"როცა "დინამოზე" ვთამაშობთ, ასე მგონია, რომ იმ ადგილას ისევ ზის დედა და მქომაგობს..."

"ბორჯღალოსნების" კაპიტანი შალვა სუთიაშვილი რაგბიში თავის პირველ ნაბიჯებსა და "დინამოზე" თამაშის ემოციაზე საქართველოს მორაგბეთა ეროვნული ნაკრების კაპიტანმა შალვა სუთიაშვილმა AMBEBI.GE-სთან ინტერვიუში რაგბიში თავისი პირველი ნაბიჯები გაიხსენა და აღწერა, თუ რა განცდა ეუფლება, როდესაც "დინამო არენაზე" სათამაშოდ გადის.- მამაჩემი, გოგი სუთიაშვილი ძველი მორაგბეა. თბილისის "ლოკომოტივის" იმ თაობის წევრია, საბჭოთა კავშირის თასი რომ მოიგეს. სწორედ, მამაჩემის გავლენით დავიწყე რაგბის თამაში.სხვათაშორის, თავიდან, არავის ეგონა თუ რაგბიში წარმატებას მივაღწევდი, რადგან ძალიან გამხდარი ვიყავი. ჩემი მეგობრები დღემდე იხსენებენ: პირველად რომ მოხვედი რაგბიზე, ისეთი გამხდარი იყავი, როცა დადიოდი, ძვლების ჭახაჭუხი ისმოდაო.ძალიან ბევრი ვარჯიშით ნელ-ნელა წარმატებაც მოვიდა. თითქმის ყველა ასაკობრივ ნაკრებში ვითამაშე. "ლოკომოტივთან" ერთად ვიყავი საქართველოს ჩემპიონი.- რას გრძნობ, როცა იცი, რომ შენი ოჯახის წევრები არიან სტადიონზე. ეს სტიმულია თუ უფრო დამაბრკოლებელი ფსიქოლოგიური ფაქტორი?- როცა რაგბის თამაში დავიწყე, როცა ვიცოდი, რომ თამაშს მამაჩემი ესწრებოდა, განსაკუთრებულად ვინდომებდი, თითქოს ვცდილობდი, მამაჩემისთვის მომეწონებინა თავი.სამწუხაროდ, დედა მხოლოდ ერთხელ დაესწრო ჩემს თამაშს. 18-წლამდელთა ნაკრების თამაში იყო "დინამოზე" და ისიც კი მახსოვს, სად იჯდა. ის თამაში წავაგეთ, თუმცა მახსოვს, რა ბედნიერი იყო დედა, სიხარულისაგან ტიროდა.მიუხედავად იმისა, რომ მამაც მორაგბე იყო, მანამდეც მქონდა თამაშები, დედა მხოლოდ იმ დღეს იყო სტადიონზე პირველად და როგორც აღმოჩნდა, უკანასკნელად (შალვას დედა გარადაცვლილი ყავს. ავტ.). ამ ფაქტორის გამო, "დინამოს" სტადიონი სხვა დატვირთვას ატარებს ჩემთვის. როცა "დინამოზე" მიწევს თამაში, ასე მგონია, რომ იმ ადგილას ისევ ზის დედა და მგულშემატკივრობს. მახსოვს მისი ბედნიერი სახე და სულ ვცდილობ, ის სახე დავიჭირო ადამიანებში.ძალიან მწყდება გული, რომ დედა ვერ მოესწრო ჩემს წარმატებას, არადა სანამ ცოცხალი იყო, ყველაფერს აკეთებდა, რომ ბევრისთვის მიმეღწია.ერთხელ, მაშინ ბავშვთა გუნდში ვთამაშობდი, ვარჯიშის მერე მთელი გუნდი დავპატიჟე სახლში, არადა აზრზე არ ვიყავი, რა გვქონდა ოჯახში, რით ვაპირებდი გამასპინძლებას, მაგრამ დედაჩემი მეგულებოდა და თამამად წამოვიყვანე მთელი გუნდი. ბიჭები დღემდე ტკბილად იხსენებენ ამ დღეს და ძალიან მიხარია.რაც შეეხება ოჯახის სხვა წევრები სტადიონზე ყოფნას, ძალიან დიდი სტიმულია. მაგ. ახალი ზელანდიის ნაკრების თამაშზე ჩემი მეუღლე და შვილები რომ იყვნენ, ძალიან დიდი სტიმული იყო ჩემთვის. სამი და მყავს და სამივე ყველა თამაშს ესწრება. ჩემი დების და მათი შვილების დასწრება კიდევ უფრო დამატებითი სტიმულია, მათი ხმაც კი მესმის ხოლმე.- რა განცდაა როდესაც ქვეყანაში ყველაზე წარმატებული ნაკრების კაპიტნის რანგში გადიხარ მოედანზე?- ჯერ პირველად როცა გეუბნებიან, რომ უნდა იყო კაპიტანი, არის ძალიან რთული, მაგრამ გამოცდილებასთან ერთად თამამდები. ბუნებრივია, სიამაყის განცდაა, როცა ამხელა ნდობას გიცხადებენ და ცდილობ, რომ ეს ნდობა გაამართლო, ცდილობ იყო ყველა კონტექსტში სამაგალითო.თან ქართველები ცოტა ფიცხი ხასიათის ადამიანები ვართ, ზოგჯერ ემოციების მოთოკვა გვიჭირს, კაპიტანს ამის უფლება არ აქვს. გაწონასწორებული უნდა იყოს. ბუნებრივია მწვრთნელის დარიგებებით გავდივართ სტადიონზე, მაგრამ უშუალოდ მოედანზე შენ გიწევს ბევრი გადაწყვეტილების საკუთარ თავზე აღება.კაპიტნის რანგში თამაში ასჯერ მეტად ემოციურია ჩემთვის.<a href="http://www.ambebi.ge/sazogadoeba/160464-qdinamozeq-thamashis-dros-vcdilob-adamianebshi-dedis-sakhe-davitciroq-shalva-suthiashvili-piradsa-da-ragbze.html" target="_blank">იხილეთ სრული სტატია</a>ლადო გოგოლაძეAMBEBI.GE

viva

დასაფიცებელი კაცები ხართ. ძლიერი ყოველთვის თავაზიანია, რასაც ვერ ვიტყვით პრანჭია ფეხბურთელებზე, რომლებსაც სირბილი ეგრეხებათ. აღარც მწვრთნელები გვყავს და არც ფეხბურთელები სამწუხაროდ. თავიდან ბოლომდე სულით რაგბისტი გავხდი და ამისთვის დიდი მადლობა ჟილკიანო ქართველო დევებო, ყველანაირ კარგს იმსახურებთ, მზად ვარ პერიოდულად ყულაბაში ჩემი წვლილი შევიტანო.....
jano

როცა გამზრდელი კარგი გყავს აი ესეთი კაცი გამოდიხარ ანუ ყველასთვის სამაგალითო თან თავმდაბალი
იკა

ფეხბურთელების ბიუჯეტი ვაჟკაც რაგბისტებს. როცა ესე ვერ ფინანსდებოდნენ მაშინაც თავს არ ზოგავდნენ ქვეყნის სიამაყენი
gio

გენაცვალეთ კაცურ ჯიგარში ჩვენო თავმდაბალო ვაჟკაცებო. თითოეულმა სულით ქართველმა ფინანსური დახმარება უნდა გავუწიოთ ქვეყნის საამაყო შვილებს, უბრალოდ კარგი ფორმაა მოსაგონებელი
ლევანი

გაიხარე ძმაო, რაგბისტების ჯიგრის მეათედი რომ ქონდეთ ფეხბურთელებს მსოფლიო ჩემპიონები ვიქნებოდით.
gocha narsia

შენ გენაცვალე შალვა.დედიკო იამაყებდა შენით.ახლაც იგრძნობს მისი სული შენს წარმატებებს !!!
ლაშა

უბრალოდ ვტიროდი სტატიის წაკითხვისას, ალბათ გასაგებია რა შემართებით თამაშობს ეს ადამიანი. ასეთი სპორტსმენები გვჭირდება.
პაატა

შალვა გენაცვალე შვილო შენც და მთელ ჩვენს ბიჭებს მართლაც ერის სიამაყეები ხართ და ერის სული გული და ჯიგრები ხართ ჯერ მარტო ჰიმნს ისე გულიანად მღერიხართ ნამდვილ ვაჟკაცსაც კი აატირებთ და აიყოლიებთ თამაშზე და თავდადებაზე ხომ ზედმეტია ლაპარაკი ასე გააგრძელეთ ერის შვილებო სიხარულის და ვაჟკაცობის ცრემლი არ გაგვიშროთ თვალებზე უფალი გფარავდეთ მუდამ
666

daugzavnet es werili yvela qartvel pexburtels pirad saitze.p.s. tu sportis siyvaruli argaq verc lelos dadeb,verc gols gaitan,verc 90 wuti itamasheb da ar moraluri uplebaargaq gulshematkuvars mimarto modit da gaavset stadionio (data vaisa)
99999999

როგორი კარგი სტატია,ასეთი სპორტცმენი ყველაფერს მიაღწევს,მახსენდება სტადია ქართველს ფეხბურთის,თუ არ ვცდები ნოდა ხიზანიშვილის,რომელიც ამბობდა,როცა წავაგებდით,გვრცხვენოდა ქალაქში გამოსვლის.სპორტში იმარჯვებს ის ვისაც უყვარს თავისი ქვეყანა,ოჯახი,და აქვს ნამუსი.
666

gaixare.gaginatlis dedis suli upalma.roca am suliskvetebit da muxtit gadixar moedanze,roca sakutar tavs agarekutvni da mxolod ojaxis,gulshematkvirebis gaxarebaze xar gadartuli ubralid ugulid ver itamasheb.nebismieri sporti wagebis gareshe ararsebobs,magram gulshematkivari rocaxedavs da grznobs am tavdadebas (daara seirnobas moedanze)shedegisda miuxedavad agarxar wagebuli da arcgulshematkivaria imed gscrurbuli.amismerechndeba siyvarulic,gulshematkivrobac da amismere ivseba moedani gulshematkivrebit...warmatebebi yvela qartvel sportsmens
ნიკოლოზ

უცრემლოდ ვერ წავიკითხე,გამარჯვებას გისურვებ

რიჩარდ ქოქრილი: ჩვენგან იტალიაზე ზეწოლა იქნება - ჯგუფიდან გასვლა რეალისტურია

"ბორჯღალოსნების" მეტოქეები - მსოფლიოს ჩემპიონი სამხრეთ აფრიკა, იტალია და რუმინეთი ავსტრალიის მსოფლიო თასზე

რიჩარდ ქოქრილი: წაგება ჩემი პასუხისმგებლობაა, მაგრამ ჩვენმა გუნდმა კარგად ითამაშა

"ტოტენჰემის" მეკარემ შესაძლოა, კარიერა "ინტერში" გააგრძელოს

"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა

კიტეიშვილის "შტურმი" სახლში დამარცხდა და ვერ გალიდერდა

მესი იჯარით "ბარსელონაში" დაბრუნდება? - კომენტარი დეკომ გააკეთა

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

კვარაცხელია Globe Soccer Awards-ის ფინალისტებშია - როგორ მივცეთ ხმა ქართველ ფეხბურთელს

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

ჩაკვეტაძის გაუმჯობესებული თამაში და მეტი დრო მოედანზე - "უოტფორდის" მწვრთნელმა ქართველზე ისაუბრა

მობილიზაცია შეეხო - უკრაინის ნაკრების ყოფილ ფეხბურთელს ფრონტის ხაზზე გააგზავნიან

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!

რაგბი. ლეგიონი: ორი ქართული ლელო და დებიუტი [VIDEO]

საქართველოს ნაკრების "უხუცესი" მორაგბე: უელსთან მატჩს ენერგიით სავსენი ვხვდებით

დემეტრე დევდარიანი - „მჯერა, ამ გუნდით ყველაფრის მიღწევა შეგვიძლია“

ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა

"არ ვითხოვთ ფულს, ვითხოვთ შესაძლებლობას" - ლევან მაისაშვილი

ლეგიონერები - სუთიაშვილის მეორე ლელო

ოკეანეთის ტურნეს პირველი მატჩისთვის "ბორჯღალოსნების" შემადგენლობა ცნობილია

სავსე ტრიბუნების დროა!

საქართველო ირლანდიას მასპინძლობს - პირველი შეხვედრა თბილისში!

ლეგიონერები - ოთხი ქართული ლელო ევროპაში

შალვა სუთიაშვილმა სანაკრებო კარიერა დაასრულა