ფრანკ დე ბური: მთავარია, ერთ მუშტად შევიკრათ, დანარჩენს მოევლება

<p>დე ბური "ინტერის" პატრონებს იუვენტუსის ჰეგემონიის დამხობას შეჰპირდა <br> ამ ზაფხულს "ინტერში" მართლაც საინტერესოდ განვითარდა მოვლენები - გუნდის აწ უკვე ყოფილმა მწვრთნელმა რობერტო მანჩინიმ ვერაფრით გამონახა საერთო ენა კლუბის ახალ მფლობელებთან.</p><p>მოგეხსენებათ, ერიკ ტოჰირმა "ინტერის" აქციათა საკონტროლო პაკეტი ჩინურ კონსორციუმს გადაუფორმა და "ნერაძურის" ახალი მმართველი გამოუჩნდა. იტალიური მედიის ცნობით, მანჩინი ჩინელებთან სატრანსფერო პოლიტიკაზე ვერ შეთანხმდა, ურთიერთობა ჩიხში შევიდა და მწვრთნელმა გუნდი დატოვა ან გაუშვეს, თუმცა დღეს ამას არსებითი მნიშვნელობა აღარ აქვს...</p><p>მანჩინის მემკვიდრე ფრანკ დე ბური კი საქმეს შეუდგა და ნელა-ნელა ეჩვევა "ინტერს"...</p><p><p><div style="text-align: center;"><strong>მოსალოდნელი მოულოდნელობა</strong></div></p> მიუხედავად იმისა, რომ მანჩინისა და "ინტერის" მესვეურებს შორის უთანხმოებაზე დიდი ხანია იწერებოდა და თითქოს მისი გათავისუფლება არ უნდა ყოფილიყო გასაკვირი, ეს ცვლილება მაინც მოულოდნელი გამოდგა - "ინტერს" ახალი სეზონისთვის 46 წლის ჰოლანდიელი სპეციალისტი ფრანკ დე ბური ამზადებს და ამას ჯერ კიდევ შეგუება და გააზრება სჭირდება...</p><p>მოკლედ რომ ვთქვათ, ეს იყო მოსალოდნელი მოულოდნელობა და თუ რა შედეგს მოუტანს კლუბს მომხდარი ცვლილება, ამას დრო გვიჩვენებს.</p><p>თავად დე ბურმა კი "ინტერის" მთავარი მწვრთნელის რანგში პირველი პრესკონფეერენცია გამართა და მომავლის ხედვებზე ისაუბრა...</p><p><p><div style="text-align: center;"><strong>დიდი გამოწვევა</strong></div></p> - პირველ რიგში, მინდა მადლობა გადავუხადო "ინტერის" მესვეურებს ამხელა ნდობისთვის და შევპირდე მათ, რომ წარმატების მისაღწევად ყველაფერს გავაკეთებ. ეს არის დიდი გამოწვევა და პატივი ჩემთვის, რადგან ჩავიბარე უდიდესი ისტორიისა და ტრადიციების კლუბი... ახლა ფეხბურთელების გაცნობის პროცესში ვარ, თუმცა ეს პროცესი უმოკლეს დროში უნდა დასრულდეს.</p><p>სეზონის დაწყებამდე დღეებია დარჩენილი და სერია A-ს სტარტს კარგ ფორმაში უნდა შევხვდეთ. ამიტომ, ყოველდღე თავდაუზოგავი შრომა გვმართებს...</p><p><p><div style="text-align: center;"><strong>მენტალური პრობლემა</strong></div></p> - ყველა ვხედავთ, რომ გუნდში ყველაფერი იდეალურად არაა და ბევრ კომპონენტზე გვაქვს სამუშაო. მრჩება შთაბეჭდილება, რომ "ინტერი" არ არის ერთ მუშტად შეკრული და ერთი მიზნის ქვეშ გაერთიანებული. არადა, გუნდური სულისკვეთება წარმატების მისაღწევად ყველაზე მთავარია...</p><p>გვყავს ბევრი მაღალი კლასის ფეხბურთელი, რომლებზეც უნდა ავაშენოთ ახალი გუნდი და რომლებმაც "ინტერი" დიდი გამარჯვებებისკენ უნდა წაიყვანონ. პირველ რიგში, ჩემმა შეგირდებმა უნდა ირწმუნონ, რომ მათ ნებისმიერი მეტოქის დამარცხება და მწვერვალების დაპყრობა შეუძლიათ...</p><p><p><div style="text-align: center;"><strong>სერია A</strong></div></p> - ბოლო წლებში იტალიის ჩემპიონატი პროგრესირებს და ვფიქრობ, მალე დაიბრუნებს ძველ დიდებას. სერია A-ს გუნდები განსხვავებული სტილით თამაშობენ და ისინი არ ჰგვანან ერთმანეთს, როგორც ეს სხვა ჩემპიონატებში ხდება. მწვრთნელისთვის იტალიაში მუშაობა ყველაზე დიდი გამოწვევაა, რადგან აქ, ყველა სიკეთესთან ერთად, უდიდეს გამოცდილებას მიიღებ. ძალიან დიდია კონკურენცია და ამაზე ისიც მეტყველებს, რომ "ინტერისა" და "მილანის" კალიბრის გუნდები ჩემპიონთა ლიგაში ვერ ხვდებიან. ამიტომ, ჩვენ აუცილებლად უნდა დავუბრუნდეთ ევროპის უპრესტიჟულეს საკლუბო ტურნირს და ამისთვის ყველა ღონეს ვიხმართ.</p><p><p><div style="text-align: center;"><strong>მწვრთნელი და მენეჯერი</strong></div></p> - "ინტერის" მესვეურები ცდილობენ, კლუბში ინგლისური მოდელი დანერგონ და მწვრთნელს მენეჯერის ფუნქციებიც შეუთავსონ. წლების განმავლობაში ვმუშაობდი "აიაქსში", სადაც ახალგაზრდა ფეხბურთელებს და მათ დაწინაურებას განსაკუთრებული ყურადღება ექცევა.</p><p>ასე რომ, ახალგაზრდა და ნიჭიერ ფეხბურთელებთან მუშაობის დიდი გამოცდილება მაქვს, "ინტერში" კი, მთავარი გუნდის გაწვრთნასთან ერთად, სწორედ ასაკობრივი გუნდების მონიტორინგი და იქიდან გამორჩეული ფეხბურთელების დაწინაურებაც მევალება. ეს ჩემთვის ძალიან საინტერესო საქმეა. ვფიქრობ, "ინტერის" მესვეურებს აბსოლუტურად სწორი მიმართულება აქვთ აღებული...</p><p><p><div style="text-align: center;"><strong>იუვენტუსი</strong></div></p> - არაფერია შეუძლებელი, მათ შორის - არც "იუვენტუსის" დამარცხება და სკუდეტოს მოგება. ტურინელებს უძლიერესი გუნდი ჰყავთ საოცარი შემადგენლობით, მაგრამ არც ჩვენ გვაქვს ნაკლები პოტენციალი - ბევრი შრომითა და, რაც მთავარია, სწორი გეზით, თავისუფლად შეგვიძლია ტურინულ გრანდთან კონკურენცია და სეზონის ტრიუმფით დასრულება. "იუვენტუსი" სტიმულია პირადად ჩემთვის და ძალას არ დავიშურებ, რომ "ინტერთან" ერთად ტურინელთა ჰეგემონია დავამხო...</p><p><p><div style="text-align: center;"><strong>ტრანსფერები</strong></div></p> - ჯერ არ მსურს იმაზე ლაპარაკი, თუ ვინ შეიძლება დაემატოს "ინტერს", მაგრამ წამყვანი ფეხბურთელები რომ უნდა შევინარჩუნოთ, ეს ცხადია. მაურო იკარდის გადაბირება არაერთ კლუბს სურს, მაგრამ ჩემი სურვილია, რომ ის ჩვენთან დარჩეს. მართალია, იკარდი ძალიან ახალგაზრდაა, მაგრამ უკვე მოასწრო შესაძლებლობების დემონსტრირება და იმედია, ახალ "ინტერში" ის უმნიშვნელოვანესი ფიგურა იქნება. გასულ სეზონში რამდენიმე ფეხბურთელმა ვერ წარმოაჩინა შესაძლებლობები, მაგრამ, ვფიქრობ, მათ პოზიცია შევუცვალო და კიდევ ერთი შანსი მივცე...</p><p><p><div style="text-align: center;"><strong>ტაქტიკა და სტრატეგია</strong></div></p> - თანამედროვე ფეხბურთში ერთი ტაქტიკური სქემის ტყვე არ უნდა იყო და ყოველთვის უნდა გქონდეს რეზერვში რამდენიმე მოდელი, მით უმეტეს - იტალიაში, სადაც ამ კომპონენტს ყოველთვის განსაკუთრებული ყურადღება ექცევა. "ინტერში" ბევრი ისეთი ფეხბურთელია, რომელთაც ფლანგიდან შეუძლიათ თამაში და ამიტომ, აქტიურად გამოვიყენებთ როგორც 4-3-3, ისე 4-2-3-1 სქემას. და მაინც, მთავარია გუნდი ერთ მუშტად შეიკრას და დანარჩენს მოევლება...</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>

იტალიაში საუკეთესოები აღიარეს - მაკტომინეი, "ნაპოლი", კონტე

[VIDEO] ნერესს ვეღარ აჩერებენ - "ნაპოლიმ" სტუმრად "რომას" სძლია

ინსინიე სერია A-ში ბრუნდება - კონტრაქტი უკვე შეთანხმებულია

"ტოტენჰემის" მეკარემ შესაძლოა, კარიერა "ინტერში" გააგრძელოს

"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა

კიტეიშვილის "შტურმი" სახლში დამარცხდა და ვერ გალიდერდა

მესი იჯარით "ბარსელონაში" დაბრუნდება? - კომენტარი დეკომ გააკეთა

ფუტსალის ნაკრები საერთაშორისო ტურნირზე იასპარეზებს

"ბორჯღალოსნების" მეტოქეები - მსოფლიოს ჩემპიონი სამხრეთ აფრიკა, იტალია და რუმინეთი ავსტრალიის მსოფლიო თასზე

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

კვარაცხელია Globe Soccer Awards-ის ფინალისტებშია - როგორ მივცეთ ხმა ქართველ ფეხბურთელს

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

ჩაკვეტაძის გაუმჯობესებული თამაში და მეტი დრო მოედანზე - "უოტფორდის" მწვრთნელმა ქართველზე ისაუბრა

მობილიზაცია შეეხო - უკრაინის ნაკრების ყოფილ ფეხბურთელს ფრონტის ხაზზე გააგზავნიან

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

ქართული ბანერი იტალიურ დერბიში - ინტერვიუ "ინტერის" ქართული აკადემიის დირექტორთან

ფრანკ დე ბური: სასაცილოა - რატომ უნდა გადაუხადონ მამაკაც და ქალ ფეხბურთელებს ერთნაირი ხელფასი?

კომენტატორიც კი განწირული ხმით ყვიროდა: "დენის ბერგკამპ..." [VIDEO]

დე ბური საქართველოს ნაკრებმა მხოლოდ ტაქტიკით გააკვირვა

"მილანს" ზინჩენკოს დამატება სურს - "არსენალმა" ფასი დაასახელა

მილანის "ინტერი" საქართველოში - ექსკლუზიური ინტერვიუ იტალიელ მწვრთნელთან

"სკუდეტოს მოგება რეალურია" - ლაუტარო "ინტერის" შანსებზე

ქართველების ძლევით შეგულიანებული დე ბური უკრაინის დამარცხებაში დარწმუნებულია

"ინტერმა" "რომას" კუთხურიდან გაუტანა - მოურინიო ისევ ბრაზობს

ფრანკ დე ბური ნიდერლანდების ნაკრების მწვრთნელად დანიშნეს

დე ბური: "ინტერის" ლიდერი ჰანდანოვიჩია და არა იკარდი, ის კაპიტანი არ უნდა იყოს

"გეტყვით, რატომ მოუგო პსჟ-მ "ინტერს" დიდი ანგარიშით" - რობერტო დე ძერბი