<p>საქართველოს 17-წლამდელთა ნაკრები ესპანეთში გამგზავრებამდე თბილისში, მიხეილ მესხის სახელობის სტადიონზე ვარჯიშობს <br> საქართველოს 17-წლამდელთა ნაკრები ესპანეთში გამგზავრებამდე თბილისში, მიხეილ მესხის სახელობის სტადიონზე ვარჯიშობს. გუნდის თავკაცმა კობა ჟორჟიკაშვილმა გუშინ ის შემადგენლობა გაგვაცნო, რომელიც 22 და 24 თებერვალს მადრიდში ესპანელ 17-წლამდელებს ამხანაგურად შეხვდება.</p><p><strong>მეკარეები:</strong> გაბრიელ თებიძე (ოლიმპი), გიორგი ბერია (მერანი, მარტვილი);</p><p><strong>მცველები:</strong> დაჩი ცნობილაძე (ოლიმპი), სულხან კახიძე (ქობულეთი), ნიკა სანდოხაძე (დინამო), ცოტნე მონიავა (მერანი, მარტვილი), სანდრო ჭიღვარია, დავით მთივლიშვილი (ორივე - 35-ე საფეხბურთო სკოლა);</p><p><strong>ნახევარმცველები:</strong> ლუკას ჰუფნაგელი (ბაიერნი), გოგი გოგიჩაიშვილი (ქუთაისი), ავთანდილ ენდელაძე (ბაია), ნიკა დიასამიძე (ბათუმი), თეიმურაზ მარკოზაშვილი (მერანი თბილისი), შალვა ექვთიმიშვილი (35-ე საფეხბურთო სკოლა);</p><p><strong>თავდამსხმელები:</strong> ბაჩანა არაბული (ოლიმპი), გურამ სამუშია (ბაია), გიორგი ფანცულაია (ოლიმპი), ნიკა ტარყაშვილი (ბეერსხოტი).</p><p>სამწვრთნელო შტაბმა ევროპის ჩემპიონატის პირველი შესარჩევი ეტაპის 18-კაციან შემადგენლობაში სულ სამი ცვლილება განახორციელა - ნაკრებს დაემატნენ მარტვილის "მერანის" მეკარე გიორგი ბერია, 35-ე სკოლელი ნახევარმცველი შალვა ექვთიმიშვილი და ბელგიური "ბეერსხოტის" ფორვარდი ნიკა ტარყაშვილი. ბერიამ და ექვთიმიშვილმა ნაკრების მწვრთნელებზე კარგი შთაბეჭდილება ურეკულ შეკრებაზე ჩატარებულ საკონტროლო მატჩებში დატოვეს, ტარყაშვილს კი ჟორჟიკაშვილი ბელგიაში პირადად დააკვირდა და მისი საფეხბურთო შესაძლებლობებით კმაყოფილი დარჩა.</p><p>რაც შეეხება ბაიერნელ ლუკას ჰუფნაგელს, იგი საქართველოს ნაკრებს ესპანეთში შეუერთდება.</p><p>ელიტრაუნდამდე ბევრი დრო აღარ რჩება და, ბუნებრივია, ამ 18-კაციან შემადგენლობაში ბევრი ცვლილება აღარ მოხდება. მადლობა ღმერთს, სერიოზული ტრავმა არავის აწუხებს და თუ რომელიმე ფეხბურთელი ამ მიზეზით გამოგვაკლდა, სანაკრებო სია ამ შემთხვევაში თუ შეიცვლება.</p><p>როგორც ჟორჟიკაშვილმა გვითხრა, საქართველოს 17-წლამდელთა ნაკრები მადრიდში, არც მეტი და არც ნაკლები, ესპანეთის ეროვნული ნაკრების ბაზა "ლას როსასზე" დაბინავდება და მატჩებსაც იქვე გამართავს. ჩვენსავით ოპტიმალური შემადგენლობით ითამაშებენ ესპანელი 17-წლამდელებიც, რადგან ელიტრაუნდი მათაც კარს მოადგათ და ექსპერიმენტების დრო აღარ აქვთ.</p><p>უკვე გაცნობეთ, რომ ესპანეთის 17-წლამდელთა ნაკრების მთავარ მწვრთნელ ხიმენეს მელენდესს საქართველოს ფეხბურთის ფედერაციასთან მჭიდრო კავშირები აქვს და ჩვენი ნაკრები ამ სასარგებლო შეკრებას მისი ძალისხმევით აწყობს. მელენდესი საქართველოში A ლიცენზიისთვის სამწვრთნელო კურსებს ხელმძღვანელობდა და უახლოეს მომავალში კიდევ გვეწვევა. ისე კი, იგი მხოლოდ თეორიაში როდია წარმატებული - წლებია, ესპანეთის 17-წლამდელთა ნაკრებს უდგას სათავეში და მსოფლიოსა და ევროპის ჩემპიონობა მოუპოვებია. სხვა ქვეყნების უმეტესობისგან განსხვავებით, მწვრთნელები ერთი ასაკობრივი ნაკრებიდან მეორეში ფეხბურთელებთან ერთად კი არ გადადიან, ადგილზე რჩებიან და ახალ-ახალ თაობებთან მუშაობენ.</p><p>საქართველოს ნაკრები მადრიდში 21 თებერვალს გაემგზავრება და თბილისში 25-ში დაბრუნდება. შემდეგი სპარინგპარტნიორისა და შეკრების შესახებ დაზუსტებით ჯერ არაა ცნობილი.</p><p>.</p>
U17 | საქართველო 3:0 ლიეტუვა
16-წლამდელებმა აზერბაიჯანის ტურნე გამარჯვებით დაასრულეს
[VIDEO] დებიუტი შედგა - ჯამალ კაიშვილმა საქართველოს ახალგაზრდულ ნაკრებში პირველად ითამაშა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ