ქართული ფეხბურთი

ეროვნული ლიგა

15:03 26-06-2018

რატომ არ ვაკეთებთ იმავეს? - ჩვენი მეტოქეთა უმეტესობა იჯარით აღწევს წარმატებას

AutoSharing Option Yes No

მსოფლიო ფეხბურთში "ბობოლა" და საშუალო დონის კლუბები ტალანტების ძიებითა და მათი განათხოვრებით არიან დაკავებულები. ამ დროს საქართველოს ჩემპიონატისთვის ეს საკმაოდ უცხო რაღაცაა.

ეროვნული ლიგის კლუბს ფეხბურთელის ტრანსფერის შესყიდვა ფინანსური მდგომარეობის გამო არ შეუძლია და თავისუფალ აგენტებს იმატებს, რომლების დონე ხშირ შემთხვევაში ჩვენი ლიგისთვის შეუსაბამოა.

საინტერესოა, რატომ არ მუშაობენ ადგილობრივი მენეჯერები იჯარებზე?

საქართველოს ეროვნული ლიგის დონის განსაზღვრა ევროთასების საკვალიფიკაციო ეტაპზე ხდება. ამ პერიოდში კლუბების უმეტესობა საკვალიფიკაციო ეტაპის პირველ შეხვედრამდე რამდენიმე კვირით ადრე ახალ გუნდს ქმნის.

ხოლო ის კლუბები, რომლებსაც ესეც არ

შეუძლიათ, არსებული შემადგენლობით ცდილობენ წარმატების მიღწევას.

ახლაც იგივე ხდება. კლუბები ცდილობენ, თავისუფალი აგენტები მონახონ და ფეხბურთელები ხელფასით მოიზიდონ, ან ცდილობენ ფეხბურთელებს "ურთიერთშეთანხმებით" დაატოვებინონ კლუბი და ევროთასებზე მონაწილეობის პერსპექტივით გადმოიბირონ.

ამ პერიოდში კი ჩვენი კლუბების მეტოქეთა ბანაკში საუკეთესო მოთამაშეთა დიდი ნაწილი იჯარით გადმოყვანილ ფეხბურთელებზე მოდის.

დავიწყოთ "დინამოს" მეტოქით, "დუნაისკა სტრედათი", რომელსაც იჯარით ოთხი ფეხბურთელი ჰყავს. აღსანიშნავია ისიც, რომ სლოვაკეთის ყველა კლუბში მოიძებნება განათხოვრებული ფეხბურთელი. თუნდაც წინა სეზონში სლოვაკეთში ორი ქართველი იყო იჯარით: გიორგი ჩოჩიშვილი და გიორგი ბერიძე.

თბილისელთა მეტოქეს, "დუნაისკა სტრედას" იჯარის წესით ჰყავთ:

"ლაიპციგიდან" შემტევი ნახევარმცველი ზსოლტ კალმარი
"ვულვზიდან" ცენტრალური ნახევარმცველი ქრისტიან ჰერცი
"მლადა ბოლესლავიდან" მეკარე მარტინ იედლიცკა
"დიურგარდენსიდან" მცველი სულეიმან კონე

საჩხერის "ჩიხურას" მეტოქეს "ბეითარს" იჯარით ორი ფეხბურთელი ჰყავს:

"პაოკიდან" ცენტრალური ნახევარმცველი ერიკ საბო
თელ-ავივის "მაქაბიდან" მცველი სენ გოლდბერგი

ქუთაისის "ტორპედოს" მეტოქე "შერიფს" იჯარით ოთხი ფეხბურთელი ჰყავს:

"ტორინოდან" ფორვარდი ვიტალიე დამასკანი
"პაოკიდან" შემტევი ნახევარმცველი ჯაირო და სილვა
ციურიხის "გრაშოფერიდან" ნახევარმცველი რიფეთ კაპიჩი
"კორტრიკიდან" მცველი ვლადიმერ კოვაჩევიჩი

არავინ საუბრობს, რომ ქართულმა კლუბმა იჯარით ჩემპიონთა ლიგის დონის გუნდიდან აიყვანოს ფეხბურთელი, თუმცა არის უამრავი საშუალო დონის გუნდები, რომლებიც ფეხბურთელებს იჯარით გაუშვებენ, რათა მათ სათამაშო პრაქტიკა მიიღონ.

დღეს ჩვენი დონის ევროპულ ჩემპიონატებში ამაზე აქტიურად ზრუნავენ და ცდილობენ, რომ ერთი წლით მაინც ჰყავდეთ ისეთი ფეხბურთელი, რომელიც გუნდის თამაშსაც გააუმჯობესებს და ამავდროულად, თვითონაც გაიზრდება.

ჩვენთან ადგილობრივ მენეჯერებსა და კლუბებს აქტიურად მართებთ ამაზე მუშაობა, რადგან ეს არის ერთ-ერთი საშუალება, გუნდი რაღაც პერიოდით უკეთესი გახადო, თორემ კარგი თავისუფალი აგენტის პოვნა და მერე მის ხელფასზე გაჯიბრება რომელიმე მეზობლის კლუბთან, რომელსაც ჩვენი გუნდების სახელფასო ფონდზე 10-ჯერ მეტი ფული მაინც აქვთ ბიუჯეტში, რთულია.

alt ვის შეხვდება "ტორპედო" "შერიფთან" გამარჯვების ან მარცხის შემთხვევაში

alt ქართული კლუბების მეტოქეები ევროპა ლიგის საკვალიფიკაციო ეტაპზე ცნობილია

ტეგები:

ავტორი : გალაქტიონ ესაკია

შეაფასეთ სტატია:

მკითხველის კომენტარები / 9 /

თარიღის მიხედვით

მოწონებების მიხედვით

მემგონი ფედერაციას სულ ფეხებზე კიდია ბათუმის, ზუგდიდის თუ ხაშურის სტადიონები და იქ მოთამაშე ახალგაზრდობაც.შეცდომა არასწორი მართვაა და მიდგომაა ფეხბურთის მიართ და თუკი გუნდი ევროპაზე განწირულია წასაგებად, რომლის მერეც ნახევრად იშლებადა ყოველ წელს მწვრთნელს იცვლი სულაც არ უნდა გამოვიდეს სათამაშოდ! ლიხტენშტეინი ერთი გუნდით გამოდის ევროპაზე მაგრამ უეფას რეიტინგში 30-ე ადგილი უკავია! ამავე დროს ლიხტენშტეინში ცხოვრობს 200 000-ე ადამიანი და არც ტალანტებით არიან განებივრებული და არც ამდენ ფულს ყრიან ჰაერზე! როგორც მიუდგები საქმეს ისე გამოგივა!

ზურას

გამოხმაურება

27 ივნისი 2018 00:37

300 მილიონი ლარი წლიურად ფეხბურთის ფედერაცია იღებს დასახარჯად! ამავე დროს თავდაცვის სამინისტროს ბიუჯეტი 380 მილიონია! ეხლა თქვით რა ეტყობა ჩვენ ფეხბურთსა და ნაკრებს 300 მილიონის!? ფიფას რეიტინგში 96 ადგილზე ვართ და უეფას რეიტინგში კიდევ 55 ქვეყნიდან 49 ადგილზე! ჩვენზე დაბლაღა არიან გიბრალტარი,ლუქსემბურგი,ფარერები,ანდორა,სან-მარინო და ახლად მიღებული კოსოვო! რაღაზეა აქ ლაპარაკი ერთი მითხარი გალაქტიონ!?

ჯიქი

გამოხმაურება

26 ივნისი 2018 20:39

ჯერ სანამ დაწერ რამე კომენტარს, ჩაუღრმავდი მაგას.. 300 მილიონი გათვლილია 5 წელზე! და მაგ 300 მილიონში შედის ეროვნული ლიგა 1 და 2 ლიგების გუნდების დაფინანსება და არა მხოლოდ მათი.. უფრო ქვედა ლიგებშიც. კიდევ ეგ ფული ხმარდება ინფრასტრუქტურას! ზუგდიდში შენდება სტადიონი, ბათუმშიც შენდება და თანაც ძალიან სწრაფი ტემპით, მეც ბათუმელი ვარ და ვხედავ რაც კეთდება.. რეალურად ქართულ ფეხბურთს სახელმწიფო არც კი უნდა აფინანსებდეს, მაგრამ აფინანსებს..! თქვენ თვითონ გამოიტანეთ დასკვნა 5 წელში 300 მილიონი თუ არის რამე თანხა.. არც არაფერია და ძალიან გთხოვთ ნუ შეგყავთ შეცდომაში ხალხი!

ზურა

26 ივნისი 2018 23:00

ეხლა პროგნოზების კეთებას ჯობია დაველოდოთ ვნახოთ როგორ იმოქმედა ახალმა ჩემპიონატმა გუნდებზე გამოჩნდება ძალიან მალე

svan

გამოხმაურება

26 ივნისი 2018 20:36

და ყველაზე ცუდი ისა რო ეს ფული რაც ფეგბურტის ფედრაციას გამოეყო სად მიდის ვინემ იცის აგერ ევრო სარბელი გვხლოვდება და რა სამტრედია ბოლო ადგილით ხვდება ტურნირს ეს სრცხვილია არა დინამო ვაბშე ერვნულ ლიგაში თამაშობს ტუ უნე 19 ში მოვა დაწყება ტურნირები ვიგაც ფარჩაკ ფეგბუტელებს დაიმტებენ თან ისეთებს ტავის ქვყანაშიც რო არ ატამაშებენ და მერე წუწუნებენ იმაზე რო დაფნსება არ არის და იფრა სტრუქტურა არ გვაქვსო მგონი პრბლემა იმაშია რო ფულს ჩამთ ჯიბებს ისქებთ და მერე გამოდიხართ და ტავს იმარტლებთ იგვე ფეგბუღთის ფედრაცია მომტხვნი უნდა იყოს და ქართველი გულშემტკივარიც იმი რომ ეს ფული რაც ფონდიდან მიდის კლუბებში არჩანს და კარგი იქნებოდა ტუ ყურდგებას მიაქცევდით ამას ამოვიდა ყელში ეს უაზრო სირი ხალხის ხელში ქართული ფეგბურთის ჩაგდება

gio

გამოხმაურება

26 ივნისი 2018 17:48

ფინანსების შესაბამისი გუნდები კი გვყავს მეგობარო.ეგ კი არა ფედერაციამ კერძო კლუბებს თავისი გულის დახარჯვა უნდა მოთხოვოს ესენი კი არ უნდა აფინანსებდნენ.ეს არის მანდ არასწორი

bacho

26 ივნისი 2018 21:59

ნამეტანი ოპტიმისტი ყოფილხართ მეგობარო. ვისი მომგებები არიან ტორბედოელები(ეს მკვდრები) ჩიხურასა და საბურთალოს ვერ უგებენ. სადამდე უნდა იყოთ ხალხნო ასე ოცნებაში?

mamulo

გამოხმაურება

26 ივნისი 2018 16:40