"უმცროსმა ბორჯღალოსნებმა" დებიუტანტ ჩეხეთს 12 უპასუხო ლელო გაუტანა და იოლად, 76:0 დაამარცხა.ამ გამარჯვებით მათ ევროპის ჩემპიონის ტიტულის დაცვისკენ პირველი ნაბიჯი გადადგეს და ნახევარფინალში ბელგიას შეხვდებიან, რომელმაც თავის მხრივ, ტურნირის მასპინძელი რუსეთი 21:10 დაამარცხა.
ჩვენმა 18-წლამდელებმა ჩეხეთთან ანგარიში პირველსავე წუთზე გახსნეს. მეტოქე მოლში არ შემოვიდა და ლელო ნიკოლოზ ბაბუნაშვილმა გაიტანა. მე-5 წუთზე ნიკოლოზ კინწურაშვილმა ხაზი გაჭრა და ცალი ხელით ბურთი ლელოში გიგა ქურხულს შეაყოლა. მე-7 წუთზე მოლი უკვე მარჯვენა ფრთიდან აგორდა და მორიგი ლელო გავიდა. მალევე მეტოქის 22-ში მათივე დერეფანი
მოვიგეთ და ორი მიძალების შემდეგ ლელო გიორგი მამაიაშვილმა გაიტანა.
მე-12 წუთზე ქურხულმა გაჭრა ხაზი და ლელოში თორნიკე ბაიხოიძე დაგეზა. მე-16 წუთზე 15-მეტრიანი მოლი ბაბუნაშვილის მორიგი ლელოთი დასრულდა. ესტაფეტა ხაზის მოთამაშეებმა გადაიბარეს და შემდეგი ლელოები შალვა აფციაურმა, ლუკა სახელაშვილმა და საბა არჩვაძემ გაიტანეს. პეტრე ხუციშვილმა 9-იდან 7 გარდასახა – 59:0.
მეორე ტაიმი 5 წუთის დაწყებული იყო, როდესაც შეცვლაზე შესულმა ალექსანდრე ჯიღაურმა თავად შეუტია და ანგარიში კიდევ უფრო გაზარდა. დარჩენილ დროში საქართველომ ორი ლელო გაიტანა, დავით იმნაძემ ერთი გარდასახა. მატჩი 76:0 დასრულდა.
თასის ნახევარფინალური მატჩი 6 ოქტომბერს გაიმართება. მეორე ნახევარფინალში პორტუგალია ესპანეთს ეთამაშება. პორტუგალიამ ნიდერლანდებს 26:15 სძლია, ხოლო 2019 წლის ფინალისტმა ესპანეთმა რუმინეთს 45:8 აჯობა.
ხაზი: 15. საბა არჩვაძე, 14. შალვა აფციაური, 13. თორნიკე კახოიძე, 12. ზურაბ ონიანი, 11. ლუკა სახელაშვილი, 10. პეტრე ხუციშვილი (კაპ.), 9. დავით ხუროშვილი;
შერკინება: 1. გიორგი მამაიაშვილი, 2. ნიკოლოზ ბაბუნაშვილი, 3. ბადრი ციხისთავი, 4. ნიკა ლომიძე, 5. ნიკოლოზ კინწურაშვილი, 6. თორნიკე ბაიხოიძე, 7. ლაშა ციხისთავი, 8. გიგი ქურხული;
მარქაფა: 16. თორნიკე ბოყოველი, 17. ლაშა ფხაკაძე, 18. ირაკლი აფციაური; 19. გიორგი გერგედავა, 20. რატი ზაზაძე, 21. ალექსანდრე ჯიღაური; 22. დავით იმნაძე, 23. ლაშა ცხოვრებაძე.
მთავარი მწვრთნელი: ზურაბ ამონაშვილი
მწვრთნელები: პაატა მაისურაძე, თორნიკე ბუბუტეიშვილი
შერკინება: 1. გიორგი მამაიაშვილი, 2. ნიკოლოზ ბაბუნაშვილი, 3. ბადრი ციხისთავი, 4. ნიკა ლომიძე, 5. ნიკოლოზ კინწურაშვილი, 6. თორნიკე ბაიხოიძე, 7. ლაშა ციხისთავი, 8. გიგი ქურხული;
მარქაფა: 16. თორნიკე ბოყოველი, 17. ლაშა ფხაკაძე, 18. ირაკლი აფციაური; 19. გიორგი გერგედავა, 20. რატი ზაზაძე, 21. ალექსანდრე ჯიღაური; 22. დავით იმნაძე, 23. ლაშა ცხოვრებაძე.
მთავარი მწვრთნელი: ზურაბ ამონაშვილი
მწვრთნელები: პაატა მაისურაძე, თორნიკე ბუბუტეიშვილი
