"უმცროსი ბორჯღალოსნები" 29 მარტს (16 საათი) "ავჭალაზე" ფრანგ თანატოლებთან ამხანაგურ თამაშს გამართავენ, რის შემდეგაც საფრანგეთის ქალაქ ვიშში გაემგზავრებიან და ექვსი ერის ფესტივალზე ზედიზედ მეორედ ითამაშებენ.ფესტივალზე ზურაბ ამონაშვილის შეგირდები 10 აპრილს იტალიას, 14-ში უელსს, ხოლო 18-ში ირლანდიას შეხვდებიან.
ამ ოთხი უმაგრესი თამაშისთვის "უმცროსი ბორჯღალოსნები" "შევარდენის" სანაკრებო ბაზაზე უკვე მესამე კვირაა ემზადებიან. გუნდთან ერთადაა დემეტრე დევდარიანი, რომელიც სექტემბრიდან ინგლისში იმყოფება და "სენტ მერის" ერთ-ერთ ლიდერად იქცა.
"ინგლისში გატარებულმა პერიოდმა ბევრი ისეთი რამ შემძინა, რაც ცხოვრებაშიც გამომადგება და რაგბშიც. სხვ
ის 18-წლამდელთა დასკვნით შეკრებაზე პირველივე დღიდან იმყოფება და გუნდთან ერთად 3-კვირიანი მზადება გაიარა. დემეტრეს კარგად ესმის, თუ რამხელა მნიშვნელობა აქვს ექვსი ერის ფესტივალზე თამაშს როგორც ინდივიდუალურად მოთამაშეებისთვის, ასევე ქართული რაგბისთვის:
"ამ სამი კვირის განმავლობაში ბევრი რამ ვისწავლეთ. რა თქმა უნდა, შეცდომებიც მოგვდის, მაგრამ სწორედ მათი მეშვეობით ვიზრდებით და ვცდილობთ უმოკლეს დროში გამოვასწოროთ. გუნდი მოტივირებულია და ვეცდებით ჩვენი შესაძლებლობების მაქსიმუმი გამოვავლინოთ. ექვსი ერის ფესტივალი მნიშვნელოვანი ტურნირია როგორც ინდივიდუალურად თითოეული მოთამაშისთვის, ასევე ქვეყნისთვის. უმაღლესი დონის გუნდებთან თამაში განვითარებაში დაგვეხმარება, რაც სამომავლოდ ჩვენს კარიერას წაადგება. ასევე აუცილებელია, რომ საუკეთესოდ წარმოვაჩინოთ თავი, რათა ჩვენს შემდგომ თაობებსაც ჰქონდეთ შესაძლებლობა ითამაშონ ექვსი ერის ფესტივალზე და შეიძინონ ფასდაუდებელი გამოცდილება“.
"უმცროსმა ბორჯღალოსნებმა" ექვსი ერის ფესტივალზე პირველად შარშან ითამაშეს და საფრანგეთი 20:19 დაამარცხეს. წელს საფრანგეთს ფესტივალზე არ ვეთამაშებით, თუმცა მათ საქართველოში ჩამოსვლის სურვილი გამოთქვეს და 29 მარტს "უმცროსი ბორჯღალოსნები" ბოლო საკონტროლო შეხვედრას გამართავენ.
"ფრანგები შარშან დავამარცხეთ და ძალიან გამწარებულები არიან, რევანშის ასაღებად მოდიან. როდესაც ასეთი დონის გუნდი შენთან სათამაშოდ მოდის, ეს პატარა ამბავი არაა. დღესდღეისობით საფრანგეთზე კარგი გუნდი ბევრი არაა, თუმცა მაქსიმალურად ვეცდებით, რომ მეტოქეს კიდევ ერთხელ მოვუგოთ, რაც ექვსი ერის ფესტივალის წინ ჩვენს თავდაჯერებას აამაღლებს. დარწმუნებული ვარ შეცდომებიც გვექნება, მაგრამ მონდომებას არ დავაკლებთ, რათა ჩვენი გულშემატკივარი გავახაროთ და საფრანგეთი შინ დამარცხებული გავუშვათ", - აღნიშნავს დევდარიანი, რომელსაც განსაკუთრებით ახარებს სამშობლოში, ოჯახის წევრებისა და მეგობრების წინაშე თამაშის შესაძლებლობა:
„ძალიან დიდი ბედნიერებაა, როდესაც მშობლების, ოჯახის წევრებისა და მეგობრების წინაშე თამაშობ. ეს იქნება დამატებითი სტიმული, თუმცა ამავდროულად - უდიდესი პასუხისმგებლობა. 18-წლამდელებს იშვიათად გვიწევს საერთაშორისო თამაშების საქართველოში, ქართველი ხალხის წინაშე ჩატარება. ეს გვაძლევს მუხტს, რომ თითოეულმა ჩვენგანმა მაქსიმუმი გაიღოს, შეცდომები მინიმუმამდე დაიყვანოს და სტადიონზე მოსული ქომაგი გაახაროს".
დემეტრე დევდარიანმა 18-წლამდელთა ნაკრებში შარშანაც ითამაშა და ევროპის ჩემპიონის ტიტულიც მოიპოვა, თუმცა ასაკობრივი გუნდების სპეციფიკიდან გამომდინარე, შემადგენლობა ყოველ წელს იცვლება:
"ვთვლი, რომ ბიჭები ერთმანეთს კარგად შევეწყეთ და ამისათვის დრო კიდევ გვაქვს, რასაც აუცილებლად გამოვიყენებთ. ვცდილობთ სხვადასხვა ოთახებში ვიყოთ, რათა ყველა ერთმანეთს დავუახლოვდეთ, ყველასთან გვქონდეს კომუნიკაცია, რაც რაგბში ძალიან მნიშვნელოვანია. როდესაც ხედავ, რომ შენს მეგობარს უჭირს, ორმაგად და სამმაგად მოტივირებული ხდები, მეტად იხარჯები. ეჭვი არ მეპარება, რომ თითოეული ჩვენგანი მოედანზე მაქსიმუმს გაიღებს, მაგრამ თამაშისას შეცდომებიც ხდება და მეგობრის შეცდომას მთელი გუნდი ერთად ასწორებს. რაგბი გუნდური სპორტია და მნიშვნელოვანია, რომ ერთმანეთის უსიტყვოდ გვესმოდეს".
"ფრანგები შარშან დავამარცხეთ და ძალიან გამწარებულები არიან, რევანშის ასაღებად მოდიან. როდესაც ასეთი დონის გუნდი შენთან სათამაშოდ მოდის, ეს პატარა ამბავი არაა. დღესდღეისობით საფრანგეთზე კარგი გუნდი ბევრი არაა, თუმცა მაქსიმალურად ვეცდებით, რომ მეტოქეს კიდევ ერთხელ მოვუგოთ, რაც ექვსი ერის ფესტივალის წინ ჩვენს თავდაჯერებას აამაღლებს. დარწმუნებული ვარ შეცდომებიც გვექნება, მაგრამ მონდომებას არ დავაკლებთ, რათა ჩვენი გულშემატკივარი გავახაროთ და საფრანგეთი შინ დამარცხებული გავუშვათ", - აღნიშნავს დევდარიანი, რომელსაც განსაკუთრებით ახარებს სამშობლოში, ოჯახის წევრებისა და მეგობრების წინაშე თამაშის შესაძლებლობა:
„ძალიან დიდი ბედნიერებაა, როდესაც მშობლების, ოჯახის წევრებისა და მეგობრების წინაშე თამაშობ. ეს იქნება დამატებითი სტიმული, თუმცა ამავდროულად - უდიდესი პასუხისმგებლობა. 18-წლამდელებს იშვიათად გვიწევს საერთაშორისო თამაშების საქართველოში, ქართველი ხალხის წინაშე ჩატარება. ეს გვაძლევს მუხტს, რომ თითოეულმა ჩვენგანმა მაქსიმუმი გაიღოს, შეცდომები მინიმუმამდე დაიყვანოს და სტადიონზე მოსული ქომაგი გაახაროს".
დემეტრე დევდარიანმა 18-წლამდელთა ნაკრებში შარშანაც ითამაშა და ევროპის ჩემპიონის ტიტულიც მოიპოვა, თუმცა ასაკობრივი გუნდების სპეციფიკიდან გამომდინარე, შემადგენლობა ყოველ წელს იცვლება:
"ვთვლი, რომ ბიჭები ერთმანეთს კარგად შევეწყეთ და ამისათვის დრო კიდევ გვაქვს, რასაც აუცილებლად გამოვიყენებთ. ვცდილობთ სხვადასხვა ოთახებში ვიყოთ, რათა ყველა ერთმანეთს დავუახლოვდეთ, ყველასთან გვქონდეს კომუნიკაცია, რაც რაგბში ძალიან მნიშვნელოვანია. როდესაც ხედავ, რომ შენს მეგობარს უჭირს, ორმაგად და სამმაგად მოტივირებული ხდები, მეტად იხარჯები. ეჭვი არ მეპარება, რომ თითოეული ჩვენგანი მოედანზე მაქსიმუმს გაიღებს, მაგრამ თამაშისას შეცდომებიც ხდება და მეგობრის შეცდომას მთელი გუნდი ერთად ასწორებს. რაგბი გუნდური სპორტია და მნიშვნელოვანია, რომ ერთმანეთის უსიტყვოდ გვესმოდეს".
Rugby.ge
18 წლამდე მორაგბეები წლის პირველ ამხანაგურ თამაშს საფრანგეთის წინააღმდეგ თბილისში გამართავენ 
