<p>"ტოტენჰემმა" "სიტი" გააჩერა, ჟოზე ვან გაალის გრაფიკსაც კი ჩამორჩება <br> <strong><span style="font-size: x-small;">* "მანჩესტერ სიტიმ" პირველი ქულები დაკარგა პრემიერლიგის მიმდინარე გათამაშებაში, ხოლო პეპ გვარდიოლა მწვრთნელის რანგში პირველად დამარცხდა 2016 წლის მარტის ("ბაიერნი"-"მაინცი" 1:2) შემდეგ...</p><p>* "მანჩესტერ იუნაიტედს" 7 ტურის შემდეგ 13 ქულა აქვს - სამით ნაკლები, ვიდრე შარშან ამ დროს, ლუი ვან გაალის მწვრთნელობისას...</p><p>* "ტოტენჰემს" ჩემპიონატების ისტორიაში საუკეთესო სტარტი აქვს...</p><p></span></strong></p><p>"მანჩესტერ სიტი" "უაით ჰართ ლეინზე" გაჩერდა. ჯერ კიდევ "სელტიკთან" საჩემპიონთალიგო მატჩში გამოჩნდა, რომ პეპ გვარდიოლას დაცვაში რაღაც აერ-დაერია საქმე. "სიტის" ეს პრობლემა "ტოტენჰემმაც" გააშიშვლა და ცოტა მეტად რომ გამართლებოდა, დეზორგანიზებულ მეტოქეს ორ გოლს არ აკმარებდა; აღარაფერს ვამბობთ 11-მეტრიანზე, რომელიც კლაუდიო ბრავომ ერიკ ლამელას აუღო.</p><p>მოკლედ, მაურისიო პოჩეტინოს "მამლებმა" ღირსეული, დამაჯერებელი გამარჯვება მოიპოვეს და აჩვენეს, რომ ამ სეზონშიც ჩემპიონობისთვის აპირებენ ბრძოლას, ხოლო "სიტიმ" აშკარად დაკარგა რიტმი და შედეგად მიიღო პირველი მარცხი, რომელიც "ქალაქელებისთვის" ტრაგედიას არ უნდა ნიშნავდეს.</p><p>"ტოტენჰემის" მხრიდან აუცილებლად უნდა გამოვყოთ კორეელი ჰიუნ-მინ სონის არანორმალურად პროდუქტიული გარჯა - დელე ალიმ სწორედ მისი პასით გაიტანა გოლი და ესეც არ იყოს, მთელ რიგ ეპიზოდებშიც გამორჩეული იყო სიმწვავითა და მახვილგონივრული პასებით. სხვათა შორის, "ტოტენჰემის" ბოლო 7 მატჩში მან 8 გოლში დაიდო წილი - 6 გაიტანა, ორშიც ასისტენტობა გასწია.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</p><p><a href="/mtavari/video.html?view=video&video=8256" target="_blank"><img src="pictures/artimages/image16/62fac394b965b0f1665ae06b476f9f5a.jpg" border="0" alt="Sportall.Ge" title="პრემიერლიგა. VII ტური: პირველი გაჩერება, "უაით ჰართ ლეინი"!.. [VIDEO]" /></a></p><p></strong></span></span></div></p></p><p>"სტოკი" "კერკეტი კაკალი" გამოდგა "იუნაიტედისთვის". ჟოზე მოურინიოს შეცვლამ გაუმართლა - გავიდა თუ არა მოედანზე ანტონი მარსიალი, ორ წუთში ლამაზად "მოჭრა" ბურთი შორეულ კუთხეში და ანგარიში გახსნა.</p><p>ამის მერე "მანჩესტერი" შედარებით ფრთხილად ათამაშდა, მაგრამ საპასუხო გოლს მაინც ვერ გადაურჩა. საბედისწერო გამოდგა დავიდ დე ხეას შეცდომა - ესპანელ გოლკიპერს ბურთი ხელიდან გაუვარდა და ჯო ალენმა მოურინიო კვლავ წნეხის ქვეშ დატოვა.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</p><p><a href="/mtavari/video.html?view=video&video=8254" target="_blank"><img src="pictures/artimages/image16/afc0762e9657a81d8846408699e4b6f8.jpg" border="0" alt="Sportall.Ge" title="პრემიერლიგა. VII ტური: პირველი გაჩერება, "უაით ჰართ ლეინი"!.. [VIDEO]" /></a></p><p></strong></span></span></div></p></p><p>ანტონიო კონტე "იუვენტუსში" ნაცად სამმცველიან მოდელს დაუბრუნდა, "ჩელსიმ" კი "ჰალს" სტუმრად მოუგო. თუმცა ერთმნიშვნელოვნად ვერ ვიტყვით, რომ მაინცდამაინც ამ ცვლილებას უკავშირდება წარუმატებელი სერიის დასასრული - ეს დრომ უნდა აჩვენოს. მანამდე კი შევაქოთ დიეგო კოშტა, რომელმაც გოლი და საგოლე პასი მიითვალა.</p><p><p><div style="text-align: center;"><span style="color: #ff0000; font-size: x-small; font-weight: bold; text-align: center;">იხილეთ ვიდეო</span><br style="color: #ff0000; font-size: x-small; font-weight: bold; text-align: center;" /><a href="/mtavari/video.html?view=video&video=8236" target="_blank" style="font-size: x-small; text-align: center;"><img src="pictures/artimages/image16/e67ea727adc5b7d3c6bbe4cdd73ad8b4.jpg" border="0" alt="Sportall.Ge" title="პრემიერლიგა. VII ტური: იურგენ კლოპისა და ანტონიო კონტეს გამარჯვებები [VIDEO]" /></a></div></p></p><p><p><div style="text-align: center;"><strong><span style="color: #ff0000;">* * *</span></strong></div></p> "ლივერპულმა", რომელსაც ნახევარდაცვის ერთ-ერთი ლიდერი ადამ ლალანა დაუშავდა (ინგლისის ნაკრების უახლოეს ორ მატჩსაც დააკლდება), ზედიზედ მეოთხე თამაში მოიგო, ოღონდ სუონსიდან 3 ქულის წამოღება იურგენ კლოპის ბიჭებს ძალიან დიდ წვალებად დაუჯდათ. უელსელთა თავკაცი ფრანჩესკო გვიდოლინი დიდი წნეხის ქვეშაა. ის ყოველი მატჩის შემდეგ ელოდება მოხსნას... ამ დროს კი ფეხბურთელები თავდადებით იცავენ მწვრთნელის სავარძელს, ყველაფერს დებენ თამაშში, მაგრამ... ჯერჯერობით, არაფერი გამოდის.</p><p>თუმცა ისიცაა, რომ ბოლო ორ მატჩში "სუონსის" მეტოქეებად ჰყავდა ჯერ "მანჩესტერ სიტი", ხოლო შემდეგ - "ლივერპული". დაგვეთანხმებით, ასეთ გუნდებს, მწირი რესურსის პირობებში, მარტო თავდადების ხარჯზე ვერ მოუგებ.</p><p>"ჩემი მომავალი? ნამდვილად არაფერი ვიცი, ეს არ არის ჩემი გადასაწყვეტი. მე ვხედავ, რომ ფეხბურთელები ყველანაირად გვერდში მიდგანან, ჩვენ კარგი ურთიერთობები გვაქვს. ჩემი მოვალეობაა, გუნდი ყოველი მატჩისთვის სათანადოდ მოვამზადო, დანარჩენი კი ხელმძღვანელობის შესაფასებელია", - თქვა გვიდოლინმა.</p><p>კლოპი უკმაყოფილო დარჩა პირველი ტაიმით: "ჩვენ თავიდანვე სტატისტის როლში ვიყავით და ეს მეტოქეს ძალიან უადვილებდა საქმეს. მეორე ნახევარში კი ყველაფერი რადიკალურად შევცვალეთ და გამარჯვებაც დავიმსახურეთ. მილნერი? თუ სეზონის ბოლოსთვის ის "ლივერპულის" ბომბარდირი იქნება, თუნდაც ყველა გოლი პენალტით ჰქონდეს გატანილი, პრობლემა არ მექნება", - თქვა კლოპმა.</p><p><p><div style="text-align: center;"><span style="color: #ff0000; font-size: x-small; font-weight: bold; text-align: center;">იხილეთ ვიდეო</span><br style="color: #ff0000; font-size: x-small; font-weight: bold; text-align: center;" /><a href="/mtavari/video.html?view=video&video=8237" target="_blank" style="font-size: x-small; text-align: center;"><img src="pictures/artimages/image16/9c670ddf7d9f3552ce7de3532ab6a207.jpg" border="0" alt="Sportall.Ge" title="პრემიერლიგა. VII ტური: იურგენ კლოპისა და ანტონიო კონტეს გამარჯვებები [VIDEO]" /></a></div></p></p><p><p><div style="text-align: center;"><strong><span style="color: #ff0000;">* * *</span></strong></div></p> ორი ბელგიელის გოლი და ზავი "გუდისონ პარკზე" - ასეთი შეიძლება იყოს მოკლე რეზიუმე პარასკევის მატჩისა, რომელშიც ის გუნდები ხვდებოდნენ ერთმანეთს, ბოლო ხანს ფორმა რომ აკრიფეს და თამაშს თამაშზე იგებდნენ.</p><p>თავიდან "ევერტონი" გაიჭრა წინ რომელუ ლუკაკუს ბრწყინვალე საჯარიმო დარტყმით, შესვენების შემდეგ კი მალე მეორე ბელგიელმა - კრისტიან ბენტეკემ დასცხო ბურთს თავური და წონასწორობა აღადგინა.</p><p>ვერ ვიტყვით, რომ "კანფეტებს" დიდი უპირატესობა ჰქონდათ. როგორც კი ანგარიში გახსნეს, რონალდ კუმანის ბიჭებმა ნაწილობრივ დათმეს სივრცეები, მაგრამ არა ისე, რომ "არწივებისთვის" ფრთების ფართოდ გაშლის საშუალება მიეცათ.</p><p>საბოლოო ჯამში, შედეგი ლოგიკურია და ეს ორივე მწვრთნელმა აღიარა, თუმცა სტუმართა თავკაც ალან პარდიუს გულში ხინჯად მაინც დარჩა გოლი, რომელიც არ ჩაითვალა. ამ ეპიზოდს კამათიც მოჰყვა. ვიდეოგამეორებისას ჩანდა, რომ დემიენ დელენი, რომლის დარტყმის შემდეგ ბურთი "ევერტონის" კარში აღმოჩნდა, თამაშგარეში არ ყოფილა. აქ ერთადერთი არგუმენტი შეიძლება იყოს "კრისტალ პალასის" ნახევარმცველ ჯეიმს მაკარტურის პოზიცია - დარტყმის მომენტში ის, თითქოსდა, მხედველობით არეალს უზღუდავდა მეკარე მაარტენ სტეკელენბურგს.</p><p><p><div style="text-align: center;"><strong><span style="color: #ff0000;">* * *</span></strong></div></p> შეცვლაზე შესული პატრიკ ვან აანჰოლტის გვიანი გოლით "სანდერლენდმა" წაგებათა სერია შეწყვიტა, თუმცა ბოლო ადგილზე დარჩა. საშინაო ფრე ვერ გაამაგრებს დევიდ მოიესის მორყეულ სკამს.</p><p>"უოტფორდი" საკუთარ "ვიკარიჯ როუდზე" ორჯერ აგებდა "ბორნმუთთან", მაგრამ ორივეჯერ გამოძვრა რთული მდგომარეობიდან. ამასთან, ვალტერ მაძარის (შაბათს 55 წლის გახდა) გუნდს გვარიანადაც გაუმართლა, როცა მეორე ტაიმში ბურთი სამჯერ მოხვდა მასპინძელთა კარის ძელს.</p><p>წარუმატებელი სერიების შემდეგ "ვესტ ჰემი" და "მიდლსბრო" ლონდონის ოლიმპიურ სტადიონზე დაზავდნენ. საოცარი გოლი გაიტანა დიმიტრი პაიემ - "ჩაქუჩების" ფრანგმა შემტევმა ბურთი მარცხენა ფლანგზე მიიღო და ჯერ ერთი მეურვე გააცურა, მერე საჯარიმოში შევარდა და მთელი დაცვა ააწიოკა, ბოლოს კი საპირისპირო მიმართულებით დაბალ კუთხეში შეაგორა ბურთი.</p><p>კვირას "ლესტერმა" და "საუთჰემპტონმა" უგოლოდ ითამაშეს არასანახაობრივ მატჩში, რომელშიც სტუმარი უფრო ახლოს იყო გამარჯვებასთან. მარტო ის მომენტი რად ღირს, ჩარლი ოსტინის დარტყმის შემდეგ ბურთი ძელს რომ მოხვდა.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</p><p><a href="/mtavari/video.html?view=video&video=8255" target="_blank"><img src="pictures/artimages/image16/dfcaa853f5092a51ce7041fea887b020.jpg" border="0" alt="Sportall.Ge" title="პრემიერლიგა. VII ტური: პირველი გაჩერება, "უაით ჰართ ლეინი"!.. [VIDEO]" /></a></p><p></strong></span></span></div></p></p><p>ტურის ბოლო მატჩში "არსენალმა" მსაჯის მიერ დამატებულ ბოლო წუთზე გაუტანა გამარჯვების გოლი "ბარნლის", თუმცა... არბიტრს სტუმრების ეს გოლი აუცილებლად უნდა გაეუქმებინა. საქმე ისაა, რომ ბურთი კარში ლორან კოსიელნის ხელიდან გავიდა, რაც ყველა რაკურსით გამეორებისას აშკარად გამოჩნდა.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</p><p><a href="/mtavari/video.html?view=video&video=8253" target="_blank"><img src="pictures/artimages/image16/61ffb059c4912724c5fb28e802dead0b.jpg" border="0" alt="Sportall.Ge" title="პრემიერლიგა. VII ტური: პირველი გაჩერება, "უაით ჰართ ლეინი"!.. [VIDEO]" /></a></p><p></strong></span></span></div></p></p><p><strong><span style="color: #0000ff;">პრემიერლიგა. VII ტური</span></strong></p><p><strong><em>ევერტონი-კრ. პალასი 1:1</p><p></em></strong>გოლები: 1:0 ლუკაკუ (35), 1:1 კ. ბენტეკე (50)</p><p>ევერტონი (4-3-3): სტეკელენბურგი - კოულმენი, იაგიელკა, ე. უილიამსი, ოვიედო (81. მორი) - გუეიე, ბერი, ქლევერლი - ბარკლი (77. მირალასი), ბოლასი, ლუკაკუ.</p><p>კრ. პალასი (4-2-3-1): მანდანდა - ჯ. უარდი, ტომკინსი, დელენი, კელი - მაკარტური (79. კაბაი), ლედლი - თაუნსენდი (90. ლი), პუნჩეონი, ზაჰა - კ. ბენტეკე.</p><p>გაფრთხილება: 5-4; კუთხური: 10-9; ჯარიმა: 16-11; თამაშგარე: 3-1; კარში დარტყმა: 13-10 (3-2); ბურთის ფლობა: 57%-43%; მაყურებელი: 38 758</p><p><strong><em>სუონსი-ლივერპული 1:2</p><p></em></strong>გოლები: 1:0 ფერი (8), 1:1 ფირმინო (54), 1:2 მილნერი (84-პენ)</p><p>სუონსი (4-3-3): ფაბიანსკი - რანხელი, ვან დერ ჰოორნი, ამატი, ნაფტონი - ფერი (72. ფულტონი), ბრაიტონი (63. კი), კორკი - რუტლიჯი (62. ბეროუ), სიგურდსონი, ბორხა.</p><p>ლივერპული (4-3-3): კარიუსი - კლაინი, მატიპი, ლოვრენი, მილნერი - ჰენდერსონი, ვინალდუმი (85. ჩანი), ლალანა (23. სტარიჯი) - მანე, კოუტინიო, ფირმინო (85. ორიგი).</p><p>გაფრთხილება: 2-2; კუთხური: 3-10; ჯარიმა: 11-9; თამაშგარე: 1-2; კარში დარტყმა: 8-18 (3-6); ბურთის ფლობა: 41%-59%; მაყურებელი: 20 862</p><p><strong><em>ჰალი-ჩელსი 0:2</p><p></em></strong>გოლები: 0:1 ვილიანი (61), 0:2 დიეგო კოშტა (67)</p><p>ჰალი (4-5-1): მარშალი - მეილერი, ლივერმორი, კ. დევისი, რობერტსონი - სნოდგრასი, ჰენრიკსენი (72. ა. ერნანდესი), კლუკასი (81. ჰადლსტოუნი), მეისონი, დიომანდი (63. მელოუნი) - მბოკანი.</p><p>ჩელსი (3-4-3): კურტუა - ასპილიკუეტა, დავიდ ლუიზი, კეჰილი - მოზესი (85. პედრო), მატიჩი, კანტე, ალონსო - ვილიანი (89. ჩალობა), აზარი (81. ოსკარი), დიეგო კოშტა.</p><p>გაფრთხილება: 2-2; კუთხური: 5-7; ჯარიმა: 13-15; თამაშგარე: 1-0; კარში დარტყმა: 8-22 (3-9); ბურთის ფლობა: 40%-60%; მაყურებელი: 21 257</p><p><strong><em>სანდერლენდი-ვესტ ბრომვიჩი 1:1</p><p></em></strong>გოლები: 0:1 ჩადლი (35), 1:1 ვან აანჰოლტი (83)</p><p>სანდერლენდი (4-1-4-1): პიკფორდი - მანკილიო, ლ. კონე, ოში, დენაიერი - კირხჰოფი (56. ვან აანჰოლტი) - უოტმორი, ნდონგი, მაკნეირი (72. როდუელი), ხაზრი (90. გუჩი) - დეფო.</p><p>ვესტ ბრომვიჩი (4-4-1-1): ბ. ფოსტერი - დოუსონი, მაკოული, ევანსი, ნიომი - ფილიპსი, დ. ფლეტჩერი, იაკობი, მაკკლინი (73. გარდნერი) - ჩადლი (90. მორისონი) - რონდონი (90. რობსონ-კანუ).</p><p>გაფრთხილება: 1-3; კუთხური: 6-5; ჯარიმა: 7-13; თამაშგარე: 2-1; კარში დარტყმა: 7-17 (2-7); ბურთის ფლობა: 56%-44%; მაყურებელი: 40 043</p><p><strong><em>უოტფორდი-ბორნმუთი 2:2</p><p></em></strong>გოლები: 0:1 უილსონი (31), 1:1 დინი (50), 1:2 კინგი (62), 2:2 საჩისი (65)</p><p>უოტფორდი (4-4-2): გომეში - ჰოლებასი, პრიოდლი, ქაბული, სუნიგა - ამრაბატი, ბეჰრამი, კაპუ (79. გედიურა), პერეირა - იგალო (58. საჩისი), დინი.</p><p>ბორნმუთი (4-2-3-1): ბორუცი - სმიტი, ფრენსისი, კუკი, დენიელსი - სორმენი, არტერი - სტანისლასი, უილშირი (74. გოსლინგი), იბე (62. კინგი) - უილსონი (90. აფობე).</p><p>გაფრთხილება: 3-4; კუთხური: 4-5; ჯარიმა: 17-11; თამაშგარე: 0-2; კარში დარტყმა: 17-11 (7-2); ბურთის ფლობა: 49%-51%; მაყურებელი: 20 575</p><p><strong><em>ვესტ ჰემი-მიდლსბრო 1:1</p><p></em></strong>გოლები: 0:1 სტუანი (51), 1:1 პაიე (57)</p><p>ვესტ ჰემი (4-3-3): ადრიანი - ბაირემი (7. არბელოა), კოლინზი, რიდი, ოგბონა - ნოუბლი (73. ლანძინი), ობიანგი, კუიატე - ტორე (46. ძაძა), პაიე, ანტონიო.</p><p>მიდლსბრო (4-2-3-1): ვალდესი - ბარაგანი, ჩემბერსი, გიბსონი, ფრენდი - დე როონი, ფორშოუ - სტუანი, დაუნინგი, ფიშერი (59. რამირესი) - როუდსი (68. ნეგრედო).</p><p>გაფრთხილება: 2-3; კუთხური: 4-5; ჯარიმა: 12-12; თამაშგარე: 5-2; კარში დარტყმა: 19-9 (2-3); ბურთის ფლობა: 40%-60%; მაყურებელი: 56 945</p><p><strong><em>მანჩესტერი-სტოკი 1:1</p><p></em></strong>გოლები: 1:0 მარსიალი (69), 1:1 ალენი (82)</p><p>მანჩესტერი (4-2-3-1): დე ხეა - ა. ვალენსია, ბაილი, სმოლინგი, ბლინდი - ერერა (84. დეპაი), პოგბა - ლინგაარდი (67. მარსიალი), მატა (67. რუნი), რაშფორდი - იბრაჰიმოვიჩი.</p><p>სტოკი (4-3-3): გრანტი - ჯონსონი, შოუკროსი, მარტინს ინდი, პიტერსი - ქემერონი, უელანი, ალენი - შაქირი (90. ბერდსლი), არნაუტოვიჩი (77. უოლტერსი), ბონი (77. კრაუჩი).</p><p>გაფრთხილება: 3-0; კუთხური: 13-2; ჯარიმა: 14-9; თამაშგარე: 1-1; კარში დარტყმა: 24-7 (9-6); ბურთის ფლობა: 67%-33%; მაყურებელი: 75 251</p><p><strong><em>ლესტერი-საუთჰემპტონი 0:0</p><p></em></strong>ლესტერი (4-4-2): შმეიხელი - სიმპსონი, მორგანი, ჰუთი, ფუხსი - მაჰრეზი, ემეტრი, დრინკუოტერი, ოლბრაიტონი (66. დ. გრეი) - სლიმანი (78. ულოა), ვარდი (66. ოკაზაკი).</p><p>საუთჰემპტონი (4-1-2-1-2): ფ. ფოსტერი - სედრიკი (27. მარტინა), ჟოზე ფონტე, ვან დიიკი, ბერტრანდი - რომეუ - ჰოიბერგი, ს. დევისი - ტადიჩი (71. ლონგი) - ოსტინი (83. უარდ-პროუსი), რედმონდი.</p><p>გაფრთხილება: 1-0; კუთხური: 3-6; ჯარიმა: 9-9; თამაშგარე: 1-2; კარში დარტყმა: 9-11 (1-5); ბურთის ფლობა: 38%-62%; მაყურებელი: 31 563</p><p><strong><em>ტოტენჰემი-სიტი 2:0</p><p></em></strong>გოლები: 1:0 კოლაროვი (9-ს. კ.), 2:0 ალი (37)</p><p>ტოტენჰემი (4-2-3-1): ლორისი - უოლკერ-პიტერსი, ალდერვეირელდი, ვერტონგენი, როუზი - სისოკო (72. დაიერი), ვანიამა - ერიქსენი, ლამელა, ალი (86. ნკუდუ) - სონი (90. იანსენი).</p><p>სიტი (4-3-3): ბრავო - საბალეტა, სტოუნზი, ოტამენდი, კოლაროვი - ფერნანდინიო, დავიდ სილვა, ფერნანდო (53. გიუნდოგანი) - ნავასი (65. იჰეანაჩო), სტერლინგი (87. სანე), აგუერო.</p><p>გამოუყენებელი პენალტი: ლამელა (65. ტოტენჰემი)</p><p>გაფრთხილება: 2-2; კუთხური: 4-3; ჯარიმა: 20-10; თამაშგარე: 8-5; კარში დარტყმა: 13-12 (7-6); ბურთის ფლობა: 42%-58%; მაყურებელი: 31 793</p><p><strong><em>ბარნლი-არსენალი 0:1</p><p></em></strong>გოლი: 0:1 კოსიელნი (90+3)</p><p>ბარნლი (4-5-1): ჰეტონი - ლოუტონი, მ. კინი, მი, უარდი - გუდმუნდსონი, ჰენდრიკი, მერნი, დეფური (62. არფილდი), ბოიდი - უოკსი.</p><p>არსენალი (4-2-3-1): ჩეხი - ბელერინი, მუსტაფი, კოსიელნი, მონრეალი - კასორლა, ჯაკა (71. ელნენი) - უოლკოტი, იოზილი, ივობი (71. ოქსლეიდ-ჩემბერლენი) - სანჩესი.</p><p>გაფრთხილება: 0-0; კუთხური: 2-6; ჯარიმა: 2-3; თამაშგარე: 4-0; კარში დარტყმა: 10-18 (1-3); ბურთის ფლობა: 32%-68%; მაყურებელი: 20 982</p><p><strong><span style="color: #ff0000;">ბომბარდირები</p><p></span></strong>6 დიეგო კოშტა (ჩელსი)</p><p>5 სერხიო აგუერო (სიტი)</p><p>მაიკლ ანტონიო (ვესტ ჰემი)</p><p>რომელუ ლუკაკუ (ევერტონი)</p><p><strong><span style="color: #ff0000;">მომდევნო ტური</span></strong></p><p><span style="text-decoration: underline;">15 ოქტომბერი:</p><p></span>ჩელსი-ლესტერი, არსენალი-სუონსი, ბორნმუთი-ჰალი, მანჩესტერ სიტი-ევერტონი, სტოკი-სანდერლენდი, ვესტ ბრომვიჩი-ტოტენჰემი, კრ. პალასი-ვესტ ჰემი;</p><p><span style="text-decoration: underline;">16 ოქტომბერი:</p><p></span>მიდლსბრო-უოტფორდი, საუთჰემპტონი-ბარნლი;</p><p><span style="text-decoration: underline;">17 ოქტომბერი:</p><p></span>ლივერპული-მანჩესტერ იუნაიტედი.</p><p><strong>ყოველდღიური სპორტული გაზეთი "ლელო"</strong></p>
არისაბალაგა შეიძლება ფაბრეგასის გუნდში გადაბარგდეს
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ამორიმი პრემიერ ლიგაში დათხოვნის პირველი კანდიდატია და პორტუგალიაში დაბრუნების ვარიანტიც გამოუჩნდა
"საუთჰემპტონთან" მატჩში "ლივერპულის" შემადგენლობა ცნობილია
პრიზი პსჟ-ს ფეხბურთელსაც ერგო - მსოფლიო საკლუბო ჩემპიონატზე საუკეთესოები დაასახელეს
"არსენალი" მზადაა "ლესტერის" ფეხბურთელის სანაცვლოდ 52 მლნ ევრო და გრანიტ ჯაკა გაიღოს
[VIDEO] მამარდაშვილის დებიუტი, ისაკის პირველი გოლი და ეკიტიკეს უცნაური წითელი - "ლივერპულმა" "საუთჰემპტონი" მინიმალური ანგარიშით დაამარცხა
"ფინალები მიყვარს და ეს კვლავ დამტკიცდა" - პალმერი მატჩის შემდეგ
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
თავისი მაინც გაიტანა - დიოკერეში უახლოეს საათებში "არსენალის" ფეხბურთელი გახდება
როგორ მიიღება კვარაცხელიას საუკეთესო ვერსია - პსჟს წაგების მიზეზები
"მონაკომ" იჯარით "ლესტერის" თავდამსხმელი აიყვანა
ამორიმს შედეგების გამოსასწორებლად 3 მატჩი მისცეს - "იუნაიტედის" ხელმძღვანელები მის შემცვლელად 5 სპეციალისტს განიხილავენ
სლოტი: მამარდაშვილმა კარგი მატჩი ჩაატარა - საუკეთესოდ ვერ ვითამაშეთ
"სიტი" პსჟ-ს კიდევ ერთი ვარსკვლავის გადაბირებას ცდილობს
"არსენალმა" "ტოტენჰემს" მთავარი სატრანსფერო სამიზნე წაართვა - ეზეს მომავალი გაირკვა
"ბარსადან" უთქმელი სიტყვებით გამომაგდეს - ბრაზილიელი მცველი
"არსენალი" "ჩელსის" შემტევს 52 მილიონ ევროდ შეიძენს
"ლივერპულმა" 17 წლის ფეხბურთელს პირველი პროფესიონალური კონტრაქტი გაუფორმა
[VIDEO] კაცნაკლული "ნაპოლი" "სიტისთან" დამარცხდა - "ბარსელონას" "ნიუკასლთან" გამარჯვება ნათხოვარმა ფეხბურთელმა მოუპოვა
"ის, მესი და რონალდო სხვა პლანეტიდან არიან" - გვარდიოლამ საკუთარი გუნდის ფეხბურთელი გამოარჩია
"იუნაიტედის" სტილი მისი შესაფერისი არ არის და იქ გადასვლით შეცდომა დაუშვა" - მერსონმა შეშკო გააკრიტიკა
"ბევრს ვმღერი და კროსვორდებს ვავსებ, რადგან..." - სერ ალექს ფერგიუსონმა მის ყოველდღიურობაზე ისაუბრა
"ლივერპულმა" შესაძლოა, "ბაიერნის" მცველი უფასოდ დაიმატოს
დღეს პსჟსა და კვარაცხელიას მორიგი დიდი ფინალი აქვს
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
გუნდში დარჩა კეინი და დაიმატეს უძლიერესი მცველი - თუ კვარაცხელია "ტოტენჰემში" გადავა, სუპერშემადგენლობა დახვდება
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
"მანჩესტერ სიტი" პრემიერლიგას ვერ მოიგებს" - მაიკლ ოუენი
"ბარსელონას" ლევანდოვსკის შემცვლელად ჰოლანის დამატება სურს - რამდენად რეალურია ტრანსფერი?
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ამდენი რამ კარიერაში იმიტომ გავაკეთე, რომ ახალგაზრდა ფეხბურთელებმა მიმითითონ, დავარტყა თუ არა?!"
"პორტოს" "არსენალის" მცველების დამატება სურს - რას ითხოვენ "მეთოფეები"?
მაჰრეზის ყოფილმა მეუღლემ ქორწინების დასრულების მიზეზად "მანჩესტერ სიტი" დაასახელა
"ჩელსი" ნიკოლას ჯექსონში 100 მილიონ ევროს ითხოვს
"მანჩესტერ სიტი" მზად არის, საკუთარი სატრანსფერო რეკორდი გააუმჯობესოს
"მანჩესტერ სიტიმ" "არსენალთან" მატჩში ანტირეკორდი დაამყარა
კონტე ლონდონში საკუთარი სიით მიდის
"არსენალს" პრემიერლიგაში საუკეთესო შემადგენლობა ჰყავს, მაგრამ მნიშვნელოვან დროს, არტეტა უკან იხევს" - კარაგერმა "მეთოფეების" მთავარი მწვრთნელი გააკრიტიკა
რატომ გააქტიურდა "ტოტენჰემი" ხვიჩას ტრანსფერზე - მიზეზი ერთი ადამიანია...
"ლესტერის" მცველი შესაძლოა "ჩელსიში" ზაფხულში გადავიდეს
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
"მეორე ადგილისთვის პრიზს არ აძლევენ" - გალასმა "არსენალი" გააკრიტიკა