ნიკა ქუთათელაძე პსჟ

ნიკა ქუთათელაძეპარი სენ-ჟერმენმა აიყვანასაინტერესო ინფორმცია გაავრცელა გერმანულმა სამენეჯრო სააგენტო "ტრანსფერმარკტმა" - ფრანგული საფეხბურთო კლუბის, "ლილის" ასაკობრივი გუნდის თავდამსხმელი ნიკა ქუთათელაძე დღევანდელი საკლუბო ფეხბურთის ერთ-ერთი გრანდის, "პარი სენ-ჟერმენის" 19-წლამდელთა გუნდში გადაიყვანეს. არადა, 175 სმ სიმაღლის ქუთათელაძე მხოლოდ 15 წლისაა...ნიკა ქუთათელაძე 8 წლის იყო, მისი ოჯახი უცხოეთში რომ დასახლდა. საფრანგეთამდე ჩეხეთში ცხოვრობდნენ, ხოლო ნიკა პრაღის "სპარტას" საფეხბურთო სკოლაში ვარჯიშობდა, ბოლო 6 წლის განმავლობაში კი "ლილის" აკადემიის 15 და 16-წლამდელთა გუნდებში ათამაშებდნენ.ნიჭიერი თავდამსხმელი 14-წლამდელთა შეკრებაზე ოთარ კორღალიძემ გამოიძახა და ერთი კვირა გუნდთან ერთად ავარჯიშებდა. ახლახანს კი გურამ ასპინძელაშვილმა 16-წლამდელთა ნაკრების შეკრებაზე მიწივია. თუმცა ქუთათელაძეს საქართველოს ფორმით არც ოფიციალური და არც ამხანაგური მატჩი ჯერ არ ჩაუტარებია."პარი სენ-ჟერმენში" გადასვლასთან დაკავშირებით, ქუთათელაძემ სოციალურ ქსელში სტატუსი გამოაქვეყნა."ლილში" გატარებული 6 წლის შემდეგ კლუბს ვტოვებ და თამაშს "პარი სენ-ჟერმენში" გავაგრძელებ. აქ მიღებული გამოცდილება და ცოდნა დღეს დიდ შესაძლებლობეს მიხსნის. კლუბს დიდი ემოციებითა და მადლიერებით ვტოვებ. შესანიშნავი მწვრთნელებისა და თანაგუნდელების დამსახურებაა, რომ გავიზარდე - მე თქვენს მხარდაჭერას ყოველთვის ვგრძნობდი. ყოველთვის მემახსოვრება ის პრინციპები, რასაც "ლილში" მასწავლიდნენ - რომ უნდა მცოდნოდა შრომის ფასი, ვყოფილიყავი მონდომებული და მიზანმიმართული. ეჭვგარეშეა, ეს ჩემს სპორტულ ცხოვრებაში სასარგებლო დარიგებები იყო. მადლობა გუნდის ხელმძღვანელებს, მწვრთნელებს, ჩემს მეგობრებსა და მათ მშობლებს, ყველა გულშემატკივარს. კარიერაში ახალ პერიოდს თქვენდამი მადლიერებითა და სიყვარულით ვიწყებ, "ლილში" გატარებული ეს 6 წელი კი არასოდეს დამავიწყდება", - წერს ქუთათელაძე.ის გუნდიდან თბილი სიტყვებით გააცილა "ლილის" მწვრთნელმა ანტონი ფაზიომაც:"ეს იყო გუნდთან სამაგალითო დამშვიდობება. ძალიან საწყენია, რომ ასეთი კარგი მოთამაშე გვტოვებს. ყველას გული დაგვწყდა, უპირველესად კი - მე. კარგად მახსოვს შენი პირველი თამაში, როცა აღტაცებული დამტოვე. შენ ბევრი შეგიძლია და შორს წახვალ, მჯერა, ბევრს მიაღწევ".ისევ ნიკა ქუთათელაძე: "ძალიან კარგ კლუბში ვთამაშობდი. მაგრამ დასამალი არ არის, რომ ჩემი საყვარელი გუნდი "პარი სენ-ჟერმენი" იყო. იქ მოხვედრაზე ვოცნებობდი და ეს ოცნება ამისრულდა. მეამაყება, მაგრამ ბევრი უნდა ვიშრომო და დავამტკიცო, რომ ასეთ გრანდში შემთხვევით არ მიმიწვიეს".ნიკა გვიყვება, თუ როგორ მოხვდა "ლილიდან" პარიზულ გრანდში:"ჩემი გუნდი ჩრდილოეთ საფრანგეთის ჩემპიონი გახდა და ფეხბურთელებს სელექციონერები გვაკვირდებოდნენ. "პარი სენ-ჟერმენმა" თვენახევრის წინ განიხილა ჩემი კანდიდატურა, თამაშის ანალიზის შემდეგ კი დამიკავშირდნენ და 11 მაისს მიგვიწვიეს - "პარი სენ-ჟერმენის" 16-წლამდელები 17-იანებს ხვდებოდნენ. მწვრთნელმა მითხრა, 17-წლამდელებს ფეხბურთელები აკლია და იქით ითამაშებო. მერე გავიგე, რომ ეს თურმე შეგნებულად გააკეთეს, ჩემი შესაძლებლობები რომ შეემოწმებინათ. ცხოვრებაში პირველად, მარჯვენა ნახევარმცველად მათამაშეს. აინტერესებდათ ჩემი ტექნიკა, ბურთთან როგორ ვიყავი და ასე შემდეგ. მეორე ტაიმში კი ჩემთვის ჩვეულ, ცენტრალური თავდამსხმელის პოზიციაზე გამამწესეს, 3 საგოლე გადაცემა გავაკეთე, ერთიც გავიტანე და 5:2 მოვიგეთ. მატჩის შემდეგ კლუბის დირექტორმა გამიყვანა და მითხრა - დიდებში თავი გამოიჩინე, ჩვენ კი სწორედ ეს გვაინტერესებდა, ძალიან, ძალიან კარგი ფეხბურთელი ხარო. გული სიხარულით ამიჩქარდა... მერე 18 მაისს დაგვიბარეს, უკვე 16-წლამდელების თამაშზე, 2:1 მოვიგეთ და იქაც გავიტანე. თამაშის დამთავრების შემდეგ მითხრეს, შენი ამბავი გარკვეულიაო. "ლილთან" ურთიერთობა მოაგვარეს, 1 ივნისს სამედიცინო შემოწმება გავიარე, კონტრატქი გამიფორმეს და 9-ნომრიანი მაისურაც გადმომცეს. 15 აგვისტოს გუნდის შეკრებაზე დამიბარეს. პარიზში, მთავარი გუნდის ბაზაზე იკრიბებიან. ასე რომ, პსჟ-ის 16-წლამდელებში ვითამაშებ".ქუთათელაძის შესახებ მოლაპარაკება ერთი თვის განმავლობაში მიმდინარეობდა:"კონტრაქტზე ვერაფერს ვიტყვი, თუნდაც, მის ხანგრძლივობაზე. თუმცა იმას კი გაგიმხელთ, რომ ბოლო პერიოდში, "პარი სენ-ჟერმენის" გარდა, მოლაპარაკება სხვა ქვეყნების გუნდებთანაც მქონდა - "ბრიუგესთან", "ფეიენოორდთან", ლისაბონის "სპორტინგთან", კიევის "დინამოსთან" და ფრანგულ "ნიცასთან". მაგრამ, როგორც გითხარით, "პარი სენ-ჟერმენი" ჩემი ოცნების გუნდი იყო და ბედნიერი ვარ, მისი ფორმით რომ ვითამაშებ".საინტერესოა, რომ "პარი სენ-ჟერმენში" ნიკას ძმაც, სანდრო ქუთათელაძეც აიყვანეს, რომელსაც ასევე დიდ მომავალს უწინასწარმეტყველებენ.მერაბ მამულაშვილი

[VIDEO] გოგლიჩიძის გარეშე და ჩაკვეტაძის ერთი ტაიმი - "უოტფორდმა" სახლში "იფსვიჩთან" წააგო

ლუის ენრიკე: კვარაცხელია სრულიად განსხვავებული ფეხბურთელია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა