<p>"ვალენსიას" მთავარმა მწვრთნელმა უნაი ემერიმ "შალკესთან" ჩემპიონთა ლიგის მერვედფინალურ მატჩში გამოუყენებელ მომენტებზე დაიჩივლა <br> "ვალენსიას" მთავარმა მწვრთნელმა უნაი ემერიმ ჩემპიონთა ლიგის 1/8 ფინალში, "შალკესთან" გამართული შეხვედრის შემდეგ, რომელიც ფრედ - 1:1 დასრულდა, თავის ფეხბურთელებს მომენტების რეალიზების უნარი დაუწუნა, თუმცა ესპანური გუნდის თავკაცმა ისიც აღნიშნა, რომ ახლა მოთამაშეებს მთელი ყურადღების საშინაო პირველობაზე გადატანა მართებთ.</p><p>"მეტოქემ შეძლო და ანგარიში გაგვითანაბრა, რაც იმას ნიშნავს, რომ ეს დაიმსახურა, - მოჰყავს ემერის სიტყვები უეფას ოფიციალურ საიტს. – რომ არა რაულის გოლი, ჩემ გუნდს კარგი თამაშისთვის შევაქებდი. რამდენიმეჯერმე გოლკიპერმაც გვიხსნა, მაგრამ "შალკემ" თავისას მაინც მიაღწია. არადა, მომენტები მრავლად გვქონდა.</p><p>ფრე ჩვენთვის არცთუ მთლად კარგი შედეგია, მაგრამ ვერც ძალიან ცუდს დავარქმევდი. ახლა "შალკე" ფლობს უპირატესობას, მაგრამ - უმნიშვნელოს. საპასუხო მატჩში ჩვენ უნდა ვიპოვნოთ გზა, რათა ამ, ფიზიკურად ძალიან კარგად მომზადებულ გუნდს გავუმკლავდეთ. ყოველ შემთხვევაში, მე ჯერ კიდევ მჯერა, რომ შემდეგ რაუნდში გასვლის შანსი გვაქვს.</p><p>ახლა, პირველ რიგში, ესპანეთის ჩემპიონატზე უნდა ვიფიქროთ, რათა მომავალი ჩემპიონთა ლიგის საგზური მოვიპოვოთ."</p><p>მატჩის შემდეგ თავისი მოსაზრება "შალკეს" თავკაცმა ფელიქს მაგათმაც გამოთქვა. მისი თქმით, სტუმრად "ვალენსიასთან" მიღწეული 1:1 მართებული შედეგია. გერმანული კლუბის დამრიგებელმა აღნიშნა, რომ მისმა შეგირდებმა მასპინძელთა იერიშებს თავი კარგად გაართვეს და ახლა იმავეს გამეორება გელზენკირხენში მართებთ.</p><p>"ჩვენ დღეს კარგი ფეხბურთი ვაჩვენეთ და ფრეც დავიმსახურეთ. ეგ კი არადა, რამდენიმე ეპიზოდში უფრო უკეთ რომ გამოგვეყენებინა შექმნილი მომენტი, ერთ-ორ გოლს კიდევ შევაგდებდით.</p><p>ის, რომ მეტწილად მეტოქის შეტევების მოგერიება გვიწევდა, ჩემპიონთა ლიგის გასვლითი მატჩისთვის ჩვეულებრივი ამბავია. მთავარი ისაა, რომ "ვალენსიას" გატანს შანსი არცთუ მრავლად ჰქონია. ის ერთადერთი ბურთიც უხეში შეცდომის გამო მივიღეთ.</p><p>რაც შეეხება რაულის გოლს, ეს უბრალო შემთხვევითობის ბრალი არ ყოფილა. რაული ბომბარდირადაა დაბადებული, რასაც თამაშით ადასტურებს.</p><p>მიუხედავად პირველ მატჩში მიღწეული დამაკმაყოფილებელი შედეგისა, სამუშაო კიდევ ბევრი გვაქვს. ყველანაირად ვეცდებით, ეს მცირე უპირატესობა ბოლომდე შევინარჩუნოთ.</p><p><strong>ჩემპიონთა ლიგა. 1/8 ფინალი. პირველი მატჩები</strong></p><p><em><strong>ვალენსია-შალკე 1:1 (1:0)</strong></em></p><p>გოლები: სალგადო, 17 (1:0). რაული, 64 (1:1).</p><p>.</p>
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
კვერნაძე შეცვლაზე შევიდა - "ფროზინონე" "მონცასთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
გვარდიოლამ გაამხილა, როდის იფიქრებს მწვრთნელის კარიერის დასრულებაზე