NBA. პლეი ოფი: 233-დან მეათედ! [VIDEO]

"გოლდენ სტეიტმა" 1:3-დან მოუგო სერია "ოკლაჰომას" და ფინალში "კლივლენდი" ელოდება ეროვნული საკალათბურთო ასოციაციის ისტორიაში 233 შემთხვევიდან მხოლოდ მეათედ მოხდა, როცა გუნდი სერიას 1:3 და საბოლოოდ, გამარჯვებული გამოვიდა შვიდმატჩიან დაპირისპირებაში. ამ გმირობის შემოქმედი "გოლდენ სტეიტი" გახდა, რომელიც ურთულესი სიტუაციიდან გამოძვრა "ოკლაჰომასთან" სერიაში.ჩემპიონს მეშვიდე მატჩშიც მოუწია რთული სიტუაციიდან გამოსვლა, როცა პირველ ტაიმში 13 ქულით ჩამორჩა და პირველ ნახევარში შედეგიანობის პირადი ანტირეკორდი (42 ქულა) დაამყარა ამ სერიის მატჩებისთვის. საერთოდაც, 1:3-ის შემდეგ, "გოლდენ სტეიტმა" ვერც ერთი მატჩი ვერ მოიგო იოლად - არც ერთში არ დაფიქსირებულა თუნდაც 10-ქულიანი სხვაობა. მაგრამ, "მეომრები" საჭირო მომენტში დომინირებდნენ მეტოქეზე.ამჯერად, "გოლდენ სტეიტის" მოგების მთავარი ფაქტორი დაცვაში ბრწყინვალე თამაში გახდა. "ოკლაჰომა", რომელიც პლეი ოფში საშუალოდ 107.5 ქულას აგროვებდა, გუშინ, მხოლოდ 88 ქულას დასჯერდა.მასპინძლებმა გადამწყვეტი დარტყმა მეტოქეს მესამე მეოთხედში მიაყენეს. თუ ავიღებთ პირველი ტაიმის ბოლო 121 წამს, გამოვა, რომ "გოლდენ სტეიტმა" 38:15 სპურტი მოაწყო. ამ პერიოდში, მან მეტოქეს 22-დან ექვსი ბურთი ჩააგდებინა (რვიდან ნული სამქულიანი) და ხუთი შეცდომა დააშვებინა. თავად კი 28-დან 15 ტყორცნა გამოიყენა, მათ შორის, 13-დან შვიდი სამქულიანი.მოკლედ, "ოკლაჰომას" მდგომარეობა უიმედო ჩანდა, მაგრამ კევინ დურანტის მონდომებით, საფინალო სირენამდე 1.40 წუთით ადრე, სხვაობა ოთხ ქულამდე შემცირდა. სტუმრებისთვის სამწუხაროდ, "დურანტულას" მხარი ვერ აუბა რასელ უესტბრუკმა, რომელმაც კიდევ ერთხელ დაამტკიცა, რომ პლეი ოფში გადამწყვეტი მატჩების ჩაგდების დიდი სპეციალისტია."ოკლაჰომას" გამთამაშებელმა 21-დან 14 ტყორცნა ააცილა მიზანს და "-14" სარგებლიანობის კოეფიციენტი ჰქონდა. საერთოდ კი, სერიის მეექვსე და მეშვიდე მატჩებში თამაშიდან მხოლოდ 35 პროცენტის სიზუსტით ისროდა და სამქულიანების 18 პროცენტს იყენებდა. მისი ვიზავის - სტივენ კარის შესაბამისი მონაცემები იყო - 48 და 50 პროცენტი.ამჯერად, სტეფმა თავისი 36 ქულიდან 24 მეორე ტაიმში ჩააგდო, თან მისი სამქულიანების დიდი ნაწილი მაშინ ჩავარდა კალათში, როცა გამთამაშებელს "ოკლაჰომას" ძირითადი ცენტრი სტივენ ადამსი მეურვეობდა. დიდი წვლილი ჰქონდა კლეი ტომპსონს თავისი ექვსი ზუსტი სამქულიანით, აგრეთვე დრეიმონდ გრინსა და ანდრე იგუოდალას, რომლებიც მზად იყვნენ მომკვდარიყვნენ დაცვაში თამაშისას. და ამ ყველაფრის ხარჯზე, მივიღეთ შარშანდელი ფინალის გამეორება - "გოლდენ სტეიტი"-"კლივლენდი". შარშან, "უორიორზმა" 4:2 მოიგო. რა იქნება წელს?გ. სტეიტი-ოკლაჰომა 96:8819:24, 23:24, 29:12, 25:28გ-ს: კარი (36+8 პასი+5 მოხსნა), ტომპსონი (21+5 მოხსნა), გრინი (11+9 მოხსნა+4 პასი+2 დაფარება), იგუოდალა (7+3 პასი), ბარნსი (5+8 მოხსნა), ლივინგსტონი (5+6 მოხსნა), სპეიტსი (3), ბარბოზა (2), ბოგუტი (2), ვარეჟაო (2), ეზელი (2).ო: დურანტი (27+7 მოხსნა+3 პასი), უესტბრუკი (19+13 პასი+7 მოხსნა), იბაკა (16), ადამსი (9+9 მოხსნა), კანტერი (8), უეიტერსი (5), რობერსონი (4+12 მოხსნა).რეალიზაციის პროცენტი: თამაშიდან (43.5/38.2), სამქულიანები (45.9/25.9), საჯარიმოები (62.5/76.5).სერია: 4-3დღის ფაქტები- სერიის მეშვიდე მატჩში სტივენ კარიმ შვიდი სამქულიანი ჩააგდო და "ოკლაჰომასთან" სერიაში ზუსტი შორეული ტყორცნების რაოდენობა 32-მდე აიყვანა. ეს არის NBA-ის ახალი რეკორდი პლეი ოფის ერთ სერიაში ზუსტი სამქულიანების რაოდენობით.- გარდა ამისა, კარი გახდა პირველი კალათბურთელი ისტორიაში, ვინც პლეი ოფის სერიის მეშვიდე მატჩში შვიდი სამქულიანი ჩააგდო.- "გოლდენ სტეიტმა" მიმდინარე სეზონში მე-17 მატჩი მოიგო, როცა მეტოქეს მინიმუმ 10 ქულით ჩამორჩებოდა. აღსანიშნავია, რომ "უორიორზი" "ოკლაჰომასთან" სერიის მეექვსე მატჩშიც ამგვარ რთულ მდგომარეობაში იყო.- "გოლდენ სტეიტი" გახდა მხოლოდ მესამე გუნდი NBA-ის ისტორიაში, რომელმაც კონფერენციის ფინალური სერია 1:3-დან მოიგო. ადრე ასეთი გმირობა "ვაშინგტონმა" (1978-79) და "ბოსტონ სელტიქსმა" (1980-81) ჩაიდინეს.ფინალის განრიგი2 ივნისი. გ. სტეიტი-კლივლენდი5 ივნისი. გ. სტეიტი-კლივლენდი8 ივნისი. კლივლენდი-გ. სტეიტი10 ივნისი. კლივლენდი-გ. სტეიტი13 ივნისი. გ. სტეიტი-კლივლენდი16 ივნისი. კლივლენდი-გ. სტეიტი19 ივნისი. გ. სტეიტი-კლივლენდიყოველდღიური სპორტული გაზეთი "ლელო"

"ლეიკერსი" და ახალი იდენტობა - როგორ იქნება იდეალური ქიმია?!

197 მილიონიანი დილემა: "მემფისისა" და ჯა მორანტის ბედი ბუნდოვანია

[VIDEO] ჯეიმსის, დონჩიჩისა და რივზის გარეშე - "ლეიკერსმა" მცირე სენსაცია შემოგვთავაზა და "პორტლენდ ტრეილ ბლეიზერსი" დაამარცხა

კომისარ-მსაჯები განაწილდნენ: რატიშვილი სკოპიეში, თვაური და შალამბერიძე – ბაქოში

საქართველო 10:1 ესტონეთი

"ბორჯღალოსნები" | ნამატით კანადასთან

[VIDEO] ...ასე გამოუვიდა კიტეიშვილს საგოლე პასი

"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება

მეორე ვადით - "ბენფიკას" პრეზიდენტად კვლავ რუი კოშტა აირჩიეს

"ბარსელონას" მთავარი მწვრთნელი გაათავისუფლეს - შენგელიას გუნდი "ზენიტის" ყოფილ თავკაცს დაუკავშირდა

იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა

[VIDEO] ასეთ რამეს ხშირად ვერ ნახავ - თოვლით დაფარულ მოედანზე ულამაზესი გოლი გავიდა

"სევილია" შესაძლოა, მალე გაიყიდოს - ახალ მფლობელებს კლუბში დიდი ვალი დახვდებათ

ტენ ჰაგი პრემიერ ლიგაში არ დაბრუნდება - ვულვზმა მწვრთნელად სხვა დამრიგებელი აირჩია

[VIDEO] ბითაძის 3 დაფარება 14 წუთში - "ორლანდო მეჯიქი" "ბოსტონ სელტიქსთან" დამარცხდა

[VIDEO] ლუკა გაგნიძის მეორე საგოლე პასი ესპანეთში

საქართველო 5:0 ესტონეთი

ბურჯანაძის "გრანადამ" ლიდერი "ვალენსია" დაამარცხა, შენგელიას "ბარსა" კი "ხირონასთან" დამარცხდა

[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა

კიტეიშვილის მაღალი შეფასებები და "შტურმის" ფრე "ზალცბურგთან"

"ლიონთან" მატჩში პსჟ-ს შემადგენლობა ცნობილია

წიტაიშვილმა შეუცვლელად ითამაშა - "მეცმა" ზედიზედ მესამე გამარჯვება იზეიმა

პენალტის მოგერიება არ დაუფასდა - როგორი შეფასებები მიიღო გიორგი მამარდაშვილმა "მანჩესტერ სიტისთან" მატჩში?