<p>ქალთა ტურნირის პერიპეტიები <br> ხუთშაბათს, გარბინ მუგურუსასა და მილოშ რაონიჩის გავარდნის შემდეგ, მომდევნო სამი დღის განმავლობაში, აშშ-ის ღიაზე განსაკუთებული სენსაცია არ მომხდარა.</p><p>ამიტომაც, ყველაზე მნიშვნელოვანი მოვლენა გახდა სერენა უილიამსის ახალი რეკორდი. მსოფლიოს პირველმა ჩოგანმა მეორე წრეში თანამემამულე ვანია კინგი 6:3, 6:3 დაამარცხა, გუშინ კი კიდევ უფრო იოლად - 6:2, 6:1 სძლია შვედ იოჰანა ლარსონს. ეს იყო "დიდი სლემის" ტურნირებზე სერენას 307-ე მოგება, რაც ქალებს შორის აბსოლუტური რეკორდია. შესაბამისი სიის პირველი ხუთეული ასე გამოიყურება:</p><p>307 - სერენა უილიამსი</p><p>306 - მარტინა ნავრატილოვა</p><p>299 - კრის ევერტი</p><p>278 - შტეფი გრაფი</p><p>241 - ვინუს უილიამსი</p><p>კიდევ ერთი მოგება და სერენა რეკორდსმენი იქნება ქალებშიც და მამაკაცებშიც. ამ მომენტისთვის, ის რეკორდს იყოფს როჯერ ფედერერთან, რომელსაც ასევე 307 მოგება აქვს "სლემებზე", მაგრამ წელს ტოვებს ამერიკის ღია პირველობას.</p><p>* * *</p><p>ასევე ორი მატჩის მოგება მოასწრო ვინუს უილიამსმა. მეორე წრეში მან ორ სეტში დაამარცხა გერმანელი იულია გორგესი და აშშ-ის ღიაზე 70-ე გამარჯვება იზეიმა. ამერიკელი მეხუთე ქალია ისტორიაში, ვინც ასეთ შედეგს მიაღწია. გუშინ, მერვედფინალში კი ვინუსმა კიდევ ერთი გერმანელი ლაურა ზიგემუნდი გაანადგურა - 6:2, 6:1. უილიამსის მეტოქეს საერთოდ არ ჰქონდა მეორე მოწოდება, რომლის დროსაც ამერიკელმა ქულების 78 (!) პროცენტი მოიგო.</p><p><p><div style="text-align: center;"><strong><span style="color: #ff0000;">უპრობლემო ფავორიტები</span></strong></div></p> ქალების ბადეში ფავორიტებს პრობლემები არ ჰქონიათ.</p><p>აგნიეშკა რადვანსკა კლასის ხარჯზე იოლად გაუსწორდა კაროლინ გარსიას. როგორც წლევანდელ როლან გაროსზე, ახლაც, პოლონელმა სეტი არ მისცა მეტოქეს - 6:2, 6:3. მერვედფინალში აგნიეშკა 18 წლის ხორვატ სენსაციას ანა კონიუხს შეხვდება. ამ უკანასკნელმა სამ სეტში დაამარცხა ამერიკელი ვარვარა ლეპჩენკო. რადვანსკა და კონიუხი წელს, უიმბლდონზე შეხვდნენ ერთმანეთს და პოლონელმა გადამწყვეტი სეტი 9:7 მოიგო, თან სამი მატჩბოლი მოიგერია.</p><p>* * *</p><p>კინაღამ სენსაცია მოხდა სიმონა ჰალეპისა და ტიმეა ბაბოშის მატჩში. პირველი პარტიის დამაჯერებლად მოგების შემდეგ, რუმინელს ზურგი ატკივდა და წაგების პირას დადგა - დამარცხდა მეორე სეტში და მესამეს 2:4-ს აგებდა. ჰალეპმა შეძლო დაკარგული ბრეიკის დაბრუნება, 4:4-ზე კი 15:40-დან გადაარჩინა გეიმი და შემდეგ გადამწყვეტი ბრეიკიც შეასრულა - 6:1, 2:6, 6:4.</p><p>* * *</p><p>როგორც ზემოთ აღვნიშნეთ, სატურნირო ბადეს არც ერთი რუსი ჩოგბურთელი აღარ შემორჩა. გუშინ, კარლა სუარეს ნავარომ ოთხიდან ოთხი ბრეიკ-პოინტი გამოიყენა და ამის ხარჯზე აჯობა ელენა ვესნინას - 6:3, 6:4. ანასტასია პავლიუჩენკოვამ კი ვერაფერი მოუხერხა კაროლინა პლიშკოვას მძლავრ თამაშს: ჩეხს ორ სეტში 16 "ვინერსი" ჰქონდა, პავლიუჩენკოვას - მხოლოდ სამი.</p><p>* * *</p><p>საინტერესო წყვილი მივიღეთ მერვედფინალში: ანჟელიკ კერბერი პეტრა კვიტოვას წინააღმდეგ. კერბერი 17 წლის სტუდენტს კეტრინ ბელისს ეთამაშებოდა. ამერიკელი კარგად თამაშობდა მიღებაზე - ერთი ბრეიკი და შვიდი ბრეიკპოინტი, მაგრამ თავის გეიმებში ძალიან სუსტი იყო.</p><p>რაც შეეხება კვიტოვას, მას ჯერ სეტი არ აქვს წაგებული. უკრაინელი ელინა სვიტოლინას წინააღმდეგ ჩეხს მცირე პრობლემები მხოლოდ მაშინ შეექმნა, როცა 6:3, 4:0 იყო დაწინაურებული. სვიტოლინამ შეძლო მეორე სეტში ანგარიშის გათანაბრება, მაგრამ მაინც ვერ გადაიყვანა მატჩი მესამე პარტიაში.</p><p>* * *</p><p>მესამე რაუნდის გმირი აღმოჩნდა მედისონ კისი. ამერიკელი მესამე სეტში 1:5-ს აგებდა იაპონელ ნაომი ოსაკასთან, მაგრამ შეძლო თამაშში დაბრუნება და პარტიის ტაი-ბრეიკზე მოგება. ამასთან, ჯერ კიდევ 5:4-ზე, ოსაკა უკვე ხვდებოდა, რომ განწირული იყო და ყოველი გათამაშების შემდეგ, სახიდან ცრემლებს იწმენდდა.</p><p>* * *</p><p>ამა წლის იანვარის შემდეგ, დანიელმა კაროლინ ვოზნიაცკიმ პირველად მოიგო ზედიზედ სამი მატჩი. რუსების ფავორიტის სვეტლანა კუზნეცოვას დამარცხების შემდეგ, დანიელმა მონიკა ნიკულესკუ გაანადგურა - 6:3, 6:1.</p><p><strong>ქალები</p><p>II წრე</p><p></strong>ს. უილიამსი (აშშ, 1)-კინგი (აშშ) 6:3, 6:3</p><p>ა. რადვანსკა (პოლ, 4)-ბროუდი (ბრიტ) 7:6(9), 6:3</p><p>ჰალეპი (რუმ, 5)-საფაროვა (ჩეხ) 6:3, 6:4</p><p>ვ. უილიამსი (აშშ, 6)-გორგესი (გერ) 6:2, 6:3</p><p>კარ. პლიშკოვა (ჩეხ, 10)-გონსალესი (პარ) 6:1, 7:5</p><p>სუარეს ნავარო (ესპ, 11)-იანკოვიჩი (სერ) 6:1, 6:4</p><p>ლეპჩენკო (აშშ)-ბაშჩინსკი (შვეიც, 15) 6:4, 4:6, 6:4</p><p>ს. ჟანგი (ჩინ)-სტოსური (ავსტრა, 16) 6:3, 6:3</p><p>პავლიუჩენკოვა (რუს, 17)-მლადენოვიჩი (საფ)6:2, 4:6, 7:6(5)</p><p>ვესნინა (რუს, 19)-ბეკი (გერ) 6:2, 6:1</p><p>გარსია (საფ, 25)-სინიაკოვა (ჩეხ) 4:6, 6:4, 6:4</p><p>ზიგემუნდი (გერ, 26)-გიბსი (აშშ) 6:3, 7:5</p><p>ბაბოში (უნგ, 31)-ჰოგენკამპი (ჰოლ) 6:2, 6:4</p><p>ლარსონი (შვედ)-ალერტოვა (ჩეხ) 6:3, 6:1</p><p>შვედოვა (ყაზ)-ვანგი (ჩინ) 6:0, 6:1</p><p>კონიუხი (ხორ)-ნარა (იაპ) 6:3, 6:3</p><p><strong>1/16 ფინალი</p><p></strong>ს. უილიამსი (აშშ, 1)-ლარსონი (შვედ) 6:2, 6:1</p><p>კერბერი (გერ, 2)-ბელისი (აშშ) 6:1, 6:1</p><p>ა. რადვანსკა (პოლ, 4)-გარსია (საფ, 25) 6:2, 6:3</p><p>ჰალეპი (რუმ, 5)-ბაბოში (უნგ, 31) 6:1, 2:6, 6:4</p><p>ვ. უილიამსი (აშშ, 6)-ზიგემუნდი (გერ, 26) 6:1, 6:2</p><p>ვინჩი (იტა, 7)-ვიტჰოფტი (გერ) 6:0, 5:7, 6:3</p><p>კისი (აშშ, 8)-ოსაკა (იაპ) 7:5, 4:6, 7:6(3)</p><p>კარ. პლიშკოვა (ჩეხ, 10)-პავლიუჩენკოვა (რუს, 17) 6:2, 6:4</p><p>სუარეს ნავარო (ესპ, 11)-ვესნინა (რუს, 19) 6:4, 6:3</p><p>ცურენკო (უკრ)-ციბულკოვა (სლოვაკ, 12) 3:6, 6:3, 6:4</p><p>კონტა (ბრიტ, 13)-ბენჩიჩი (შვეიც, 24) 6:2, 6:1</p><p>კვიტოვა (ჩეხ, 14)-სვიტოლინა (უკრ, 22) 6:3, 6:4</p><p>ვოზნიაცკი (დან)-ნიკულესკუ (რუმ) 6:3, 6:1</p><p>სევასტოვა (ლატ)-ბონდარენკო (უკრ) 6:4, 6:1</p><p>შვედოვა (ყაზ)-ს. ჟანგი (ჩინ) 6:2, 7:5</p><p>კონიუხი (ხორ)-ლეპჩენკო (აშშ) 6:3, 3:6, 6:2</p><p><strong>1/8 ფინალი</p><p></strong>ს. უილიამსი (აშშ, 1)-შვედოვა (ყაზ)</p><p>სუარეს ნავარო (ესპ, 11)-ჰალეპი (რუმ, 5)</p><p>ა. რადვანსკა (პოლ, 4)-კონიუხი (ხორ)</p><p>კარ. პლიშკოვა (ჩეხ, 10)-ვ. უილიამსი (აშშ, 6)</p><p>კისი (აშშ, 8)-ვოზნიაცკი (დან)</p><p>კონტა (ბრიტ, 13)-სევასტოვა (ლატ)</p><p>ვინჩი (იტა, 7)-ცურენკო (უკრ)</p><p>კვიტოვა (ჩეხ, 14)-კერბერი (გერ, 2)</p><p><strong>ყოველდღიური სპორტული გაზეთი "ლელო"</strong></p>
ოფიციალურად: როჯერ ფედერერი მილიარდერი გახდა
[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო
თრილერი ცინცინატიზე - საბალენკამ რადუკანუ დაამარცხა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
"ამას არასდროს დავივიწყებთ" - სერენა როჯერს დაემშვიდობა
23 სლემი, 4 ოლიმპიადა - ისტორიაში საუკეთესო ქალმა ჩოგბურთელმა კარიერა დაასრულა
"ჯერ კარიერა არ დამისრულებია, ბევრს ვვარჯიშობ" - სერენა უილიამსი დაბრუნებას აანონსებს
"აქ ვარ იმისთვის, რათა გითხრათ, რომ მივდივარ" - ლეგენდარულმა სერენა უილიამსმა კარიერა დაასრულა
როცა გენიოსი სპორტის ლეგენდებსაც აოცებს - გაოგნებული სერენა, ლებრონი და ბექჰემი... როგორი იყო მესის დებიუტი "ინტერ მაიამიში" [VIDEO]
ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა