- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დევისის თასი. 1/4 ფინალი: უმარეო ბრიტანეთი უჯოკოვიჩო სერბეთს სჯობია
<p>ხორვატების გადარჩენა, ბრიტანელთა ახალი ლიდერი და დელ პოტროს დაბრუნება <br> გასულ უქმეებზე გაიმართა დევისის თასის მეოთხედფინალური მატჩები მსოფლიოს ჯგუფში. რამდენიმე გუნდმა თავისი ლიდერის გარეშე ითამაშა. ამ მხრივ, განსაკუთრებით დაზარლდა ბრიტანეთისა და სერბეთის შეხვედრა.</p><p>დიდი იყო ეჭვი, რომ უიმბლდონის შემდეგ, ნოვაკ ჯოკოვიჩი და ენდი მარეი არ ითამაშებდნენ დევისის თასზე. მით უმეტეს, რომ სერბებმა გრუნტი აირჩიეს, ოლიმპიადაზე კი ჩოგბურთელებმა ჰარდზე უნდა ითამაშონ. საბოლოოდ, ჯოკოვიჩმა უიმბლდონის დროს თქვა, რომ არ ითამაშებდა, მარეიმ იფიქრა, მაგრამ ბოლოს მანაც უარი განაცხადა, თუმცა ბელგრადში მაინც ჩავიდა და გუნდს ვარჯიშებზე ეხმარებოდა.</p><p>სერბებს ტროიცკიც არ ჰყავდათ და პირველი ნომრის როლი ლაიოვიჩს ერგო. ბრიტანელთა ლიდერი კი ედმუნდი გახდა, რომელმაც წარმატებით შეცვალა მარეი - მან სამ-სამ სეტში მოუგო ტიპსარევიჩსა და ლაიოვიჩს. მარეის გარეშე ამ მატჩს არ ჩაუვლია, ოღონდ ლაპარაკია უფროს ძმაზე - ჯეიმიზე, რომელმაც წყვილთა მატჩში იმარჯვა. ბრიტანეთის ნაკრებმა 1982 წლის შემდეგ პირველი მატჩი მოიგო გრუნტზე ენდი მარეის გარეშე. ახლა, თუ ენდი ნახევარფინალში დაბრუნდება, ბრიტანეთს ფინალში გასვლის კარგი შანსი ექნება.</p><p>* * *</p><p>არგენტინა - ყველაზე სტაბილური გუნდია მსოფლიოს ლიგაში ბოლო ათი წლის განმავლობაში. ბოლო შვიდ გათამაშებაში ის მეექვსედ გავიდა ნახევარფინალში, არადა, არ ჰყავს გამოკვეთილი ლიდერი. ამ მატჩში შედგა ხუან-მარტინ დელ პოტროს დაბრუნება, რომელსაც 2012 წლის შემდეგ არ უთამაშია ნაკრებში. თუმცა ერთეულთა თანრიგში ის არ დააყენეს, რადგან ყოფილი მეოთხე ნომრის ჯანმრთელობა კვლავაც არასტაბილურია.</p><p>იტალია, გარკვეულწილად, ამინდმა დააღალატა. პარასკევს მხოლოდ ერთი მატჩის ჩატარება მოხერხდა, შაბათს კი ფაბიო ფონინის ჯერ ერთეულების, შემდეგ კი წყვილების თამაში მოუწია. დუეტების მატჩში დელ პოტრომ და პეიამ ხუთ სეტში მოიგეს, კვირას კი ფონინიმ ორი დღის განმავლობაში მესამე მატჩი ჩაატარა და დამარცხდა დელბონისთან.</p><p>არგენტინა ნახევარფინალში ბრიტანეთს სტუმრად შეხვდება.</p><p>* * *</p><p>საფრანგეთის ნაკრებმა ისტორიულ შედეგს მიაღწია - 1926 წლის შემდეგ, პირველად მოუგო ჩეხეთს. ტომაშ ბერდიხის არყოფნაში, მასპინძლებს ოპტიმისტური დასაწყისი გამოუვიდათ - ლუკაშ როსოლმა ხუთსეტიან ბრძოლაში მოუგო ჟო-ვილფრიდ ცონგას. დებიუტი ჰქონდა ფრანგების რიგებში ლუკ პუის და უიმბლდონის მეოთხედფინალისტმა არ დააღალატა თავისი გუნდი. მან ძალიან დამაჯერებლად დაამარცხა ირჟი ვესელი და მატჩში ანგარიში გაათანაბრა.</p><p>წყვილებში საფრანგეთის ნაკრებს მსოფლიოში საუკეთესო კომბინაცია ჰყავს - მაუ და ერბერი. თუმცა შტეპანეკმა და როსოლმა მეტოქის დუეტს ხუთი სეტი ებრძოლეს, მაგრამ მაინც დამარცხდნენ. კვირას კი ცონგამ რთულ მატჩში დაამარცხა ვესელი და თავისი გუნდი ნახევარფინალში გაიყვანა.</p><p>შემადგენლობის სიღრმის მიხედვით, საფრანგეთი დღეს ერთ-ერთი საუკეთესოა მსოფლიოში. ტრავმა მიიღო რიშარ გასკემ, ფორმაში არ იყო გაელ მონფილსი, ჩავარდნა ჰქონდათ ჟილ სიმონს, ჟერემი შარდისა და ბენუა პერს, მაგრამ იანიკ ნოამ მაინც კარგი შემადგენლობა შეკრიბა.</p><p>* * *</p><p>სასწაული მოახდინა ხორვატიის ნაკრებმა, რომელმაც 0:2-დან შეძლო პორტლენდში აშშ-ის დამარცხება.</p><p>მასპინძლებისთვის ყველაფერი შესანიშნავად იწყებოდა. ჯეკ სოკმა 0:2-დან მოუგო მარინ ჩილიჩს, ჯონ ისნერმა კი ბორნა ჩორიჩი დაამარცხა სამ სეტში. ამერიკელებს შაბათსვე შეეძლოთ ნახევარფინალის საგზურის მოპოვება, რადგან წყვილებში ლეგენდარული ძმები ბრაიანები თამაშობდნენ, მაგრამ მათი დამარცხება შეძლეს ჩილიჩმა და ივან დოდიგმა, რითაც გაიმეორეს თავიანთი თანამემამულეების 11 წლის წინანდელი გმირობა. მაშინ ლუბიჩიჩმა და ანჩიჩმა ასევე აშშ-ში მოუგეს ბრაიანებს. იმ დროს, ამერიკას ბრწყინვალე გუნდი ჰყავდა - აგასი, როდიკი, ბრაიანები, მაგრამ ხორვატიამ მოულოდნელად სტუმრად მოიგო და შემდეგ დევისის თასიც მოიპოვა.</p><p>ხორვატებს კვირას კიდევ ორი მატჩის მოგება სჭირდებოდათ. ჩილიჩმა ძალიან მნიშვნელოვანი ტაი-ბრეიკი მოუგო ისნერს პირველ სეტში და შემდეგ, მატჩი მისი კარნახით მიდიოდა. ბოლო მატჩში კი მთელი პასუხისმგებლობა მხრებზე ჩორიჩს დააწვა, რომელმაც პარასკევს ვერ შეძლო ისნერისთვის წინააღმდეგობის გაწევა.</p><p>ბორნამ ბელგიასთან პირველი რაუნდის მატჩშიც მეხუთე გადამწყვეტი შეხვედრა ითამაშა კოპელმანსის წინააღმდეგ და მოიგო. და ახლაც, 19 წლის ხორვატს უფრო მყარი ნერვები აღმოაჩნდა, ვიდრე 23 წლის სოკს. ხორვატიამ ისტორიაში პირველად მოიგო დევისის თასის მატჩი 0:2-დან.</p><p>ახლა, ხორვატიის ნაკრები საკუთარ მოედანზე ითამაშებს ნახევარფინალს საფრანგეთის წინააღმდეგ.</p><p><strong><em>სერბეთი-ბრიტანეთი 2:3</p><p></em></strong>ბელგრადი. გრუნტი</p><p>0:1 იანკო ტიპსარევიჩი-კაილ ედმუნდი 3:6, 4:6, 0:6</p><p>1:1 დუშან ლაიოვიჩი-ჯეიმს უორდი 6:1, 6:3, 6:2</p><p>1:2 კრაინოვიჩი/ჟიმონჟიჩი-ინგლოტი/ჯ. მარეი 1:6, 7:6(2), 3:6, 4:6</p><p>1:3 დუშან ლაიოვიჩი-კაილ ედმუნდი 3:6, 4:6, 6:7(5)</p><p>2:3 იანკო ტიპსარევიჩი-ჯეიმს უორდი 6:1, 3:6, 7:5</p><p><strong><em>იტალია-არგენტინა 1:3</p><p></em></strong>პეზარო. გრუნტი</p><p>0:1 ანდრეას სეპი-ფედერიკო დელბონისი 6:7(4), 6:3, 3:6, 6:7(3)</p><p>1:1 ფაბიო ფონინი-ხუან მონაკო 6:1, 6:1, 7:5</p><p>1:2 ფონინი/ლორენცი-პეია/დელ პოტრო 1:6, 6:7(4), 6:3, 6:3, 6:4</p><p>1:3 ფაბიო ფონინი-ფედერიკო დელბონისი 4:6, 5:7, 6:3, 5:7</p><p><strong><em>ჩეხეთი-საფრანგეთი 1:3</p><p></em></strong>ტრშინეცი. ჰარდი</p><p>1:0 ლუკაშ როსოლი-ჟო ვილფრიდ ცონგა 6:4, 3:6, 4:6, 7:6(8), 6:4</p><p>1:1 ირჟი ვესელი-ლუკა პუი 6:7(2), 4:6, 5:7</p><p>1:2 როსოლი/შტეპანეკი-ერბერი/მაუ 1:6, 6:3, 3:6, 6:4, 4:6</p><p>1:3 ირჟი ვესელი-ჟო ვილფრიდ ცონგა 6:4, 6:7(3), 4:6, 5:7</p><p><strong><em>აშშ-ხორვატია 2:3</p><p></em></strong>პორტლენდი. ჰარდი</p><p>1:0 ჯეკ სოკი-მარინ ჩილიჩი 4:6, 3:6, 6:3, 6:4, 6:4</p><p>2:0 ჯონ ისნერი-ბორნა ჩორიჩი 6:4, 6:4, 6:3</p><p>2:1 მ. ბრაიანი/ბ. ბრაიანი-ჩილიჩი/დოდიგი 2:6, 6:2, 2:6, 4:6</p><p>2:2 ჯონ ისნერი-მარინ ჩილიჩი 6:7, 3:6, 4:6</p><p>2:3 ჯეკ სოკი-ბორნა ჩორიჩი 4:6, 6:3, 3:6, 4:6</p><p><strong>1/2 ფინალი</p><p></strong>ბრიტანეთი-არგენტინა</p><p>ხორვატია-საფრანგეთი</p><p>ნახევარფინალები 16-18 სექტემბერს გაიმართება</p><p><strong>ყოველდღიური სპორტული გაზეთი "ლელო"</strong></p>
მეტოქე მატჩზე არ გამოცხადდა - ბასილაშვილმა მიმდინარე სეზონში ორი წრე პირველად დაძლია
მარცხი კვალიფიკაციის ფინალში - ბასილაშვილი "ინდიან უელსის" ძირითად ბადეში ვერ შევიდა
მოგებული მატჩი სეტის 0:6 წაგების შემდეგ - ბასილაშვილს პრესტიჟული "ინდიან უელსის" მასტერსის ძირითად ბადემდე ერთი ნაბიჯი აშორებს
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო
ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა
"ის, რაც ქართულ რაგბიში ხდებოდა, არის აღმაშფოთებელი" - სკანდალი ქართულ სპორტში, WADA-მ ეროვნული ნაკრების 6 მორაგბე დაასანქცირა
ორი ვარიანტი - ვინ შეიძლება ჩაანაცვლოს ირანი მუნდიალზე, თუ ქვეყანა მსოფლიო ჩემპიონატზე გამოსვლაზე უარს იტყვის
გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ
"რეალის" საზაფხულო გეგმები - მადრიდული გრანდი რამდენიმე პოზიციაზე გაძლიერდება
შეინარჩუნებს პოსტს? - ტუდორის ბედი "ლივერპულთან" მატჩზე გადის
"მილანში" გადმოსვლისას ზლატანმა ეს სიტყვები მითხრა" - Dazn-მა მენიოზე დოკუმენტური ფილმი გადაიღო
"ნაპოლი" ჰოილუნდს 44 მილიონ ევროდ გამოისყიდის
2 შეხვედრა და 2 მარცხი - ვინ არის ნიკოლოზ ბასილაშვილის დღევანდელი მეტოქე კაილ ედმუნდი?
ავსტრალიაში ნახევარფინალისტები დაწყვილდნენ
ნიკოლოზ ბასილაშვილი უმაგის ტურნირზე ნაცნობ და მისთვის ადვილ მეტოქეს დაუპირისპირდება
90 ქულა და 150 000 დოლარი - ბასილაშვილი ავსტრალიის ღია პირველობას გამოეთიშა [VIDEO]
ნიკოლოზ ბასილაშვილი - რუბენ ბემელმანსი [VIDEO]
კაილ ედმუნდი, რომელმაც ნიკოლოზ ბასილაშვილი დაამარცხა, 1/2-ფინალში ითამაშებს