<p>პრემიერლიგა: "სტემფორდ ბრიჯიდან" მთელმა მსოფლიომ ნამდვილად ის ნახა, რასაც "ჩელსი"-"მანჩესტერისგან" ელოდა <br> ლონდონის "სტემფორდ ბრიჯიდან" მთელმა მსოფლიომ ნამდვილად ის ნახა, რასაც ელოდა: ჩინებული სანახაობა, სადავო მომენტები, ვნებათაღელვა, ცალკეულ მოთამაშეთა გამორჩეული თამაში, სამი გოლი, მეკარეთა დიდებული თამაში და სხვა.</p><p>მოკლედ, ყველაფერი, რაც ფეხბურთს ამშვენებს. საბოლოოდ "ჩელსიმ" "მანჩესტერ იუნაიტედს" 2:1 მოუგო (მანჩესტერელებს ამ სტადიონზე წარმატებისთვის 2002 წლის მერე არ მიუღწევიათ) და მეხუთედან მეოთხე ადგილზე გადაინაცვლა, "იუნაიტედი" კი, მართალია, კვლავ ლიდერად დარჩა, მაგრამ თუ აქამდე კარგა ხნის განმავლობაში "არსენალთან" შედარებით ხან ორი და ხანაც ერთი თამაში ჰქონდა მარაგში, დღეს პირიქით, "მეთოფეებზე" ერთით მეტი აქვს ნათამაშები.</p><p>ზემოთ რამდენიმე სადავო მომენტი ვახსენეთ. ვფიქრობთ, ნანახი თამაშის მომენტების აღწერას მათი გახსენება სჯობს. ასეთი ალბათ სამი იყო: ჯონ ტერის ხელი პირველ ტაიმში, დავიდ ლუიზის მიერ უბურთო უეინ რუნის წაქცევა (ეგრეთ წოდებული ტაქტიკური ჯარიმა, რომელიც ბრაზილიელმა მთელი მსოფლიოს დასანახად "აიკიდა") და იური ჟირკოვის პენალტი. ტერის ეპიზოდს მსაჯი მარტინ ატკინსონი კარგად ხედავდა და, ვფიქრობთ, "ჩელსის" კარში პენალტი რომ არ დანიშნა კი არ შეცდა, არამედ, სრულიად შეგნებულად მოიქცა ისე, როგორც ჩათვალა საჭიროდ - ტერი ხელს ვერსად წაიღებდა.</p><p>ეს ის შემთხვევა იყო, როდესაც ხელი კი არ უღობავს ბურთს გზას, არამედ ბურთი ხვდება ხელს. ლუიზი კი, რასაკვირველია, გასაძევებელი იყო. ტაქტიკურ ჯარიმებს, რასაკვირველია, ყველა გუნდის ფეხბურთელები მისდევენ. თუნდაც "იუნაიტედის" ცენტრალური მცველის ნემანია ვიდიჩის პირველი ყვითელი გავიხსენოთ: სერბმა სრულიად შეგნებულად გამოსდო მეტოქეს სარმა - ბურთი უკვე სხვაგან იყო - მაგრამ ლუიზს მაინც მეტისმეტი მოუვიდა. ბარემ აქვე დავძენთ, რომ ჩვენი აზრით ეს მცველები, ვიდიჩი და ლუიზი, ბრანისლავ ივანოვიჩთან ერთად, გამორჩევით კარგად თამაშობდნენ. შეგახსენებთ, რომ ლუიზმა გოლიც გაიტანა, ანგარიში გაათანაბრა და ბევრმა გადაცემამ თუ გამოცემამ მატჩის საუკეთესო მოთამაშედაც დაასახელა.</p><p>რაც შეეხება პენალტის ეპიზოდს... კონტაქტი ალბათ იყო, მაგრამ ეგეთი პენალტები ბევრჯერ არ დანიშნულა. მოკლედ, რას გაიგებ... მსაჯია და გუნება.</p><p>მატჩის შემდეგ "ჩელსის" თავკაცმა კარლო ანჩელოტიმ თქვა: "კარგად ვითამაშეთ. ეს იყო ძნელი მატჩი იმ გუნდის წინააღმდეგ, რომელმაც მართლა შესანიშნავი ფეხბურთი აჩვენა. პირველ ტაიმში იყო პერიოდი, როდესაც "მანჩესტერმა" მეტისმეტად ლაღი თამაში გაახურა და ჩვენ გაგვიჭირდა, მაგრამ შესვენების შემდეგ ვიყოჩაღეთ. არც ღონე დავაკელით, არც სიმძლავრე და არც ინტენსიურობა".</p><p>"მანჩესტერ იუნაიტედის" თავკაცი სერ ალექს ფერგიუსონი: "პირველი გოლის დროს ჩვენი დაცვა უხეშად შეცდა. ცუდი იყო, რომ წავაგეთ. ჩვენს კარში დანიშნული პენალტიც მეტად საეჭვო იყო, მაგრამ ზოგადად ნამდვილად კარგად ვითამაშეთ. ასეთი ფეხბურთით წაგებას არ ვიმსახურებდით. ვამაყობ ჩემი ფეხბურთელებით".</p><p><strong>ჩელსი-მანჩესტერ იუნაიტედი 2:1</p><p></strong>ჩელსი (4-4-2): ჩეხი - ივანოვიჩი, დავიდ ლუიზი (81. ბოსინგვა), ტერი, ე. კოული - რამირესი, ესიენი, ლემპარდი, მალუდა (71. ჟირკოვი) - ანელკა (61. დროგბა), ტორესი.</p><p>მანჩესტერ იუნაიტედი (4-4-2): ვან დერ სარი - ო"ში, სმოლინგი, ვიდიჩი, ევრა (81. ფაბიო) - ფლეტჩერი, ქერიკი, სქოულზი (70. გიგზი), ნანი - რუნი, ერნანდესი (70. ბერბატოვი).</p><p>გოლები: 0:1 რუნი (29), 1:1 დავიდ ლიუზი (54), 2:1 ლემპარდი (79-პენ)</p><p>გაფრთხილება: რამირესი, დავიდ ლუიზი, ესიენი - ვიდიჩი, გიგზი</p><p>გაძევება: ვიდიჩი (90)</p><p>კუთხური: 10-2; ჯარიმა: 10-14; კარში დარტყმა: 20-9 (7-2); თამაშგარე: 1-2; ბურთის ფლობა: 45%-55%</p><p>მაყურებელი: 41 825</p><p>1. მანჩესტერი 28 17 9 2 62:27 60</p><p>2. არსენალი 27 17 5 5 57:27 56</p><p>3. სიტი 28 14 8 6 44:25 50</p><p>4. ჩელსი 27 14 6 7 48:23 48</p><p>5. ტოტენჰემი 27 13 8 6 38:31 47</p><p>6. ლივერპული 28 11 6 11 36:35 39</p><p>7. ბოლტონი 28 9 10 9 39:38 37</p><p>8. სანდერლენდი 28 9 10 9 33:35 37</p><p>9. ნიუკასლი 28 9 9 10 43:39 36</p><p>10. სტოკი 28 10 4 14 32:33 34</p><p>11. ევერტონი 27 7 12 8 35:36 33</p><p>12. ასტონ ვილა 28 8 9 11 35:47 33</p><p>13. ფულჰემი 28 6 14 8 29:29 32</p><p>14. ბლექბერნი 28 9 5 14 35:46 32</p><p>15. ბლექპული 28 9 5 14 42:55 32</p><p>16. ბირმინგემი 26 6 12 8 25:35 30</p><p>17. ვესტ ბრომვიჩი 28 7 8 13 36:53 29</p><p>18. ვულვზი 28 8 4 16 31:46 28</p><p>19. ვესტ ჰემი 28 6 10 12 33:49 28</p><p>20. უიგანი 28 5 12 11 27:49 27</p>
უგოლო ფრე ბირმინგემში - "ასტონ ვილა" "ნიუკასლს" დაუზავდა
ედერსონი "გალათასარაისთან" ახლოს - დონარუმა "სიტიში" მიდის
ჯეიდონ სანჩო "რომაში" გადასვლასთან ახლოსაა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია