- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
პრემიერლიგა ლიდერების გარეშე
<p>პრემიერლიგა. XXVIII ტურის წინ: სერ ალექს ფერგიუსონის სამწვრთნელო ხელოვნება გაჭირვებულ "უიგანთან" მატჩში გამოჩნდება <br> აგვისტოს ბოლოდან მოყოლებული ყველა იმას ამბობს, რომ პრემიერლიგაში ძალები გათანაბრდა და იმის გამოცნობა ამა თუ იმ შეხვედრაში ვინ გაიმარჯვებს, შეუძლებელია. მაგრამ, როგორც ჩანს, კატეგორიული განცხადებების გაკეთებაც არ შეიძლება - აი, მოვიდა ტური, სადაც ერთმანეთს "მანჩესტერ იუნაიტედი" და "უიგანი" ხვდებიან და... კაციშვილს არ დაცდენია, "უიგანი" მოიგებსო. არც იმას დაგიდევენ თამაში უიგანის DW-ზე რომ ტარდება. ყველა დარწმუნებულია, რომ ლიდერი გასავარდნთა სამეულის წარმომადგენელს ბდღვირს ადენს.</p><p>სტატისტიკა მოვიშველიოთ: "უიგანი" პრემიერლიგაში 2005 წელს გადავიდა და მას მერე ეს ორი გუნდი თერთმეტჯერ პრემიერლიგაში და ერთხელაც ლიგის თასზე შეხვდა ერთმანეთს. თორმეტივე თამაში მანჩესტერელთა გამარჯვებით დასრულდა. გატანილი და გაშვებული გოლების თანაფარდობას აღარ იკითხავთ? "იუნაიტედმა" "უიგანის" კარში 39-ჯერ შეაგდო, გაშვებით კი მხოლოდ 4-ჯერ გაუშვა. ძლიერს სუსტი განსაკუთრებით შარშან "შემოეჩაგრა", როდესაც შინაც და სტუმრადაც 5:0 მოუგო.</p><p>მიმდინარე სეზონში, ნოემბერში, "ოლდ ტრეფორდზე" მანჩესტერელებმა 2:0 მოიგეს. იმ შეხვედრაში ძალთა ობიექტურ თანაფარდობას ისიც დაემატა, რომ "უიგანს" მოედნიდან ანტოლინ ალკარასი და უგო როდალეგა გაუძევეს. კიდევ, ღირსშესანიშნავი ის იყო, რომ გამარჯვებამ "იუნაიტედი" პირველ ადგილზე გადაიყვანა და მართალია, "არსენალს" მხოლოდ ერთი ქულით გადაასწრო, თამაშით ნაკლები ჰქონდა.</p><p>საქმეში ჩახედული ხალხი ამბობს, რომ ოთხშაბათს, მარსელში, ჩემპიონთა ლიგის მერვედფინალში ნათამაშები 0:0-ის შემდეგ სერ ალექს ფერგიუსონს, შესაძლოა, ძირითადი შემადგენლობის რამდენიმე ფეხბურთელის დასვენება მოუნდეს, მით უფრო, რომ სამშაბათს "ოლდ ტრეფორდზე" "ჩელსისთან" გადადებული მატჩის ჩატარება უწევს.</p><p>მეორე მხრივ კი "არსენალი", რომელიც ახლახან ვახსენეთ, კუდში მისდევს და მოდუნების საშუალებას არ აძლევს. ერთი სიტყვით, სწორედ აქ უნდა გამოჩნდეს სერ ალექსის სამწვრთნელო ხელოვნება. თან, მიაქციეთ ყურადღება, "ჩელსი" ამ უქმეებზე არ თამაშობს და სამშაბათამდე "გემრიელად" დასვენებას მოახერხებს - ამ კვირაში დასავლეთლონდონელებსაც ჰქონდათ ჩემპიონთა ლიგის შეხვედრა. "კოპენჰაგენს", სტუმრად, ნიკოლა ანელკას ორი გოლით აჯობეს.</p><p>თავის მხრივ, "უიგანს" ბოლო დროს სულაც არ მიუდის საქმეები ცუდად. გუნდმა "ლივერპულსა" და "ვესტ ბრომვიჩთან" ფრედ ითამაშა, "ბლექბერნს" მოუგო და ფეხბურთელებსაც გული მიეცათ. მაგალითად, ახალგაზრდა ნახევარმცველი ჯეიმს მაკკარტი ყინჩად არის:</p><p>"ბოლო პერიოდის კარგი შედეგებიდან გამომდინარე, ჩვენ შესანიშნავ გუნებაზე ვართ და არც "მანჩესტერ იუნაიტედის" წინაშე ვაპირებთ თავის დახრას. "უიგანისთვის" ეს დიდი თამაში იქნება. მისთვის საგანგებოდ ვემზადებით. მეტოქის ბოლო რამდენიმე შეხვედრას ჩანაწერში ვუყურეთ და დაკვირვებით შევისწავლეთ. მართალია, ხალხი ამბობს, რომ მანჩესტერელები ამ სეზონში ძველებურად კარგად ვერ თამაშობენ, მაგრამ თამაშებს მაინც იგებენ და ცხრილში პირველ ადგილზე არიან. "მანჩესტერ იუნაიტედი" მაინც, ყველანაირად, ძალიან ძლიერი და სახიფათო გუნდია".</p><p>"მანჩესტერ იუნაიტედის" თამაშზე ყურადღება ასე ძალიან იმიტომ გავამახვილეთ, რომ ამ უქმეებზე პრემიერლიგაში ორი მატჩით ნაკლები ტარდება. თან, ფავორიტები არ თამაშობენ: "არსენალს" "ტოტენჰემთან" უნდა გაერკვია ურთიერთობა, მაგრამ ამის ნაცვლად, კვირას, "უემბლიზე" "ქარლინგის" თასის ფინალში "ბირმინგემს" ელის. სწორედ, ამ "ბირმინგემს" უნდა შეხვედროდა "ჩელსი".</p><p>"მანჩესტერ სიტი" ყოფილი მწვრთნელის, მარკ ჰიუზის "ფულჰემს" მასპინძლობს და, რასაკვირველია, ბრძოლა ელის, თუმცა გამარჯვების შემთხვევაში მესამე პოზიციას განიმტკიცებს. "ლივერპულს" კი კვირას "ვესტ ჰემთან" აქვს სათამაშო. თუ გაიმარჯვებს, "ჩელსის" სამი ქულით მიუახლოვდება.</p><p>და მაინც, "ლურჯებს" ორი შეხვედრა თადარიგში რჩებათ... გარდა ამისა, "ლივერპულმა" ერთი კვირის წინ, ზედიზედ ოთხი გამარჯვების შემდეგ "უიგანთან" ითამაშა 1:1. მაშინ კენი დალგლიშმა წაფორხილება კალენდარს დააბრალა, მაგრამ თუ კალენდარსა და დაღლაზეა ლაპარაკი, მაშინ, ისიც უნდა გავითვალისწინოთ, რომ გუნდმა ხუთშაბათს ევროლიგაში პრაღის "სპარტას" უმასპინძლა და 1:0 გამარჯვებას ძალა შეალია... ერთი სიტყვით, დაღლის მომენტი არც ამჯერად უნდა გამოვრიცხოთ.</p><p><strong>დღეს</strong></p><p><em><strong>ასტონ ვილა-ბლექბერნი 19:00</strong></em></p><p>დისკვალიფიკაცია: მაკუნი (ასტ)</p><p>ტრავმა: კუელიარი, იანგი, დელფი, უაიმენი - ჟივე, ჯონსი.</p><p><em><strong>ევერტონი-სანდერლენდი 19:00</strong></em></p><p>ტრავმა: როდუელი, საა, ბერკლი - უილბეკი, მეილერი, კატერმოული, ტერნერი, კემპბელი.</p><p><em><strong>ნიუკასლი-ბოლტონი 19:00</strong></em></p><p>ტრავმა: ამეობი, აირლენდი, სმიტი, ბენ არფა - ნაითი, სამუელი</p><p><em><strong>უიგანი-მანჩესტერ იუნაიტედი 19:00</strong></em></p><p>ტრავმა: კლივერლი, ალკარასი - ანდერსონი, ოუენი, პარკ ჯი-სუნი, ჰარგრივზი, ევანსი, ფედინანდი, ვალენსია</p><p><em><strong>ვულვზი-ბლექპული 19:00</strong></em></p><p>ტრავმა: ზუბარი, კიგთლი, გუედიოურა - რაჩუბკა, გილკსი, კრეინი, ბეშემი, კლარკი</p><p><strong>ხვალ</strong></p><p><em><strong>ვესტ ჰემი-ლივერპული 17:30</strong></em></p><p>ტრავმა: ტომკინსი, კინი, აპსონი, კურუჟი - შილვი, ჯ. კოული</p><p><em><strong>მანჩესტერ სიტი-ფულჰემი 19:00</strong></em></p><p>ტრავმა: რაზაკი, დე იონგი, ა. ჯონსონი - ეტუჰუ, სენდეროსი</p><p><strong>ზეგ</strong></p><p><em><strong>სტოკი-ვესტ ბრომვიჩი 24:00</strong></em></p><p>ტრავმა: ეზერინგტონი, სიდიბე - იბანიესი</p><p>თ მ ფ წ ბ ქ</p><p>1. მანჩესტერი 26 16 9 1 57-25 57</p><p>2. არსენალი 27 17 5 5 57-27 56</p><p>3. სიტი 27 14 7 6 43-24 49</p><p>4. ტოტენჰემი 27 13 8 6 38-31 47</p><p>5. ჩელსი 26 13 6 7 46-22 45</p><p>6. ლივერპული 27 11 6 10 35-32 39</p><p>7. სანდერლენდი 27 9 10 8 33-33 37</p><p>8. ბოლტონი 27 9 9 9 38-37 36</p><p>9. ნიუკასლი 27 9 8 10 42-38 35</p><p>10. სტოკი 27 10 3 14 31-34 33</p><p>11. ბლექბერნი 27 9 5 13 34-42 32</p><p>12. ბლექპული 27 9 5 13 42-51 32</p><p>13. ფულჰემი 27 6 13 8 28-28 31</p><p>14. ევერტონი 26 6 12 8 33-36 30</p><p>15. ბირმინგემი 26 6 12 8 25-35 30</p><p>16. ასტონ ვილა 27 7 9 11 31-46 30</p><p>17. ვესტ ბრომვიჩი 27 7 7 13 35-52 28</p><p>18. უიგანი 27 5 12 10 27-45 27</p><p>19.ვესტ ჰემი 27 5 10 12 30-48 25</p><p>20. ვულვზი 27 7 4 16 27-46 25</p><p>ბომბარდირები: 19 - ბერბატოვი (მანჩესტერ იუნაიტედი); 18 - ტევესი (მანჩესტერ სიტი); 11 - ქეროლი (ნიუკასლი/ლივერპული); 10 - ვან დერ ვაარტი (ტოტენჰემი), ნოლანი (ნიუკასლი), ბენტი (ასტონ ვილა), ვან პერსი (არსენალი); 9 - კეჰილი (ევერტონი), კემპბელი (ბლექპული), დემპსი (ფულჰემი), დროგბა (ჩელსი), ელმანდერი (ბოლტონი), ასამოა (სანდერლენდი), მალუდა (ჩელსი), ნანი (მანჩესტერ იუნაიტედი), ნასრი (არსენალი), ოდემვინგე (ვესტ ბრომვიჩი), ტორესი (ლივერპული/ჩელსი).</p><p>.</p>
კიდევ ერთი ვარსკვლავი "ლივერპულიდან" "რეალში" უფასოდ - კონატეს მადრიდულ გრანდში გადასვლა უნდა
“ჩემს ცოლს უთხრა, შენ ქმარს ძლიერი სპერმა აქვსო” - რუნიმ ვან გაალთან გატარებული პერიოდი გაიხსენა
ონანა კარიერას სავარაუდოდ, თურქეთში განაგრძობს
დიდი 10 | ბათუმი 32:20 გორი
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ასეთი რამ, აქამდე არ მინახავს" - ლუკა დონჩიჩი
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა