<p>29 წლის ქართველ ფეხბურთელს საქართველოში უფრო უჭირს გუნდის მოძებნა, ვიდრე უცხოეთში <br> ლაშა ჯაკობია უზბეკეთის ყველაზე ცნობილ კლუბ ტაშკენტის "ფახტაკორში" ისინჯებოდა, არაბთა გაერთიანებულ საემიროებში შეკრებაზეც გაჰყვა და მარიუპოლის "ილიჩოვეცთან" საკონტროლო შეხვედრაშიც მონაწილეობდა.</p><p>მართალია, უზბეკურ გუნდში არ დარჩენილა და ამაზე დიდად გული არც წყდება, დასანანი სხვა რამ იყო - "ფახტაკორის" ამჟამინდელ ხელმძღვანელობას საქმიანი და მეგობრული ურთიერთობა აკავშირებს იაპონიის საფეხბურთო სამყაროსთან და ჯაკობია სწორედ ამის იმედად მიდიოდა.</p><p><strong>- </strong>"<strong>ფახტაკორში" რატომ ვერ დარჩი?</p><p></strong>- უზბეკებს უარი არ უთქვამთ. ცხადია, დიდი ხნის პაუზის შემდეგ, არ ვარ ფორმაში, მაგრამ შემომთავაზეს კონტრაქტი და ზაფხულამდე ერთ-ერთ უზბეკურში კლუბში განათხოვრება, რადგან აზიის ჩემპიონთა ლიგის განაცხადში ჩემს შეყვანას ვერ ახერხებდნენ. მაგრამ ასე დარჩენა არ მიღირდა.</p><p><strong>- როგორც ვიცი, წინასწარ მოილაპარაკეთ, დარჩენისა და ფორმის აღდგენის შემთხვევაში, კლუბი იღებდა ვალდებულებას, ნახევარ ან ერთ წელიწადში იაპონიის ჯეილიგაში გაეშვი.</p><p></strong>- დიახ, ასეთი ლაპარაკი მართლაც გვქონდა.</p><p><strong>- ახლა სად ვარჯიშობ?</p><p></strong>- არაბეთიდან ორი დღის წინ დავბრუნდი და დილაობით ჩემი ბავშვობის მწვრთნელი თემურ ლორთქიფანიძე მავარჯიშებს. მომწონს, ძალიან კარგი და სასარგებლო მეთოდი აქვს.</p><p><strong>- დისკვალიფიკაციის გამო დიდი დრო გაგიცდა. 29 წლის ასაკში ამ დანაკარგის ანაზღაურება შესაძლებელი გგონია?</p><p></strong>- სამწუხაროდ, მართლა დიდი დრო გამიცდა, წელიწადზე მეტიც და შეიძლება, სასწაულ დონეზე ვეღარ ვითამაშო, მაგრამ იმედი რომ არ მქონდეს, არც ვივარჯიშებდი. რეალურიც მგონია უკრაინის ჩემპიონატში დაბრუნება, მაგრამ ჯერ სათამაშო პრაქტიკა მჭირდება.</p><p><strong>- რომელიმე ქართულ კლუბში თამაში არ გიფიქრია?</p><p></strong>- რატომაც არა. ცხინვალის "სპარტაკში" ჩემი ჩარიცხვა გადაწყვეტილიც იყო, მაგრამ მერე მიზეზების გამო ვეღარ მოხერხდა. სხვათა შორის, არაბეთში ემზადებოდა კიევის "ობოლონიც", ერთ სასტუმროში ვცხოვრობდით, მისი მთავარი მწვრთნელი კი კარგად მიცნობდა და დამელაპარაკა, სამი თვე სადმე ითამაშე, ფორმა აღიდგინე და აგიყვანო.</p><p><strong>- მოკლედ, ფეხბურთს დაუბრუნდი...</p><p></strong>- იმედიც მაქვს და მონდომებაც. სერიოზულად ვვარჯიშობ და მჯერა, კიდევ შემიძლია მაღალ დონეზე თამაში. სხვათა შორის, გაჭირვების დროს უკრაინელებისგან დიდი მხარდაჭერა ვიგრძენი. ხარკოვის "მეტალისტის" მთავარი მწვრთნელი მირონ მარკევიჩი და სპორტული დირექტორი მიკავშირდებოდნენ და ჩემი ამბებით ინტერესდებოდნენ, მათაც იგივე მითხრეს, რაც "ობოლონის" მწვრთნელმა, ფორმა აღიდგინე და ზაფხულში აგიყვანთო.</p><p>"ილიჩივეცში" ორი ძველი თანაგუნდელის წინააღმდეგ ვითამაშე და ჩემი დანახვა ძალიან გაუხარდათ. კვლავ მინდა თამაში, მაგრამ საქართველოში უფრო მიჭირს გუნდის მოძებნა, ვიდრე უცხოეთში. ერთი ფეხი თუ წაგიცდება, აქ დიდ წითელ ხაზს გადაგისვამენ. ეს ჩემი ბრალია, მაგრამ როდესაც სწორ გზას დაადგები და მაინც იგივე მეორდება, გულდასაწყვეტია... არადა, მადლობა ღმერთს, ჯანმრთელად ვარ და რაც მთავარია, ფეხბურთზე ვფიქრობ და არა გართობაზე.</p><p><strong>- </strong>"<strong>ფახტაკორშია" კახა მახარაძე, რომლის თამაშიც კარგა ხანია არ გვინახავს.</p><p></strong>- კახა "ფახტაკორის" ლიდერია. გული დამწყდა, ასეთი ნიჭიერი ბიჭი უზბეკეთში არ უნდა იყოს, უკეთეს ლიგაში მოხვედრას იმსახურებს, თანაც 24 წლის არის. დარწმუნებული ვარ, კარგად თუ მოემზადება, უკრაინაში თავისუფლად ითამაშებს.</p>
აბურჯანია კარიერას საუდის არაბეთში გააგრძელებს
ხარატიშვილი ჩეხურ კლუბში გადავიდა
გადრანი "კაირატიდან" "ბეითარში" გადავიდა
"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
[PHOTO] არდა გიულერის ემოციები ესპანეთთან განადგურების შემდეგ
[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა
შენგელია: გასაკვირია ჯიკიჩი ევროლიგის გუნდს რომ არ წვრთნის
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!