5 დეკემბერს "უმცროსმა ბორჯღალოსნებმა" "შევარდენზე" სამხრეთაფრიკელ თანატოლებთან მეორე ამხანაგური მატჩი გამართეს, რომელიც სტუმრების გამარჯვებით ანგარიშით 40:33 დასრულდა.
შეხვედრაში ანგარიში სამხრეთ აფრიკამ გახსნა. უკვე 21-ე წუთისთვის მეტოქემ სამი ლელოს დადება მოახერხა და 19:0 დაწინაურდა.
27-ე წუთზე ჩვენი მხრიდან ლელოს დადება ლევან ქუშაშვილმა მოახერხა, სანდრო მარგიანმა კი გარდასახა და სხვაობა შეამცირა - 7:19. ამის შემდეგ კვლავ სტუმრებმა დადეს ლელო, რასაც ლუკა ხეხელაშვილის საპასუხო ლელო მოჰყვა, თუმცა მეტოქისგან განსხვავებით ვერ გარდავსახეთ და ანგარიში 12:26 გახდა.
მეორე ტაიმში სტუმრებმა კიდევ ორი ლელო დადეს, ხოლო 64-ე წუთზე იოანე იაშაღაშვილი გამოირჩა და საქართველოს აქტივში მესამე ლელო ჩაწერა, ლაშა ლომიძემ გარდასა და ანგარიში 19:40 გახდა.
ამის შემდეგ "უმცროსმა ბორჯღალოსნებმა" კიდევ ერთი ლელოს დადება მოახერხეს, ამჯერად გიორგი მარგალიტაძე გამოირჩა, ლომიძემ გარდასახა და ანგარიშში სხვაობა კიდევ უფრო შემცირდა - 26:40.
ქართველი მორაგბეები ამაზე არ შეჩერებულან და 79-ე წუთზე თემურ კოხოძემ დადო ლელო, ლომიძემ კვლავ ზუსტად გარდასახა და საბოლოო ანგარიში 33:40 დაფიქსირდა.
შეგახსენებთ, რომ პირველ მატჩში "უმცროსი ბორჯღალოსნები" სამხრეთ აფრიკასთან 21:28 დამარცხდნენ. წინა შეხვედრაში ქართველებმა 2 ლელო დადეს, ახლა კი 5 ლელოს დადება მოახერხეს.
![alt](/pictures/image50/b3995e1bb8532f3968972f67d2f4e78a.jpg "5 ეფექტური ლელო! - "უმცროსი ბორჯღალოსნებმა" სამხრეთ აფრიკა ბოლოსკენ გატეხეს")
ქართველების 2 ლელო - "უმცროსი ბორჯღალოსნები" სამხრეთ აფრიკას შეხვდა [VIDEO]
![ურუგვაის მხოლოდ ერთი საათით ვაჯობეთ [VIDEO]](/pictures/image7/f4e7090afd5c1940f2ffca81d14c3e4f.jpg "ურუგვაის მხოლოდ ერთი საათით ვაჯობეთ [VIDEO]")
![U19. საქართველო-სამხრეთ აფრიკა [LIVE]](/pictures/image7/3f96d61d79452895f60c63c4f3d185d2.jpg "U19. საქართველო-სამხრეთ აფრიკა [LIVE]")
