ბოლო რეპეტიცია გავლილია

სამთო-სათხილამურო სპორტი ლინდსი ვონი ჩემპიონატის სტარტს გამოტოვებს სამთო მოთხილამურეებმა დაასრულეს მზადება მსოფლიოს ჩემპიონატისთვის, რომელიც დღეს გერმანიის ქალაქ გარმიშ-პარტენკირხენში დაიწყება.ქალებს კურორტ ცვიზელში (გერმანია) სერიოზული პრობლემები შეუქმნა ამინდმა, რის გამოც მსოფლიოს თასის მე-16 ეტაპი ერთი დღის დაგვიანებით დასრულდა.აქ ბოლოს სლალომში შეჯიბრი ოთხი წლის წინ ჩატარადა და გამარჯვება მარლის შილდმა მოიპოვა. ავსტრიელმა გაიმეორა ეს წარმატება, რაშიც გასაკვირი არაფერია. წელს შილდი მეშვიდედ გავიდა სლალომის სტარტზე და მეხუთე გამარჯვებას მიაღწია. ასე რომ, მსოფლიოს ჩემპიონატზე ამ დისციპლინას გამორჩეული ფავორიტი ჰყავს.რა თქმა უნდა, გერმანელ გულშემატკივრებს ცვიზელში მსოფლიოს თასის ლიდერის მარია რიშის გამარჯვება სურდათ, მაგრამ გერმანელმა პირველი ცდა ვერ დაასრულა და ბრძოლას გამოეთიშა. არადა, ცვიზელში არ გამოდიოდა გერმანელის მთავარი კონკურენტი ლინდსი ვონი და შესაბამისად, რიშმა საერთო ჩათვლაში კიდევ უფრო წინ გასვლის შანსი დაკარგა.სამაგიეროდ გერმანულმა პუბლიკამ მეორე დღეს გაიხარა. მათი იმედები გაამართლა გიგანტურ სლალომში ოლიმპიურმა ჩემპიონმა ვიქტორია რებენსბურგმა. მან თავის საყვარელ დისციპლინაში პირველი ცდა ბრწყინვალედ გაიარა, მეორე დაშვებისას, მართალია, უხეში შეცდომა დაუშვა, მაგრამ ორი ცდის ჯამში მაინც ნახევარ წამზე მეტი მოუგო უახლოეს კონკურენტს.რებენსბურგის იოლი გამარჯვება იმითაც იყო განპირობებული, რომ გიგანტურ სლალომში მსოფლიოს თასის ლიდერი ტესა ვორლი მხოლოდ მეათე ადგილზე გავიდა.* * *თუ ცვიზელში მაყურებელმა ლოგიკური შედეგები იხილა, ავსტრიის ჰინტერშტოდერში ყველაფერი პირიქით იყო. აქ სუპერგიგანტსა და გიგანტურ სლალომში გამოვლინდნენ გამარჯვებულები და ორივეჯერ სენსაცია დაფიქსირდა. გამარჯვებები ნაკლებად ცნობილმა ავსტრიელებმა მოიპოვეს.ჰანეს რაიჰელტი სუპერგიგანტში უძლიერესთა შორის არასოდეს შედიოდა, მაგრამ ვირაჟებით დახუნძლულ ტრასას სწორედ ის მოერგო ყველაზე კარგად. მან მეათემ აიღო სტარტი და ბოლომდე შეინარჩუნა უპირატესობა.ყველა გააკვირვა ამერიკელი ბოდე მილერის მესამე ადგილმა. როგორც ჩანს, რამდენიმე კვირიანმა პაუზამ არ იმოქმედა ამ პოპულარული მოთხილამურის სპორტულ ფორმაზე და მსოფლიოს ჩემპიონატზე ბოდე ერთ-ერთი ფავორიტი იქება.რაც შეეხება საერთო ჩათვლის ლიდერ ივიცა კოსტელიჩს, მან გაზარდა საერთო ჩათვლაში თავისი უპირატესობა. ხორვატი მეხუთე მივიდა ფინიშთან, რაც მისთვის ძალიან კარგი შედეგია.მეორე დღეს გიგანტურ სლალომში გათამაშდა პირველობა და ამჯერად ყველა გააკვირვა ფილიპ შერგჰოფერმა. მან ორი ბრწყინვალე დაშვება განახორციელა და კარიერაში პირველად მოიგო მსოფლიოს თასის ეტაპი. მის ტრიუმფს იმანაც შეუწყო ხელი, რომ ამ სეზონში გიგანტური სლალომის ლიდერმა ტედ ლიჯეტიმ ეს სტარტი აშკარად ჩააგდო. ამერიკელი ორი ცდის ჯამში მე-13 ადგილზე გავიდა.* * *რაც შეეხება მსოფლიოს ჩემპიონატის ერთ-ერთ ფავორიტ ლინდსი ვონს, მას ჯერ კიდევ აწუხებს გასულ კვირას მიღებული ტრავმა, რის გამოც, ამერიკელი გამოტოვებს პლანეტის პირველობის პირველ სტარტს - სუპერგიგანტს."მინდა ტიტულის დაცვა, მაგრამ ტრავმა არ მაძლევს ამის საშუალებას. იმედი მაქვს, მალე უკეთ ვიგრძნობ თავს", - ამბობს მსოფლიოს თასის მოქმედი მფლობელი.ცვიზელი (გერმანია)სლალომი. ქალები1. მარლის შილდი (ავსტრია) - 1:55.19; 2. ვერონიკა ზუზულოვა (სლოვაკ) - +0.68; 3. ტანია პოუტაინენი (ფინ) - +1.78; 4. მანუელა მოელგი (იტალია) - +2.41; 5. სარკა ზარობსკა (ჩეხ) - +2.63; 6. კატრინ ცეტელი (ავსტრია) - +2.76...გიგანტური სლალომი1. ვიქტორია რებენსბურგი (გერ) - +1:36.96; 2. ფედერიკა ბრინიონე (იტა) - +0.53; 3. კატრინ ცეტელი (ავსტრია) - +0.89; 4. ანემონ მარმოტანი (საფ) - +0.97; 4. ელიზაბეტ გიორგლი (ავსტრია) - +0.97; 6. ანდრეა ფიშბახერი (ავსტრია) - +1.08...საერთო ჩათვლა1. მარია რიში (გერ) - 1256 ქულა; 2. ლინდსი ვონი (აშშ) - 1100; 3. ელიზაბეტ გიორგლი (ავსტრია) - 678; 4. ტანია პოუტიაინენი (ფინ) - 676; 5. ჯულია მანკუზო (აშშ) - 574; 6. მარლის შილდი (ავსტრია) - 544...ჰინტერშტოდერი (ავსტრია)კაცებისუპერგიგანტი1. ჰანეს რაიჰელტი (ავსტრია) - 1:43.91; 2. ბენჯამინ რაიხი (ავსტრია) - +0.34; 3. ბოდე მილერი (აშშ) - +0.93; 4. კარლო იანკა (შვეიც) - +1.15; 5. ივიცა კოსტელიჩი (ხორ) - +1.19; 6. ალექსის პინტურალი (საფ) - +1.24...გიგანტური სლალომი1. ფილიპ შერგჰოფერი (ავსტრია) - 2:46.44; 2. ჩიეტილ იანსრუდი (ნორ) - +0.17; 3. კარლო იანკა (შვეიც) - +0.20; 4. ჰანეს რაიჰელტი (ავსტრია) - +0.21; 5. მარკ ბერტო (შვეიც) - +0.41; 6. დიდიე კუში (შვეიცარია) - +0.47...საერთო ჩათვლა1. ივიცა კოსტელიჩი (ხორ) - 1249; 2. დიდიე კუში (შვეიცარია) - 725; 3. აქსელ ლუნდ სვინდალი (ნორ) - 713; 4. სილვან ცურბრიგენი (შვეიც) - 703; 5. რომედ ბაუმანი (ავსტრია) - 575; 6. კარლო იანკა (შვეიც) - 574...

სილქნეტის მხარდაჭერით, საქართველოს თასის ბაკურიანის ეტაპი დიდველის ტრასაზე ჩატარდება

სილქნეტის მხარდაჭერით საქართველოს თასის გათამაშების მეოთხე ეტაპი გუდაურში გაიმართება

ფიგურულ სრიალში ქართულმა წყვილმა გრან პრიზე ოქროს მედალი მოიპოვა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

[VIDEOS] გულიაშვილმა ესპანეთში დუბლი შეასრულა

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

18 წ. | 3 ლელო საფრანგეთთან

"მამარდაშვილი მთავარი დამნაშავე არ არის" - ინგლისური მედია

გოჩოლეიშვილი შეცვლაზე და "ჰამბურგის" ფრე "აუგსბურგთან"

ზივზივაძე სასტარტოში იყო - "ჰაიდენჰაიმმა" "გლადბახთან" ქულები გაიყო

როგორი შეფასებები მიიღო მამარდაშვილმა "სიტისთან" მატჩში?

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა