პრანდელის არჩევანი

4-4-2 თუ სამი ფორვარდი? ტრადიციულად, იტალიის ნაკრების მწვრთნელები შემადგენლობას თამაშამდე რამდენიმე დღით ადრე ასახელებენ და ასე მოხდა ამჯერადაც. ვინც არ იცის, ვამცნობთ, რომ 9 თებერვალს "სკუადრა აძურას" გერმანიის ეროვნულ გუნდთან უწევს ამხანაგური მატჩის გამართვა და თანაც დორტმუნდში, იქ, სადაც მსოფლიოს 2006 წლის ჩემ,პიონატის ნახევარფინალური მატჩი სწორედ ამ გუნდებს შორის გაიმართა. საერთოდ, იტალია-გერმანიის დაპირისპირება ყოველთვის პრინციპულია და მასზე, როგორც ამხანაგურზე საუბარი, გაუმართლებელიც კი არის. ორი ყველაზე ტიტულოვანი ევროპული საფეხბურთო ქვეყანა, რომელთა ჯახი მართლაც რომ განსაკუთრებულ ინტერესს იწვევს. კიდევ ერთხელ გავეცნოთ ჩეზარე პრანდელის მიერ დასახელებულ შემადგენლობას და შემდეგ განვავრცოთ თემა... მეკარეები: ბუფონი (იუვენტუსი), სირიგუ (პალერმო), ვივიანო (ბოლონია). მცველები: ასტორი (კალიარი), ბონუჩი (იუვენტუსი), კიელინი (იუვენტუსი), კასანი (პალერმო), კრიშიტო (ჯენოა), მაჯო (ნაპოლი), რანოკია (ინტერი). ნახევარმცველები: აკვილანი (იუვენტუსი), დე როსი (რომა), ჯოვინკო (პარმა), მაური (ლაციო), მონტოლივო (ფიორენტინა), ტიაგო მოტა (ინტერი), ნოჩერინო (პალერმო), პალომბო (სამპდორია). თავდამსხმელები: ბორიელო (რომა), კასანო (მილანი), მატრი (კალიარი), პაცინი (ინტერი), როსი (ვილიარეალი). პირველი, რამაც იტალიის ნაკრების გულშემატკივრები გააკვირვა, კლაუდიო მარკიზიოს განაცხადს მიღმა დარჩენა გახლავთ. ბევრმა მოასწრო და უკვე გააკრიტიკა კიდეც ამის გამო პრანდელი, მაგრამ როგორც შემდეგ გაირკვა, სულ ტყუილად. "სკუადრა აძურას" სამწვრთნელო შტაბის ერთ-ერთმა წარმომადგენელმა პრესისთვის საგანგებო განცხადება გააკეთა და განმარტა, რომ მარკიზიოს სერია A-ს უკანასკნელი ტურის პაექრობაში მიკროტრავმა მიუღია, რის გამოც მისი გერმანიის ნაკრებთან თამაში გამოირიცხა. არადა, პრანდელის კლაუდიოს დიდი იმედი ჰქონდა და ძირითადი შემადგენლობისთვის მოიაზრებდა. აქვე ვთქვათ იმის შესახებაც, რომ ტრავმის გამო "აძურას" კიდევ ორი ფეხბურთელი დააკლდა: ანდრეა პირლო და ფედერიკო ბალცარეტი. პირველი სტაჟიანი "აძურელია", მეორემ კი მიმდინარე სეზონში შესანიშნავი ასპარეზობით დაიმსახურა ნაკრებში მიწვევა და კარგი შანსი აქვს, დამკვიდრდეს კიდეც. პრანდელიმ "კალიარის" უკანახაზელ დავიდე ასტორისაც მიაქცია ყურადღება და სამატჩო განაცხადში შეიყვანა.საინტერესოდ გამოიყურება თავდასხმის ხაზი, სადაც ერთი დებიუტანტია: ალესანდრო მატრი. "იუვენტუსში" გადაბარგებულმა ფორვარდმა გასულ ტურში ორი გოლი გაუტანა ყოფილ გუნდს და სანაკრებო მიწვევაც მიიღო. არ შეიძლება არ აღვნიშნოთ, რომ განაცხადში "პარმას" შემტევი ნახევარმცველი სებასტიან ჯოვინკო მოხვდა. სება უნივერსალია, ნახევარდაცვის სიღრმიდანაც შეუძლია თამაში და წინა ხაზზეც, ცენტრშიც და ფლანგზეც - ვნახოთ, რა პოზიციას შეურჩევს მას იტალიის ეროვნული გუნდის თავკაცი.იტალიელ ჟურნალისტებს ძალიან უჭირთ იმაზე საუბარი თუ რა ტაქტიკით შეიძლება ითამაშოს "სკუადრა აძურამ". პრანდელის გარემარბებით თამაში უყვარს და გამოძახებულ შემადგენლობასაც სწორედ 4-3-3-სკენ მივყავართ. ცენტფორვარდის პოზიციაზე ჯამპაოლო პაცინის, ალესანდრო მატრის და მარკო ბორიელოს შეუძლიათ თამაში, თუმცა უპირატესობა მაინც "ინტერისტას" ენიჭება. ფლანგიდან ალბათ ანტონიო კასანო და ჯუზეპე როსი შეუტევენ, თუმცა გარემარბად ჯოვინკოს და იგივე მატრისაც შეუძლიათ თამაში. არც ის არის გამორიცხული, რომ "აძურამ" 4-4-2-ით იასპარეზოს, რადგან გერმანიასთან გასვლაზე ზეშემტევი ტაქტიკით თამაშით აშკარად სარისკო საქმეა. მაგალითად, სიმონე პეპე რომ მოხვედრილიყო განაცხადში, 4-3-3-ზე თამამად ჩამოვიდოდით ფსონს, რადგან "იუვენტინოს" გარემარბის პოზიციიდან შეუძლია ნახევარმცველებს დაეხმაროს და ამით გუნდის თამაში დააბალანსოს. თუმცა, პეპე ამჯერად განაცხადს მიღმა დარჩა, რაც იმის მაუწყებელია, რომ ან 4-4-2-ს აირჩევს პრანდელი, ანაც თავიდანვე შეუტევს, თანაც დიდი ძალებით.

გატუზო თავის სტიქიაშია - ზოგს წაუთაქა, ზოგს სილა გააწნა

"მილანი" ადლის საუდის არაბეთში გაასხვისებს

40 წლის რაულ ალბიოლი სერია A-ში დაბრუნდა

"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა

სტივ მანდანდამ ფეხბურთელის კარიერა დაასრულა

"ასეთი რამ, აქამდე არ მინახავს" - ლუკა დონჩიჩი

"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს

"შავი ლომი" | "ბენეტონთან" ტრევიზოში

ერიკსენი კარიერას "ვოლფსბურგში" გააგრძელებს

"არარაობანი - რებროვს არ გააგდებენ, რადგან შევჩენკოს მეგობარია" - ყოფილი უკრაინელი ფეხბურთელი

პირველი ტაიმის შემდეგ საქართველოს ნაკრები ფინეთთან 17 ქულით მარცხდება

17-წლამდე გოგონათა ნაკრები ორ ამხანაგურ მატჩს გამართავს

სტივ კუპერმა სამუშაოდ დანიაში გადაინაცვლა

კიდევ ერთი ვარსკვლავი "ლივერპულიდან" "რეალში" უფასოდ - კონატეს მადრიდულ გრანდში გადასვლა უნდა

რეკორდი გაიმეორა - რონალდო მორიგ მიღწევას უმიზნებს

მამარდაშვილის და კვარაცხელიას გუნდი მთავარ პრეტედენტებში - Optas სუპერკომპიუტერმა ჩემპიონთა ლიგის ფავორიტები დაასახელა

პენტა-ტრიკი და 21-ე საუკუნის რეკორდი - ჰოლანმა მოლდოველები არ დაინდო

[PHOTOS] "თავისი სილამაზით ბაქო დაიპყრო" - უკრაინელ ჟურნალისტს მრავალი კომპლიმენტი უძღვნეს

"ხოხვისთვის დაბადებული ადამიანი ფრენას ვერ შეძლებს" - საბომ აზერბაიჯანთან ფრის შემდეგ უკრაინის ნაკრებზე მძიმე შეფასება გააკეთა

გურული და ყურშიტაშვილი მსოფლიო ჩემპიონატის მეოთხედფინალში გავიდნენ

[VIDEO] დებიუტი შედგა - ჯამალ კაიშვილმა საქართველოს ახალგაზრდულ ნაკრებში პირველად ითამაშა

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს