<p>რუსები და ინგლისელები - მთავარი მოქმედი პირები საფრანგეთის ქუჩებში <br> ევროპის ჩემპიონატს თან გვარიანი ვნებათაღელვაც ახლავს. ფრანგულ პოლიციას საქმე არ აკლია.</p><p>საფეხბურთო ამბების გარდა, ჩვენს ყურადღებას არანაკლებ მღელვარე არასაფეხბურთო ამბებიც იქცევს. მაშ ასე, ვინ ვის ურტყამს და რა ხდება რეალურად საფრანგეთში? ამის თაობაზე ვერსია ბევრია. ჩვენ გვთავაზობთ ზოგად ქრონოლოგიას.</p><p><p><div style="text-align: center;"><strong><span style="color: #ff0000;">ჟუბერების რევანში</span></strong></div></p> რუსი გულშემატკივრების დეპორტაციის გარდა, საფრანგეთის პოლიციამ სხვა ნაბიჯებიც გადადგა.</p><p>უელსისა და ინგლისის მატჩზე, რომელიც ლანსში გაიმართა, უსაფრთხოებას 2 500-ზე მეტი სამართალდამცველი უზრუნველყოფდა.</p><p>არ ვიკითხავთ, სად იყო ამდენი პოლიციელი მაშინ, როცა მარსელში ცნობილი მოვლენები ვითარდებოდა. ფაქტია, მათ შედარებით დააგვიანეს მოქმედება.</p><p><p><div style="text-align: center;"><strong><span style="color: #ff0000;">7 ივნისი</span></strong></div></p> ამ დღეს მარსელში ინგლისის ნაკრების 30 ათასზე მეტი გულშემატკივარი ჩავიდა. ევროპის ჩემპიონატის დაწყებამდე სამი დღით ადრე ფრანგებმა ქვეყანაში შესვლა აუკრძალეს ორი ათასზე მეტ ისეთ ქომაგს, რომლებიც სხვადასხვა დროს შემჩნეულნი იყვნენ მასობრივ არეულობებში მონაწილეობაში.</p><p>ევროპაში საზღვრები აღარ არსებობს და ტურნირის ორგანიზატორებმა ეს ძალიან კარგად იციან. ამიტომ მათ შეადგინეს დამატებითი სია, სადაც ორი ათასზე მეტი ძებნილი ქომაგი მოხვდა.</p><p><p><div style="text-align: center;"><strong><span style="color: #ff0000;">8 ივნისი. ინგლისელები ანაგვიანებენ და ბოთლებს ამსხვრევენ</span></strong></div></p> მარსელში ჩამოსვლისთანავე ინგლისელები ადგილობრივ პაბებს შეესივნენ. მათ "აითვისეს" ძველი პორტის რაიონი, შარლ დე გოლის რაიონი და ქალაქის ერთ-ერთი ყველაზე კოლორიტული ადგილი, მაზო.</p><p>ინგლისელები ჯერ არ ხულიგნობენ, მაგრამ ძველი ჩვეულება მაინც ვერ დათმეს. ისინი ლუდს მინის ბოთლებში ყიდულობენ, მერე კი მთელ ქალაქში ყრიან ამ ბოთლებს და ძალიან ხშირად ამსხვრევენ კიდეც.</p><p><p><div style="text-align: center;"><strong><span style="color: #ff0000;">9 ივნისი. ინგლისელები ურტყამენ ფრანგებს</span></strong></div></p> მეორე დღეს ინგლისელთა მიერ ჭარბად მიღებული ალკოჰოლი უკვე მოქმედებას იწყებს. პოლიციამ მიიღო რამდენიმე შეტყობინება სექსუალური ძალადობის მცდელობის შესახებ. გარდა ამისა, მოხდა პირველი შეტაკება ინგლისელებსა და "მარსელის" გულშემატკივრებს შორის.</p><p>საფრანგეთის პოლიცია ხშირად აცხადებს, რომ მას შეუძლია, მხოლოდ ფან-ზონებში მისცეს ქომაგებს უსაფრთხოების გარანტია. უსაფრთხო ადგილთა ჩამონათვალში ასევე ხვდება სტადიონი.</p><p>ქალაქის ქუჩებში კი ფანებმა თავად უნდა დაიცვან უსაფრთხოების წესები. მარსელელებს არ ურჩევენ ძველი პორტის რაიონში სეირნობას.</p><p><p><div style="text-align: center;"><strong><span style="color: #ff0000;">10 ივნისი. ფრანგები და ინგლისელები ერთმანეთს ურტყამენ. პოლიცია ურტყამს ყველას</span></strong></div></p> უწესრიგობა ღამით დაიწყო. მთვრალმა ინგლისელებმა დაიწყეს ადგილობრივი ბარ-რესტორნების ვერანდების დალეწვა. ისინი მთელი ხმით ყვიროდნენ - "სად არის აქ ISIS?". მოგეხსენებათ, ISIS ტერორისტული ორგანიზაციაა.</p><p>შემთხვევის ადგილზე რამდენიმე ათეული პოლიციელი მივიდა, თუმცა მათ ვერ შეძლეს მასის დაწყნარება და ცრემლსადენი გაზი გამოიყენეს. ძველი პორტის რაიონში, სადაც რამდენიმე ათეული ინგლისელი ფანია დაბანაკებული, მთელი დღის განმავლობაში ადგილი აქვს მასობრივ არეულობებს. საღამოს ინგლისელებს თავს დაესხა "მარსელის" ქომაგთა ჯგუფი. ძირითადად - აფრიკელები და არაბები.</p><p><a href="/euronews2016/92800-marselshi-shetakebis-shemdeg-ingliseli-fani-thavis-tvinis-mdzime-travmith-saavadmyofoshi-mokhvda-video.html" target="_blank"><span style="color: #0000ff;">- მარსელში შეტაკების შემდეგ ინგლისელი ფანი თავის ტვინის მძიმე ტრავმით საავადმყოფოში მოხვდა [VIDEO]</span></a></p><p>მოჩხუბართა დაშოშმინებას რამდენიმე საათი დასჭირდა. გამოიყენეს გაზი და ცრემლსადენი კაფსულები. პოლიციამ ცრემლსადენი საშუალებები, ძირითადად, იმ ინგლისელების წინააღმდეგ გამოიყენა, რომლებიც სამართალდამცველებს ბოთლებს ესროდნენ.</p><p>იმავე დღეს რუსეთისა და დიდი ბრიტანეთის სამართალდამცველებმა ინგლისი-რუსეთის მატჩის დღეს გასატარებელი საერთო ღონისძიებების თაობაზე იმსჯელეს. ამავე დღეს ცნობილი გახდა იმ ნივთიერებათა თუ საგანთა ჩამონათვალი, რომელთა შეტანაც აკრძალული იყო სტადიონზე. მაგალითად, თუ ფანს ალკოჰოლს აღმოუჩენდნენ, ის 7500 ევროთი დაჯარიმდებოდა.</p><p><p><div style="text-align: center;"><strong><span style="color: #ff0000;">11 ივნისი. რუსები ურტყამენ ინგლისელებს</span></strong></div></p> თამაშის წინ მარსელში სიტუაცია კვლავ დაძაბული რჩებოდა. ცნობილი გახდა, რომ საფრანგეთში შესვლა ხუთ რუს გულშემატკივარს აუკრძალეს. ისინი იძულებულნი იყვნენ, მალე დაეტოვებინათ საფრანგეთის ტერიტორია.</p><p>ინგლისელმა ფანებმა ქვები დაუშინეს ავტობუსს, რომელიც რუსეთის დროშის ფერებით იყო შეღებილი. ამასობაში, რუსი ქომაგები თავს დაესხნენ ძველი პორტის რაიონში განთავსებულ ინგლისელ ფანებს.</p><p>პოლიციამ ცრემლსადენი საშუალებები გამოიყენა. სახანძრო სამსახური კი ადგილზე მხოლოდ მას შემდეგ მივიდა, რაც ოცდაათამდე ინგლისელი დაშავდა. დაიჭირეს რამდენიმე ინგლისელი და ფრანგი ფანი. რუსების შეპყრობა ვერ მოხერხდა.</p><p>"ველოდრომზე" მორჩა ინგლისისა და რუსეთის ნაკრებების მატჩი. რუსი გულშემატკივრები არღვევენ პოლიციის კორდონს და თავს ესხმიან ინგლისელ ფანებს. ინგლისელები გარბიან. პოლიცია აგვიანებს. ხდება შეტაკება. დაპატიმრებულია ასზე მეტი ადამიანი. უეფა იწყებს დისციპლინარულ გამოძიებას რუსეთის წინააღმდეგ.</p><p><a href="/euronews2016/92837-rusi-da-ingliseli-fanebis-shetakebebi-matchamde-da-shemdeg-video.html" target="_blank"><span style="color: #0000ff;">- რუსი და ინგლისელი ფანების შეტაკებები მატჩამდე და შემდეგ [VIDEO]</span></a></p><p><p><div style="text-align: center;"><strong><span style="color: #ff0000;"></p><p></span></strong></div></p> <strong> <p><div style="text-align: center;"><strong><span style="color: #ff0000;">11 ივნისი. ნიცა. პოლონელების და ჩრდილოირლანდიელების ჩხუბი</span></strong></div></p> </strong>ნიცაში პოლონელმა და ჩრდილოირლანდიელმა ფანებმა მაგრად იჩხუბეს. უწესრიგობაში ორივე მხრიდან ათეულობით ფანი მონაწილეობდა. საქმეში კვლავ ჩაერთო ბოთლები. პოლიციამ შეძლო მხარეების დაშორება ისე, რომ სერიოზულად არავინ დაშავებულა.</p><p><a href="/euronews2016/92841-nicashi-polonel-da-chrdiloirlandiel-fanebs-shoris-chkhubi-mokhda-video.html" target="_blank"><span style="color: #0000ff;">- ნიცაში პოლონელ და ჩრდილოირლანდიელ ფანებს შორის ჩხუბი მოხდა [VIDEO]</span></a></p><p><p><div style="text-align: center;"><strong><span style="color: #ff0000;">12 ივნისი. პარიზი. ფრანგები ურტყამენ ხორვატებს და თურქებს</span></strong></div></p> თავდასხმა მოხდა თურქეთისა და ხორვატიის მატჩის დაწყებამდე. ზოგიერთი ფრანგი ჟურნალისტი ვარაუდობს, რომ თავდასხმის ორგანიზატორები იყვნენ "პარი სენ-ჟერმენის" ფანთა ერთ-ერთი სექტორის წარმომადგენლები.</p><p>ფრანგები თავს დაესხნენ თურქებსაც და ხორვატებსაც. საინტერესოა, რომ მათ შორის კარგი ურთიერთობა ჩამოყალიბდა. თვითმხილველთა თქმით, ფრანგები მუშტებით ჩხუბობდნენ.</p><p>მორჩა თურქეთისა და ხორვატიის მატჩი. უეფამ გამოძიება თურქეთის ნაკრების გულშემატკივართა მიერ ჩადენილი საქციელის თაობაზე დაიწყო. ეს მხოლოდ იმიტომ მოხდა, რომ მათ ტრიბუნებზე პიროტექნიკა გამოიყენეს.</p><p>გამოძიების ინტერესთა სფეროში მოხვდა ხორვატიის ნაკრებიც. საქმე ისაა, რომ ერთ-ერთმა ხორვატმა მინდორზე შეჭრა სცადა და ეს გამოუვიდა კიდეც.</p><p><a href="/euronews2016/92895-magari-kaci-khorvatma-fanma-goli-fekhburthelebthan-erthad-moedanze-aghnishna-video.html" target="_blank"><span style="color: #0000ff;">- მაგარი კაცი - ხორვატმა ფანმა გოლი ფეხბურთელებთან ერთად მოედანზე აღნიშნა [VIDEO]</span></a></p><p>ასევე აღიძრა საქმე ალბანეთის ნაკრებთან დაკავშირებითაც.</p><p><p><div style="text-align: center;"><strong><span style="color: #ff0000;">12 ივნისი. ლილი. გერმანელები ურტყამენ უკრაინელებს</span></strong></div></p> გერმანიისა და უკრაინის ნაკრებების თამაშამდე რამდენიმე საათით ადრე ლილის ერთ-ერთ მოედანზე 50-მდე გერმანელი ფანი თავს დაესხა უკრაინელ გულშემატკივრებს.</p><p>მოგვიანებით, გერმანული პოლიციის დახმარებით, მოხერხდა თავდასხმის ერთ-ერთი ინიციატორი გერმანელის ამოცნობა. ის დრეზდენის "დინამოს" ულტრასი აღმოჩნდა.</p><p>ჩხუბის დროს დაშავდა ორი უკრაინელი. დამნაშავეების დაკავება ვერ მოხერხდა. უკრაინელები სტადიონამდე პოლიციის გაძლიერებელმა კორდონმა მიაცილა.</p><p><a href="/euronews2016/92850-lilshi-ukrainis-nakrebis-ori-fani-datcres.html" target="_blank"><span style="color: #0000ff;">- ლილში უკრაინის ნაკრების ორი ფანი დაჭრეს</span></a></p><p><p><div style="text-align: center;"><span style="color: #ff0000;"><strong>14-15 ივნისი. ლილი. ინგლისელები და უელსელები ერთმანეთს სცემენ, შემდეგ რუსებს ერთად ებრძვიან</strong></span></div></p> ნორის დეპარტამენტის პოლიციამ განაცხადა, რომ ინგლისელმა და უელსელმა ფანებმა ერთმანეთში იჩხუბეს კალედან ლილისკენ მიმავალ მატარებელში. რამდენიმე დაკავებულია.</p><p>ლილში კი ინგლისელი და უელსელი ფანები ხშირად გაერთიანებული ძალებით იგერიებდნენ რუს "ულტრასებს". ორი დღის განმავლობაში ლილში დაახლოებით 50 ხულიგანი დააკავეს, ნაწილი კი საფრანგეთიდან გააძევეს.</p><p><a href="/euronews2016/92962-lilshi-rus-da-britanel-gulshematkivrebs-shoris-shetakeba-mokhda-video.html" target="_blank"><span style="color: #0000ff;">- ლილში რუს და ბრიტანელ გულშემატკივრებს შორის შეტაკება მოხდა [VIDEO]</span></a></p><p><a href="/euronews2016/92970-lilshi-britanel-da-rus-fanebs-shoris-chkhubi-gushin-ghamec-mokhda-video.html" target="_blank"><span style="color: #0000ff;">- ლილში ბრიტანელ და რუს ფანებს შორის ჩხუბი გუშინ ღამეც მოხდა [VIDEO]</span></a></p><p><p><div style="text-align: center;"><strong><span style="color: #ff0000;">რა მოხდება ლანსში?</span></strong></div></p> ამ სტრიქონებს რომ წაიკითხავთ, ლანსში უკვე ჩათამაშებული იქნება ბრიტანული დერბი ინგლისსა და უელსს შორის. ეს არის უდიდესი რისკის მატჩი. საინტერესოა, როგორ გაართმევენ თავს საკუთარ მოვალეობას ფრანგი პოლიციელები. აქედანვე შეიძლება იმის თქმა, რომ მათ სამუშაო არ მოაკლდებათ.</p><p><a href="/euronews2016/93023-rusma-zhurnalistma-gadacemashi-moulodnelad-simarthle-thqva-video.html" target="_blank"><span style="color: #0000ff;">- რუსმა ჟურნალისტმა გადაცემაში მოულოდნელად სიმართლე თქვა [VIDEO]</span></a></p><p><a href="/euronews2016/92993-rogor-emzadebodnen-rusi-khulignebi-evro-2016-isthvis-video.html" target="_blank"><span style="color: #0000ff;">- როგორ ემზადებოდნენ რუსი ხულიგნები ევრო 2016-ისთვის [VIDEO]</span></a></p><p><a href="/euronews2016/92985-ingliseli-fanebis-samarckhvino-saqcieli-video.html" target="_blank"><span style="color: #0000ff;">- ინგლისელი ფანების სამარცხვინო საქციელი [VIDEO]</span></a></p><p><a href="/euronews2016/92899-rusi-fani-matchis-dghes-marselshi-150-udzlieresi-rusi-khuligani-chamovida.html" target="_blank"><span style="color: #0000ff;">- რუსი ფანი: მატჩის დღეს მარსელში 150 უძლიერესი რუსი ხულიგანი ჩამოვიდა</span></a></p><p><a href="/euronews2016/92890-evro-2016-is-pirveli-mskhverpli-nicashi-britaneli-gulshematkivari-daighupa.html" target="_blank"><span style="color: #0000ff;">- ევრო 2016-ის პირველი მსხვერპლი: ნიცაში ბრიტანელი გულშემატკივარი დაიღუპა</span></a></p><p><a href="/euronews2016/92894-sastiki-kadrebi-rusi-da-ingliseli-fanebis-daundobeli-chkhubi-marselshi-video.html" target="_blank"><span style="color: #0000ff;">- სასტიკი კადრები: რუსი და ინგლისელი ფანების დაუნდობელი ჩხუბი მარსელში [VIDEO]</span></a></p><p><a href="/euronews2016/92839-ingliseli-fanebi-putin-khuilo-chven-gvdzuls-rusethi-video.html" target="_blank"><span style="color: #0000ff;">- ინგლისელი ფანები: პუტინ ხუილო! ჩვენ გვძულს რუსეთი! [VIDEO]</span></a></p><p><strong>ყოველდღიური სპორტული გაზეთი "ლელო"</strong></p>
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
დიმიტრი პაიე: შვილებს კრიშტიანო რონალდოს სახელის ხსენება ავუკრძალე
იტალიისა და გერმანიის ნაკრებებმა მილანში ამხანაგური მატჩი დაგეგმეს
მარსელ კოლერი: საქართველოს ნაკრებს ბევრი კარგი ფეხბურთელი ჰყავს
ჟურნალმა GQ Italy-მ ევროპის ულამაზეს გულშემატკივრად შვეიცარიელი ფეხბურთელის ცოლი დაასახელა [PHOTO]
ინგლისის ნაკრები: სათადარიგო გეგმა არ იყო
მარსელ კოლერი ავსტრიის ნაკრების სათბილისო შემადგენლობას ხუთშაბათს დაასახელებს