სკუდეტო? - რატომაც არა!

გუნდი მოძველებული ტაქტიკით სერია A-ს მიმდინარე გათამაშების მთავარი აღმოჩენა "ნაპოლია", გუნდი, რომელსაც მაქსიმუმ ევროპის ლიგის საგზურისთვის ბრძოლას უწინასწარმეტყველებდნენ, მაგრამ რეალობა სხვაგვარი აღმოჩნდა - სამხრეთელები, არც მეტი არც ნაკლები, საჩემპიონო მარათონში ჩაებნენ. ამას თავად ნეაპოლელებიც არ ელოდნენ, მაგრამ მიიღეს გამოწვევა და დღეს გუნდის თითოეულ ფეხბურთელს მიზნად სკუდეტოს მოპოვება აქვს დასახული. მთავარი მწვრთნელი შედარებით მოკრძალებულ კომენტარებს აკეთებს, მაგრამ გამორიცხულია, რომ ჩემპიონობაზე ისიც არ ფიქრობდეს. ვალტერ მაძარი უდავოდ წლის სპეციალისტია - საშუალო და საშუალოზე ოდნავ მაღალი კლასის ფეხბურთელებით სკუდეტოსთვის მებრძოლი გუნდი შექმნა, რაზეც თვით აურელიო დე ლაურენტისი ვერ იოცნებებდა - საკმაოდ ამბიციური და ოპტიმისტი საფეხბურთო მოღვაწე, "ნაპოლის" პრეზიდენტი.ვალტერ მაძარი იმ იშვიათად სპეციალისტთა კატეგორიას მიეკუთვნება, რომლებიც სამი მცველით ათამაშებენ გუნდს. 3-5-2 ტაქტიკა თითქოს მოძველებულია და ყველასგან მივიწყებული, მაგრამ სენიორ ვალტერმა მას აქტუალობა დაუბრუნა. იცით ალბათ, რომ ეს ერთ-ერთი ყველაზე მანევრირებადი ტაქტიკური მონახაზია - თავდაცვისას ტრანსფორმირდება და 5-3-2 ხდება, შეტევაში კი პირვანდელ სახეს იბრუნებს. სათქმელად ადვილია, მაგრამ შესასრულებლად ძალიან რთული, ამად არის, რომ ბევრმა სპეციალისტმა თქვა ამ სქემაზე უარი და უფრო მარტივი გზა აირჩია. როდესაც მთელი შეხვედრის განმავლობაში სქემა ცვლილებებს განიცდის, გუნდის თამაშში ხარვეზების და შეცდომების ალბათობა ერთი-ორად იზრდება. თუმცა, თუ მექანიზმი კარგად მუშაობს და ხარვეზი მინიმალურია, ტაქტიკა ძალიან ეფექტურია და ამართლებს. სწორედ ასე ხდება "ნაპოლის" შემთხვევაში, რაც მაძარის დამსახურებაა. სენიორ ვალტერს ერთი საინტერესო თვისებაც აქვს, შეუძლია საშუალო კლასის ფეხბურთელისგან მაქსიმალური სარგებელი მიიღოს და ისე აათამაშოს, შეიძლება თავად მოთამაშესაც გაუკვირდეს. მაგალითად, კრისტიან მაჯო ერთ-ერთი საუკეთესო მცველია სერია A-ში, მაგრამ რამდენჯერაც ეროვნული ნაკრების ამუნიცია მოირგო, იმდენჯერ შერცხვა. არადა, როდესაც მთელი სეზონი სტაბილურად მაღალ დონეზე ასპარეზობს ფეხბურთელი და ერთ-ერთი საუკეთესოა თავის ამპლუაში, ბუნებრივია, რომ ნაკრების მთავარი მწვრთნელის ყურადღებასაც იქცევს. სწორედ ასე მოხვდა მაჯო "სკუადრა აძურას" ბოლო სამატჩო განაცხადში და გერმანიის წინააღმდეგ თითქმის ერთი ტაიმი დაჰყო მოედანზე. გადაუჭარბებლად შეიძლება ითქვას, რომ ყველაზე სუსტი იყო იტალიის ნაკრების შემადგენლობაში და გერმანელ შემტევებთან ძალიან დაიჩაგრა - სისწრაფეშიც დაჯაბნეს და პოზიციურადაც არაერთი შეცდომა დაუშვა. სამაგიეროდ, დაბრუნდა "ნაპოლიში" და "რომასთან" გასვლით პაექრობაში თავი საუკეთესო კუთხით წარმოაჩინა. მაჯო თავად ისაუბრებს ამ ყველაფერზე:"კარგად ვიცი, რომ გერმანიასთან საუკეთესო თამაში ვერ ვაჩვენე და ამას ყველაზე მეტად მე განვიცდი. კარგ ფორმაში ვარ და არ ვიცი, რატომ ვერ გამოვავლინე შესაძლებლობები. ფაქტია, რომ გუნდში გაცილებით უკეთ გამოვიყურები და საიმედოდ ვასპარეზობ. მართალია, "ნაპოლიში" ნახევარმცველი ვარ, მაგრამ დაცვითი ფუნქციების შესრულება ჩემი პირდაპირი მოვალეობაა და მიკვირს, რომ ნაკრებში თამაში არ გამომდის. იმედი მაქვს, მომდევნო შეხვედრაში უკეთ წარმოვჩინდები".საკითხავია, მიეცემა კი მაჯოს კიდევ ერთი შანსი ნაკრებში, თუმცა დღევანდელი ჩვენი თემა არა ნაკრები, არამედ "ნაპოლია" - ამიტომ, კიდევ ერთხელ გადავცეთ სიტყვა კრიატიანს, რომელიც სკუდეტოზე ღიად და "ურცხვად" საუბრობს: "შემთხვევით შეიძლება ოთხი და ხუთი ტურის შემდეგ იყო სატურნირო ცხრილის სათავეში, მაგრამ როდესაც ჩემპიონატის სამი მეოთხედი უკან არის მოტოვებული, ამაზე საუბარიც კი ზედმეტია. ჩვენს წინ მხოლოდ "მილანია" და მიზანი ამ გუნდის გადასწრებაა. მასიმილიანო ალეგრის განკარგულებაში არაერთი უმაღლესი კლასის ფეხბურთელია, მაგრამ არც ჩვენ ვართ ჯაბანნი. მეტსაც გეტყვით, ვფიქრობ, რომ დღესდღეობით, "ნაპოლი" უფრო ძლიერია, ვიდრე "მილანი". შესაბამისად, ერთი სული გვაქვს როდის დადგება 29 თებერვალი და უმთავრეს კონკურენტს მისსავე მოედანზე დავამარცხებთ. ამის ძალა ნამდვილად შეგვწევს და პირადად მე, ოპტიმისტურად ვარ განწყობილი".მაძარი ძალიან გულახდილია ჟურნალისტებთან ურთიერთობისას და აღიარებს, რომ ასეთი აღმასვლა თავადაც არ ჰქონდა დაგეგმილი, შესაბამისად, "ნაპოლის" მეორე ადგილი მისთვისაც სიურპრიზია. ერთი ხანობა, სამხრეთელთა თავკაცი თითქოს დაბნეულიც იყო და კომენტარის გაკეთება უჭირდა, თუმცა დროთა განმავლობაში დალაგდა და უკვე იცის, რა უნდა და რისკენ მიისწრაფვის:"გუნდის სათავეში მოსვლის დღიდან იმაზე ვზრუნავ, რომ თამაშის ხარისხი გავაუმჯობესო და კომპონენტები დავხვეწო. ყოველთვის უკმაყოფილო ვიყავი ისეთი მოგებული თამაშის შემდეგ, რომელშიც ცუდად ვიასპარეზეთ და პირიქით, მახარებდა კარგი თამაში თუნდაც წაგებულ პაექრობაში. ასეთი მიდგომით მოვედით დღემდე და შედეგიც სახეზეა. ამიტომ, მომავალშიც აღებული კურსით ვაპირებ სვლას და მჯერა, რომ კიდევ უფრო დიდ შედეგებს მივაღწევთ. სკუდეტო? - ტემპის დაგდებას არ ვაპირებთ და გამომდინარე აქედან, რატომაც არა..."

"ნაპოლი" მთავარი თავდამსხმელის გარეშე დარჩა

[VIDEO] კონტე წყობიდან გამოვიდა - "ნაპოლის" ამხანაგურ შეხვედრაში ასეთი რამ მოხდა...

კონტეს მადლობა ხვიჩას და შედარება "ახალ კვარად" წოდებულ ნოასთან

Geo Team: არის პირადი კონტრაქტი - ჩაკვეტაძის "ვალენსიაში" ტრანსფერი ბოლომდეა მისაყვანი

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია

"დინამო თბილისი": სამი გოლი, სამი ქულა