- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დიდი დაბრუნება ძიუდოში
<p>აზერბაიჯანელებს ევროპის ჩემპიონი რენატ მირზალიევი, უკრაინელებს კი ათენის ვიცე-ჩემპიონი და პეკინის ბრინჯაოს პრიზიორი რომან გონტიუკი დაუბრუნდათ <br> ამ დღეებში აზერბაიჯანულმა და უკრაინულმა საიტებმა შეთქმულებივით ერთად გვაცნობეს ორი ცნობილი ძიუდოისტის სპორტში დაბრუნების შესახებ - აზერბაიჯანელებს ევროპის ჩემპიონი რენატ მირზალიევი (73) უბრუნდებათ, უკრაინელებს კი უკვე დაუბრუნდათ ორგზის ოლიმპიური მედალოსანი, ათენის თამაშების ვიცე-ჩემპიონი და პეკინის ბრინჯაოს პრიზიორი რომან გონტიუკი (90), რომელმაც კვირას ბუდაპეშტის მსოფლიოს თასზეც იჭიდავა. ის ხანგრძლივი ტრავმის შემდეგ დაუბრუნდა სპორტს, თუმცა არცთუ წარმატებულად - პირველივე შეხვედრა წააგო.</p><p>გონტიუკმა სერიოზულ პირველ წარმატებას პეკინში მიაღწია - ფინალში გავიდა, იქ კი ბერძენთა ქართველყოფილ ოლიმპიურ ჩემპიონ ილიას ილიადისთან (ჯარჯი ზვიადაური) დამარცხდა. არსებითად, ის მაშინ მოექცა ყურადრების ცენტრში, თორემ მანამ იქნებ ვერც ეფიქრა ვინმეს, მას თუ ოლიმპიურ კვარცხლბეკზე ვიხილავდით. გონტიუკი ამის შემდეგაც რჩებოდა ლიდერთა შორის, თუმცა არასოდეს ყოფილა ისეთი გამოკვეთილი ფავორიტი, როგორიც თუნდაც ილიადისია. ამის მიუხედავად, პეკინში კიდევ ერთხელ ავიდა კვარცხლბეკზე - ამჯერად ბრინჯაო მოიპოვა. ამის შემდეგ მან წონა შეიცვალა - 90-ში გადავიდა, თუმცა წონის დაკლება ადრეც უჭირდა.</p><p>გონტიუკმა ტრავმა შარშან მიიღო და მას შემდეგ არ უჭიდავია, ახლა კი დაბრუნებულს წონაში გაორმაგებული კონკურენცია დახვდა. აქ უკვე არ ჩანს ძველი ლიდერი - ევროპის სამგზის ჩემპიონი ვალენტინ გრეკოვი, მაგრამ მოვიდნენ ახლები. კაცმა არ იცის, როგორ წარიმართება ახალთა გზები, მაგრამ ამ ეტაპზე ისინი უფრო ძლიერები ჩანან. ლიდერთა შორის, უპირველესად, ახალგაზრდებში მსოფლიოს ჩემპიონი, უკრაინის ორფერა ნაკრების პირველი ფერადკანიანი ქიუნჯაი ნჰაბალია, თუმცა სათვალავიდან ამოსაგდები არც თბილისის ტურნირის წლევანდელი გამარჯვებული ვადიმ სინიავსკია. შეგახსენებთ - მან თბილისში ფინალში სწორედ ნჰაბალი დაამარცხა. ვფიქრობთ, მათთან ჭიდაობა გონტიუკს ფრიად გაუჭირდება.</p><p>ოლიმპიადის ვერცხლის პრიზიორს შარშანდელი სეზონი მხოლოდ ტრავმის მკურნალობაში არ გაუტარებია - დაოჯახდა და უკვე 6 თვის ვაჟიც ჰყავს, რომა. რაოდენ გასაკვირიც უნდა იყოს, ორგზის ოლიმპიური მედალოსანი ერთოთახიან ბინაში ცხოვრობს! ვფიქრობთ, ამით კარგი პარალელის გავლება შეიძლება ჩვენს სპორტსმენებთან, რომელთა ნაწილიც ბოლო ხანებში აშკარად ვაჭრობს ფინანსური საკითხებით.</p><p>სხვათა შორის, იმ ერთოთახიან ბინაში გონტიუკის მეზობელი კიდევ ერთი ოლიმპიადის ვიცე-ჩემპიონი, ოღონდ თავისუფალ ჭიდაობაში ვასილ ფედორიშინი ყოფილა. როგორც უკრაინული მედიისთვის მიცემული ინტერვიუდან ირკვევა, ისინი თურმე ერთ სართულზე, ოღონდ კედლის სხვადასხვა მხარეს ცხოვრობენ და ოჯახებით მეგობრობენ. გონტიუკის არ იყოს, ფედორიშინსაც ერთი ვაჟი ჰყოლია, 10 თვისა.</p><p>დიდი კონკურენციის მიუხედავად, გონტიუკი მაინც იმედოვნებს ოლიმპიადაზე მოხვედრას. მისი დაბრუნების ამბავმაც ამიტომ მიიქცია ჩვენი ყურადღება - ეს წონა, ვალერი ლიპარტელიანის ბოლოდროინდელი ჩავარდნის მიუხედავად, ჩვენთვის მაინც ერთ-ერთ ყველაზე საყურადღებოდ რჩება. თუმცა არა გვგონია, მისი დაბრუნება ჩვენთვის საშიში იყოს.</p><p>რაც შეეხება აზერბაიჯანელ მირზალიევს, სპორტიდან მისი წასვლა ბევრად ადრე მოხდა და უფრო სხვა მიზეზით - ელნურ მამადლის კონკურენციამ აიძულა, ჩრდილში გამდგარიყო. მირზალიევი ევროპის ჩემპიონია, მაგრამ მერე ლიდერობა თანდათან ხელთ იგდო მამადლიმ. ის 2006-ში ევროპის ჩემპიონი გახდა, მეორე წელს მსოფლიოს ფინალი იჭიდავა, თუმცა კორეელ კი-ჩუნ ვანგთან წააგო, მაგრამ მალევე აიღო მასთან რევანში - 2008-ში ოლიმპიადის ფინალი მოუგო. ცხადია, მამადლის ასეთი თავბრუდამხვევი წარმატება მირზალიევს შანსს არ უტოვებდა. თანაც მაშინ წონაში ქვეყნიდან ორი კაცის გაყვანა ჯერ კიდევ არ შეიძლებოდა.</p><p>მოგეხსენებათ, მამადლიმ უკვე 81-ში გადაინაცვლა (თუმცა ერთი ტურნირი 90-შიც კი იჭიდავა) და მირზალიევსაც დაბრუნების შანსი გაუჩნდა. მით უფრო, ევროპა-მსოფლიოზე უკვე ორ-ორი კაცის გამოყვანაა შესაძლებელი. აზერბაიჯანელთა თავკაცი აგიარ ახუნდზადე იმას კი ამბობს, რომ მირზალიევი გამოცდილი სპორტსმენია, მაგრამ მის საოლიმპიადო შანსებზე მეტად თავშეკავებით საუბრობს. არც გაემტყუნება - მირზალიევს ხომ ძალიან ბევრი გაუცდა. რაც შეეხება იმას, თუ რამდენად საშიშია მისი დაბრუნება ჩვენი სპორტსმენებისთვის, საქმე მთლად სახარბიელოდ არც ჩვენ გვაქვს - ჯერ კიდევ ლიდერის ძებნის პროცესში ვართ. მართალია, გვყავს რამდენიმე საკმაოდ პერსპექტიული ახალგაზრდა - ნუგზარ ტატალაშვილი, ამბაკო ავალიანი, თენგიზ პაპოშვილი, ზებედა რეხვიაშვილი და სხვა, მაგრამ მათ ჯერ აკლიათ გამოცდილება. ამიტომ თავი ვერ დაიმკვიდრეს ლიდერის ამპლუაში.</p><p>ბუდაპეშტში კიდევ ერთი ცნობილი სპორტსმენის დაბრუნება უნდა შემდგარიყო - ხანგრძლივი ტრავმის შემდეგ ბრიტანელ მსოფლიოს ჩემპიონ კრეიგ ფელონსაც (60) უნდა ეჭიდავა, მაგრამ ახალმა ტრავმამ მისი დაბრუნება ისევ გადაავადა.</p><p>.</p>
-
zubaria
ბატონო ირაკლი! სამწუხაროა რომ ჯარჯი ზვიადაურს მოიხსენიებთ ბერძენათ. შეიძლება ის ბერძენთათვის ილიადისი იყოს მაგრამ პირადად ჩემთვის და მრავალრიცხოვანი გულშემატკივართა აზრით ის ქართველი კაცია. მისი სამშობლო საქართველოა და თუ როგორ გახდა ის ილიადისი გაეცანით მის ბიოგრაფიას.
ევროპის ჩემპიონატზე საქართველოს ნაკრების შემადგენლობა ცნობილია
[VIDEOS] ორი ოქრო და ორი ბრინჯაო! - თბილისის გრანდ სლემის ბოლო საშეჯიბრო დღე
ორი ოქროსა და სამი ბრინჯაოს შანსი - თბილისის გრანდ სლემის ბოლო საშეჯიბრო დღე
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
[VIDEOS] გულიაშვილმა ესპანეთში დუბლი შეასრულა
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!
18 წ. | 3 ლელო საფრანგეთთან
"მამარდაშვილი მთავარი დამნაშავე არ არის" - ინგლისური მედია
გოჩოლეიშვილი შეცვლაზე და "ჰამბურგის" ფრე "აუგსბურგთან"
ზივზივაძე სასტარტოში იყო - "ჰაიდენჰაიმმა" "გლადბახთან" ქულები გაიყო
როგორი შეფასებები მიიღო მამარდაშვილმა "სიტისთან" მატჩში?
[VIDEO] "ლივერპულის" უნუგეშო დაცვა და ოთხი გოლი მამარდაშვილის კარში - "სიტიმ" "წითლებს" ისევ მოუგო
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა