უხეშობა და უზრდელობა „სან სიროზე“

ინგლისელი ჟურნალისტები "მილანი"-"ტოტენჰემის" მატჩში მატიო ფლამინისა და ჯენარო გატუზოს საქციელით არიან აღშფოთებულნი ჩემპიონთა ლიგის მერვედფინალურ მატჩს „მილანსა“ და „ტოტენჰემ ჰოთსპურს“ შორის ინგლისურ პრესაში დიდი გამოხმაურება მოჰყვა. ინგლისელი ჟურნალისტები იმდენად გამარჯვებას არ ზეიმობენ, რამდენადაც მატიო ფლამინისა და ჯენარო გატუზოს საქციელით არიან აღშფოთებულნი. ფლამინიმ, რომელიც მთელი ოთხი წლის განმავლობაში „არსენალის“ ფეხბურთელი იყო და ამდენად ინგლისური მას-მედიისთვის უცხო არ არის, იუხეშა, გატუზო კი მატჩის შემდეგ „სფურზის“ მწვრთნელის ჰარი რედნაპის ასისტენტს ჯოი ჯორდანს სწვდა ყელში. ცნობისათვის: ჯოი ჯორდანი სწორედ ის ყოფილი შოტლანდიელი ფეხბურთელია, რომელმაც 1982 წლის მსოფლიოს ჩემპიონატზე ალექსანდრე ჩივაძის ფეხის დაცდენით ისარგებლა და საბჭოთა კავშირის ნაკრების კარში პირველი გოლი შეაგდო. ქართველებისთვის ასე სამახსოვრო ის მატჩი 2:2 დასრულდა - ანგარიში ჩივაძემ თავად გაქვითა, საბჭოელთა მეორე გოლი კი რამაზ შენგელიამ შეაგდო. თუმცა დავბრუნდეთ „სან სიროზე“ და გავეცნოთ „დეილი მეილის“ მიმომხილველის მარტინ სემუელის წერილის ფრაგმენტებს. ამ წერილში სემუელი სწორედ ფლამინისა და გატუზოს საქციელს არჩევს და ბევრ სხვა ინგლისელ ჟურნალისტთან შედარებით კორექტულიც არის. მას არ უწერია ისეთი ფრაზები, როგორიცაა, მაგალითად: „შეხვედრაში, რომელშიც „სფურზმა“ მილანელი ცხოველები მოათვინიერა, ჯოი ჯორდანს ჯენარო გატუზომ ურქინა“.სემუელი წერს, რომ ამ სეზონში ჰარი რედნაპმა „ტოტენჰემ ჰოთსპურის“ კარგი თამაშის წყალობით ბევრი მეგობარი შეიძინა, მაგრამ სამშაბათ საღამოს მეტიუ ფლამინიმ და ჯენარო გატუზომ ისეთი რამ გააკეთეს, რომ სად-სად და ინგლისში, უკლებლივ ყველა „სფურზის“ გულშემატკივარი გახდა.„სიხარული, რომელიც „სან სიროს“ „კურვა ნორდზე“ მოკალათებულ ლონდონელ ფანებს პიტერ კრაუჩის დამსახურებულ გოლზე აღმოხდათ, ყველა ნეიტრალურ მაყურებელსაც გაახარებდა, რადგან მათ მანამდე ფლამინის სკანდალური უხეშობა ჰქონდათ ნანახი. უხეშობა, რომლის მაგვარიც ბოლო პერიოდში ძნელი გასახსენებელია და რომელიც ფლამინის შერჩა. ამის შემდეგ კი ჯენარო გატუზო მოიქცა ისე, როგორც ნამდვილად არ ეკადრება იტალიის სავარაუდოდ საუკეთესო გუნდის კაპიტანს. მან „მილანი“ შეარცხვინა.გეხსომებათ, რომ რამდენიმე წლის წინ „ბარსელონას“ მიერ „ჩელსის“ ჩემპიონთა ლიგაში საკამათო დამარცხების შემდეგ დიდიე დროგბამ ემოცია ვერ მოთოკა, რისთვისაც მას ექვსთამაშიანი დისკვლავიფიკაცია მიუსაჯეს. სულ მცირე ასეთ დასჯას იმსახურებს გატუზოც. სასჯელს იმსახურებს ფლამინიც, რომელიც გატუზოზე უფრო ცუდად მოიქცა.გატუზომ, რომელიც საპასუხო თამაშში ისედაც ვერ ითამაშებს, რადგან ყვითელი ბარათი მიიღო, მოედნის გარეთ ვერ მოთოკა ნერვები და „ტოტენჰემის“ ასისტენტ-მწვრთნელსა და სათადარიგო ფეხბურთელს წაეჩხუბა, ფლამინიმ კი თავი მოედანზე დაკარგა. ჯორდანი იმ ეპიზოდში საკუთარ თავს დაიცავდა, აი, ხორვატ მცველ ვედრან ჩორლუკას კი შანსი არ ჰქონდა. ფლამინიმ მას ორი ფეხი უხეშად, გამეტებით, მწყობრიდან გამოსაყვანად ჩასცხო. ამ ჩარტყმის შემდეგ ჩორლუკამ ვეღარ ითამაშა, ნატკენზე დადებულ ყინულს ქვევიდან კი სისხლი მოსდიოდა. საბედნიეროდ ხორვატი გადარჩა, მას არც ძვალი გაბზარვია და არც მყესი ან კუნთი გასწყვეტია, თუმცა დაბეჯითებით ყველაფერს სკანირება იტყვის. შესაძლოა ფლამინიმ ამ საქციელით ჩრდილო ლონდონში თავისი ყოფილი გუნდის, „არსენალის“ ერთი-ორი შერეკილი ფანი კი გაახარა, მაგრამ ამაზე მნიშვნელოვანი ის არის, რომ მისმა თანამემამულე მსაჯმა სტეფან ლენუამ მას მხოლოდ ყვითელი ბარათი აკმარა“.სემუელი თავის სტატიაში შეგვახსენებს თუ ვინ არის ფრანგი მსაჯი სტეფან ლენუა. ეს, თურმე ის კაცია, რომლემაც 2010 წლის მსოფლიოს ჩემპიონატზე კოტ დ’ივუართან შეხვედრაში მოედნიდან უდანაშაულო კაკა გააგდო, ხოლო ბრაზილიელ ლუიშ ფაბიანოს იმავე შეხვედრაში გოლის გატანის წინ ხელით თამაშის ნება მისცა. კიდევ, ინგლისელი მიმომხილველი აკრიტიკებს უეფას პრეზიდენტ მიშელ პლატინის მიერ დამატებულ მსაჯებს. რა საჭიროა ეს ხალხი თუკი ასეთ პრინციპულ საკითხებზე პირში წყალს ჩაიგუბებსო.მატჩის შემდეგ ამ ეპიზოდთან დაკავშირებით რედნაპმა თქვა: „ბრმისთვისაც ნათელი იყო, რომ მსაჯს წითელი ბარათი უნდა ამოეღო. ჩემთვის სრულიად გაუგებარია, რატომ დატოვა მსაჯმა ფლამინი მოედანზე. უეფა ვალდებულია ეს ეპიზოდი განიხილოს და ასეთი საშიში ქმედების გამო რაიმე იღონოს. ფლამინი მიწიდან საკმაოდ მაღლა, პირდაპირ შეტყუპებული ფეხებით გაფრინდა“.ფლამინი: „თამაში რომ დამთავრდა „ტოტენჰემის“ გასახდელში მივედი, ჩორლუკას მდგომარეობა გავიგე და ბოდიში მოვიხადე“.

ფაბიო ბორინი ინგლისის მე-4 ლიგის კლუბში ჩაირიცხა

რობერტო მანჩინი შესაძლოა, სამუშაოდ პრემიერ ლიგაში დაბრუნდეს

"ნოტინგემში" სექტემბერში დანიშნული პოსტეკოღლუ შესაძლოა, დაითხოვონ

ფუტსალი | საქართველო 2:2 ყირგიზეთი

პსჟ პაჩოს კონტრაქტს გაუგრძელებს

შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი

ქალთა ნაკრები ორ ამხანაგურ მატჩს გამართავს

"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა

ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა

პსჟ-ში ტრავმირებულები ბრუნდებიან - დემბელესა და მარკინიოსს "ლევერკუზენთან" თამაში შეეძლებათ

აბუაშვილის და წიტაიშვილის "მეცმა" მორიგი მარცხი განიცადა

როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?

[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა

"მანჩესტერ იუნაიტედთან" მატჩში "ლივერპულის" შემადგენლობა ცნობილია

[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო

ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა

"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ

"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე

"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი

"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა

"საფონოვი მოთმინებას კარგავს" - რას წერს ფრანგული გამოცემა რუს მეკარეზე?

[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა

გვარდიოლამ გაამხილა, როდის იფიქრებს მწვრთნელის კარიერის დასრულებაზე