- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გოგიტა გოგუა: ქეცბაიას ხელში სულ უფრო უკეთ ვთამაშობთ
<p>საქართველოს ნაკრების ნახევარმცველმა ვოლგას" ოფიციალურ საიტს ინტერვიუ მისცა <br> საქართველოს ნაკრებისა და ნიჟნი ნოვგოროდის "ვოლგას" ნახევარმცველმა გოგიტა გოგუამ გუნდის მეორე და მესამე შეკრებებს შორის დრო გამონახა და ნიჟნი ნოვგოროდში რამდენიმე დღით "შეირბინა", რათა ვიზისა და საბინაო საკითხები გადაეჭრა. სწორედ ამ პერიოდში გოგიტას "ვოლგას" ოფიციალური საიტისთვის ინტერვიუ ჩამოართვეს.</p><p><strong>- გოგიტა, რამ გადაგაწყვეტინათ ნიჟნი ნოვგოროდის კლუბში გადმოსვლა? </strong></p><p>- წინა სეზონის დასრულებასთან ერთად ნალჩიკის "სპარტაკთან" კონტრაქტიც ამომეწურა. წინადადება "ვოლგადან" მივიღე და მალევე გადავწყვიტე, ამ გუნდის შემადგენლობაში მეასპარეზა.</p><p><strong>- თქვენ "ვოლგასთან" ერთად უკვე მეორე შეკრება მოიარეთ, მაგრამ გუნდის შემადგენლობაში ყოველთვის არ იყავით. რა მიზეზით?</strong></p><p>- დიახ, სრულფასოვნად შეკრებების გავლა არ დამცალდა. თავიდან გუნდს საბუთების საკითხის მოსაგვარებლად მოვწყდი, შემდეგ კი საქართველოს ნაკრების შეკრებაზე გავემგზავრე, რომელიც ამხანაგურ მატჩს სომხეთის ეროვნულ გუნდთან მართავდა.</p><p><strong>- სომხებთან თამაშს როგორ შეაფასებთ? </strong></p><p>- ეს შეხვედრა ფაქტობრივად ორი შემადგენლობით ჩავატარეთ. საერთო ჯამში, ნორმალურად ვითამაშეთ და მოგებამ განწყობა აგვიმაღლა. გეტყვით, რომ ეროვნულ გუნდში ახალი მთავარი მწვრთნელის - თემურ ქეცბაიას მოსვლის დღიდან სულ უფრო უკეთ და უკეთ ვთამაშობთ. წაუგებელი სერია ცხრა მატჩამდე გავზარდეთ და მიმაჩნია, რომ საქართველოს ნაკრები პროგრესის გზაზეა.</p><p><strong>- გოგიტა, განვლილ შეკრებებზე ყველაზე მეტად რა დაგამახსოვრდათ?</strong></p><p>- პირველი შეკრების წინ მოსკოვში გავჩერდით. ჩემი ოთახის კარი გავაღე თუ არა, სახტად დავრჩი. ვხედავ... ბენძი! ჩვენ ხომ არცთუ დიდი ხნის წინ გროზნოს "ტერეკში" ერთად ვთამაშობდით და მაშინვე ვუთხარი: "აქაც შენ ხარ? სადღა დაგემალო?!"</p><p><strong>- ახალ მწვრთნელთან მუშაობა როგორ წარიმართა?</strong></p><p>- ომარ თეთრაძის ვარჯიშები საკმაოდ დინამიურია. მისი დარიგებები კი ცალკე საუბრის თემაა. როცა ოთარი საკონტროლო მატჩების დეტალურ განხილვას მართავს, უმალ ჩანს, რომ ამ ადამიანს უდიდესი საფეხბურთო სკოლა აქვს გავლილი და უმაღლეს დონეზე უთამაშია. ყოველ ვარჯიშზე სწორედ ამ გამოცდილებას გვიზიარებს და უნივერსალური საფეხბურთო ენით გვანათლებს. ამასთან, თეთრაძე ფანტასტიკური მოტივატორია.</p><p>"ვოლგას" კიდევ ერთ მწვრთნელს სერგეი ტრუბიცინს ნალჩიკიდან ვიცნობ და ამრიგად, აქაური გარემო ჩემთვის უცხო არაა.</p><p><strong>- შეკრებაზე გუნდმა რამდენიმე მატჩი უცხოურ გუნდთან გამართა. განსხვავდებოდნენ ისინი რუსულ სპარინგ-პარტნიორებისგან?</strong></p><p>- დიახ, ევროპელებთან უფრო ხისტი თამაში გვქონდა. თანაც, რუსული გუნდები ჩვენთვის კარგად ნაცნობია. სამწუხაროდ, თებერვლის ბოლოს ჩატარებულ საკონტროლო მატჩებში ვერ მივიღე მონაწილეობა. იმედი მაქვს, ესპანეთში ყოფნისას გუნდში პირველიდან ბოლო დღემდე სრულად დავიხარჯები.</p><p><strong>- რას მოელით მომავალი ჩემპიონატისგან?</strong></p><p>- როდესაც გუნდი პირველი დივიზიონიდან პრემიერლიგაში გადადის, როგორც წესი, თავიდან უჭირს იმ რიტმთან შეგუება, რომელსაც ელიტური ტურნირი კარნახობს. ამიტომაც, დღეს ჩვენი ამოცანაა - გავაკეთოთ ყველაფერი, რათა მომავალ გამოცდებს პირველივე ტურიდან მომზადებული შევხვდეთ.</p><p><strong>- ახალი ჩემპიონატი უჩვეულო სისტემით ჩატარდება. ამაზე რა აზრის ხართ? </strong></p><p>- როგორც გადაწყვიტეს, ისე უნდა ვითამაშოთ. ვფიქრობ, ახალი სისტემა გათამაშებას ელფერს შემატებს და უფრო არაპროგნოზირებადს გახდის. რაც შეეხება სეზონში მხოლოდ ერთი სატრანსფერო "ფანჯრის" არსებობას, ეს ალბათ მწვრთნელებისთვის თავის ტკივილი იქნება. გუნდებს ორი "ფანჯარა" სჭირდებათ, რათა გაძლიერება სეზონის მსვლელობის დროსაც შეძლონ.</p><p><strong>- რამდენად პრინციპული იქნება თქვენთვის ნალჩიკის "სპარტაკის" ან მოსკოვის "ლოკომოტივის" წინააღმდეგ თამაში, რომელსაც სათავეში იური კრასნოჟანი ჩაუდგა? </strong></p><p>- ჩემთვის კრასნოჟანი ისეთივე მწვრთნელია, როგორიც ნებისმიერი სხვა. ნალჩიკისთვის მან ძალიან ბევრი გააკეთა და ამის არდანახვა არ შეიძლება. თუმცა, ისიც უნდა გვესმოდეს, რომ ნალჩიკის "სპარტაკის" ფეხბურთელების გარჯის გარეშე მწვრთნელი ვერაფერს გახდებოდა.</p><p>კრასნოჟანის ახალ გუნდთან, "ლოკომოტივთან" თამაში ჩემთვის ისევე მნიშვნელოვანია, როგორც სხვა ტოპ-გუნდებთან. ასეთი მატჩებისთვის განსაკუთრებული განწყობით ემზადები. ეს მოტივაციისა და ფსიქოლოგიის საკითხია.</p><p>ნალჩიკელებთან თამაში ჩემთვის ალბათ ყველაზე პრინციპური იქნება. ყაბარდო-ბალყარული კლუბის გულშემატკივრები ჩემ მიმართ დადებითად იყვნენ განწყობილნი, რის გამოც ამ ქალაქში ჩასვლა და ნაცნობ სტადიონზე თამაში სასიამოვნო იქნება.</p><p><strong>- ხელში გაზეთის ახალი ნომერი გიჭირავთ. როგორც ჩანს, "ანჟიში" რობერტო კარლოსის გადასვლის ცნობამ გაგაოცათ...</strong></p><p>- წარმოდგენა მიჭირს - კაცი, რომელიც "რეალში" თამაშობდა, კარიერას მახაჩყალაში დაასრულებს. უცნაური ამბავია. ამასთან, ეს ტრანსფერი ნათლად მეტყველებს იმაზე, რომ აქაური ფეხბურთი ვითარდება. კლუბებს მატერიალური შესაძლებლობები გაუუმჯობესდათ. რუდ გულიტი "ტერეკს" გაწვრთნის - ეს ხომ ძალიან მაგარია?!</p><p>ასეთი ოსტატების მოზიდვა უდიდესი სტიმულია რუსეთის სამხრეთ რეგიონებში ფეხბურთის განვითარებისთვის. ამასთან, ეს საუკეთესო პიარ-აქციაა - მთელი მსოფლიო გაიცნობს "ანჟისა" და "ტერეკს".</p><p><strong>- როგორ ფიქრობთ, ასეთი ვარსკლავები "ვოლგასაც" წაადგებოდნენ? </strong></p><p>- კარლოსის დონის ფეხბურთელის გუნდში ყოფნა, დანარჩენი მოთამაშეების პროფესიონალური ზრდისთვის უდიდესი იმპულსია. რომ იყოს შესაძლობლობა, ამ დონის ვარსკლავის ყოლა "ვოლგასაც" არ აწყენდა.</p><p><strong>- ცნობილია, რომ "ვოლგას" თავდამსხმელი ოთარ მარცვალაძე "ბარსელონას" ქომაგობს. თქვენ ვის გულშემატკივრობთ?</strong></p><p>- ვიზიარებ მარცვალაძის შეხედულებას. თავად მითხარით, როგორ შეიძლება "ბარსელონას" არ უგულშემატკივრო? მათი ფეხბურთი - ჭეშმარიტი ხელოვნებაა! მათ თამაშს ისე უნდა უყურო, როგორც თეატრალურ წარმოდგენას.</p><p><strong>- სეზონის წინ "ვოლგას" შემადგენლობა საკმაოდ გადახალისდა. თქვენი აზრით, რამდენად გამოცდილი და ძლიერია ახლა გუნდი?</strong></p><p>- ფეხბურთელების შესაძლებლობებს თუ გავითვალისწინებთ, კარგი შემადგენლობა გვყავს. ამ გუნდში გადმოსვლისას მრავალი ნაცნობი სახე აღმოვაჩინე. ნიჟნინოვგოროდელ ქართველებთან საფეხბურთო მოედანზე ურთიერთობა ყველასთან მქონია. ჩვენი სამშობლო ხომ პატარაა და ფეხბურთელები ერთმანეთს ვიცნობთ.</p><p>თუმცა, ჩემთვის არაფერს ნიშნავს ის, რომ "ვოლგაში" ჩემი თანამემამულეები მრავლად თამაშობენ. ჩვენ ყველანი ერთი გუნდი უნდა ვიყოთ და არამარტო საკუთარ თავზე, პარტნიორზეც უნდა ვიზრუნოთ. ნიჟნი ნოვგოროდისთვის კარგი ნალჩიკის მაგალითი იქნება - უნდა შევქმნათ ერთიანი გუნდი და აქ ნაციონალიზმი საჭირო არაა. ჩვენ ყველა - "თეთ-ლურჯები" ვართ.</p><p><strong>- დაბოლოს, რას ეტყვით "ვოლგას" გულშემატკივრებს, კლუბის ისტორიაში პირველი პრემიერლიგური სეზონის წინ?</strong></p><p>- ჩემპიონატისთვის ძალიან სერიოზულად ვემზადებით. ვფიქრობ, გულშემატკივრები დაინახავენ ჩვენ გარჯას. ძალიან გვინდა, რომ ნიჟნი ნოვგოროდის ფეხბურთის ქომაგები ჩვენ გვერდით არა მარტო გამარჯვების, დამარცხების დროსაც დაგვიდგნენ. ასე ერთად ნებისმიერი მიზნის მიღწევას შევძლებთ.</p><p><strong>ესაუბრნენ სერგეი კოზუნოვი და ანდრეი სორვაჩევი</strong></p><p>.</p>
Le Parisien: შთამბეჭდავი კვარაცხელიათი დუეს გარეშე - მათი გუნდში ყოლა ნებისმიერი მწვრთნელისთვის ფუფუნებაა
"პარიზს უყვარხარ, "კვარადონა" - ევროპის უდიადეს სცენებს ანათებ" - პსჟ ხვიჩას აქებს
"მამარდაშვილის ტრანსფერზე "ლივერპულს" რამდენიმე კლუბმა მიმართა - გადაწყვეტილება სწრაფად უნდა მიიღონ" - ბრიტანული მედია
"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ
მეტოქეს მხოლოდ 4 გეიმი დაუთმო - ბასილაშვილი ნელ-ნელა ფორმას უბრუნდება და მაიამის მასტერსის ძირითადი ბადისთვის იბრძვის
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო
ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა
ორი ვარიანტი - ვინ შეიძლება ჩაანაცვლოს ირანი მუნდიალზე, თუ ქვეყანა მსოფლიო ჩემპიონატზე გამოსვლაზე უარს იტყვის
გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ
შეინარჩუნებს პოსტს? - ტუდორის ბედი "ლივერპულთან" მატჩზე გადის
"ნაპოლი" ჰოილუნდს 44 მილიონ ევროდ გამოისყიდის