პორტუგალიის ნაკრების მცველი პეპე, რომელმაც ევროპის ჩემპიონატის 1/2-ფინალური მატჩი უელსთან (2:0) ტრავმის გამო გამოტოვა, მთავარ გუნდთან ერთად ვარჯიში განაახლა და სავარაუდოდ, საფრანგეთთან ფინალურ შეხვედრაშიც ითამაშებს. ამის შესახებ Goal იუწყება.მანამდე 33 წლის ფეხბურთელის მამამ ანეილ ფერეირამაც განაცხადა, რომ მისი ვაჟი ტურნირის მთავარი მატჩისთვის მზად იქნებოდა.
პორტუგალიის ნაკრები ევრო 2016-ის ფინალურ შეხვედრაში მასპინძელ საფრანგეთს 10 ივლისს, სენ-დენიში, "სტად დე ფრენსზე" დაუპირისპირდება.
