<p>ქართველმა კალათბურთელმა fiba.com-თან კენჭისყრაზე და საქართველოს ნაკრების პერსპექტივაზე ისაუბრა <br> 22 ნოემბერს, სტამბოლში ევროპის 2017 წლის ჩემპიონატის კენჭისყრა გაიმართება, რის შედეგადაც საქართველოს ნაკრების მეტოქეებს შევიტყობთ.</p><p>წინასწარ ისეთი ვითარებაა შექმნილი, რომ ჩვენი ნაკრები ისრაელის ან ფინეთის ჯგუფში მოხვდება. ეს იმიტომ, რომ განთესვის კალათაში საქართველოსთან ერთად მყოფი რუსეთი და უნგრეთი შესაბამისად ევრობასკეტის მასპინძელმა თურქეთმა და რუმინეთმა პარტნიორებად აირჩიეს. წესების თანახმად კი, განთესვის ერთ კალათაში მოხვედრილი გუნდები ევრობასკეტის ჯგუფში ერთად ვერ მოხვდებიან.</p><p><a href="/kalatburti/qarthuli-kalathburthi/erovnuli-nakrebi/98584-evrobasket-2017-is-oficialuri-ganthesva-cnobilia-saqarthvelo-iv-kalathashia.html" target="_blank"><span style="color: #0000ff;">- ევრობასკეტ 2017-ის ოფიციალური განთესვა ცნობილია - საქართველო IV კალათაშია</span></a></p><p>მსოფლიო კალათბურთის მმართველმა ორგანიზაცია ფიბა-მ საკუთარ ვებგვერდზე გამოაქვეყნა საქართველოს ნაკრების ერთ-ერთი ლიდერის, თორნიკე შენგელიას ინტერვიუ, სადაც კენჭისყრაზე და საქართველოს ნაკრების პერსპექტივაზეა საუბარი.</p><p>"საქართველო მე-4 კალათაშია განთესილი, სადაც სლოვენია, უნგრეთი და რუსეთიც ირიცხებიან. ცხადია, კალათის მეზობლები ერთ ჯგუფში ვერ მოხვდებიან. მას შემდეგ, რაც თურქეთმა თანამასპინძლად რუსეთი აირჩია, ხოლო რუმინეთმა - უნგრეთი, საქართველოს და სლოვენიას არეალი შეუმცირდათ: ერთი მათგანი ჰელსინკში გაემგზავრება, მეორე კი - თელ ავივში.</p><p><em></p><p>"ცხადია, არჩევანს ისრაელის სასარგებლოდ ვაკეთებ, სადაც ბევრი ქართველი ცხოვრობს, ჰელსინკში კი ასე არაა. ქომაგები დარბაზში მრავლად მოვლენ და თავს ისე ვიგრძნობთ, როგორც - შინ. როდესაც გულშემატკივარი შენთანაა და გამხნევებს, ეს დიდებული გრძნობაა.</p><p>ასე რომ, რაც უფრო მეტი ქართველი იქნება ჩვენ გვერდით, მით უკეთესი. საკვალიფიკაციო მატჩების დროს თბილისურ დარბაზში წარმოუდგენელი ატმოსფერო იყო. მართლაც ძნელია იმის აღწერა, რაც ამ თამაშებზე ხდებოდა, ეს კი გუნდის შედეგებზეც აისახა",</em> - ამბობს შენგელია.</p><p>და როგორია საქართველოს შანსები ევრობასკეტის ფინალურ ეტაპზე? ისევ თოკოს მოვუსმინოთ.</p><p><em></p><p>"თუკი ნაკრების ყველა წევრი ჯანმრთელად იქნა და ჩემპიონატს სასურველ კონდიციებში შეხვდა, ვფიქრობ, ერთ-ერთი ძლიერი გუნდი გვეყოლება და თუკი სასურველი შემადგენლობით ვიქნებით, მგონი, აღარც უნდა ვიფიქროთ, რომელი მეტოქეები გვერგებიან. ბოლო-ბოლო, თუნდაც ყველაზე ძლიერ ნაკრებებს ერთ კონკრეტულ მატჩში შევხვდებით და თუკი 100%-ით დავიხარჯებით, ყველაფერი შეიძლება მოხდეს.</p><p>კალათბურთში ჩვეული ამბავია, როდესაც სუსტ გუნდთან აგებ, თუ სასურველ დონეზე არ თამაშობ. ამასთან, თუკი მოედანზე ყველაფერს ტოვებ, ფავორიტის ძლევაც შესაძლებელია. ჩემთვის ძლიერ გუნდებთან თამაში გაცილებით სასიამოვნო და აზარტულია. მათთან გამარჯვებას სხვა გემო აქვს".</em></p><p>თუ 25 წლის შენგელიას სურვილი ახდა და საქართველოს ნაკრები ისრაელთან ჯგუფში მოხვდა, მეტოქედ ლიტვის ნაკრებიც ეყოლება, რომელიც ებრაელებმა თანამასპინძლად აირჩიეს. ცხადია, ამ შემთხვევაში, მეხსიერებაში 2015 წლის ევროპის ჩემპიონატის ყველაზე თვალსასეირო მერვედფინალი წამოტივტივდება. მაშინ ქართველმა კალათბურთელებმა ფავორიტს დიდი წინააღმდეგობა გაუწიეს.</p><p>თავად შენგელიამ სათადარიგოთა სკამზე ნაადრევად, 5 პერსონალური ფოლის მიღების შემდეგ გადაინაცვლა, ბალტიისპირელთა მხრიდან კი ფენომენალური მატჩი ჩაატარა იონას მაჩიულისმა, რომელმაც 34 ქულა ჩააგდო. ლიტვამ საქართველოს გაჭირვებით - 85:81 სძლია, სამიოდ დღეში კი, უკვე ფინალში თამაშობდა ესპანეთთან.</p><p>ბევრის აზრით, გასულ ევრობასკეტზე ქართველი კალათბურთელები მეოთხედფინალში გასვლას იმსახურებდნენ, თუმცა, პლეი-ოფის პირველივე ეტაპზე უხერხულ მეტოქეს გადაეყარნენ. თორნიკე ამ მოსაზრებას ნაწილობრივ ეთანხმება და თვლის, რომ იმ მატჩის მოგების შანსი მაინც იყო.</p><p><em>"ის თამაში დღემდე კარგად გვახსოვს. თითქმის ბოლომდე წინ ვიყავით, დასკვნით წუთებში კი ლიტვამ გვაჯობა და მეოთხედფინალის საგზური მოიპოვა. მახსოვს, მაშინ ამ წარუმატებლობის გათავისება ძალიან გვიჭირდა.</p><p>ცხადია, დიდი მნიშვნელობა აქვს, მეტოქედ რომელი გუნდი გერგება, მაგრამ ამას თავად ვერ განსაზღვრავ. სამაგიეროდ, ჩვენი თამაშის კონტროლი ხომ შეგვიძლია? ყველაფერი უნდა გავაკეთოთ, რომ დასახულ გეგმას მივდიოთ".</em></p><p>ის, რომ შენგელია მომავალი ევრობასკეტისთვის ძალიან მოტივირებულია, ფიბა-ს ვებგვერდისთვის ნათქვამი მისი დასკვნითი სიტყვებიც მოწმობს:</p><p><em></p><p>"ჩვენ ევროპის ჩემპიონატზე ზედიზედ მეოთხედ გავედით, რითაც ყველას ვეუბნებით, რომ აქ ყოფნას ვიმსახურებთ და ევროპაში ერთ-ერთი საუკეთესო ნაკრები გვყავს. მით უმეტეს, რომ თითქმის მუდმივად, ფინალურ ეტაპზე შესარჩევი ჯგუფის ლიდერის რანგში ვხვდებით.</p><p>ვფიქრობ, მოვიდა დრო, ევრობასკეტზე ჩვენი საუკეთესო თამაში ვაჩვენოთ. ამისთვის, ისე უნდა გავისარჯოთ, როგორც ლიტვასთან ხსენებულ მატჩში. უბრალოდ, ამჯერად, მცირედით იღბალიც ჩვენს მხარეს უნდა იყოს"</em>.</p><p><strong></p><p>მომზადებულია gbf.ge-ს მიხედვით</strong></p>
ALONZO
გუნდის მწვრთნელმა უნდა გაითვალისწინოს, რომ ძლიერი გუნდები თამაშის ბედს მე-3(20 ქულიანი სხვაობის შემთხვევაში) ან მე-4 პერიოდში წყვეტენ. ფიზმომზადება და ამასთანავე ტაქტიკა გამოსაჩენია მე-4 პერიოდში სადაც ქართველებს ყველა სპორტში გვიჭირს (ფეხბურთი,რაგბი და მით უმეტეს კალათბურთი). ფსიქოლოგიური მუშაობა აუცილებელია იმ საკითხში,რომ არაფრის მომცემი ჯარიმები არ ავიღოთ. და თავი დავანებოთ 3-ქულიანებს.
gizog
გაიხარე თოკო, ღმერთი თქვენკენ. მრავალ გიორგობის დღესასწაულს სულ გამარჯვებული დასწრებოდე ოჯახთან ერთად.
kote
ფეხბურტში რომ ტყუილად ყრით უზარმაზარ ფულს, შედეგი კი მხოლოდ ნერვების შლაა, კალათბურთი დააფინანსეთ, რომელიც შედეგსაც დებს და პოზიტივი მოდის. თურმე ფედერაციას ერთი დარბაზიც არ ქონია და იჯარაში სახელმწიფოს წლიურად მილიონს უხდიან.
საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება
"ჩვენ დავბრუნდებით" - ფრანგების მწვრთნელმა საქართველოსთან მარცხის მიზეზი განმარტა
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
"კიდევ ერთხელ დავამტკიცეთ რომ ყველასთან შეგვიძლია თამაში. მადლობა გულშემატკივარს" - თორნიკე შენგელია
ევრობასკეტზე ჩასულ საქართველოს ნაკრებს კაპიტანი თორნიკე შენგელია ლიმასოლში დახვდა
[VIDEO] კატასტროფული მეოთხე მეოთხედი - საქართველოს ნაკრები იტალიასთან დამარცხდა
შენგელია: გასაკვირია ჯიკიჩი ევროლიგის გუნდს რომ არ წვრთნის
Marca: საქართველოს ნაკრების სერიოზული პრობლემა - შენგელიას ექიმების რჩევის მიუხედავად ნებისმიერ ფასად თამაში სურს
კარგი ამბავი - FIBA-მ შენგელიას მსაჯების შეურაცხყოფისთვის დისკვალიფიკაცია არ მისცა