10 მაისს, ეროვნული ლიგის მე-12 ტურში "ლოკომოტივის" დამარცხების (3:1) შემდეგ კომენტარი "ტორპედოს" მწვრთნელმა კახაბერ ჩხეტიანმა გააკეთა.
"ყველა საუბრობს იმაზე, რა პრობლემებიცაა გუნდში. მინდა ბიჭებს მადლობა გადავუხადო. ეს მათ არ ეტყობათ. ისინი გულშემატკივრების გულისთვის თამაშობენ.
დიახ, არის ფინანსური პრობლემა, ჩვენი პრეზიდენტი ამჟამად საქართველოში არ იმყოფება, დღეს ღამე ჩამოდის, ხვალ გუნდს შეხვდება. როგორც მითხრა, ჩამოდის ახალი ინფორმაციით და ის იტყვის რა და როგორ იქნება მომავალში.
ვიმედოვნებ, რომ გააგრძელებს გუნდის სპონსორობას. ყველამ იცით ალბათ, ჩინელები, რომლებიც კლუბში იყვნენ, წავიდნენ და ახალი სპონსორის ძიებაში
ვართ. იმედია, ყველაფერი დალაგდება და "ტორპედო" გააგრძელებს ჩემპიონობისთვის ბრძოლას.
კარზეა მომდგარი ევროპა ლიგის გათამაშება, სადაც ჩვენს ქვეყანას წარმოვადგენთ.
ბიჭები ვარჯიშს და თამაშს აგრძელებენ, ისინი პროფესიონალები არიან. მათ ეს დაამტკიცეს, პირველი წრის შემდეგ მაინც ვერავინ ვერ წავა. ფეხბურთელებს ვუთხარი, თუ ვინმეს რაიმე პრობლემა აქვს, თამაშის ხასიათზე არაა, ოჯახში პრობლემა აქვს, ეთქვათ, მაგრამ ვხედავთ, რომ ბოლომდე იხარჯებიან.
უფალიც დაგვიფასებს ყველაფერს. დაველოდოთ ხვალინდელ დღეს", - განუცხადა ჩხეტიანმა კლუბის საიტს.
ეროვნული ლიგა. XII ტური: "ტორპედომ" "ლოკომოტივს" ადვილად მოუგო [VIDEO]
კრიზისი "ტორპედოში" - Sportall.ge-ს წყაროს ცნობით, ფეხბურთელთა უმრავლესობა კლუბის დატოვებას გეგმავს
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
