<p>უისტორიო უელსი სტაბილური პორტუგალიის წინააღმდეგ <br> <strong><span style="font-size: x-small;">* პორტუგალიის ნაკრები გამარჯვების შემთხვევაში ბოლო 5 ჩემპიონატში მეოთხედ გავა ნახევარფინალში (მეშვიდედ ყველა დიდ ტურნირზე), მაშინ, როცა უელსის ნაკრები ამ ეტაპის დებიუტანტია.</p><p>* პორტუგალიის ნაკრების ბოლო 6 თამაში ევროპის ჩემპიონატზე ფრედ დასრულდა ძირითად დროში - 5 ამ პირველობაზე და ერთიც ესპანეთთან ევრო 2012-ის ნახევარფინალში.</p><p>* ლიონში პორტუგალიის ნაკრებმა ჯგუფურ ეტაპზე 3:3 ითამაშა უნგრეთთან. რონალდომ დუბლი შეასრულა.</p><p>* უელსის ნაკრებს ან უელსურ კლუბს არასოდეს უთამაშია ლიონში.</p><p>* გუნდების ლიდერები, კრიშტიანო რონალდო და გარეთ ბეილი კლუბში (რეალი) თანაგუნდელები არიან.</p><p></span></strong></p><p>გარეთ ბეილი და კრიშტიანო რონალდო მსოფლიოს ორი ყველაზე ძვირად ნაყიდი ფეხბურთელია - ერთად ლამის ორასი მილიონი ევროა გადახდილი. ამიტომ, მიუხედავად ბეილის მტკიცებისა, ეს დაპირისპირება სულაც არ არის ბეილი-რონალდოს დუელიო, სწორედ ამ ორი ვარსკვლავის თამაშს ექნება გადამწყვეტი როლი დღევანდელ ნახევარფინალში.</p><p>პორტუგალიის ნაკრები ერთადერთი გუნდია ევრო 2016-ზე შემორჩენილთაგან, რომელსაც ჯერ არ მოუგია თამაში 90 წუთში. ასე რომ, კრიშტიანო რონალდოს პორტუგალიას პირველი გამარჯვების შანსი მიეცა, რადგან გარეთ ბეილის უელსთან ფავორიტად ითვლება.</p><p><p><div style="text-align: center;"><strong><span style="color: #ff0000;">ურთიერთშეხვედრები</span></strong></div></p> <p><div style="text-align: center;"><span style="font-size: 12.16px; line-height: 1.3em;">(3 თამაში: +2=0-1, 7:4)</span></div></p> ამ ორი ნაკრების ურთიერთშეხვედრების ისტორია მწირია. ისინი ერთმანეთს სულ სამჯერ დაუპირისპირდნენ. პორტუგალიამ ორჯერ იმარჯვა, ერთხელ კი - უელსმა. სამივე თამაში ამხანაგური იყო და აქედან ორი ძალიან დიდი ხნის წინათ გაიმართა. 1949 წელს პორტუგალიამ 3:2 დაამარცხა უელსი, ორი წლის მერე კი კარდიფში 1:2 დამარცხდა.</p><p>თითქმის ნახევარი საუკუნის მერე, 2000 წელს შავეშში პორტუგალიამ 3:0 გაანადგურა უელსი და მას მერე 16 წელიწადია, ეს გუნდები ერთმანეთს არსად გადაყრიან. მოკლედ, ლიონში მათი პირველი ოფიციალური დაპირისპირებაა და თამამად შეგვიძლია თქმა, რომ ისტორია ახლიდან იწერება.</p><p><p><div style="text-align: center;"><strong><span style="color: #ff0000;">გზა მეოთხედფინალისკენ</span></strong></div></p> პორტუგალიელებმა ისლანდიასთან მოულოდნელი 1:1-ით (ნანი) დაიწყეს. ისინი შემდეგ ავსტრიას დაუზავდნენ - 0:0. ჯგუფის ბოლო მატჩში პორტუგალია უნგრეთს 3:3 ეთამაშა (რონალდო 2, ნანი).</p><p>მერვედფინალში ხორვატიასთან მატჩის ძირითადი დრო 0:0 დამთავრდა, მაგრამ საქმე პენალტების სერიამდე არ მივიდა - რიკარდო კვარეჟმამ 117-ე წუთზე გაიტანა გადამწყვეტი გოლი. მერვედფინალში კი ყველაფერი პენალტების სერიამდე მივიდა - პოლონელთა ფორვარდმა ლევანდოვსკიმ დააწინაურა თავისიანები, მაგრამ პორტუგალიის ნაკრების სენსაციამ, რენატო სანჩესმა გაათანაბრა და საქმე სერიამდე მივიდა, სადაც პორტუგალიელებმა პირნათლად შეასრულეს პენალტები და 5:3 იმარჯვეს.</p><p>უელსის ნაკრებმა ჯგუფური ეტაპი სლოვაკეთის დამარცხებით დაიწყო - 2:1 (ბეილი, რობსონ-კანუ). ამას მოჰყვა მარცხი ინგლისთან - 1:2 (ბეილი). ბოლო შეხვედრაში ვალიელებმა რუსები მოსრეს - 3:0 (რემზი, ტეილორი, ბეილი) და ჯგუფი პირველ ადგილზე დაასრულეს.</p><p>მერვედფინალში უელსის ნაკრებმა მინიმალური სხვაობით მოუგო ჩრდილოეთ ირლანდიას - 1:0 (მაკოლის ავტოგოლით). მეოთხედფინალში უელსის ნაკრები აუტსაიდერად მიიჩნეოდა, მაგრამ კოულმენის ბიჭებმა ნაინგოლანის ბრწყინვალე გოლს სამით უპასუხეს - ეშლი უილიამსმა, რობსონ-კანუმ და ვოუკსმა შეაგდეს.</p><p><p><div style="text-align: center;"><strong><span style="color: #ff0000;">მატჩის წინ</span></strong></div></p> <strong>ფერნანდო სანტუში</strong> (პორტუგალია): "ჩვენ თავად ვწერთ ჩვენი ქვეყნის საფეხბურთო ისტორიას. რა თქმა უნდა, ისტორია და გამოცდილება ბევრს ნიშნავს და ხშირად გეხმარება კიდეც, მაგრამ ახლა ახალი თავი უნდა დავწეროთ. მეტოქე ძალიან ძლიერია, ამიტომ ურთულესი დაპირისპირება გველის, მაგრამ გამარჯვების რესურსი ნამდვილად გვაქვს. არ მგონია, რომ მატჩის ბედს ბეილისა და კრიშტიანოს დაპირისპირება გადაწყვეტს.</p><p>ახლა ნახევარფინალის ოთხივე ნაკრების თითოეულ ფეხბურთელს ერთი მიზანი აქვს - ფინალში გასვლა. უელსის ნაკრებში ტექნიკურად ძლიერი ფეხბურთელები თამაშობენ. მე ბევრი რამ ვისწავლე ჯიმი ჰაგანისგან, რომლისგანაც კარგი ბრიტანული სკოლა გავიარე "ბენფიკაში". ბრიტანული სკოლის ერთ-ერთი საუკეთესო შემსრულებელი კი უელსის ახლანდელი გუნდია. არ დაგვავიწყდეს, რომ უელსმა 3:1 დაამარცხა ევროპაში ნომერ პირველი გუნდი რეიტინგით - ბელგია!</p><p>კრის კოულმენს დიდ პატივს ვცემ, მე მასთან ერთი-ორჯერ მისაუბრია კიდეც, საბერძნეთში ყოფნისას. კარგად მესმის, რატომ ამბობს, რომ ამ დაპირისპირებაში ჩვენ ვართ ფავორიტები. დარწმუნებული ვარ, თავის ბიჭებს იმავეს არ ეუბნება".</p><p><strong>კრის კოულმენი</strong> (უელსი): "ბიჭებს ერთმანეთის სჯერათ და მიუხედავად იმისა, რომ პორტუგალიისთვის ნახევარფინალში თამაში ჩვეული რამ არის, ჩვენ კი პირველად ვართ ამ ეტაპზე, ბიჭებს არ ადარდებთ წყვილში აუტსაიდერობა. ევროპის ჩემპიონატის დაწყებამდე არც კი მიფიქრია ნახევარფინალზე.</p><p>მხოლოდ ჯგუფური ეტაპიდან გასვლას ვგეგმავდი, რისი იმედიც ნამდვილად მქონდა. როცა გუნდი იგებს, ყოველთვის კარგი სიტუაციაა, მაგრამ ჩვენი გუნდური სული უელსის ნაკრებისთვის შავ დღეებშია დაბადებული და ბევრი გასაჭირი გამოიარა. მსოფლიოში საუკეთესო მწვრთნელიც რომ იყო, თუ ფეხბურთელები ხელს არ გიწყობენ, ვერაფერს მოიგებ. ამ მხრივ, გამიმართლა".</p><p><p><div style="text-align: center;"><strong><span style="color: #ff0000;">ჩვენი აზრით</span></strong></div></p> კრის კოულმენმა მეოთხედფინალში დაამტკიცა, რომ ძალიან ძლიერი სპეციალისტია და ბელგიის ნაკრებში მის ვიზავის პირწმინდად მოუგო დუელი. ახლა მისი ამოცანა კიდევ უფრო რთულია, რადგან გუნდი ისეთ ეტაპზე თამაშობს, სადაც გამოცდილება კიდევ უფრო მეტად ფასობს, უელსს კი ასეთი გამოცდილება საერთოდ არ აქვს, რასაც ნაკრების ორი მთავარი ვარსკვლავიდან ერთ-ერთის, აარონ რემზის დისკვალიფიკაცია ემატება. "რემბოს" ჯონათან უილიამსი შეცვლის, მაგრამ ყველას კარგად მოეხსენება, რომ ეს თანაბარძალოვანი ცვლილება არ არის. პლუს ამას, დისკვალიფიცირებულია მცველი ბენ დევისი, რომელიც კოლინზმა უნდა ჩაანაცვლოს.</p><p>პორტუგალიის ნაკრებს არ ეყოლება დისკვალიფიცირებული ვილიამ კარვალიო, მაგრამ ჩვენი აზრით, გაცილებით დიდი დანაკლისი იქნება, თუ პეპე მართლა ვერ შეძლებს გამოჯანმრთელებას, რადგან რიკარდო კარვალიოს კლასი კი ძველებურად შერჩა, მაგრამ სიჩაუქე ვეღარ მოსდევს.</p><p>ძალიან დიდი მნიშვნელობა ექნება, თუ რას შემოგვთავაზებენ გუნდების ლიდერები. თუ გარეთ ბეილი ყოველ თამაშში საუკეთესო იყო თავის გუნდში, კრიშტიანო რონალდო სტაბილურობით ვერ გამოირჩევა.</p><p><p><div style="text-align: center;"><strong><span style="color: #ff0000;">whoscored.com-ის 3-3 საუკეთესო</span></strong></div></p> <strong>პორტუგალია</p><p></strong>32. პეპე პორ. 7,35</p><p>40. სედრიკ სოარეში პორ. 7,30</p><p>42. ჟოზე ფონტე პორ. 7,27</p><p><strong>უელსი</p><p></strong>1. გარეთ ბეილი უელ. 8,41</p><p>10. აარონ რემზი უელ. 7,70</p><p>21. ჯეიმს ჩესტერი უელ. 7,45</p><p><p><div style="text-align: center;"><strong><span style="color: #ff0000;">რეკორდები, რომელთა დამყარებაც რონალდოს შეუძლია</span></strong></div></p> * დიდი ალბათობით, ის გახდება პირველი ფეხბურთელი, რომელიც მესამე ნახევარფინალს ითამაშებს ევროპის ჩემპიონატებზე.</p><p>* რონალდოს შეუძლია გახდეს პირველი ფეხბურთელი 1964 წლის მერე, ვინც ორ ნახევარფინალში შეძლებს გატანას.</p><p>* თუ რონალდო გოლს გაიტანს, ის მე-9 იქნება მისთვის ევროპის ჩემპიონატებზე და ამ მხრივ რეკორდსმენ მიშელ პლატინის დაეწევა.</p><p><span style="text-decoration: underline;">6 ივლისი. ლიონი. "პარკ ოლიმპიკი"</p><p></span><strong>პორტუგალია-უელსი 23:00</p><p></strong>დისკვალიფიკაცია: ვ. კარვალიო - დევისი, რემზი</p><p>ტრავმა: პეპე (?) -</p><p>პორტუგალია (სავარაუდო): რუი პატრისიო - სედრიკი, ფონტე, რ. კარვალიო, გერეირო - დანილო, მარიო, ა. სილვა, რ. სანჩესი - ნანი, რონალდო</p><p>უელსი (სავარაუდო): ჰენესი - ჩესტერი, ე. უილიამსი, კოლინზი - განტერი, ალენი, ლედლი, ჯ. უილიამსი, ტეილორი - ბეილი, რობსონ-კანუ</p><p>მსაჯი: იონას ერიკსონი (შვედეთი)</p><p><strong>ყოველდღიური სპორტული გაზეთი "ლელო"</strong></p>
ჯეკო
ამათ იმაში მაინც გოუმართლათ, რომ მესი ევროპელი არაა
dolari
ნახევარფინალში არაა უკვე?
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"აყურებინეთ ბავშვებს ფეხბურთი" - ბეილმა მასწავლებლებს მოუწოდა
BMV - "რეალის" შეტევას ახალი ზედმეტსახელი აქვს
ყველაფერს ითვლიან - მესი და რონალდო ერთმანეთს გაფუჭებულ პენალტებშიც მიუახლოვდნენ
ბეილი: ჩემპიონთა ლიგის ფინალი 5:0 დასრულდება
უკრაინა და პოლონეთი ევროპის ჩემპიონატზე გავიდნენ
რეკორდი გაიმეორა - რონალდო მორიგ მიღწევას უმიზნებს
ევრო 2024-ის 21-ე მონაწილე გახდა ცნობილი
რონალდომ პორტუგალიას მოაგებინა, მოდრიჩმა - ხორვატიას [VIDEO]
"მესი რონალდოს სწორედ ამიტომ მირჩევნია" - უეინ რუნი
"ფანტასტიკური ფეხბურთელია, მაგრამ მასზე დამოკიდებულები არ ვართ" - პორტუგალიის ნაკრების მთავარი მწვრთნელი რონალდოზე
"ფანტასტიკური ფეხბურთელია, მაგრამ მასზე დამოკიდებულები არ ვართ" - პორტუგალიის ნაკრების მთავარი მწვრთნელი რონალდოზე
"ბარსელონას" და მსოფლიოს ვაფრთხილებ" - ბეილის განცხადება
მარსელ კოლერი: საქართველოს ნაკრებს ბევრი კარგი ფეხბურთელი ჰყავს
ჟურნალმა GQ Italy-მ ევროპის ულამაზეს გულშემატკივრად შვეიცარიელი ფეხბურთელის ცოლი დაასახელა [PHOTO]
მსოფლიოს 2022 წლის ჩემპიონატის ყველაზე ცუდი ფეხბურთელებისგან შემდგარი თერთმეტეული დასახელდა, სადაც ბეილი და კვარაცხელიას თანაგუნდელიც მოხვდნენ
უკრაინის გასაოცარი ქამბექი - პლეი-ოფის ყველა ფინალისტი გაირკვა
ინგლისის ნაკრები: სათადარიგო გეგმა არ იყო
ბეილმა უელსს აშშ-სთან ფრე მოუპოვა [VIDEO]
გარეთ ბეილმა 33 წლის ასაკში საფეხბურთო კარიერა დაასრულა
დიმიტრი პაიე: შვილებს კრიშტიანო რონალდოს სახელის ხსენება ავუკრძალე
"უეფა უკრაინას პატიოსნად არ მოექცა" - შოტლანდიელთა მწვრთნელი
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"საფრანგეთის ნაკრები გამორჩეული ამიტომაცაა" - სალიბა პორტუგალიასთან მატჩის შემდეგ
[VIDEO] "ასე როგორ შეიძლება?" - რონალდო ამ ქმედების გამო მკაცრად გააკრიტიკეს
პეპე თავისი მომავლის შესახებ მალე ჩამოყალიბდება
კრიშტიანო რონალდომ ჯორჯიანა როდრიგესს 6 მილიონი ევროს ღირებულების ბეჭედი აჩუქა
იტალიისა და გერმანიის ნაკრებებმა მილანში ამხანაგური მატჩი დაგეგმეს
ერთა ლიგა. რონალდოს მე-900 და "ნაპოლის" ფეხბურთელების გოლები [VIDEO]
პლეი-ოფში ინგლისი და აშშ გავიდნენ [VIDEO]
მარსელ კოლერი ავსტრიის ნაკრების სათბილისო შემადგენლობას ხუთშაბათს დაასახელებს