U20. საქართველოს ნაკრები მსოფლიო გრანდთან ბრძოლაში დამარცხდა

ფრანგებს,აქამდეც ჰქონდათ ჩატარებული თამაშები და ეს,აშკარად ჩანდა თამაშში.ჩვენთვის კი,ეს პირველი თამაში იყო და ესეც აშკარად იგრძნობოდა.პირველ ტაიმში,უპირატესობაც კი გვქონდა,თუმცა რამდენიმე ინდივიდუალურმა შეცდომამ,მეტოქეს წნეხის დადების საშუალება მისცა და აღმოჩნდა,რომ დაცვის ბოლო ზღუდეზე,ფრანგები ჩვენზე ორგანიზებულები იყვნენ.რა თქმა უნდა,ესეც შეთამაშებაში მათი უპირატესობის ბრალია.კიდევ გვექნება თამაშები და ეს გამოსწორდება.ყველაზე დიდი ნაკლი,რაც თვალში მეცა,ეს იყო რაქიდან ბურთის ნელა გამოტანა.ძალიან დიდ დროს ვკარგავდით და ფრანგები ყველაფრის გადაკეტვას ასწრებდნენ.შედეგად,უპირატესობის ხაზი გადაკვეთა გვიჭირდა.ფრანგებმა პირველ ტაიმში ლელო რომ დაგვიდეს,ალამთან შემოვიდა ჩათვლის ზონაში და მთე ჩვენი გუნდი გაჩერდა.არავინ სცადა,მისთვის გზა გადაეჭრა და ბურთის უფრო კარიდან შორს დამიწება ეიძულებინა.ჩვენ ხომ გაგვიფუჭდა დარტყმები და იქნებ მათაც გაჰფუჭებოდათ,გარდასახვა.მატჩის ბოლოს,ჯარიმა რომ გაგვიფუჭდა,ამის შემდეგ ფრანგების შეტევისას,ზედიზედ გაგვიფუჭდა ბოჭვები.იქაც აშკარა იყო,რომ ბიჭები დანებდნენ და მოეშვნენ,უკვე წაგებული გვაქვსო.ასე არ შეიძლება.შარშან სამხრეთ აფრიკაში გამართულ მსოფლიოს ჩემპიონატზე,სწორედ ასე გაშვებულმა ერთმა ლელომ
და შედეგას ვერ აღებულმა ერთმა ბონუს ქულამ დაგვტოვა ნახევარფინალის მიღმა.იბრძოლე ბოლომდე.ეს მუდამ უნდა გვახსოვდეს.კიდევ კარში დარტყმებზე გავამახვილებდი ყურადღებას.სამი გარდასახვიდან და ერთი ჯარიმიდან,მხოლოდ ერთი გამოვიყენეთ და 7 ქულა დავკარგეთ.არც ერთი ეს დარტყმა არ იყო ძალიან ძნელის კატეგორიისა,არც ქარი უშლიდა ხელს და შეიძლებოდა ყველას გატანა.ჩავთვალოთ,რომ ეს ნერვიული დაძაბულობის ბრალი იყო,თუმცა ბოლო ხანებში,ვერც ჩვენი დიდი ნაკრების დამრტყმელები გამოირჩევიან სანაქებო სიზუსტით და ეს იწვევს განგაშის გრძნობას.რა თქმა უნდა შეცდომები,სხვაც ბევრი იყო,ახლად შეკრებილი გუნდისაგან,სხვა მოლოდინი არც უნდა გვქონოდა,მაგრამ ასეც კი,ნამდვილი ბრძოლა გაუმართეს ფრანგებს და ეს გვაძლევს სამომავლო იმედს.ამ ბიჭებისაგან,მაგარი ნაკრები დადგება!სხვა თუ არაფერი,ფრანგებთან 9 ქულით წავაგეთ,სრულიად ახლად შეკრებილი,ერთად უთამაშებელი ნაკრებით და აშკარად უკმარისობის გრძნობა დაგვრჩა.ჩანდა რომ გაცილებით მეტი შეგვეძლო და ჩვენ წავაგეთ,ეს თამაში.სხვა რომ გჯობნის,ეგაა უსაშველო,თორემ შენ,შენივე შეცდომების გამო რომ აგებ,მაგას საშველი აქვს.მეტს ივარჯიშებ,შეცდომებს გამოასწორებ და გაიმარჯვებ!სწორედ ამ იმედიანი განწყობით ვამთავრებ ამ პოსტს.თქვენ და მთელ საქართველოს,გილოცავთ აღდგომის ბრწყინვალე დღესასწაულს,შეგვეწიოს მისი მადლი და ყველანი ქრისტიანული სიკეთის,სიყვარულის,ერთიანობის,მშვიდობის გამარჯვების
გზაზე დაგვაყენოს!
ქრისტე აღსდგა!ჭეშმარიტად აღსდგა!

საფრანგეთი ბოლო 3 მსოფლიოს ჩემპიონია. ულაპარაკოდ საუკეთესოა მსოფლიოშჯ. + ახლახანს 6 ერი ითამაშა, ჩვენ ახლაღა შრვიჯრიბეტ. ყოჩაღ, ბიჭრბო! მდოფლიოზე მინიმუმ ნახევარფინალი! ქრისტე აღდგა!