ხალხი არ დადის, ტრიბუნები ცარიელია და ისეთი შთაბეჭდილება გვრჩება, რომ "კოლხეთი" არავის აინტერესებს...</p><p>ფოთში გუნდის დაბრუნება იმიტომაც მახარებდა, რომ დარწმუნებული ვიყავი, ეს ვითარებას აბსოლუტურად შეცვლიდა და ქალაქისთვის მოვლენა იქნებოდა, მაგრამ ნანახმა ყოველგვარ მოლოდინს გადააჭარბა. ასეთ აჟიოტაჟს ვერ წარმოვიდგენდი. "პარკი არენის" ტრიბუნები 2800 კაცს იტევს და იმდენი ხალხი მოვიდა, ადგილები არ ეყოთ, ნაწილი ფეხზე იდგა. ასეთ გარემოში თამაშით ხალხმაც ისიამოვნა, ფეხბურთელებმაც...</p><p>და როგორც იქნა, გავიმარჯვეთ. ქომაგი ფეხბურთის სული და გულია, თანაც - რაიონში. ამ თამაშის შემდეგ უფრო კარგად ვაცნობიერებთ, ფოთში სამწლიანი უთამაშებლობით "კოლხეთმა" რამდენი რამ დაკარგა".</p><p><img src="pictures/artimages/image17/8f966bba832c4435cebfbd1278ac5031.jpg" border="0" alt="Sportall.Ge" title="საკუთარი კედლების ძალა, ანუ როგორ მოუგო "კოლხეთმა" ფოთში "ტორპედოს"" /></p><p>გავრცელდა კადრები, როგორ ზეიმობენ მატჩის შემდეგ ფოთელები ტრიბუნებზე "კოლხეთის" გამარჯვებას, როგორი ოვაციებით აცილებენ გუნდს გასახდელში... ეს იყო ნამდვილი ზეიმი და იმის დასტური, რომ საქართველოში ფეხბურთი ჯერ კიდევ ძალიან უყვართ. ამდენად, ყველა გუნდმა თამაშები საკუთარ სტადიონზე რომ ჩაატაროს, ფეხბურთზე მაყურებელი მოიმატებს.</p><p>ადვილი მისახვედრია, რომ "კოლხეთსა" და "ზუგდიდს" სამტრედიაში, "საპოვნელასა" და "ტორპედოს" - ზესტაფონში, ბათუმის "დინამოს" კი - ქობულეთში უფრო ნაკლები ხალხი გაჰყვება და უქომაგებს, ვიდრე საკუთარ ქალაქში. ამიტომაა საჭირო, რომ ყველა გუნდი თავის მშობლიურ არენას დაუბრუნდეს.</p><p>დარწმუნებული ვარ, ასე ჩემპიონატი ბევრად უფრო საინტერესო გახდება. ისიც გამოჩნდება, რომ ფეხბურთი ისევ პოპულარულია. ნამდვილი საფეხბურთო გარემო მოთამაშეებში მეტ ჟინსა და მონდომებას იწვევს. და არა მხოლოდ მათში - ჟრუანტელის მომგვრელი იყო ცარიელი ტრიბუნების შემდეგ ფოთელი გულშემატკივრის შეძახილი - "კოლხეთი"! კოლხეთი"! ამან ფეხბურთელებში სხვა მუხტი და აღმაფრენა დაბადა, რაც ცარიელ ტრიბუნებზე და სხვა ქალაქში წარმოუდგენელია...</p><p><strong>ყოველდღიური სპორტული გაზეთი "ლელო"</strong></p>
Vakho
მართლა დიდი მადლობა ეკუთვნის რაგბის კავშირს და პირადად ფოთის რაგბის „პარკი არენის“ თანამშრომლებს. უდიდესი მადლობა ფოთელ გულშემატკივარს და ამასთან ქუთაისელ გულშემატკივარსაც და რაც მთავარია მადლობა ფოთის კოლხეთს ამ უდიდესი ზეიმისათვის. ფოთს მოენეტრა ფეხბურთი და მთავრობამ უნდა გაიგოს, რომ დროზეა დასამთავრებელი კოლხეთის სტადიონი. ალბათ ფედერაციაც დროულად გადაჭრის ფინანსურ და სხვა მნიშვნელოვან საკითხებს კლუბებისათვის, რათა ყველა ქალაქში იყოს ისეთი დღესასწაულები როგორიც აჩვენა ფოთმა.
12345
კარგი თამაში იყო და კარგი ქომაგობაც ქართველ ხალხს უყვარს ფეხბურთი მაგრამ ჩვენ ფედერაციას არ უყვარს განსაკუთრებით არველაძეებს ესენი მთლიად მოსაშორებელია ამ სფეროდან ... ქართულ ფეხბურთს ფული როგორ იშოვონ სულ ამას ფიქრობენ...
გიორგი
ზოგადად ფოთელი გულშემატკივარი ყოველთვის გამორჩეული იყო საქართველოს ჩემპიონატში. მახსოვს, როცა საკუთარი სტადიონი ჰქონდათ უამრავი ხალხი დადიოდა, გამომდინარე იქიდან, რომ ამ ქალაქში სულით ხორცამდე აქვთ შეგნებული, რომ სწორედ ამ მიწაზე გაგორდა პირველად ბურთი, მათი ფეხბურთელებისადმი პატივისცემა და ფეხბურთის დაფასება გვაფიქრებინებს, რომ კოლხეთს ხელის შეწყობის პირობებში ძალიან კარგი მომავალი აქვს, გუნდს 3 წელია არ უთამაშია საკუთარ მოედანზე, ხან ვინ შეჭამა ფული ხან ვინ, საკადრისად კი არავინ დასჯილა, თვალის ასახვევად ერთ კაცს მიადგნენ და მორჩა, იმედია დასრულდება ეს მარაზმი, თემურ ბარქაია კი ყოჩაღ! ის საკუთარ რესურსს ხარჯავდა ბოლო კაპიკამდე ამ გუნდისთვის, იმიტომ რომ სულით ხორცამდე უყვარს ფეხბურთი და თავისი ქალაქი, ვინც იცნობს მას, დამეთანხმება აუცილებლად ) გაუმარჯოს ფოთის კოლხეთს!
Poteli qomagi
თუხარელმა ორი საგოლე გადაცემა გააკეთა და სიმბოლურ ნაკრებში სამი პოთელი პეხბურთელი მოხვდა და თუხარელი ვერააა უყურეთ თ ამაშს და ისე შეადგინეთ სიმბოლური თუხარელი ყველაზე დლიერი გარემარბია საქართველოში
shota
კარგი თამაში და არაჩვეულებრივი საფეხბურთო გარემო იყო... ყველას ვულოცავ!
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ეროვნული ლიგა. V ტური. "კოლხეთი" - "გაგრა" [LIVE]
"შევარდენს" ახალი მთავარი მწვრთნელი ჰყავს
კომპენსაცია ან სასჯელი! "კოლხეთის" სენეგალელი ლეგიონერი ირანში გაიქცა
გიორგი ბუხაიძე: კლუბთან კონტრაქტი ამომეწურა და არ ვიცი ჯერჯერობით სად წავალ
დაბრუნებაც, დებიუტიც... "იბერია 1999"-მა და "დინამო ბათუმმა" მოიგეს, ერთი მატჩი ფრედ დასრულდა
გადაწყდა: ფოთის "კოლხეთს" უკრაინელი ალექსანდრ შტელინი გაწვრთნის
ფოთის "კოლხეთის" ამბები: სპონსორი, ახალი მწვრთნელი და ფეხბურთელები
შტელინი: ჩაკვეტაძეს "გენტში" დამკვიდრების ასპროცენტიანი შანსი აქვს, თუ...
ეროვნული ლიგა. I ტური. "სამგურალი" - "კოლხეთი" [LIVE]
ფოთის "კოლხეთში" გელა სანაიას ალექსანდრ შტელინი შეცვლის?
"რაგბის კავშირისგან თანხმობა უკვე მივიღეთ" - "კოლხეთი" ფოთში ბრუნდება
მოისწრაფიშვილმა "სპარტაკთან" კონტრაქტი გააფორმა
გელა სანაია: ზღვისპირეთში ბევრი ტალანტი იკარგება
ეროვნული ლიგა. III ტური. "კოლხეთი 1913" - "დინამო" (თბ) [LIVE]
გელა სანაიამ "შევარდენი" დატოვა - ახალი თავკაცის ვინაობა ჯერჯერობით უცნობია
გელა სანაია: ნაკრებით ფეხბურთის მშენებლობის დაწყება წარმოუდგენელია
სტუმრების დღე: "სამგურალმა" და "გარეჯმა" მოიგეს