<p><p>ციფრებით მოყოლილი ამბები</p> <br> <p> </p> <p><strong>ფეხბედნიერი რუნი და მარსელო</strong></p> <p></p><p>მაშ ასე, თქვენს წინაშე კიდევ ერთი ახალი რუბრიკაა - "ციფრებით მოყოლილი ამბები". დღეს გასული კვირის საფეხბურთო ამბებიდან "ოუ ფენომენოს" ანუ ლუის ნაზარიო დე ლიმას, იგივე რონალდოს სპორტიდან წასვლას და ნეაპოლელთა რომაულ "ლაშქრობას" გამოვყოფთ, აგიხსნით, თუ რას მოასწავებს, როცა გოლი უეინ რუნის ან მარსელოს გააქვთ. ამ ყველაფერში კი ფიფა-ს ოფიციალური საიტი დაგვეხმარება.</p><p><strong>726</strong> წუთი ვერ გაჰქონდა სტუმრად გოლი "ნიუელს ოლდ ბოიზს" ოფიციალურ მატჩებში. როსარიოელთა საგოლე "შიმშილობას" წერტილი მათმა ტანმაღალმა ფორვარდმა ხუან მანუელ კობელიმ დაუსვა. წარმოიდგინეთ, გუნდს არგენტინის ჩემპიონატში ხუთი თვის განმავლობაში საგარეო მატჩებში გოლი ვერ გაჰქონდა (!) და ეს კლაუსურას პირველივე ტურში მოახერხა, თუმცა კობელის გოლის მიუხედავად, "ლა ლეპრა" "ესტუდიანტესთან" 1:2 დამარცხდა.</p><p><strong>420</strong> ამდენი გოლით ფეხბურთთან პირნათელი წავიდა სპორტიდან ბრაზილიელი ფორვარდი რონალდო. მან ეს საკლუბო თუ სანაკრებო მაისურით 620 ჩატარებულ მატჩში მოახერხა. "ფენომენი" სამჯერ ფლობდა ფიფას წლის საუკეთესო ფეხბურთელის პრიზს, ასეთი შედეგი კი მის გარდა მხოლოდ ზინედინ ზიდანს ჰქონდა. რონალდომ ბრაზილიის ნაკრებში 62 გოლი გაიტანა და ამ მაჩვენებლით მხოლოდ ფეხბურთის მეფე, პელეს ჩამორჩა, რომელმაც 77 გოლი გაიტანა "სელესაოს" შემადგენლობაში. მსოფლიოს ჩემპიონატებზე რონალდომ 19 თამაშში 15 გოლი გაიტანა და გერდ მიულერის რეკორდი უკან ჩამოიტოვა.</p><p><strong>41 </strong>უეინ რუნიმ "ოლდ ტრეფორდზე" 41-ე გოლი გაიტანა ამ კვირაში და ყველა შემთხვევაში, როცა ამ სტადიონზე რუნის გოლი გაჰქონდა, "მანჩესტერ იუნაიტედი" იგებდა - 41-დან 41-ჯერვე! შეგახსენებთ, რომ რუნის 41-ე გოლი, რომელიც მან "სიტის" კარში გაიტანა, ფანტასტიკური სილამაზისა იყო - მაღალ ნახტომში დარტყმული "მაკრატელა". უკვე მე-9 მანჩესტერული დერბია, რაც ის გუნდი იგებს, რომელიც მატჩში პირველ გოლს გაიტანს.</p><p><strong>32</strong> %, ზუსტად ამდენს აკონტროლებდა "რეალი" ბურთს ბარსელონაში "ესპანიოლის" წინააღმდეგ მატჩში. ეს მაჩვენებელი "სამეფო კლუბის" ანტირეკორდია ლა ლიგის ბოლო 5 ჩემპიონატში. მაგრამ, არ დაგვავიწყდეს, რომ უკვე მე-2 წუთზე "რეალს" კაპიტანი და გოლკიპერი იკერ კასილიასი გაუძევეს. მაგრამ კიდევ ერთხელ გამოჩნდა, რომ ფეხბურთში მთავარი ეს არაა - მიუხედავად ბურთის ფლობის საშინელი პროცენტისა, 10 კაცით თამაშისა, "რეალმა" მნიშვნელოვანი თამაში მაინც მოიგო - 1:0. საპირისპიროდ შეგვიძლია, ამავე ტურში "ბარსელონას" ბურთის ფლობის გადასარევი პროცენტი (82) მოვიყვანოთ, რომელიც ამ სეზონში მე-2 საუკეთესო შედეგია "ბლაუგრანასთვის" და... მიუხედავად ამისა, "ბარსამ" 16-მოგებიანი სერია შეწყვიტა ხიხონში. გოლის ავტორი მარსელოა - ბრაზილიელმა სულ 8 გოლი გაიტანა პრიმერაში და როცა მას გაჰქონდა, "რეალი" აუცილებლად იგებდა. ეგებ, ამ შემთხვევაშიც "რეალის" გამარჯვების მიზეზი მარსელოა?</p><p><strong>17</strong> წელიწადი და 5 თვე ვერ უგებდა "ნაპოლი" "რომას" იტალიის დედაქალაქში. ეს უსიამოვნო ტრადიცია სერია A-ს ბოლო ტურში დაემხო, როცა "ნაპოლიმ" ედინსონ კავანის დუბლით "ოლიმპიკოზე" 2:0 მოიგო, 1993 წლის 12 სექტემბრის შემდეგ პირველად. ურუგვაელმა უკვე მე-5 დუბლი მიითვალა ამ სეზონში და გოლების რიცხვი 20-მდე გაზარდა. კავანიმ უკვე გაუსწრო "ნაპოლის" ისტორიაში კარეკას შედეგს ერთ სეზონში გატანილი გოლების რიცხვით და სულ 3 რჩება 1930 წლის რეკორდის დამხობამდე (ანტონიო ვოიაკი). კავანის აქვს შესანიშნავი შანსი დიეგო მარადონას შემდეგ პირველი ნაპოლელი გახდეს ჩემპიონატის ბომბარდირი, 1987/88 წლების სეზონში ლეგენდარულმა არგენტინელმა ეს სულ 15 გოლით მოახერხა.</p></p>
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ