- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
არსენ ვენგერის 20 წელი და 20 გაელვება - გზა 1996 წლიდან დღემდე
<p>არსენ ვენგერი 20 წლის წინათ და დღეს <br> 22 სექტემბერს 20 წელი შესრულდა მას მერე, რაც არსენ ვენგერი "არსენალის" მწვრთნელი გახდა. ეს მთელი ეპოქაა, რომელმაც ბევრი იმედგაცრუება და წარმატება დაიტია.</p><p>ვენგერისადმი დამოკიდებულება არაერთგვაროვანია. ბევრისთვის ის უფრო კარგი ვაჭარია, ვიდრე - კარგი მწვრთნელი, თუმცა ეს ხალხი ერთ რამეში მაინც თანხმდება: მსოფლიო ფეხბურთის ისტორიის წიგნში ვენგერს თუნდაც ერთი პატარა თავი უთუოდ ეკუთვნის.</p><p>20 წელი და 20 მნიშვნელოვანი მომენტი 66 წლის სპეციალისტის ლონდონურ ცხოვრებაში. გადავხედოთ ამ გზას 1996 წლიდან დღემდე...</p><p><p><div style="text-align: center;"><strong style="font-size: 12.16px;"><span style="color: #ff0000;">20. ვენგერი? ვინ არის ვენგერი?!</span></strong></div></p> 1996 წლის 22 სექტემბერს "არსენალის" მთავარ მწვრთნელად არსენ ვენგერის დანიშვნამ ბრიტანული მედია ერთობ გააკვირვა, მეტი რომ არ ვთქვათ. "ვენგერი? ვინ არის ვენგერი"? - დაახლოებით ამ პათოსით ისმოდა კითხვები პრესის "ჰედლაინებში".</p><p>მაშინ მას მართლაც არავინ იცნობდა. მანამდე ის იაპონურ "ნაგოია გრამპუსში" მუშაობდა. "არსენალში" მოსვლის პირველსავე დღეს ვენგერმა თქვა, რომ უნდა შეიცვალოს ფეხბურთელთა კვების რაციონი და წვრთნის მეთოდები.</p><p>...და შეიცვალა კიდეც. შედეგი? ვენგერისთვის მომდევნო (1997/98) სრულ სეზონში "არსენალმა" პრემიერლიგაც მოიგო და ასოციაციის თასიც - დასაწყისი დიდებულია!</p><p><p><div style="text-align: center;"><strong style="font-size: 12.16px;"><span style="color: #ff0000;">19. სანჩესი და რიოს პლაჟი</span></strong></div></p> 2014 წლის ზაფხულში "არსენალმა" "ბარსელონასგან" 30 მილიონ გირვანქად იყიდა ალექსის სანჩესი. იმ პერიოდში მოსიე არსენი უკვე აღარ ენდობოდა სესკ ფაბრეგასს და დიდ იმედს სწორედ ჩილელზე ამყარებდა...</p><p>სანჩესის ყიდვის ოპერაცია ვენგერმა რიოს პლაჟზე ნებივრობისას მოაგვარა.</p><p><p><div style="text-align: center;"><strong style="font-size: 12.16px;"><span style="color: #ff0000;">18. ნამდვილი კლასიკა</span></strong></div></p> ფეხბურთის გულშემატკივრებმა იციან, რომ ვენგერს კარგად ეხერხება ვაჭრობა. ნიკოლა ანელკას ტრანსფერი და შემდეგ მისი გაყიდვა მართლაც რომ სატრანსფერო ოპერაციის კლასიკაა - ფრანგი ფორვარდი "არსენალში" პსჟ-დან 1997 წლის ზაფხულში, 500 ათას გირვანქად მივიდა და იმავე სეზონში დიდი როლიც ითამაშა "მეთოფეთა" გაჩემპიონებაში.</p><p>ორი წლის შემდეგ "არსენალმა" ის "რეალს" 22.3 მილიონ გირვანქად მიჰყიდა.</p><p><p><div style="text-align: center;"><strong style="font-size: 12.16px;"><span style="color: #ff0000;">17. ანრის ჯადოგოლი</span></strong></div></p> ვენგერი არასოდეს ყოფილა ისეთი გახარებული და ისეთი გაცისკროვნებული, როგორც 2000 წელს "მანჩესტერ იუნაიტედთან" მატჩისას, როცა ტიერი ანრიმ ჯადოსნური გოლი გაუტანა ფაბიენ ბარტეზს.</p><p>ეს ის პერიოდი იყო, როცა არსენს ხშირად სჭირდებოდა იმის დამტკიცება, რომ ანრი ტყუილად არ წამოუყვანია "იუვენტუსიდან" და რომ ის უკვე ამართლებდა ნდობას...</p><p><p><div style="text-align: center;"><strong style="font-size: 12.16px;"><span style="color: #ff0000;">16. ყველას თავისი ცოლი მოსწონს</span></strong></div></p> 2002 წელს "არსენალმა" მორიგი დუბლი შეასრულა. ამ დროისთვის ვენგერსა და "მანჩესტერ იუნაიტედის" მწვრთნელ ალექს ფერგიუსონს შორის უკვე ომი მძვინვარებდა. ფერგიმ "არსენალის" ჩემპიონობაზე თქვა - ეგენი მეომრის ფსიქოლოგიით გადიან ფონს, ჩემი "მანჩესტერი" გაცილებით უკეთესი გუნდიაო...</p><p>ამაზე ვენგერმა მოსწრებულად უპასუხა: "საერთოდ, ყველა კაცს ჰგონია, რომ მისი ცოლი ყველაზე ლამაზია".</p><p><p><div style="text-align: center;"><strong style="font-size: 12.16px;"><span style="color: #ff0000;">15. მისი ოცნების გოლი</span></strong></div></p> ვენგერი ის მწვრთნელია, ლამაზ პასსა და კომბინაციურ ფეხბურთს განსაკუთრებულად რომ აფასებს. 2013 წელს, "ნორვიჩთან" მატჩში, ჯეკ უილშირმა შექმნა შედევრი, რომელსაც მოსიე არსენმა "მისი ოცნების გოლი" უწოდა.</p><p>...უილშირმა ბურთი საკუთარი ნახევრიდან წაიღო და მოხდენილად გაათამაშა სანტი კასორლასა და ოლივიე ჟირუსთან, ვიდრე კარში საგოლედ დასცხებდა.</p><p><p><div style="text-align: center;"><strong style="font-size: 12.16px;"><span style="color: #ff0000;">14. დიდი შემოტრიალება</span></strong></div></p> 2013 წელს ვენგერის "არსენალმა" შოკში ჩააგდო ძლევამოსილი "ბარსელონა", რომელსაც "ემირეითსზე" 0:1-დან შემოუტრიალა თამაში და 2:1 დაამარცხა.</p><p>არსენმა შეცვლაზე შეუშვა ანდრეი არშავინი, რომელმაც გამარჯვების გოლი "გამოსჭედა". თამაშის შემდეგ ფრანგმა სპეციალისტმა თქვა, რომ მისთვის ეს "განსაკუთრებული საღამო" იყო.</p><p>მართალია, საპასუხო მატჩში "ბარსელონამ" 3:1 გაიმარჯვა და მერე იმ სეზონის (2010/11) ჩემპიონთა ლიგაც მოიგო, მაგრამ ეს ოდნავადაც არ აკნინებს მართლაც "განსაკუთრებულ საღამოს".</p><p>იმ ფორმაციის "ბარსაზე" მოგვიანებით ფერგიუსონი (რომლის გუნდმაც კატალონიელებთან ორჯერ წააგო ჩემპიონთა ლიგის ფინალი) იტყვის: "ეს არის საუკეთესო გუნდი იმათ შორის, რომელიც კი ოდესმე მინახავს".</p><p><p><div style="text-align: center;"><strong style="font-size: 12.16px;"><span style="color: #ff0000;">13. "ტოტენჰემზე" წინ...</span></strong></div></p> "არსენალსა" და "ტოტენჰემს" შორის განსაკუთრებული მეტოქეობა რომაა, ეს ყველამ იცის. 2013 წლის მარტში "დეზებმა" 2:1 დაამარცხეს "მეთოფეები" და მთელი 7 ქულით გაუსწრეს ისტორიულ მტერს. ისე ჩანდა, რომ "ტოტენჰემი", ბოლოს და ბოლოს, "არსენალზე" წინ იქნებოდა ფინიშის სწორთან...</p><p>...მაგრამ მერე "ტოტენჰემმა" ზედიზედ 2 მატჩი წააგო "ლივერპულსა" და "ფულჰემთან", ხოლო "არსენალმა" ბოლო 10 თამაშიდან 8 მოიგო და ჩემპიონთა ლიგაში მოხვდა, ხოლო "დეზები" ევროპალიგაში გაუშვა.</p><p><p><div style="text-align: center;"><strong style="font-size: 12.16px;"><span style="color: #ff0000;">12. აკი არ ხარჯავსო?!</span></strong></div></p> "არსენალის" ქომაგები ხშირად საყვედურობენ ვენგერს - ფეხბურთელებში ბევრი ფულის ხარჯვა არ უყვარსო. 2013 წლის ზაფხულში ის მართლაც დიდი წნეხის ქვეშ იყო - კონკურენტები ძლიერდებოდნენ, "არსენალი" კი...</p><p>ჰოდა, ვენგერმაც, სატრანსფერო ფანჯრის დახურვამდე ერთი დღით ადრე "რეალისგან" 42 მილიონ გირვანქად იყიდა გერმანიის ნაკრების ნახევარმცველი მესუთ იოზილი. მანამდე, "არსენალის" სატრანსფერო რეკორდი 27 მილიონი იყო. იმ დღეს ვენგერმა ბევრი კრიტიკოსი გააჩუმა...</p><p><p><div style="text-align: center;"><strong style="font-size: 12.16px;"><span style="color: #ff0000;">11. როგორ დავამარცხოთ გალაქტიკო "ბერნაბეუზე"</span></strong></div></p> მიუხედავად იმისა, რომ წყვილის აშკარა აუტსაიდერი იყო, 2006 წელს "არსენალმა" "გალაქტიკოდ" წოდებული "რეალი" "სანტიაგო ბერნაბეუზე" 1:0 დაამარცხა (ტიერი ანრის გოლით).</p><p>"ჰაიბერიზე" საპასუხო შეხვედრა 0:0 მორჩა და "არსენალმა" მსოფლიო საკლუბო ფეხბურთის ერთ-ერთი გრანდი ჩემპიონთა ლიგიდან დაითხოვა. ვენგერმა დაამტკიცა, რომ ასეთი გუნდების დამარცხებაც შეუძლია...</p><p>მერე "არსენალი" იმ ტურნირის ფინალშიც გავიდა, თუმცა მეორე ესპანურ გრანდთან ("ბარსელონა") ვერაფერი გააწყო - 1:2.</p><p><p><div style="text-align: center;"><strong style="font-size: 12.16px;"><span style="color: #ff0000;">10. "ჰაიბერიდან" "ემირეითსზე"</span></strong></div></p> არსენ ვენგერმა თანდათან დიდი გავლენა მოიპოვა კლუბში. ის არ იყო მხოლოდ მწვრთნელი, მას "არსენალის" ფინანსურ პოლიტიკაშიც ეთქმოდა წონიანი სიტყვა.</p><p>"უდიდესი და გადამწყვეტი მნიშვნელობის ნაბიჯი "არსენალის" ისტორიაში", - ასე უწოდა ვენგერმა 2006 წელს "ჰაიბერის" მომცრო სტადიონიდან სუპერთანამედროვე და ორჯერ უფრო ტევად "ემირეითსზე" გადასვლას, რაშიც პირადად უმთავრესი როლი ითამაშა.</p><p><p><div style="text-align: center;"><strong style="font-size: 12.16px;"><span style="color: #ff0000;">9. სათასო მწვრთნელი</span></strong></div></p> 2015 წელს "არსენალმა" მეორედ შეძლო ასოციაციის თასის მიჯრით მოგება ("უემბლიზე" 4:0 გაანადგურა "ასტონ ვილა"), ვენგერი კი ამ ტურნირის ისტორიაში, ჯორჯ რემზისთან (ვინც მე-20 საუკუნის მიჯნაზე 6-ჯერ შეძლო "ასტონ ვილასთან" ერთად ინგლისური ფეხბურთისთვის ესოდენ პატივსაცემი ჯილდოს დაუფლება) ერთად, ყველაზე წარმატებული მწვრთნელი გახდა.</p><p><p><div style="text-align: center;"><strong style="font-size: 12.16px;"><span style="color: #ff0000;">8. ბოლო დღე "ჰაიბერიზე" და მოწამლული "ტოტენჰემი"</span></strong></div></p> 2006 წლის გაზაფხული. ბოლო მატჩი "ჰაიბერიზე". ტიერი ანრის ჰეთ-თრიკით "არსენალი" 4:2-ს უგებს "უიგანს" და მეოთხე ადგილისთვის ბრძოლაში უსწრებს "ტოტენჰემს", რომელიც პარალელურ მატჩში აგებს (1:2) "ვესტ ჰემთან"...</p><p>სხვათა შორის, ამ მატჩის წინა ღამეს "ტოტენჰემის" ფეხბურთელები საკვებით მოიწამლნენ...</p><p><p><div style="text-align: center;"><strong style="font-size: 12.16px;"><span style="color: #ff0000;">7. კემპბელი და დომინაცია "ტოტენჰემზე"</span></strong></div></p> პრემიერლიგის ყველაზე სკანდალური ტრანსფერი. 2001 წლის ზაფხულში ვენგერმა შოკში ჩააგდო ინგლისის საფეხბურთო საზოგადოება, როცა "ტოტენჰემიდან", ეგრეთ წოდებული "ბოსმანის წესით", სოლ კემპბელი გადაიბირა.</p><p>ერთი მხრივ, ამით არსენმა სწორედაც "ტოტენჰემზე" დომინაციას გაუსვა ხაზი, მეორე მხრივ კი ხელში ჩაიგდო ინგლისის ყველა დროის ერთ-ერთი საუკეთესო ცენტრალური მცველი, რომელმაც "არსენალთან" ერთად ორჯერ მოიგო პრემიერლიგა.</p><p><p><div style="text-align: center;"><strong style="font-size: 12.16px;"><span style="color: #ff0000;">6. ცხრაწლიანი პაუზის შემდეგ...</span></strong></div></p> 2014 წელს, "არსენალმა" წერტილი დაუსვა "სატიტულო შიმშილს" ("მეთოფეებს" 9 წლის განმავლობაში არაფერი ჰქონდათ მოგებული), დაამარცხა რა ასოციაციის თასის დრამატულ ფინალში "ჰალ სიტი".</p><p>ვენგერის შეგირდები თავიდან 0:2-ს აგებდნენ, მაგრამ შეძლეს ფინალის გადაყვანა დამატებით დროში, სადაც აარონ რემზის გოლით გამარჯვებასაც მიაღწიეს.</p><p><p><div style="text-align: center;"><strong style="font-size: 12.16px;"><span style="color: #ff0000;">5. ყველაზე თამამ ოცნებებშიც კი... </span></strong></div></p> 2003 წელს, "არსენალმა" ჩემპიონთა ლიგის საგარეო მატჩში 5:1 მოუგო "ინტერს", არადა, მილანელებთან შინ 0:3 ჰქონდა წაგებული. საპასუხო შეხვედრაში დუბლი შეასრულა ტიერი ანრიმ, თითო გოლი კი ფრედი ლიუნგბერგმა, ედუმ და რობერ პირესმა გაიტანეს.</p><p>ნამატჩევს ვენგერი იტყვის: "ჩემს ყველაზე თამამ ოცნებებშიც კი ვერ წარმოვიდგენდი, თუ 0:3-ის შემდეგ მილანში ასეთი ანგარიშით გავიმარჯვებდით".</p><p><p><div style="text-align: center;"><strong style="font-size: 12.16px;"><span style="color: #ff0000;">4. საყოველთაო აღიარება</span></strong></div></p> ექსპერტებმა და "არსენალის" ფეხბურთელებმა, ბოლოს და ბოლოს, აღიარეს ვენგერის ძალა და კომპეტენცია 1997/98 წლების სეზონის დასკვნითი მატჩის შემდეგ, თვით იმ კრიტიკოსებმაც კი, ვინც ფრანგი სპეციალისტის დანიშვნას ეჭვქვეშ აყენებდა.</p><p>ეს განსაკუთრებით სასიამოვნო იყო ტონი ადამსისა და სტივ ბოულდის მხრიდან, რომელთა ძალისხმევითაც გავიდა გადამწყვეტი გოლი "ჰაიბერიზე", ტრიუმფალური პრემიერლიგის ბოლოს დღეს.</p><p>ამის შემდეგ იყო გამარჯვება ასოციაციის თასის ფინალში, რამაც ვენგერს, "არსენალში" მოღვაწეობის პირველსავე სრულ სეზონში, კლუბის ისტორიაში დაუდო ბინა.</p><p><p><div style="text-align: center;"><strong style="font-size: 12.16px;"><span style="color: #ff0000;">3. ფერგი რომ ამას იტყვის...</span></strong></div></p> 2002 წლის მაისში "არსენალს" გადამწყვეტი მატჩი ჰქონდა "ოლდ ტრაფორდზე", თავის ყველაზე სასტიკ მოწინააღმდეგე "მანჩესტერ იუნაიტედთან". რამდენიმე დღით ადრე "მეთოფეებს" უკვე მოგებული ჰქონდათ ასოციაციის თასი და მანჩესტერში გამარჯვება დუბლის გარანტია იქნებოდა...</p><p>...სილვენ ვილტორი ამატებს ფრედი ლიუნგბერგის დარტყმის შემდეგ ფაბიენ ბარტეზის მიერ უკუგდებულ ბურთს და "არსენალი" პრემიერლიგის გამარჯვებული ხდება.</p><p>მატჩის შემდეგ სერ ალექს ფერგიუსონი იტყვის: "არსენ ვენგერი ყოველმხრივ პატივისცემას იმსახურებს".</p><p>ფერგიმ რომ ამას ვინმეზე, მით უფრო კონკურენტზე, იტყვის, იქ ბეჭედი დასმულია.</p><p><p><div style="text-align: center;"><strong style="font-size: 12.16px;"><span style="color: #ff0000;">2. მარილი ჭრილობაზე</span></strong></div></p> ზემოთ ამ თემის სიმძაფრეს უკვე შევეხეთ - ვინც არ იცის, რას ნიშნავს "არსენალისა" და "ტოტენჰემის" დაპირისპირება, ის ინგლისური ფეხბურთის მუღამებში ვერ ერკვევა.</p><p>ახლა ერთი წუთით წარმოიდგინეთ, რამხელა ფასი ადევს მოსისხლე მტრის მოედანზე მოპოვებულ არათუ ერთ ლოკალურ გამარჯვებას, არამედ, თვით ჩემპიონის ტიტულს.</p><p>...ეს მოხდა 2004 წლის გაზაფხულზე, როცა "არსენალმა" "უაით ჰართ ლეინზე" 2:2 ითამაშა "ტოტენჰემთან" და პრემიერლიგის დასრულებამდე 4 ტურით ადრე მდევრებისთვის მიუღწეველი გახდა.</p><p>მატჩის შემდეგ არსენ ვენგერმა მეტოქეს ჭრილობაზე მარილი მოაყარა, გაიხსენა რა ერთი ფაქტი "არსენალ"-"ტოტენჰემის" დაპირისპირებათა ისტორიიდან:</p><p>"დიდებულია, რომ ჩვენ გავიმეორეთ "არსენალის" იმ თაობის წარმატება, ვინც 1971 წელს, ამავე სტადიონზე, ინგლისის ჩემპიონობა მოიპოვა".</p><p><p><div style="text-align: center;"><strong style="font-size: 12.16px;"><span style="color: #ff0000;">1. დაუმარცხებელი "არსენალი" და ახდენილი ოცნება</span></strong></div></p> 2004 წელს "არსენალმა" ისე მოიგო პრემიერლიგა, ერთი მატჩიც არ წაუგია. არადა, ეს მიღწევა ეჭვქვეშ იდგა ბოლო ტურის დაპირისპირებაში, რომელშიც "მეთოფეები" 0:1-ს აგებდნენ "ლესტერთან"...</p><p>მაგრამ არაჩვეულებრივი საბრძოლო სულისკვეთების ხარჯზე, რაც იმ წლებში ყოველთვის თან სდევდა ვენგერის კრებულს, მოხერხდა "მელიების" დამარცხება (2:1) და საუკუნეზე მეტი ხნის წინ (1888/89 წლების სეზონი) "პრესტონის" მიერ დამყარებული რეკორდის გამეორება.</p><p>მატჩის შემდეგ ვენგერმა თქვა: "ყოველთვის ვოცნებობდი, რომ დაუმარცხებლად მოგვეგო პრემიერლიგა და ბედნიერი ვარ, რომ ეს ოცნებაც ამიხდა".</p><p><strong>ყოველდღიური სპორტული გაზეთი "ლელო"</strong></p>
ონანა კარიერას სავარაუდოდ, თურქეთში განაგრძობს
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
"არსენალმა" "ტოტენჰემს" მთავარი სატრანსფერო სამიზნე წაართვა - ეზეს მომავალი გაირკვა
"პორტოს" "არსენალის" მცველების დამატება სურს - რას ითხოვენ "მეთოფეები"?
"კლოპი უკმაყოფილოა? იცით, რას გეტყვით?" - ვენგერმა მსოფლიო საკლუბო ჩემპიონატის კრიტიკოსებს უპასუხა
არსენ ვენგერმა, მისი აზრით, მუნდიალის მთავარი ფავორიტი დაასახელა
"მანჩესტერ სიტი" პრემიერლიგას ვერ მოიგებს" - მაიკლ ოუენი
"არსენალი" "ჩელსის" შემტევს 52 მილიონ ევროდ შეიძენს
პეტი: კლოპი თუ ვენგერი? - პასუხი მარტივია
თავისი მაინც გაიტანა - დიოკერეში უახლოეს საათებში "არსენალის" ფეხბურთელი გახდება
ვენგერის აზრით, გერმანელთა წარუმატებლობის მიზეზი პოლიტიკურ აქციებში მონაწილეობაა
"იუვენტუსი", პსჟ და "რეალი" უარით გავისტუმრე - ვენგერმა "არსენალში" გატარებულ პერიოდზე ისაუბრა
პარტეის 5 გაუპატიურებისა და 1 სექსუალური შევიწროების საქმეზე ბრალი წარედგინა
100-იანთა კლუბში - სიმეონე ფერგიუსონისა და ვენგერის გზაზე