- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დაუნდობელი სიმართლე - მაიკ ტაისონის ავტობიოგრაფია [გაგრძელება]
![დაუნდობელი სიმართლე - მაიკ ტაისონის ავტობიოგრაფია [გაგრძელება]](images/new_photo/01/2016/UCXOURI/1-15MAY/tyson_86783.jpg)
<p>მაიკ ტაისონი და სუტენიორები <br> ერთ-ერთი საინტერესო ადამიანი, რომელიც იმ დროს გავიცანი, სუტენიორი იყო, რომელსაც "შანსს" ვეძახდი. სტრიპტიზ-კლუბში ვიყავი, როცა ჩემთან მოვიდა გასაცნობად.</p><p>- ეი, მისტერ ტაისონ! ყოველთვის მინდოდა თქვენთან შეხვედრა. თქვენ ხომ მუდმივად იმეორებთ, რომ ყველაზე მაგარი ადამიანი ხართ პლანეტაზე, მე კი ყოველთვის ვამბობ, რომ ყველაზე მაგარი სუტენიორი ვარ. მაგრად ჩხუბობთ, მე კი მაგრად ვაკეთებ ჩემს საქმეს.</p><p>- მართალს ამბობ, ზანგო? - ვკითხე მე.</p><p>- დიახ, მეგობარო, არ ვაპირებ სისულელეებით გამოგიჭედო ტვინი. ვიცი შენი გაკოტრების შესახებ, ისიც ვიცი, როგორ გაგქურდეს. მომისმინე, ზანგო, შენ ჩემთან ხარ, მე კი არაფერი მაქვს ფულის გარდა. ხედავ ამ ხალხს? მათ ყველას უჭირდა, სანამ მე არ გამოვჩნდი. ყველაფრის შოვნა შემიძლია.</p><p>დავიწყე შანსთან ერთად დროის გატარება. მას მდიდრული მანქანები ჰყავდა: "პორშე", "ფერარი", "მაზერატი", "ლამბორგინი". ვფიქრობდი, რომ კოკაინი მასაც მოსწონდა, მაგრამ პროვინციელ ტიპს ჰგავდა. ცდილობდა მაგარ ბიჭად გამოჩენილიყო, მაგრამ, სინამდვილეში, სუსტ ნარკოტიკს იღებდა, მაგალითად, ექსტაზს.</p><p>ნულზე ვიყავი და ერთხელ ვთხოვე:</p><p>- კოკაინი მიშოვნე, ზანგო.</p><p>- კოკაინი? - ჩამეკითხა ის. - ჩემს კაცს უნდა დავურეკო.</p><p>მომდევნო შეხვედრაზე კოკაინი თან ჰქონდა. დაურეკა თავის მეგობან ნარკოდილერს და მას აღმოაჩნდა ცოტაოდენი "თოვლი". დავყნოსე და მასაც შევთავაზე:</p><p>- მიდი, მეგობარო! ექსტრაზივითაა, ოღონდ უფრო მაგარი.</p><p>რამდენიმე ბილიკი დაყნოსა, მაგრამ, როგორც აღმოჩნდა, კოკაინზე ცუდი რეაქცია ჰქონდა.</p><p>- ჩემი თავი! - დაიყვირა მან და იატაკზე დავარდა. - ჯანდაბა! მაიკ! მომცელა!</p><p>გავიფიქრე: "ჯანდაბა, ეს ბიჭი ახლა მოკვდება!" მის ნათესავთან ვიყავით, ამიტომაც ვუბრძანე შანსი სახლში წაეყვანა. ოთხკარიანი "მაზერატის" წინა სავარძელზე ვიჯექი, შანსი კი უკან იწვა და კვნესოდა. ისეთი გამოცდილი ნარკომანი ვიყავი, რომ შემეძლო ცუდი "კოკაინი" მიმეღო, მაგრამ იგივე ფხვნილს შეეძლო შანსი მოეკლა. სახლში მივიყვანეთ, მე კი ნარკოტიკის დარჩენილი ნაწილი თან წამოვიღე. ცუდი კოკაინი უკეთესია, ვიდრე საერთოდ არაფერი. შანსი კი რამდენიმე დღეში მწყობრში იყო.</p><p>ზუსტად ამავე პერიოდში დავიწყე დროის გატარება ბიჭთან, რომელსაც მაიკლ პოლიცი ერქვა. ერთად ვიჯექით მერილენდის შტატის ციხეში. ის იქ პერიოდულად ხვდებოდა, რადგან, როგორც ამიხსნა, მისმა გიჟმა მეგობარმა გოგონამ სასამართლოს ძალით აუკრძალა შვილთან შეხვედრა, მაგრამ მაიკლი სისტემატიურად არღვევდა აკრძალვას. მაიკლი სრულად იყენებდა ლას ვეგასის ღამის ცხოვრების ყველა შესაძლებლობას, მაგრამ, ამასთან, ცხოვრების სწორ წესს მისდევდა - არ სვამდა, ნარკოტიკებს არ მოიხმარდა, ამიტომაც ის ჩემთვის იდეალური ფხიზელი კომპანიონი იყო. მის ნაცვლადაც ვიღებდი ნარკოტიკს.</p><p>ერთ საღამოს შევიტყვე წვეულების შესახებ, რომელსაც სტრიპტიზ-კლუბი "სკორზი" მართავდა სასტუმრო "პალმზის" ბოულინგის დარბაზში. ქალაქში ტარდებოდა პორნოფილმებისა და ვიდეოკლიპების რეჟისორთა და მსახიობთა კონფერენცია. და საღამოზე ბევრი ლამაზი პორნოვარსკვლავი შეიკრიბა. ორ გოგონას დავადგი თვალი, მაგრამ ისინი თავიანთ ბიჭებთან ერთად იყვნენ. ამასობაში, მაიკლი ერთ ლამაზ ოფიციანტს მიეწება. მომენტი დავიჭირე და მოკლედ გავესაუბრე ერთ-ერთ გოგონას, შემდეგ მაიკლთან დავბრუნდი.</p><p>- მოდი აქ! - ვუთხარი მას და ოფიციანტს მოვაშორე. პატარა გოგონებივით ერთმანეთს ვეჩურჩულებოდით.</p><p>- მომისმინე! - ვუბრძანე მას. - აი იქ, ტუალეტია. ამ ორი გოგონას იქ შეყვანა და მათთან სექსი მინდა. აი, რა მჭირდება შენგან აქ. ხედავ იმ ორ ტიპს? ისინი ამ გოგონების ბიჭები არიან. მათ ყურადღება უნდა გაუფანტო.</p><p>- რა?! - წამოიძახა მაიკლმა.</p><p>- ყველაფერი კარგად იქნება, ძმაო, არ ინერვიულო, - თქვი მე.</p><p>- და თუ ეს ბიჭები გამაუპატიურებენ?</p><p>- ნუ ნერვიულობ. თუ ხმაურს გავიგონებ, მივხვდები, რომ გირტყამენ. მაშინვე ტუალეტიდან გამოვალ და მოგეშველები. ყველაფერი კარგად იქნება, - დავარწმუნე ის. როცა ამას ვუჩურჩულებდი, ჩემს სახეს მის ყურს ვადებდი. და უცებ, მაიკლმა მომიშორა და ყველას გასაგონად დაიყვირა: "მაიკ, მეუხერხულება, როცა შენი პირი ჩემს ყურს ეხება".</p><p>ეს მთელმა დარბაზმა გაიგონა. ისტერიული სიცილი დავიწყე. სულელი თეთრი ბიჭი იყო.</p><p>- აი, ახლა, მართლა ხარ ჩემთან ვალში, ნაბიჭვარო, - ვთქვი მე.</p><p>- კარგი, წადი, - მიპასუხა მან.</p><p>ტუალეტში ერთ-ერთ გოგონასთან ერთად გავედი, ამ დროს, მაიკლი ბიჭებს ყურადღებას უფანტავდა. შემდეგ, სანამ მაიკ ტაისონზე რაღაც ისტორიებს ყვებოდა, ტუალეტში მეორე გოგონაც გაძვრა. ამასობაში, ბიჭები მათი გოგონების ადგილსამყოფელით დაინტერესდნენ. მაიკლმა უპასუხა, რომ სავარაუდოდ, ისინი ტაისონთან ერთად მარიხუანას მოსაწევად გავიდნენ.</p><p>აი, ასე ვიქცეოდი იმ დროს. უსაქმოდ ვიყავი და ასეთი სახის ენერგეტიკას ვიზიდავდი. წონა ავკრიფე და გასუქებულ როკ-ვარსკვლავს დავემსგავსე. მაგრამ, კოკაინის წყალობით, საკუთარ თავში ძალიან თვითდაჯერებული ვიყავი. კლუბებში სულ უფრო და უფრო ხშირად ღიად ვიღებდი ამ ნარკოტიკს. ერთ საღამოს, ჩემს მეგობართან, პარიკმახერ მაკთან ერთად სასტუმრო-კაზინო "ვინის" ბარში ვიყავი. ავტოგრაფებს ვარიგებდი და ფოტოებს ვიღებდი, პაუზებისას, ტუალეტში შევდიოდი. ბოლოს და ბოლოს, მაკთან კლუბის დაცვა მივიდა.</p><p>- თქვენი მეგობარი უნდა წაიყვანოთ, - უთხრეს მას. იმ დროს დამადგნენ თავზე, როცა ტუალეტში ნარკოტიკს ვიღებდი. და სასტუმროდან გამაძევეს.</p><p>ასე ხდებოდა ყოველთვის. ღამის კლუბებში ხან მეფურად მიღებდნენ, ხან ქუჩაში მაგდებდნენ, რადგან დაცვას ატყობინებდნენ, რომ ტუალეტში კოკაინს ვიღებდი ან ვინმე გოგოსთან სექსი მქონდა. ბევრ შვეიცართან ახლოს ვიყავი, ამიტომაც დაბრუნების უფლებას მაძლევდნენ, მაგრამ ზოგიერთ კლუბში ჩემს გამოჩენაზე სრული აკრძალვა დააწესეს.</p><p>აი, რატომ მომწონდა ყოველთვის სტრიპტიზ-კლუბებში სიარული.</p><p>- რა გვესაქმება საცეკვაო კლუბებში, როცა შეგვიძლია სტრიპტრიზ-კლუბებში წავიდეთ? - ვუთხარი ჩემს მეგობრებს. - საცეკვაო კლუბებში გოგონებს აცვიათ და ყველანი დიდ გულზე არიან. სტრიპტიზ-კლუბებში კი ყველაფერი პირიქითაა - არც ტანსაცმელი და არც ქედმაღლობა. პირდაპირ საქმეზე ხომ არ გადავიდეთ?!</p><p>სტრიპტიზ-კლუბების ყველა მეპატრონე თანამშრომლობდა ჩემთან. ზოგიერთ კლუბში საკუთარი ტუალეტი მქონდა. შემეძლო იქ საათობით ვყოფილიყავი. პირველი კაცი ვიყავი. როცა ჩემთან დაცვის წარმომადგენელი მოდიოდა, შემეძლო მისთვის მთელი ხმით მეღრიალა:</p><p>- აქედან გაეთრიე! არავის ხელს არ ვუშლი!</p><p>უკვე ღიად, ყველას დასანახად დავატარებდი "კოკაინის" პაკეტს. მეგობარს ნარკოტიკის პორციას ვაძლევდი. მას ეგონა, როცა ეს პატარა დოზა იყო, მაგრამ როცა შეიყნოსავდა, აღმოაჩენდა - სინამდვილეში რამდენი კოკაინი იყო პაკეტში. ამის შემდეგ, ყველა ხველებასა და ფურთხებას იწყებდა.</p><p>დავიწყე სტრიპტიზიორებთან შეხვედრა და ხანდახან, მეტად უხერხული სიტუაცია იქმნებოდა. კაიფის ქვეშ ვხედავდი, რომ ერთ-ერთი ჩემი გოგონა კლიენტს ელაპარაკებოდა და პირდაპირ მათკენ მივდიოდი.</p><p>- რატომ არ პასუხობდი ჩემს ზარებს? - ვუყვიროდი გოგონას. ის რომელიმე ბიჭისთვის პირადად ცეკვავდა, მე კი მას თავს არ ვანებებდი.</p><p>- ეი, თუ რამე პრობლემაა.., - შეშინებული მიყურებდა კლიენტი.</p><p>- შენ საქმეს მიხედე, მე ამას ველაპარაკები, - ვუღრენდი მე.</p><p>შემდეგ, იმ გოგონებმა, რომლებსაც ვხვდებოდი, ჩემზე ეჭვიანობა და პირდაპირ კლუბში ერთმანეთს შორის ჩხუბი დაიწყეს. ამიტომაც, ამიკრძალეს იქ გამოჩენა იმ დროს, როცა მოცეკვავეები იცვლებოდნენ.</p><p>ერთხელ, სტრიპტიზ-კლუბში დამეძინა. შევუკვეთე შემწვარი წიწილა და ჭამა დავიწყე, მაგრამ მოულოდნელად გავითიშე - რამდენიმე ღამე მქონდა გათეული. სანამ მეძინა, სტრიპტიზიორებმა ჩემი ქათამი შეჭამეს, თან ჯიბეებიც შემიმოწმეს. როგორც კი გამეღვიძა, ქალებს ჩხუბი დავუწყე - არა ჯიბეებისთვის, არამედ ქათმის გამო, რადგან ძალიან მშიერი ვიყავი. როცა კოკაინის შემდეგ გონს მოდიხარ, უბრალოდ, შიმშილით კვდები.</p><p><strong><em>(გაგრძელება იქნება)</p><p></em></strong></p><p><strong>ყოველდღიური სპორტული გაზეთი "ლელო"</strong></p>
[VIDEO] აზერბაიჯანელი მწვრთნელი მსაჯს რინგზე ფიზიკურად გაუსწორდა - კადეტთა ევროპის ჩემპიონატის სკანდალური მომენტი
[VIDEO] უსიკმა დუბუა დაანოკაუტა და უდავო ჩემპიონის სტატუსი მესამედ მოიპოვა
ბერლინში დაუმარცხებელი ჩეჩენი მოკრივე მოკლეს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ბუცები, ბურთები და ბუკინისტები – აპრილი, სპორტი და წიგნები
ყოფილმა "იუთუბერმა" ჯეიკ პოლმა ლეგენდარული მაიკ ტაისონი დაამარცხა [VIDEO]
"ილიას მინდა ვუთხრა, რომ..." - ლეგენდარულმა მაიკ ტაისონმა ქართველ "მატადორს" მიმართა
"ლომის გული და რკინის კვერცხები აქვს" - მერსონმა ტაისონზე ისაუბრა
ფერდინანდმა ყველა დროის საუკეთესო ოთხ სპორტსმენში არცერთი ფეხბურთელი არ შეიყვანა
"ამას ძალიან ვნანობ" - მაიკ ტაისონი